نعي للامام الحسن بن الامام علي (ع)

بنعش الحسن ريضو بهيده يالماشين
خل زينب تودعه وخل يودعه حسين

بهيده وي النعش يلي تحملونه
مسموم الحسن خافن تلچمونه
خل اهله واخوته خل يودعونه
ريضو بالنعش يالماخذينه الوين

اجت زينب تودعه وتسچب العبره
تشاهد نعش اخوها بلوعه وبحسره
نادت كون هسه حاضره الزهره
حتى تشوف نعشه وكل دواهي البين

ابنچ يمه راح يلوب من سمه
كونچ هسه كونچ حاضره يمه
يايمه الحسن ودعنه يايمه
بس احنه ييمه للهضم باقين

وصوت حسين ناده بجمرة المدمع
جاوبني يخويه انچانك تسمع
روحي وي النعش لو طلعوه تطلع
ارحم حالتي يالحسن رايح وين

خويه يالحسن يادنيتي ورجواي
عفتني المن يخويه ويانظر عيناي
انه حسين اخوك وانته كل دنياي
بفگدك كون تعمه وماتشوف العين

طلع نعش الحسن والوادم ايشيعوه
يم جده وسافه رفضو يدفنوه
وگامو بالسهام الحاقده ايراموه
ومو نيشان واحد خلو انياشين

هذا ياعدل يادين يا اسلام
هم شفتو نعش مليان كومه اسهام
منعوه يندفن يم جده هالاظلام
ياوسفه عليهم يدعون الدين

وهنا ابو فاضل ماتحملها
سل سيفه ويصيح اليوم انه الها
عينه بعين زينب صارت وگلها
يختي بهل جمع ماريدچ تهمين

شاعر اهل البيت (ع)
رياض الرسل الجابري

حوار زينب واخيها الحسين سلام الله عليهم.
.،……
يحسين الطشت ليغاد ملها
وچبود ودمه ليفوك ملها
الحسن من الوجع هالروح ملها
ينازع وانه اون وياه سويه
… ..
يزينب بالطشت نوعين من دم
واذا ضحية عمري اعليه مندم
اخوي الچان الي بالضيج مندم
اگبل بيه كل ساعه بنويه
……
علي الحاج الصبيحاوي

مجموعة ابوذيات.. نعي السيده زينب ع

رحت وعزي راح وياك وجهاي
تغير شوفه من الضيم وجهاي
الخيم من وجهه رد النوب وج هاي
عباتي وگمت اطفيهه بديه..
…………………………
بحگ الخوه اطلبنك واداعي
هجرك ماله كل لازم وداعي
حملت اشلون عالناگه وداعي
اودعك واني مچتوفات اديه..
…………………………
ريحت ضيم بوداعك شماته٠٠
وتجرح حيل نضرات الشماته
يگلولي اليسر زينب شاماته
يدخلچ گوه نص ديوان اميه..
…………………………
دعيت الخالق ابفگدك يجرلي
ودمع فرگاك مايوگف يجرلي
شفت اشلون ياخويه يجرلي
شمر اوگع يطگ النوب بيه..
……………………………
عله الناگه ودرت وجهي ورايه
شفت جود الكفل طايح ورايه
شني شوره بسبي زينب ورايه
اضل لويرضه اروح اني سبيه..
……………………………
الگلب ياضيم يبن امي نزل بيه
وعر درب السبي وخافن نزل بيه
المتن سوط الشمر كلش نزل بيه
وصل لعظامي خويه الحگ عليه..

……………………………

نهدم خويه الگلب مافاد جلداه
الشمر بالسوط يوجع حيل جلداه
بكثر ماطگني متني انشلع جلداه
وطلع عظم المتن الحگ عليه
……………………………
يمن عاري عله حر الگاع ظليت
ادور اعليك بين اجساد ظليت
اجيت وبالعبايه عليك ظليت
الشمس تچويك يالعاري ورميه.
……………………………
حصل ضيم اللي من فرگاك خفتاه.
اجيت ازحف يخويه الطول خفتاه
اخبرك بالمخيم صار خفتاه
عگب حرگ العبايه احجاب اليه..
……………………………
شني الحصلته من فرگاك وجناي
غير اسياط خويه وسطر وجناي
الشمر من وج خيمنه النوب وجناي
احترگت وليلى گام اطفي بيه.
…………………………….
يخويه عگبك المر ضايگه انه
الشمر بعيونه التلح ضايكانه
الحبل يحسين كلش ضيگه النه
وديها ازغار ماتحمل رقيه..
…………………………….
يمن عالحال تنشد حالي فاني
وحليف الضيم عگبك حالفاني
خلص سبيي واجيتك حالفه اني
ارد اردود اموتن يم رقيه..
…………………………….
الوكت بالهم عگب عينه يركباي
الشمر يرضاهه عالناگه يركباي
شمالچ متي شيليني يركباي
اريد اوصله اشوفه احبال اديه..
…………………………….
يضل ابروحي هالموقف يحزها
الخيمنه النار ابن جوشن يحزها
رگبتك خويه من شفته يحزها
من مگفاك ماتت روحي بيه..
…………………………….
الزهراء عند جثمان الحسين ع
ييمه اشگد تعب گلبي بترباك
اشو نايم يبعد امك بترباك
شكثر سيف الشمر گلي بترباك
اشو صاير وصل فوگ الوطيه..

