سيدي أيها الرضا_ع

ماحسّ بطعم عمري والأشعار
وگلبي الحزن دستوره والأشعار
صرت دِعْبل بأبياتي والأشعار
واندبك عن بُعد يبن الزچيه

فراس المحمداوي

اشتياقي اليك أيها الرضا_ع

آنه اوياك صنت العهد وديت
ورساله شوگ لخريسان وديت
ازورك سيدي بهاليوم وديت
لچنها زيارتك صعبت عليه

فراس المحمداوي

زينب_ع تخاطب من معها من النساء
في خربة الشام

المسرّه منين اجيبنها وسرچان
واگلچن بالسبي حكمه وسرچان
احبال وهزّل وشامت وسرچان
گضت والعوض عد رب البريّه

فراس المحمداوي

أخي يا حُسين

رجعنه وبينه راح الحزن طاحن
واسهام السبي بچم گلب طاحن
بناتك عالگبر يحسين طاحن
سكنه وفاطمه ومامش رقيّه

فراس المحمداوي

اخي يا ابا الفضل

أنه الشبــعت الوادم من سفرتي
على اديار الاجانب منسه فرتي
يبو فـــاضل اجيتك من سفرتي
اسولف وحده وحده شصار بيّه

فراس المحمداوي

أيها الزائر

ارفع للعـزه رايـــات وأعلام
ولتدوّر ابد تصويـر وإعلام
تعبك لا تظنّه يضيع وإعلم
بكل جرّة نفس تدري الزچيّه

فراس المحمداوي

اخي يا ابا الفضل

لعد گبرك يخويه اليوم عدنه
وعتب وياّك يابو الفضل عدنه
اترجاك بيدك گوم عدنه
اكيدن راح تنشد عن رقيّه

فراس المحمداوي

نخيته لحامل الرايه علمهه

عباس لبني هاشم علمهه

زينب ياعلي تصبر عل مهه

يوم الردت الروس الابيه

نجدد العهد والولاء لسيد الشهداء

ل

مؤيد الحسني الكاظمي

سيدي يا رسول الله

شي ردّو لذاك الصنم شيخان
شي باگ الكُباره وصار شيخان
العتره ذبّحوها بسبب شيخان
وسقيفتهم اساس الكل رزيّه.

فراس المحمداوي

ابوذيات نعي للنبي محمد ص
كأني بمولاتي فاطمة الزهراءع تقول

بسم الحزن بسم ألالــم بسم اه
ابدي ابحسرتي عالمات بــسماه
اظل الهج وونـــن دوم بــسماه
لحد ما اندفن حدر الوطيه

يمن تلهج ابفاطم دوم شفــتاه
بعدك شفت كل الظيم شفت اه
نعشك يوم بيه گوطرو شـــفتاه
يبو القاسم تمنيت المنيه

دمع من دم عليه الوجن داره
على الظلت تون اعليه داره
گبل ليموت ليّه الوجه داره
او ودعني بدمع سيد البريه

رحيلك روحي عذبها وشلها
وهدّم حيلي والدمعه وشلها
لرفعها جنازتك بيده وشلها
احس وياه اخذ روح الزجيه

علي كاظم المنصوري

نعي بحق النبي محمد صلى الله عليه واله وسلم عن الزهراء عليها السلام


علية البيت موحش يالعفتني
اجر حسرات والونة اتركتني
وحگك بالگلب بوية صبتني
رحت عني يبوية وما خذتني
==================
اچلب بالنعش بثنين ادية
عزيز وفرگتك تصعب علية
اضل ارجاك كل صبح ومسية
بگبر واحد يكون انطب سوية
===================
مدري شلون عمري ايصير بجفاك
وانة كلساع گلبي ايريد ملگاك
اخذني للگبر يا بوية وياك
عزيز وبالگلب يچويني فرگاك
=====================
ليل انهار انوح عليك وانحب
يبو القاسم ترة گلبي تصوب
يبو طول الحلو گلبي تعذب
احس موتي بعد شخصك تگرب
=====================
أسألكم الدعاء رائد الاسدي

