Andijon davlat texnika instituti Yengil sanoat va kimyo muhandisligi fakulteti Metallar texnologiyasi yoʻnalishi 2-bosqich talabasi Odiljonov Tohirjon o‘zbek adabiyotining yorqin namoyandalaridan biri — O‘tkir Hoshimovning “Dunyoning ishlari” asari asosida Men sevgan asar mavzusidagi tanlov uchun tayyorlagan videoroligi.

“Dunyoning ishlari” – shunchaki kitob emas. O‘qishga tushgan zahoti, o‘ylashga majbur qiladi. Har bir hikoya, har bir jumla o'z ichiga tortib ketadi.

O‘tkir Hoshimov oddiy hayotni oddiy so‘zlarda aytadi. Lekin bu oddiylik yurakka og‘ir botadi. Ayniqsa, ona haqida yozilgan sahifalar… ko‘z oldimga o‘z onam keladi. Bir satr o‘qib, jim qolaman, yana o‘qiyman, yana jim qolaman. Har safar ichimda nimadir buzilganday bo‘ladi.

Bu asarni o‘qidim. Har bir voqeani yuragimdan o‘tkazdim. Va oxiri yozdim. Chunki jim qolib bo‘lmasdi. Bu asar o‘quvchini faqat o‘qishga emas, yashaganlarini eslashga, anglashga, baholashga majbur qiladi.

✅️https://www.tgoop.com/YSvaKM_uz

🎬 "Men sevgan asar" loyihasi doirasida samimiy mulohaza!

📚 Andijon davlat texnika instituti Intellektual boshqaruv va kompyuter tizimlari fakulteti talabasi G‘ulomjonova Mohlaroyim o‘zining sevimli asari sifatida mashhur yozuvchi O‘lmas Umarbekovning "Odam bo‘lish qiyin" asarini tanladi va ushbu asar orqali chuqur hayotiy fikrlarini bildirdi.

🔍 U ushbu asarda insoniylik, mehr-oqibat, hayotdagi sinovlar va halollik kabi ezgu tushunchalarning o‘ta teran tasvirlanganiga urg‘u berdi. Mohlaroyimning ta’kidlashicha, bu asar har bir o‘quvchini o‘z qalbini tinglashga, insoniy fazilatlar haqida jiddiy o‘ylab ko‘rishga undaydi.

🗣 “Odam bo‘lish – nafaqat jismonan yashash, balki ruhiy poklik, halollik va fidoyilikdir. Har bir sahifasi yuragingizga ta’sir qiladi,” — deydi Mohlaroyim.

🎥 Bu loyihalar talabalar tafakkurini boyitib, kitobxonlik madaniyatini oshirishda muhim o‘rin tutadi. G‘ulomjonova Mohlaroyimning bildirgan fikrlari esa yoshlarimizga nafaqat kitob mutolaasi, balki ulardan saboq olishni ham o‘rgatmoqda.