……………………………
السيده رقيه.. ع
شكثر بويه لحضن صدرك ولع باي
السلب ترچـيتي يابـويه ولعباي
حرگ ثوبي ويالمـخيم والعباي
يبويه احترگت وماعت عليه..

………………………………

سهم گلبه وسط گلبي يطب ريت
خـتنگت ولا هوه عگبه يطب ريت .. ريتي
بوجـه حـسين شمسويه يطـبـرات
كـسرتي اعـظام وجـه ابن الزچـيه..

شفـت المـاچـنت فـديـوم خـيلاه
حيـل حسين طاح بطـيح خي لاه
بـصدره هواي گام اتدوس خـيلاه
وشفت جـسمه تطـشر عـالـوطيه..

لأبالفضل العباس..

خبر موتك وصلني وصار علماي
عگبك ياهو خويه يشيل علماي
نايم لا تـضــل عـباس عـالماي
بعـد سـاعـه تـدوس الخـيل بيه..

موتـك خله گـلبي بجـرح يدماي
هدم حيلي وشلـّل صابالي يدماي
طحـت بيدك عـلم عباس (يد ماي)
العـلم والمــاي مـارجـعـن الــيـه..

عـن حـسين چـانت ويـن هـاشم
الحـافر يـوم صـدر هـواي هـَشم
خواته شلون طبن سوگ هالشام
شكـثر بحـجار طگـوهـا رقـيـه..

يبويـه الروح حـيل عليك ولعات
عكب ذبحـك خيمنه بنـار ولعات
ركضت وصرت بين الجار والعات
يجر ترچيتي هذا ايعت بديه..

يعـيـن الله ابـو السجـاد من حـار
بطفله من العطش ويلوب من حـَر
خـذاه يرويه بـس انذبـح منـحـَـر
رضيعـه بحـظنـه بسهام المنيه

الشاعر عقيل الحسناوي..

ابوذيات السيده رقيه ع..

يبويـه الروح حـيل عليك ولعات
عكب ذبحـك خيمنه بنـار ولعات
ركضت وصرت بين الجار والعات
يجر ترچيتي هذا ايعت بديه..


شكثر بويه لحضن صدرك ولع باي
السلـب تـرچـيـتي يابـويه ولعـباي
حـرگ ثـوبـي ويالمـخـيـم والعباي
شبت بويـه واحـترگـت عليه..

