ميمر استقبال شهر محرم الحرام

كل الهله ... بهالقافله
التمشي وگمرها العباس ... من المدينه لكربله

~~~~

قافلة سبط المصطفى مسراها
گطعت دروب لكربله منواها
وكـافلها فـيّـه ورايته فوگها

وأخت الگمر ... لفيّها النظر
وهودجها لو مال ام عون ... چف الكفاله ايعدّله

~~~~

بصوت الهله لراعي الهله وضعونه
نستقبله بدمع العشگ لعيونه
ماعدنه غيره ولا نعيش ابدونه

ابدونه العمر ... مُرّ اعله مُرّ
من غير ابا عبد الله ... كلشي خساره حاصله

~~~~

كل الهله بگد المحنه البيهم
بوجه الحسين وعيلته وساقيهم
وأرض العراق اتقبل برجليهم

اعيال ام حسن ... جتّ بضعن
وگـاع العراق اعله الكون ... اتميز بهاي العايله

~~~~

أرض السواد اتشرفت واتعلّت
بخير الحسين اتفردت وانجلّت
امن الباري هالنعمه العظيمه نزلت

هذا البلد ... ايضل للأبد
يبقه وقف حب حسين ... للمحشر بهالمنزله

~~~~

گلب الموالي عالن استعداده
بجية حبيب الله وعشگ عُبّاده
الراد السبط معناها الله الراده

والما رضه ... بحبه وحظه
لو يعبد ادهور ادهور ... ماتنقبل أي نافله

~~~~

بثوب السواد امحرمه اتلگيناه
طول السنه شهر الحزن تانيناه
وگلب الزچيه بكل عَزَه واسيناه

بدمعه ولطم ... وصوت الهظم
أيّ واحسيناه ايصيح ... وآه اعله نبلة حرمله

~~~~

ارواحنه اعله العاشـر اتـون وتنوح
كـل البواچي والنعي اعله المذبوح
ابلا غسل لا فيّ لا نعش ضل مطروح

شيبه اختضب ... ثوبه انسلب
الله عله الضل اوحيد ... وبچه المحاجر مقتله

