لزم بيمينه جربه ودنگ عليهه

وعيال الحسين يـريـد يرويهه

يگله المـاي اشـرب وآنه امليهه

يـگـلـه لـو امـوتـن ما اسـويـهه

سيد علي المدني

#العباس_عليه_السلام

(نعي)

عـفـتني وعـفـت يـمّـي رضّــع واطـفـال
حَـرَم مـصيونة مَحَّد شاف منها اخْيال
يـعـباس أبــد مــا چانــت تـمـر عـالبال
وحــــــــدي بــهــالــحـالـة اتْــخَــلّــيـنـي
ســـــاعـــــة وعـــــدوانــــك تـــولــيــنــي

شَـهِـم چِنّــه ابـوجـودك رافِـعـين الـراس
عُگبــك بـعـد مــا ظـل والـي يـا عـباس
حتى حسين صدره ابخيل اميّه انْداس
بــــــس اجْـــســوم انـــظــر جـــدّامــي
حُـــــرْمــــة ومـــحـــتــاره ابْــأيــتــامــي

بــيـن اعـــداي واتـلـفّـت يـمـيـن ايـسـار
ظـلّت بـس حـرم عـندي و يتامى ازْغـار
لاذَت بــيّـه مِـــن شـافـت لـهـيب الـنـار
نـــــار و خـــيــل و جـــيــش و رهـــبــه
مــــــن غـــيــر امــصــابـك و الــغــربـه

يـبـو فـاضـل وافـكّـر مــن يـجينه الـليل
الـطفل يجفل لَوَن يسمع صهيل الخيل
عگبــك مـنّـي راحـت كـل بُگايـا الـحيل
أتــــعـــثّـــر بِـــــذْيـــــال امـــصـــابـــي
يـــــــا مَـــصْــعَــب فــــــرگة غِــيّــابــي

جـاوبـني يـخـويه الـطـفل ويــن ايــروح
والــولـيـان بــيــن امْــــوَذَّر و مـذبــوح
الـطفل مـا يـعرف الـهم والنَحِب والنوح
اوْلا شــــايــــف خــــيــــل و خـــيّـــالــه
ولا شــــايــــف أجــــســــاد اگبــــالـــه

الشاعر الأديب #جابر_الكاظمي

نعي ام القاسم لولدها

صدگ عفت العرس يمه ورحت للحرب شاريها
من الخيمه اطلعت مسرع نيتك شنهي ناويها
يجاسم يابعد روحي شموعك ذن صوانيها
وحنتك هاي يوليدي اچفوفك ردت احنيها
عرسك ردت بالدنيه وعَلَيٌَّ دارت نواحييها
اتمهل يابعد روحي تكابر روحي مابيها
تريد جروحي تلچمها و تريد اضلوعي تحنيها
وتمشي للحرب وحدك اتريد اعيوني تعميها
ادري غيرتك نيران وغضب محد يطفيها
واجب نصرة الوالي ابو السجاد ادريها
اكبار النايبه تصغر لاجل عينه ورواسيها
ادري بيك تگلبها سافلها على عاليها
هاي الگوم متهمك وبسيفك تلاويها
يلي نصرتك لحسين يمه انا افتخر بيها
ويم الزهره ما ادنگ تشد عزمي من اصد ليها
اعذرني لونحت يبني ودموعي عليك اجريها
گلب الوالده وتدري افراگ الابن ياذيها

الشاعر حسن لعيبي الحريشاوي

نعي ليله ام البنين عليها السلام
**************
ارضعتهم ارضعتهم انه در الوفه اولادي ارضعتهم
ردتهم ردتهم يبيضون الوجه بالطف ردتهم

صحت ولدي لون قصرو عنه
انه اعليهم حليبي لحرمنه

اربعتهم اربعتهم فده لحسين ويلادي اربعتهم
علمتهم علمتهم يحنون اعله اخوهم علمتهم

ما وفينه ما وفينه وي حسين والله ما وفينه
قصرينه قصرينه اشكثر زينب وياكم قصرينه

انه ام البين وكلها تدري
وخدامه جبت لحسين عمري
اعاين للسمه ودمعاتي تجري
وصحت ما راح تعبي وذاك سهري

لا تعوفوه لا تعوفوه صحت عباس اخوكم لا تعوفوه
تشيلوه تشيلوه فوك الراس اريدنكم تشيلوه

عزيزات عزيزات خوات حسين يولادي عزيزات
حنينات حنينات مثل امهن يبعد اهلي حنينات

حمل وشال حمل وشال راعي البيت يمه حمل وشال
لا طال لا طال يريت العمر بعد حسين لا طال

لو اندلكم لو اندلكم انه اسكنها المكابر لو اندلكم
مثلكم مثلكم اشماله الموت ما حصل مثلكم

يركضون يركضون كلهم لو نخت زينب يركضون
يطيحون يطيحون كبل حسين كل ولدي يطيحون
ما يكطعون ما يكطعون من طبع النشامه ما يكطعون
يفيون يفيون كلهم جانو اعليه يفيون

كلهم كلهم نذر يروحلك يحسين كلهم
اكلهم اكلهم جنت عنك ييمه دوم اكلهم

خوالك خوالك يبو فاضل صدك تشبه خوالك
دلالك دلالك بعدهي اتفور بالحومه دلالك

ضناها ضناها تموت الوالده التفكد ضناها
شجاها شجاها الدنيه وياي شو عكست شجاها

مجاتيل مجاتيل اهل زينب يبعد اهلي مجاتيل
صحت حيل صحت حيل وراهم من مشو تانو صحت حيل