الشاعر عقيل الحسناوي

الى مولاي أبا الفضل العباس عليه السلام

وحــــــك خـدرج هَــــذَ الـعسـكـــر مـــن دمـــاه
ولــــخــلــي الـــكـــاع غــركــانـــه مـــن دمـــاه
سـيـفــي أســنـيــن يـــــازيــنـــــب مـــن دمـــاه
ذخــــر مــضـــمــــوم لـــجــــل الــغـــاضـــريـــــــه
*****************
ألـــي مــذخــــور هــلــصـــــــــارم سـنـيــنـــــاي
وشــرط نــصــيـن مـــن اطـــبـــــر سـنـيــنـــــاي
اَنَــــا الــنــــيـــــران لــلـسـبــعــــــه سـنـيــنـــــاي
وخـسـف قـــــارون بـيـمـيـــنــي ومـــنــــيــــــــــــه
******************
بــخـــزره الـــجــيـش الـــمـــنـــــه وكـــــــوراه
ويــمـينـي الــحـامـيــه الــتــلـهــب وكـــــــوراه
لــون هـالـجـيـش ضـعـف اصـبــح وكـــــــوراه
بــعــد ضـعــفــيـــن مـــا يــكــلـــف عـــلــــيــــــه
****************
وحــك الـــمـامــــن أدخــــيــــــلــــه ويــــــاراه
الاجــل جــــــم حــيــد أدنــــيــلــــه ويــــــاراه
شـــــرط هــلـسـيـــف مـــا شـــهــره ويــــــاراه
بـصـطـر يـــمـنــــاي أكـــظـــي جـــيـوش أمــيــــه
***********************
تــبــسـم يــاثــغـــر وافــــــرح مَــــنَ بـــعـــيــــد
لـهـاذه الــيـوم جــنـت احـسب مَــــنَ بـــعـــيــــد
اَنَـــا الــعــبــاس ونـــفــاســــي مَـــنَ بـــعـــيــــد
نــفــخ بــالــصـــور دون الــهـــاشــمـــيـــــــــــــــــه
**************
الى مولاي القاسم بن الحس
*****************
يـسيره وماعرفت الراح **** بـس هـــام
على الصاير زفافه اليوم **** بـس هــام
گلبي عـليـك يــاجـسـام **** بـس هــام
تـــــلــــوه الســوط يـــولــيدي عــلــيــــه
*******************
لـتـظـــن الـجـــرح بـحـشـاي يـبــــــره
وســـيـــف الــغــدر بـالـدلال يبــــــــره
ردت جــاسـم الظعـني اليوم يـبـــــــره
وذخــــر الايـــــام لــو جــارت عليـــــــــه
***************
تـون الــنــوك وي روحــــي وحــنـهـــه
ودمـعي اخـضـاب جـفـيني وحــنـهـــه
فـگـدك كـســر أظــلــوعــي وحــنـهـــه
وعـلـيهــه أدوس خـيـــل الــغــاضــريــــه
****************
مـثـل دمـــك يـيـمـه الــدمــع يـنـســال
وعـلـيـك الـگـلب يــاجـســـام يـنـســال
عـلـي سـيـف الـنـوايــب دوم يـنـســال
ويــحـز بــالـروح گــوم الــحــگ عــلــيــه
***************
يـجـاســم طـــاحــت اركــانــي وداري
اويــــاك وهــلـخـــبـر عــنــــدك وداري
عـــلـيــك اربـــاي يــولـــيــــدي وداري
لــمــك گـــوم حـــل گـــيـدي ســـبــيـــه
***************
الـگـلب يــاظيــم مـرالـه ولـمـبـيــــــه
وظلعي اشـكال يشكيلك ولـمـبـيــــــه
الدمع بجفوفي اجمعـنـه ولـمـبـيــــــه
نـوبـــه ونـوب اشـگـف سـوط امـــيــــه
*****************
لخادم خدمة الحسين ع
ابو عمار الدراجي

وحق هوه الطلع محفوظ من غار
ابن حسين -مو اي- -شاب-- منغار
راواهم --علي --ابصفين- من- غار
اظن --لو ضال- -يفني --الغاضريه
الشاعرمحمد الحيدري

الى سيدي ومولاي الإمام الحسين

صفَاتُ المُصْطَفَى هَلْ يَا تُرَى به

عـلُـومُ اللهِ والتَّقْــــــــوَى تَرَى به

نعَــــــــمْ وَالمُعْجِـــزَاتُ فِي تُرَابِه

حبِيبُ الخالق واِبْــــنُ الزَّكِيَّة

۝۝۝۝ ۝۝۝۝

وليد المندلاوي

ابوذيات للسيده زينب

سياط الشمر بمتوني ترن حيل
وعليل اليبره للمحمل تره انحيل
يكافل حبل هودجنه تره انحل
علي يزعل تطيح الهاشميه
....................................
عجيبه يسمع اعتابي ولارد
ابقه ويالكفل خدري ولارد
ماريده العمر بعده ولاريد
اشوفن خيمتي التوكع عليه
.....................
وحك جدك يبو فاظل وديناك
عطاشه ريت لاكنه ودّيناك
اظن انكطعت اخبارك وديناك
تأخرت وخذوا زينب سبيه
....................
مغيم جفني مالحظه صحالي
من اخوتي الخمسه ماواحد صحالي
يمهم والشمر زينب صحالي
مرد كلبي ويناديني السبيه
.....................
يكاع الطف يجويني ترابيج
خيالي انشاف اخبرنج ترابيج
بيج ابن الخنه يكلي تره ابوج
اكرهنه وعله عناده سبيه
........................
مو اني الخلص صبري وانا مل
كلتلك واني عالناكه وانا ميل
اصابع مابقت عندي وانامل
حته اكدر أفل اجتاف اديه
...................................
يلفيني الدمع تاره وانه الفي
عله اخوي البلشمس نايم وانه الفي
الف مره الشمر طكني وانه الفي
صحت اه اووصل حامي الحميه
.........................................
بخرابه والسبانه يسري يمنه (يمشي)
وتظيك انفاسي جلمة يسره يمنه( اساره عدنه)
اباوع بلكي اشوفن يسره يمنه
اجت فزاعه من الغاظريه
.......................................