~~~~

اخيام الهله طاحت لمن ودعّها
واعياله ضاعت واخته التّجمعها
حارت عقيلة هاشم بمدمعها

كلشي رحل ... وأخته اعله تل
ادركنا يحسين تصيح ... خويه الضعينه امعلعله

~~~~

سجاد الگريزي
سيدي ياحسين عمري نذرته الخدمتك
رابط قناة تلكرام👇👇
https://www.tgoop.com/joinchat-AAAAAEOnUV6imLK-dTwaMQ
رابط قناة اليوتيوب 👇👇

https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇

https://vm.tiktok.com/ZM2XyaqLA/

للتواصل @Hussein95iq

تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه

فضلا وليس امرا ممكن الاشتراك بالقناه
عطاء لايك 👍 وتفعيل الجرس

https://youtu.be/aCTVG928nAU?si=0WWNvBmOx3UPtxVQ

آااه ، خويه ردّينه..
من على ظهور الهزيلة انْدَوْر أهالينه
آااه ، خويه ردّينه..
للوطن ردنه يخويه الّي يرد بينه

وهاي الهِزِل هالردَّت اويانه
تشرح يويلي شچان ممشانه
غربة وعذاب وآه شالت آه
ما تنوصف ياخويه بلوانه..

ماهي الراية.. ولاهو كافلي
وْلا ظَل والي.. يباري لمحملي
تبچي ايتامي.. وأنه دموعي اتهَلِي
وأنه دموعي اتهلي..

ويلي.. ويلي.. على زينب

****

آااه ، خويه مهضومة..
امْن الهضم كل هالظعن متغيِّرَة رْسومه
آااه ، خويه مهضومة..
الجاي يشكي امن الخرايب لحّد ايلومه..

جيت اشتكي من ضيمي وآلامي
وچم مرة بيدي اندفنت ايتامي
كل ساعة وادفن گِطعَة من روحي
وخدري اندفن من حركوا خْيامي

دارت بيه.. وخذوني إعلى الهزل
وعگب اخواني.. يماشيني الحبل
شما نادوني.. صحت يابا الفضل..
صحت يابا الفضل

ويلي.. ويلي.. على زينب

****

آااه ، خويه حاچيني..
أحچي ودموعي على خدي لا تخليني
آااه ، خويه حاچيني..
عالگبر يا كافل اختك گوم دليني

خلص سفرها ورَدّت إعيالك
وعالهَزلة بس جروح تدنالك
عاين عليهه العافت عيونك،
لا چنهه زينب لاهم أطفالك..

غَيّر حالي.. مشينه بهالدرب
يا كَفّالي.. صعب والله صعب
ما رحمونه ، يطلبونه الغرب..
يطلبونه الغرب..

ويلي.. ويلي.. على زينب

****

آااه ، خويه تعبانة..
امن اليسر حين المشينه بْدون وِليانه
آااه ، خويه تعبانة..
وهسه هالوليان رَدَّت روسها اويَانه

كل حُرمَة شالت راس واليهه
اتغَسله يويلي من بواچيهه
الخَلّص سفرها وخلّص إسباها،
ردت وهم الراس سابيهه..

روس اخواني ، بِدَيَّه شايِلَة
وروس أحبابي ، بديهه العايِلَة
وهل رَدّينه ، لأراضي کربله..
لأراضي كربله

ويلي.. ويلي.. على زينب

****

آااه ، خويه نَزلُوني..
امْن الهِزِل ويرِف عَلَمكُم مِن تِلاگونِي
آااه ، خويه نَزلُوني..
للكفالة أشتاگ خِدرِي وْحَنَّت عيوني..

الچانت بِسِمکُم خویه مهیوبة،
هيبتهه هَدهَه الشام وِدرُوبَه..
وشنهي الصفت حين إعتنت ليكُم
عالخوه بس إدموع مسچوبه..

راحت زينب ، وإجتكم بس جسد..
خويه وگلبي ، على الهزلة انمُرَد
الموت أشواله ، المثل خوْتَك فُگَد
المثل خُوتَك فُگَد..

ويلي.. ويلي.. على زينب


✍️منير السعد

سيدي ياحسين عمري نذرته الخدمتك
رابط قناة تلكرام👇👇
https://www.tgoop.com/joinchat-AAAAAEOnUV6imLK-dTwaMQ
رابط قناة اليوتيوب 👇👇

https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇

https://vm.tiktok.com/ZM2XyaqLA/

للتواصل @Hussein95iq

أنخافُ يا عــزَّ الإلٰــهِ هــوانا ؟!
وَيقيـنُنا أنتَ الــذي ترعــــانا

في السِّلمِ،كنتَ بنا رحيماً محسناً
في الحربِ، حاشى تقطعُ الإحسانا !

علي عسيلي العاملي

#الغوث_يا_صاحب_الزمان
#اللهم_عجل_لوليك_الفرج

عالجسر ظل مطروح
ابن الرساله ونوح
ياعالم أشهد جده محمد
ءءءءءءءءءءءءءءءءءءءءءءءء
يهل عالم اريد اشرح قضيه
ودمع عيني يوضح هالرزيه
جره وصاحوا علينه رافضيه
رفضنه اللي جرح سيد البريه
لاجله دمانه تهون
لمصابه ناح الكون
ويانه ردد جده محمد
ءءءءءءءءءءءءءءءءءءءءءءءء
حديد وكيد بجفوف الرساله
غريب وناحت الدنيه على حاله
ولا واحد كرب يمه ودناله
مصيبه وبجت أملاك الجلاله
محد يحن عليه
وكيد السجن ماذيه
والباري يشهد جده محمد
ءءءءءءءءءءءءءءءءءءءءءءءء
هالناس التحب مدمع تسيله
غريب وعالجسر محد يشيله
هذا ابن الشرف واطهر قبيله
اخو ماكو اليحضره ويعتنيله
مات وضلم مسجون
واهل العبا يشهدون
منهم تسدد جده محمد
ءءءءءءءءءءءءءءءءءءءءءءءء
الطبيب اللي دناله سال دمعه
المن هالمسجى وين ربعه
بالسم مات حقه من يطلعه
لو ماله أهل يالله نشيعه
بالكاظم السووه
حتى الجسر بجوه
وياه تمدد جده محمد
ءءءءءءءءءءءءءءءءءءءءءءءء
مصيبة وفطرت لأ كلوب لأنصار
ودمع العين فوك الوجنه مدرار
هاليوم الوعد ياحكم القدار
نشيع اجنازتك ونادي بالثار
اه يامصاب حسين
الحير الكونين
بدمه توسد جده محمد ءءءءءءءءءءءءءءءءءءءءءءءء
خادم اهل البيت ع
فلاح طالب الماجدي

سيدي ياحسين عمري نذرته الخدمتك
رابط قناة تلكرام👇👇
https://www.tgoop.com/joinchat-AAAAAEOnUV6imLK-dTwaMQ
رابط قناة اليوتيوب 👇👇

https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇

https://vm.tiktok.com/ZM2XyaqLA/

للتواصل @Hussein95iq

مقطوعه شعريه لميلاد الامام الحسين عليه السلام


تلاكه وياي وجهه أمورد وفرحان
والبسمه اعلى وجهه بسحر منتشره

ياهو انته سألته أورد عليّ شعبان
انه البيه طلكة فاطمه الـــــــزهره

وما جابت مثل ما جابت النسوان
مــــا جابت طفل لا جابت الثـــوره

كبّر بذنه طه وانشد التـــــــوحيد
والتوحيد بيــــــه انصـــــاغ بالقدره

سماه الرسول حسين بأمر الله
ابن ســـــــر الوجود ويا عظم سـره

يهز بيه المهد ويلولي بالقرآن
جبــــريل الامين وعينه اتنظـــــره

الوادم لو طفل عدهه اتكفل بيه
بس حسين جبريــــل الكفل امـــره


الشاعر
موسى البديري

سيدي ياحسين عمري نذرته الخدمتك
رابط قناة تلكرام👇👇
https://www.tgoop.com/joinchat-AAAAAEOnUV6imLK-dTwaMQ
رابط قناة اليوتيوب 👇👇

https://www.youtube.com/watch?v=ugFiDQkvfjQ&feature=share
رابط حسابي بالتيك توك 👇

https://vm.tiktok.com/ZM2XyaqLA/

للتواصل @Hussein95iq