… نعي للنبي محمد (ص) عن الزهراء عليها السلام …


يابوية الحزن صوب دليلي..
واحلف ما انام عليك ليلي..
عزيز وفركتك هدمت حيلي..
صعب فركاك يابوية علية
=================
شيصبر الكلب لو راح خلة..
يخلف بالدليل اعليه علة..
والوالد ترة هيات مثلة..
لنوح وخل تلوم الناس بية
===============
يبو كلب الحنين وحلو الاطباع..
فاركنة الدهر يالغالي بساع..
يبو طول الحلو طمت الكاع..
خذاك الموت يابوية من ادية
=================
اريد انحب و اون ليلي ونهاري..
وخليه الدمع كالماي جاري..
يالهادي مظلمة عليك داري..
انة الزهرة العزيزة تعال لية
================
بتك يامحمد وصي بيها..
تجور الناس من تمشي عليها..
ياهو الها المشة عنها وليها..
وابو الحسنين مجتوف بوصية


------------------------------------------------
ايتامك نظــــــل يا ابو المــــحنة
ولو عنة رحــــــت چا ياهو النة
تفاركني بعجل يا تالي اهلنة
لا ام اصبــــــــحت لا ابو الوياي
------------------------------------------------
اسمعني يبوية وديرلي العــين
اولادك اجوك الحسن وحــسين
كَظيتوا بساع ياهلنة الحنينين
من غرب ظعنكم ظلمة دنياي
------------------------------------------
شلون الدار ليها انفوت بعدك
مظلمة انشوفها من يوم فكَدك
يالعنها رحــــت لتــراب لحــــدك
لنوح وما ابطل نوحي وبچاي
------------------------------------------
ابن عمك ينوح بصوت عالي
رحت عنا وعلينا البيت خالي
يحزام الظهر يالاخــــو الغالي
حيدر عالمصاب اينوح وياي
------------------------------------------

أسالكم الدعاء رائد الاسدي

نعي للنبي محمد صلى الله عليه واله وسلم عن الزهراء عليها السلام


انوح عليك بوية لگطع الانفاس
وخلها شما تلوم ابونتي الناس
لنشفها الدموع عليك بالراس
عليك اتلوعت ما اشوف دربي
==============≠====
الابو غالي ودليلي عليه حزنان
عليك أحزن ونوح أبيت الاحزان
يبوية اعليك مثلي ما بچة انسان
دم ياعين لجل الزين صبي
======≠==============
اتمنى البواچي اترجع الراح
لخلصنة العمر بدموع ونياح
چا غير الابو خيمتنة لو طاح
أظل بعدة بحزن مشلوع گلبي
===================
يبو القاسم رحت والروح راحت
ودمعاتي العزيزة عليك طاحت
ورياح الفتن بالكون فاحت
حسبي الله عليهم هوة حسبي
====================

أسالكم الدعاء رائد الاسدي

أبوذيات في رثاء الحسين عليه السلام وأهل بيته الطاهرين عليهم سلام الله__تأليف ناصرالطائي وأسألكم الدعاء
وحكَـ حمزة الشــجاع ويـوم وحـشاه
وصـل حـافــر دلـيـل حسيـن وحـشاه
ليـل هـدعـش عـالحـــــوراء وحشاه
لاكـو حسيــن لا عــبـاس أخـيــه
_______
تـوج آه بــوســط كَــلبـي وطــفاه
ذهـب حلـم الكـفـل زينـب وطــفاه
مثل يـومـك يـبـو اليـمـــه وطــفاه
مامـر عـالخـلـكَـ في هـل وطـيّــه
_______
وحــيــــد حســـين لا أهلــــــه ولانـــصار
ومصابه ما سده أعله أحـــــد ولانّـــصار
عــهــد يحــسيــّـن أذكْرنـــــك ولانـّــصُار
قــضــيـــتـــك وضــــل أنــــصـــب عـــزيــــــه
__________
وحـكــَـــــ حـيـــدر عــــلــي الإســمــه بـــــلاذان
صــــوت حــــســـيــن ضــــل يــــدوي بـــــلاذان
أجـــولــــه أصـــحـــابــــه مـطـلــبـهــم بـــــلاذان
نـــــــــريـــد الأذن مـــنـــك عــالمــنـيـه
______________