عباس الموّاشي

لسان حال الفقير نعي لشوق زيارة الامام الحسين عليه السلام

أرد أجيلَك يا ضِوَا اعيوني و حبيبي يا حُسين
و أعتنيلَك شايل ادموعي إعْلَه خَدّي بالأنين
لاچن الحال صعبه و أشواگي جمر كل هالسنين
يَمْتَه ألگاك و نسْمَة الحضره تطَفّي النار بِيَّه
❂❂❂❂❂❂❂❂❂❂❂❂
من أشوفَن حولي أصحابي إجو لك والهين
الحسره بِيَّه تشتعل و ارْفَع لإلٰهي هاليدين
و ادعي يارب يَمْتَه بزيارَة حبيبي تگر لي عين
أبچي ولهان للفقير إنته مُعينه ابهالعَطِيَّه
❂❂❂❂❂❂❂❂❂❂❂❂
خايف الموت يخطف أنفاسي گبل شَمَّة مقامه
لو أبيعَن حالي و بطول الدرب شغلي الخِدامه
بس أجيلَك و تسمع إفّادي يردد لك سلامه
و عنده گبرك حول شُبّاكه أطوفَه يا شِفيَّه
❂❂❂❂❂❂❂❂❂❂❂❂
و خَلْها روحي بين ابو فاضل و بينك تِسْعَه بالنوح
و لو وصَلْتَك صعبَه عن جَنَّة طفوفك أگدر آروح
خلني يَمَّك ضمني بترابك يغالي و دمعي مسفوح
و أبْگه جارَك و طيفَك أيجيني بصبـاحـي و كل مسِيَّه
❂❂❂❂❂❂❂❂❂❂❂❂
✍️الشاعر : أبو شهيد الأحسائي
الخميس ١٤٣٩/١/٢٨هـ
═══════════

ابوذيات في ذكرى اربعين الإمام الحسين عليه السلام

إجت زينب لعد گبرك تردها؟(١)
تريدَنَّك لأرض طيبه تردها (٢)
بدمع حسره تعوفَنَّك تردها؟(٣)
يبو فاضل إجَت مِتْوَدعَه هِيّه
...............
(١)تخذلها، (٢)ترجعها الوطن، (٣)تريدها
➖➖➖➖➖➖➖➖
الوطن وينه عگب خوها و غِيابَه (١)
الدهر راميها في جُبَّه و غَيابَه (٢)
و حفر إلها بأرض غربه غيابَه (٣)
و تظل طول الدهر وسفه شجِيّه
...............
(١)رحيله، (٢)قعر البئر، (٣)قبر
➖➖➖➖➖➖➖➖
تصب عبره على كتره لواها (١)
و تضج يَمَّه الحزن وسفه لِواها (٢)
و تِگِلَّه تِسْمَع اگليبي ولو آهه (٣)
يبو اسكينه توِن إگعِد إلَيَّه
...............
(١)عَلَمْها، (٢)وجعها، (٣)أنينه
➖➖➖➖➖➖➖➖
تزور ابْهَم عشيرتها و هَلْها (١)
و جفن لوعتها صب عبره و هَلْها (٢)
نحلها هالسفر زينب و هَلْها (٣)
و تگول امنين أجيب احسين أخَيّه
...............
(١)أهلها، (٢)ذرفها، (٣)متعبه غير متماسكه
➖➖➖➖➖➖➖➖
✍️الشاعر : أبو شهيد الأحسائي
الأحد ١٤٤٣/٢/١٢هـ
════════════

جروح حسين ابد لا تظن سهله
ومصابه ما جره بالكون مثله
الف طعنه اعلى جسمه والف نبله
گضه بوادي الطفوف وعگب چتله
ابسبي وغربه خذوا للشام اهله
وبگلبه الدهر جرحين خله
عليهن كل ونين الكون يعله
وكل صواب منهن بسم طفله
جرح بنته رقيه وجرح خوله
......................
عقيل الكاظمي

زماني العاده ابو الحملة ولك دار
وعليك المحن جمعها ولك دار
ابدليلي ابنيتلك حضره ولك دار
اطوفن بيها اظل صبح ومسيه

الشاعر سليم الجنابي النجفي.

