#tanlov

«Arbaʼin Navaviyya» tanlovining 6-bosqich savollari

1. 24-hadis sharhida ustoz insonning fitratiga hamma gunoh begonaligi, ammo ular ichida bir gunoh eng xunuk, yomon qilib qoʻyilganini aytadilar. U qaysi gunoh?

2. Ustoz 24-hadis sharhida zulmning turlari koʻp ekanligi, soʻz bilan, hatto koʻz bilan birovga zulm qilish mumkin, deydilar. Soʻz bilan zulm odamlarni haqorat, gʻiybat qilish bilan boʻladi. Koʻz bilan qilingan zulm qanday boʻladi?

3. 24-hadis sharhida Rasululloh hamirga tuz solishda, poyabzalning ipini bogʻlashda va boshqa shu kabi kichik ishlarda ham Allohdan yordam soʻrashga buyurganlari aytiladi. Ustoz bu ishlarda Allohni eslashning 2 sababini keltiradilar. Biri Allohni har bir ishda eslash edi. Ikkinchisini siz ayting?

4. «Inson qoʻlini yuvganda undan kir qanday tushsa, istigʻfor aytganda ham qalbdan gunohlar shunday yuviladi. Istigʻfor 80 000 taga yetganda uning foydasi zohir boʻlishni boshlaydi». Ustoz 24-hadisda keltirgan ushbu iqtibos kimga tegishli edi?

5. Ustoz 25-hadis sharhida «Poychaning toʻpiqdan pastga tushgani doʻzaxda» hadisini keltirib, Rasululloh alayhissalom bu gaplaridan nimani qasd qilganlarini aytadilar. Hadisdagi mohiyatni ayting?

6. 25-hadis sharhida ustoz duch kelgan odam biror narsani joiz-nojoiz deyishga shoshmasligi kerakligi, bu xatarli ish ekanligi haqida gapiradilar. Aslida bir narsani, biror ishni joiz yoki nojoiz deb hukm chiqarib berish kimning vakolatiga kiradi?

7. Ustoz 25-hadis sharhida banda doim Allohni zikr qilib yurishi kerakligini aytadilar. Gaplari davomida avom bilan xoslarning tavbasi haqida gapiradilar. Avom bilan xosning tavbasi nima bilan farq qiladi?

8. 26-hadis sharhida sahobalar biror zarrani qoʻymasdan savob olishga harakat qilganlar, deb Abdulloh ibn Umarning bozorga bir ishni qilish uchun borishlari keltiriladi. Ustoz sahobaning bozorga borib qiladigan oʻsha ishini ham sadaqa deydilar. Abdulloh ibn Umar bozorga nima uchun borar edilar?

9. 26-hadis sharhida zikr, zuho namozi, Qurʼon tilovati kabi amallarga Alloh taolo katta-katta, koʻp ajrlar bergani aytilib, buning sababi Alloh taoloning hisob-kitobi daqiqligi, Uning huzurida neʼmatning chegarasi yoʻqligi deb, yana bir sabab ham aytiladi. Kichik amallarga katta ajrlar vaʼda qilinganining 3-sababi nima?

10. Iymon 3 daraja boʻladi. 1-darajada iymon zohirga taʼsir qiladi, qalbga oʻrnashmagan boʻladi. 2-darajada iymon zohirga ham, qalbga ham taʼsir qiladi. 3-darajani siz ayting?

11. Bir oyatda: «Alloh sabrlilar bilan birgadir» deb keladi va Alloh bu kabi biror fazilatga ega bandalar bilan birga ekanligi haqidagi oyatlar koʻp. Ustoz qanday odamlar oyatdagi bashoratga ega boʻlishini aytadilar?

12. 28-hadis sharhida sahobalar Rasululloh alayhissalomning maʼvizalardan taʼsirlanishlari, boshlarini quyi solib yigʻlashlari keltiriladi. Sahobalardan keyingi avlodda ham bu holat bor edi. Salaflardan qaysi birlari Rasululloh deb gap boshlashlari bilan yigʻlashga tushardilar?

13. Ustoz 28-hadis sharhida sahobalarda tez-tez yuz beradigan bir holatni aytib, buning sababini ularning qalblari doim oxiratga bogʻlanib turgani uchun, deydilar. Bizning qalblarimiz esa dunyoga bogʻlangani uchun sahobalardagidek holat kam yoki umuman uchramasligini ham aytadilar. Qaysi holat haqida soʻz ketmoqda?

14. Islom — insoniylik dinidir. Ustoz 27-hadis sharhida odamlar Rasululloh alayhissalomdan «Hajji mabrur nima?» deb soʻraganlarida Rasululloh alayhissalomning javoblarini keltirib: «Bu Islomning naqdar insoniylik dini ekanini anglatadi», deydilar. U zot alayhissalom nima deb javob beradilar?

15. Ustoz 26-hadis sharhida yaxshi soʻz va ish Alloh taologa koʻtariladi, deydilar. Yaʼni qabul qilinadi. Soʻzimiz va qilgan ishimiz Alloh taologa koʻtarilishi uchun bizdan talab qilinadigan ish haqida ustoz nima deganlar?

👉 Javoblar 11:25 gacha qabul qilinadi;

👉 Ikkinchi marta yuborilgan, tahrirlangan, qayta yuborilgan javoblar qabul qilinmaydi;

👉 Javoblarni bitta matnga yozib yuboring;

✔️ Javoblar @hasanhusaynadmin ga yuboriladi.

@hasanhusayn

#tanlov

✨ «Arbaʼin Navaviyya» tanlovining 7-bosqichi 5-yanvarda boʻlib oʻtadi

✔️ Ushbu bosqichda suhbatlarning 29, 30, 31, 32 va 33-qismlari vazifa qilib beriladi.

Suhbatlarni @husaynbuxoriybot dan hamda YouTubedagi ushbu havoladan tinglashingiz mumkin.

😊 Avvalgi bosqichlarda qatnasholmagan boʻlsangiz, hechqisi yoʻq. Oldinda yana 3 ta bosqich sizni kutib turibdi. Bemalol suhbatlarni tinglab, tayyorlanib, tanlovda qatnashishingiz mumkin.

@hasanhusayn