عـَـليّ هـبــّـت عـــجـــاج أســـمـوم وريـاح
المــوت أهــونّـلي مـن الــعَـــــيـّـش وريـاح
عــشـــيــره الـكــل إلــــه وخــوان وريـــاح
أجـو لــلـحُـــر يــشـــيـّــلونه إبـحـمــيــه
___________
صوت العــقـيـلــــة سلام الله عليها
طـحـت إبــوادي مـا واحد يِسكْنه
وهــاج الكَلب يـاهـو إلّـي يسكّنه
بـعـد عـبـاس مـا يـرجـــع يَسكّنه
كَـلـبـي إيـكَـول إجـت لـيــه الـمـنـيــه
_______________
آنــه حـسـيـن يـاهــو إلــي مـنـّحـْـسـيــن
هـضـمـي إيـزيـد بـالغــربه مـنـْحـسّـيــن
أصـيـح أبـصـوت يـاكـوفـه مَـنـَحـسـيـّـن
وابـوي الـمـرتـضـى حـامـي الحـمـيـه
&&&&&&&&&&
يـا شيعة الحُسيـن إعـله التـرب طــاح
وتـــــــولــوه الكـفـر بسهــام ورمــاح
مــــر سهــم بـن كـاهـل للـنـحـــر لاح
وشــم ريــح الخـيــام ويــاهـلي صـاح
آنــــه حــسيـن يــا حــوراء مــكَــــدر

إنـطعـن جـسـمي يـبنـت أٌمـي ولــوّنــي
ولا عـبــاس ضـــل يــمــــــج ولــونـي
يـــزيـنــب طــحــت وعــدانـه ولــونـي
حـشـمي أبـو فاضل يجـي ولحـكَـ عـليـه
______________
زمــــانـــي بــالـــمــــآســــي عــلـيّ عَــاد
وثــمـود إنـكَــلـبـت بـطـفـي و عـلــيّ عــاد
يـلـيــلــه كَــومــي وتــلـكَـــي عَـلــيّ عــاد
ويـنــاديّ راس أبــن غــانــِـم بــديــّـه
**
نعي بحق الأمام السجاد عليه السلام0
راح حـســيــن مــــا ودّع عـلـيــّلاه
راح وتــــرك عـايـلـــتـــه عـَلــيـلإّه
لزم سيفـه أصرخت زينب عـلـيّـ لاه
ذب الـسـيــف عــمــه ورد عــلــيــّـــه

الشاعر الحسيني ناصر الطائي(أسألكم الدعاء )

إلى أبي الفضل ع
المعسكر شاف ابو فاضل
ترادم

مثل حيدر يظل خالد
ترادم

اخبرك يالمحب عينه
ترادم

وچـفـينــه على الشـاطــي رمــيــــه
***

يزينب كثري من ونّچ
وناحاي

بالهادي اريد اقسم
وناحاي

يزينب طاحن چفوفي
وناحاي

بعد مگدر عليچ أومي بديه
ميه

_____________
لــزم عــبــاس مــاي النـهــر بـيــده
تـصوّر عــطـش عـــوده وعــضـيــده
ذب مــايــه ونـدب عـكَـبـه مريـــــده
شـلون أشـرب وخـوي أكَـليّبـه يسعـر
مِـله الـجـربـه ورجـع والـماي ويـاه
وكـمن زيّــد وحـكـيــم أحــاه ويــــلاه
ورى الـنخـله وغـدر كَطعـوا يـمّـنـاه
وكَطـعـو يـسـرتـه ومـايـه تــطــشـــر
&&&&&&&
مـلـه الـجــربــه وفــه الـعــبــــاس هــمّــاي
ومــثــل مــوّي الــفــرات الــبـطـل هــمّــاي
لـسْـكــيّـــنـــه أوصّــــل الـــمــــاي هــمِّــاي
مــا هــمّــي الـســهــم وجــفــوف أديـــه
ـــــــــــــــــــــــــــــــــــــــــــــــــــــــــــــ
كفيت وياكفيل العين
ترباك