((السلام عليك يا أبا عبدالله الحسين))
••••••••••••••••••••••••••••••
أنا الروح مشايه لحسين أحثها و أهِمها
تروح لحضرته و تزيل هالضيم و هَمها
و اذا شافت جنة كربلا تصحىٰ من دنية وَهَمها
يل ماشي لحضرة حسين امش خطوات بلراح
و هاك إخذ گلبي وياك و عَفيه إحمله بلراح
ولا تحسبن دمعي بالعين گعد يندب بل راح
أنا لو يحصل أوصل لحسين مثل طيرن بهواي
أطوفَن گُبِتَه كل ساع و يرِف گلبي بهواي
و لو لام العاذل هالشوگ أگِلَّه جنوني و بهواي
أنا بحب حسين إنصَبيت شبل حامي الحَميّه
➖➖➖➖➖➖➖➖
✍️الشاعر : أبو شهيد الأحسائي
════════════

الشمر لمتونها بسوطه يرنها
التـراچي حيل چفينه يرنها
بنات الشام يا وسـفه يرنها

حِلْ صاحن اذا وگعت رقيه

حاتم صبري الكاظمي

ابيات ابوذيه
لقضاء الحوائج نتواجه الى الله عزوجل ونساله بباب الحوائج ابوالفضل العباس عليه السلام ان يقضي حوائج المحتاجين
***************
ضعن همي گصدشخصك ويمك
الدوه عباس بس عندك ويمك
ابمصاب حسين وعياله ويمك
عليك وجاه زينب صد عليه
***********
الجمر عباس فت روحي وياهه
ولا خل الگصد ليهه وياهه
عليك امصاب عبدالله وياهه
اريد اليوم فزعه الهاشميه
**********
المصايب فتلن اضلوعي ولاون
ولا نوح النفع بيهن ولاون
اروحن وين يلكافل ولاون
زحمه انخاك ما تنغر عليه
*************
حبيب الله ادريبك واله باب
وتحير الناس شاراتك واله باب
احلفك بيش أنه بامك والا بأب
غيور ادريك ضاگ الكون بيه
***********
لخادم خدمة الحسين ع
ابو عمار الدراجي

#نعي_زينب_وأخيها_أباالفضل_العباس_عليهم_السلام
الرادود حسين الطائي
◇كلمات الشعراء الحُسينيين◇
السيد أبو تراب الياسري & حيدر تركي الكربلائي

(نعـــي)
بعد چم يوم واترد بيه الضعون.
ارد يحسين واحچيلك عالمتون.

ارد يحسين واحچيلك اعتاب هواي.
ترضى اشلون يبن امي اونضر عيناي.
أمشي والشمر يبرة الضعون وياي.
مچتوفه ابحبل والناس يربون.
ارد يحسين واحچيلك عالمتون.

أرد يمك واسولفلك ألم حرگه.
ارجعت زينب لچــن امتونهه زرگه.
اه يحسين خويه اشسوت الفرگه.
واگلك شوف زينب حالهه شلون.
ارد يحسين واحچيلك عالمتون.

ارد يحسين واحچيلك عله ايتامي.
هذا ايگوم ذاك ايطيح گدامي.
مشينه بليه والي اوماكو اليحامي.
وابو الباقر عليل اوبّيه تدرون.
ارد يحسين واحچيلك عالمتون.

ارد يمك اوروحي زايده ابونهه.
اوعزيزة مهجتك بالشام اعوفنهه.
احضنت راسك اوراسك چان حاضنهه.
يخي ماتت رقيه امغمضه العيون.
ارد يحسين واحچيلك عالمتون.

وبعد هذا الحچي للمشرعه اتعنه.
چثير اعتاب عندي وارد اجر ونه.
انه لعباس اسولف عالشمر عنه.
يرضه شلون بيده يدفع ام عون.
ارد يحسين واحچيلك عالمتون.

الشاعر
ابو عبدالله الشمري

يوم الأربعين

زماني شفره آلآمه يردها
دهاني وما اظن گلبي يردها
الحراير كون ابو فاضل يردها
وتظلل رايته اعله الفاطميه

فراس المحمداوي

يوم الأربعين

ماظن بعد تصفه اسماي وتصيح
ولا تشفه جروح اليسر وتصيح
عيالك وگفت اعله الگبر وتصيح
اجينه وماجت ويانه رقيّه

فراس المحمداوي

سيدي أيها الرضا_ع

ماحسّ بطعم عمري والأشعار
وگلبي الحزن دستوره والأشعار
صرت دِعْبل بأبياتي والأشعار
واندبك عن بُعد يبن الزچيه

فراس المحمداوي