🌟🌟🌟🌟🌟🌟🌟

Yozgi talabalar festivali: faol yoshlar Xonobodda jam bo‘ldi

Andijon viloyatining so‘lim go‘shalaridan biri — Xonobod shahridagi “Turizm laboratoriyasi”da viloyatimizdagi oliy ta’lim muassasalarining faol va tashabbuskor talabalari uchun “Yozgi talabalar festivali” tashkil etildi.

Festival doirasida oliy ta’lim muassasalari rektorlari boshchiligida talabalar o‘rtasida o‘zaro hamjihatlik, do‘stlik va ijodiy muhitni mustahkamlash maqsadida elimiz suygan san’atkorlar hamda iqtidorli yoshlar ishtirokida kechki konsert dasturi bo‘lib o‘tdi.

Kechki ovqat chog‘ida talabalar o‘z rektorlari bilan birga dasturxon atrofida suhbatlashib, samimiy va iliq muhitda hordiq chiqarishdi. Bunday uchrashuvlar rahbariyat va talaba-yoshlar o‘rtasidagi ochiq muloqotni yo‘lga qo‘yish, o‘zaro ishonch va hurmat muhitini mustahkamlashga xizmat qilmoqda.

Konsert dasturi davomida tantanavor kayfiyat, jo‘shqinlik va shukuh hukm surdi. Talabalar o‘zlarining ijodiy chiqishlari, raqs va kuylar orqali salohiyatini namoyon etishdi. Turli interaktiv o‘yinlar, viktorinalar va tanlovlar festivalga yanada fayz bag‘ishladi.

#Dolzarb90kunlik #Yoshlaroyligi

✅Bizni kuzatishda davom eting!
📱Telegram |📱 Facebook | 📱Instagram | 📱YouTube

Andijon davlat texnika institutida Oliy taʼlim, fan va innovatsiyalar vazirligi huzuridagi Oliy attestatsiya komissiyasi raisi, iqtisodiyot fanlari doktori, professor Ahmadbek Yusupov ishtirokida sayyor qabul oʻtkazildi.

Unda Andijon davlat texnika instituti va Andijon qishloq xoʻjaligi va agrotexnologiyalar institutlari prorektorlari, ilmiy bo'lim boshliqlari, ilmiy darajalar beruvchi ilmiy kengashlar raislari va kotiblari, tadqiqotchilar hamda doktorantlar ishtirok etishdi.

Uchrashuvda ilmiy va ilmiy-pedagog kadrlarning sifat tarkibini yaxshilashga, jamiyat va davlat ehtiyojlarini, fan, taʼlim, texnika va texnologiyalarni rivojlantirish istiqbollarini hisobga olgan holda ilmiy va ilmiy-pedagog kadrlardan foydalanish samaradorligini oshirish borasida olib borilayotgan keng qamrovli ishlar, doktorantlar uchun ilmiy ishlarni yozish tartib-qoidalari boʻyicha umumiy tushunchalar va sohaga oid boshqa yangiliklar haqida maʼlumotlar berib oʻtildi.

Oʻtkazilgan muloqot davomida ilmiy daraja va unvonlarni berish tizimida amalga oshirilayotgan ishlar, kengashlarning faoliyati atroflicha tahlil qilindi.

Sayyor qabul davomida rais yosh olimlar tomonidan ilmiy faoliyat, doktorantura himoya masalalari, komissiya faoliyatiga oid qiynayotgan muammolar boʻyicha berilgan savollarga javob berdi. Shuningdek ishtirokchilarning taklif va fikr-mulohazalarini tingladi.

✅Bizni kuzatishda davom eting!
📱Telegram |📱 Facebook | 📱Instagram | 📱YouTube