انته البلحرب ما يوم
ترباك

سجد نهر الفرات وباس
ترباك

وتوجّهــلـــــك يصلــي بصــدق نيــــه

آنه زينب وجيت أشچي
يباري

عطشانه لچن گلبي
يباري

راح الچان لظعوني
يباري

أبو فاضل على الغبره رميه
زينب والحرم صاحن
ويامن

عفتنه ابغربه يا الكافل
ويامن

يسكّن گلبي لو شفتك
ويامن

لأنك انته ابن حامي الحميه

إلى مولاتي رمله (ع)
زينب وحدي بالبيده
ورملاه

وگلبي من الحزن بين
ورملاه

ليله اتنوح عالأكبر
ورملاه

تصيح بصوت قاسم رد عليه

أنـــه رمـلــه إجــيت إبجــدم حـافــي
عـله أوليـدي أشمنـوحاً مـا هـو كافي
يـمن وجهـك جـالبـدر وبليـل صـافي
أكَـطعـت شـريـانـي يــا جسام الأبهـر
____

القاسم راح من عدنه
والكبار

علي يحسين براني
والكبار

مصيبة علي هدّتني
والكبار
+

لو رحت غيرك بعد يا هوه ليه

الأكبر غير طه
ماشبيها

فرّ الحومه چنهه
ماشبيها

المعاره اتگول حيدر
ماشبيها

علي الكرار چن بالغاضريه
_______
انذبح طفلي يشيعه
من وريده

يزيد وكلها أدري
من وريده

گلي الخسف بدري
من وريده

يجــي عـــباس واشـكــيـــلـــــــه الرزيــــــة
ولاننسه البدور العل وطيه

كاس المر يعبد الله
حُسيناه

ابفگدك ماتت العزّه
حُسيناه

قسم يا شيعه ماننسه
حُسيناه

الطفل شيّب يبو الساجد
مناسك

قسم بالباري عبد الله
مناسك

اليزورك لابد إيادي
مناسك

لأن كعبه صرت بالغاضريه


حظرلك طه عبد الله
وشفتاه

يگلب جرحك ورايه
وشفتاه

گال من العطش ميت
وشفتاه

مثل خشبه منحسنها بديه

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
الشاعر الحسيني ناصر الطائي (أسألكم الدعاء)

نعي للاربعين
… .
تمنيت امن اجي الگاك. موجود
وتشوف جفوف ايديه امن الحبل سود
وحگ دمعات عيني التچوي الخدود
مشيت وگلبي خويه اعليك ممرود
لان چفّيك طاحن من الزنود
……
اجيت وريتك أمن الگبر اسمع
صوتك واهمل الملگاك مدمع
بلا طولك يخويه شلون ارجع
اخاف الروح من فرگاك. تطلع
… ..
الشاعر محمد حسن ضيغم