يوجعني يوجعني وعلي اصفاحي امنهدهم يوجعني
كتلني كتلني ونين الليل عز الله كتلني
***********
نسألكم الدعاء
الشاعر تحسين الخفاجي

شباب شعراء رواديد الُحسين_ع
نكدر انوصل القناة الأكثر عدد مشتركين لتوصيل القصائِد الحُسينية إلى جميع الرواديد والى جميع العالم
سوي مشاركة للرابط القناة ولكم الأجر والثواب ان شاء الله
خادمكم اني تحياتي واحترامي لشخصكم الكريم


رابط القناة للأشتراك أضغط على الرابط ⤵️

https://www.tgoop.com/hussainAltaa



هذا عدد المشتركين حالين ( ٢٤٧٢ )
ومن الله التوفيق لنا ولكم ان شاء الله غايتنا خدمة الحسين ع وخدمة خدمة الحسين ع ونسألكم الدعاء






لحب الحسين_ع سوي مشاركة للمنشور

حبيب اتأخر وناديت ونصار

اعله قلة ناصري بالخيم ونصار

يم زينب هواشم اجو ونصار

وبالدم عاهدو زينب سويه


الشاعر مرتضى الذهيباوي

وحك الفرش جنحه ضل اليه

يزينب ابقي يمي ضلي اليه

الصلاة الضهر محد ضل اليه

محاصر والانصار اعله الوطيه

الشاعر مرتضى الذهيباوي

العشَگ دربك ابد ميهم كم ما مات
اموتن لك مثل عابس كما مات
وسف بزيارتك نلبس كمامات
العلاج ابحضرتك يابو رقية
-----------------------
وليد المندلاوي

الحزن والنوح يحبابي مردني
الصبر من يوم عاشركم مردني
لرض طيبه التكفلني مردني
رجعت الديرتي مچتوفه اديه
****
عسن ماتت أخيتكم ورمها
الدهر عالضيم كضاها ورمها
الشمر عباس لمتوني ورمها
ولا واحد فزع يخوان اليه
****
الشاعر اياد الديراوي

يامولاتي يازينب

يـمـن عـابـس شـمـر درعــه.. وجن بيك
حــرت مـــا أكــدر أوصـلّـك.. وجن بيك
الـسـهـام الـصـوبـن صــدرك.. وجن بيك

بـعـددهـن نــظــرة الــــــــوادم عــلــيــه

*---------------*-------------*

✍بقلم
الشاعر رعد الجريخي

عن لسان العليله سلام الله عليها

يرچاب الاهل للدار عودي
نحل جسمي ترانه وذبل عودي

ترضون الدمع مدرار جاري
عگبكم بس ظلام الليل جاري

الليالي ايعذب الدلال مرها
ولامنكم خبر هلروح مرها

شوفتكم إلى العلات وصفه
يعشرتكم زلال الماي وصفه

راح الي عَلِيَّّ تشتاگ روحه
عني راح ابوي شلون روحه

طال السفر عن داره ولارد
ابوي الماخبر دزلي ولارد

لچمني حيل دلالي ولمني
وطشرني الحزن بعده ولمني

صحت ياروح بعد حسين ضعنه
يم عدوان خوفي نزل ضعنه

ابوي بحالي كون اليوم داري
عليله وموحشه كل وكت داري

الشاعر حسن لعيبي الحريشاوي

رِكَضْتِي هواي عصر اليوم وابچيتي
صــلاة المغــرب بيا حـيل صليتي

لمّيتــي الحَچِي وي لمّـة أيتامچ
كل ساعه ابجثثهم تعثر إجدامچ
من صــار الغروب وماهن إخيامچ !!
ذيچ الساعه ياهو المنهم إنخيتي ؟


#يازينب!!
مهدي التقي

الوادم عگب ابونه مايبونه

خذونه الديره غربه ومايبونه

نسمعه ايصيح رايد ماي ابونه

عطش صحراء مكه اندار بيه

الشاعر محمد الجماسي

نعي
بين العقيله والامام الحسين عليهم السلام

مو عادتي اتفارك وياك
يوميه چنت اگبالي الگاك
وأكحل اعيوني يبن امي بعيناك
تاليهه طفّك اعلن اجفاك
وفوك الترب مذبوح خلاك
دمي يريته افديه لدماك
…… ..
الشاعر محمد حسن ضيغم

ابيات ابوذيه الى السيد زينب عليها السلام

روحــي النـــوح عتعتهـا وتلها
وتفــرح بالدمــع گامــت وتلهـا
اسـم زينب علم باقـــــي وتلهـا
مزار اتطوفـــه أشراف البــريه

*

گلبي المنفجع گلـــي دواه وين
وبعد كل دوه ما ينفع دواه ون
زينب وينــي اوين الــــدواوين
تصد اخصومكم گامـــت عليـه

*


الشاعر موسى البديري

#نعي_عودة_زينب_ع_في_يوم_الأربعين
الرادود الحُسيني || حسين جاسم الطائي
الشاعر الحُسيني || السيد رياض الرسل الجابري
المونتاج 🎞 || حسين جاسم الطائي
الهندسة الصوتية 🎼 || سامي العيساوي