نـــعـــــــــي
========================
الگلب يسعرعلى افراگك وداوي
بفگدك يصرخ ابصوته وداوي
ظلعي انكسر افزعلي وداوي
يبويه او جارت الدنيه .عليه
========================
يبويه اهموم الك گلبي رسلهه
غرگ ببحور احزانك رسلهه
تدري ابغيبتك سيد رسلهه
على عيوني سطرني ابن الدعيه
========================
سطرني النذل بغيابك على العين
وبكسر الظلع شدعي على العين
نخيت الي قلع خيبر علي العين
علي اتچتف يبويه بالوصيه
========================
غدر بينه الوكت بعدك علي دار
يبويه ابغيبتك فزعو على الدار
بكسرظلعي انطبرراسه علي الدر
ابمحرابه وگع حامي الحميه
========================
الك نشكي هظم بينه نبينه
يالتدري الجره او عندك نبئنه
يريت ابكربله حاضر نبينه
تشوف حسين مرمي اعالوطيه
========================
يبو القاسم بيك احنه علينه
يريت ابكربله انته او علينه
تشوف الخيل من هجمت علينه
تشوف العيله من راحت سبيه
========================
لشاعر اهل البيت عليهم السلام
خالد عامر الزيادي

الگلب جمر ودارك#ونته بيها
وشحلو ساعات عمري#وانت بيها
شحال الي فارگتها # وانت ابيها
انحلت والشيب اجه تفصال اليه

بكثر ماچنت يمك#مرمر اني
الدهر عگبك بضيمه# مرمراني
مثل سچه اعله ذبح اهلي #مرمراني
شفت طبره وچبد نحر وسبيه

ـــــــــــــــــــــــــــــــــــــــــــــــــــــــــــــــ
من رحت علگت هدمك على الحايط امان
ومن احس بالوحشه اركض هدمك اشتمه
وكل يوم الصبح يتعنه الورد للبيت
شعجب كاطع محمد فاگده اتلمه
وشويه ويجيني يرفرف العصفور
عشي اخلاف ابوج استاحش الثلمه
وكلساع واكوم اندكت الباب
اكو ماي يريد والمعتاز لل لگمه
لحد المغرب ولن الشمس خطار
محمد عوداني الليل اضل يمه
ياكلشي الحلو اخلافك يموت اللون
كلشي يصير باهت ماسخ بطعمه
انه اخلاف عينك ورده بالصيف
وشني حال الورد بلصحره من يضمه



مصطفى الحمداوي

ابوذيه

حرت ياناس من هل الناس شراي
كلها تتدعــــــــــــــي بالدين شراي
لحسين اوخدمتـه ماحصل شراي

وراهم حوبتــــــــي والجره اعليه

*✍️الشاعر فالح العامري*
▪︎▪︎▪︎▪︎▪︎▪︎▪︎▪︎▪︎▪︎

نعي لمولاي رسول الله (ص)



إلى أين قلبي لا يطيق فراقكم
لا تتركوني والفؤاد جريحُ
ياليتني بالموت أنشِدُ قائلاً
بعد الأحبة فالمماتُ مريحُ

وين ماشين يهل المحنه وين ماشين
ها يطيبين ردوا سؤالي ها يطيبين
عزيزين ياروحي راحولچ عزيزين

وحنان اهلنه صلفه المگبره وحنان اهلنه
مخنوگ چنه بيت ابلا ابو مخنوگ چنه
اليسألني عنه بالمگبره اليسألني عنه
ذابل وطنه اخلاف الابو ذابل وطنه

عازتهه عازه الطاح الهه سند عازتهه عازه
شيلوا الجنازه كتلني الگالهم شيلوا الجنازه
شالوا اعزازه گلبي بعد شالوا اعزازه


بعدك روحي ياطه وشلها
فگدك حيل أذاها وشلها
الگام جنازتك بيده وشلها
شال اوياه روح امنه الزچيه


بنحيبك عالنبي وصوتك   مُلّا عين
ودمعي عليك يالهادي     مله العين
الگالوا عالنبي يهجر       ملاعين
نفسهم كسروا اضلوع الزچيه


أمير المؤمنين يكلم سلمان ويقول له

  مشه الخلاك من بيته        يسلمان
العشگ وارتحل معشوگه    يسل من
يدعي بكل وكت يبقه       يسل من
    كون اتصيب أولاد الدعيه
================≈====================
30/9/2021 الخميس
#الشاعر_الميرزا_محمد_الساعدي