📍Հայկական պետհամարանիշներով մեքենաների Իրան մուտքի դյուրացման թեմայով Sputnik Արմենիան զրուցել է Carnet de Passage-ի հայաստանյան գրասենյակի տնօրեն Արամ Մարտիրոսյանի հետ։

🔻Մարտիրոսյանի մեկնաբանությունից ստացվում է, որ թեև Իրանի մաքսատանն այլևս գումար թողնելու կարիք չկա, սակայն պետք է վճարել Carnet de Passage-ի փաստաթուղթը ստանալու համար։

📌Մեջբերում մեկնաբանությունից․

«CPD փաստաթուղթը գումարի դիմաց է տրվում, սկսվում է 550 դոլարից՝ 5 էջանոցի համար։ Դա նշանակում է, որ տարվա մեջ 5 անգամ մինչև 5 ամիս կարող ես գտնվել Իրանում»։

🔍Մանրամասներին կարող եք ծանոթանալ այս հղումով։

@IRI2day

🔴Իրանի դեմ Իսրայելի հնարավոր գործողությունների ֆոնին Իրանում նորից շոշափում են միջուկային դոկտրինի փոփոխության թեման:

🔺Խորհրդարանի 39 պատգամավոր նամակ է հղել Ազգային անվտանգության գերագույն խորհրդին՝ կոչ անելով վերանայել երկրի պաշտպանական դոկտրինը, որով արգելված է միջուկային զենքը:

🔺Թեման իրանական կողմն ակտիվացրել էր նաև ընթացիկ տարվա ապրիլին՝ նախորդ սրացման ժամանակ:

@IRI2day

🧿Ռաշթ-Ասթարա երկաթուղու կառուցումը շարունակում է ձգձգվել

📍Իրանի խորհրդարանի պատգամավորը հայտնել է, որ Ռաշթ-Ասթարա երկաթուղու կառուցումը ձգձգվում է, քանի որ ռուսական կողմի հետ վերջնական պայմանագիր չեն կնքել: Ըստ պատգամավորի՝ ռուսները վերջնական եզրահանգման չեն եկել ֆինանսավորման եղանակի, նախագծին մասնակցության ձևաչափի շուրջ:

📍«Ռուսների հետ բանակցություններում հիմնական խնդիրը Ռաշթ-Ասթարա երկաթուղու նախագծի վերջնական արժեքն է և այդ նախագծի իրականացման եղանակը: Այս նախագիծը թանկ, կարևոր, ռազմավարական և ազդեցիկ նախագիծ է, սակայն, կարծես թե, ֆինանսավորման հարցում ռուսների կողմից խնդիր կա, և ռուսները չեն կարողացել այս նախագիծը ֆինանսավորել: Իրանն էլ հայտարարել է, որ այս նախագծի իրագործման համար ռուսական վարկի կարիքը չունի, այլ ցանկանում է, որ ռուսները ներդրումներ իրականացնեն այս նախագծում»,- ասել է պատգամավորը:

📌Հիշեցնեմ, որ մինչև այս հայտարարվում էր, որ երկաթուղու կառուցման համար ռուսները վարկ են տրամադրելու: Ստացվում է՝ դա վերջնական պայմանավորվածություն չէր: Իսկ առհասարակ այս իրավիճակը լրիվ սպասելի էր:

@IRI2day

🇦🇿🇮🇷Ադրբեջանի փոխվարչապետ Շահին Մուստաֆաևը մեկնել է Թեհրան, հանդիպել Իրանի նախագահ Մասուդ Փեզեշքիանի հետ:

📍Փեզեշքիանը նշել է, որ հարգում են Ադրբեջանի տարածքային ամբողջականությունը և հավելել, որ որևէ երկրի ինքնիշխանության իրավունքը չպետք է անտեսվի:

📍Նա կրկնել է իրանական կողմի դիրքորոշումն առ այն, որ տարածաշրջանում այլ երկրների ներկայությունը տարածաշրջանի երկրների օգտին չէ, և որ խնդիրները պետք է լուծել տարածաշրջանի ներսում:

📍«Վստահ ենք, որ միմյանց հետ համագործակցելով կարող ենք լուծել անվտանգության և հարակից հարցերը: Սա ԻԻՀ կառավարության սկզբունքային քաղաքականությունն է, որը մենք միշտ ընդգծել ենք»,- ասել է ԻԻՀ նախագահը։

📍Մուստաֆաևն իր հերթին հայտարարել է, որ «որևէ երկրի նկատմամբ տարածքային պահանջ չունեն»: «Տարածաշրջանի խնդիրները պետք է լուծվեն տարածաշրջանի երկրների միջև բանակցություններով»,- ասել է ադրբեջանցի պաշտոնյան և Փեզեշքիանին հրավիրել մասնակցել COP29-ին:

📍Քննարկվել են նաև երկկողմ համագործակցության զարգացման հարցեր:

@IRI2day

🇮🇷🇦🇿Ժնևում Ասիական խորհրդարանական վեհաժողովի նիստի շրջանակներում հանդիպել են Իրանի խորհրդարանի նախագահ Մոհամմադ Բաղեր Ղալիբաֆը և Ադրբեջանի պաշտոնակից Սահիբա Գաֆարովան:

📍Ղալիբաֆն ընդգծել է, որ տարածաշրջանի խնդիրները պետք է լուծել տարածաշրջանի երկրների միջև բանակցությունների միջոցով՝ այդ համատեքստում շեշտելով, որ պետք է առաջ տանել 3+3 ձևաչափը:

📍«Մենք չպետք է թույլ տանք, որ տարածաշրջանը մեծ տերությունների հակամարտության վայրի վերածվի, այդ իսկ պատճառով պետք է ուժգնորեն առաջ տանենք այս հարցը (նկատի ունի 3+3-ը) և թույլ չտանք, որ օտար երկրների, այդ թվում՝ ԱՄՆ-ի, Եվրոպայի, ՆԱՏՕ-ի համար տեղ բացվի այս տարածաշրջանում»,-ասել է Ղալիբաֆը:

@IRI2day

🇮🇷🇦🇿Իրանի արտգործնախարար Աբբաս Արաղչին հանդիպել է Ադրբեջանի փոխվարչապետ Շահին Մուստաֆաևի հետ:

🔸Արաղչին դրական է գնահատել խնդիրները բանակցային ճանապարհով լուծելու և խաղաղության համաձայնության հասնելու հարցում տարածաշրջանի երկրների վճռականությունը և հավելել, որ Իրանը պատրաստ է այդ ուղղությամբ իր աջակցությունը ցուցաբերել:

🔸Նա վերահաստատել է, որ Իրանը դեմ է Կովկասում օտար երկրների միջամտություններին, և ընդգծել տարածաշրջանի երկրների կարողություններից, այդ թվում՝ 3+3 խորհրդատվական ձևաչափից օգտվելու անհրաժեշտությունը:

🔸Մուստաֆաևը կովկասյան տարածաշրջանում տեղի ունեցող զարգացումների վերաբերյալ մանրամասներ է ներկայացրել և հայտարարել, որ Ադրբեջանը ոչ մի դեպքում թույլ չի տա, որ իր տարածքից հարձակում լինի հարևանների վրա։

@IRI2day

🇮🇷🇦🇿Իրանի նախագահ Մասուդ Փեզեշքիանը հնարավոր է այցելի Ադրբեջան

Իրանի զբոսաշրջության նախարարը հույս է հայտնել, որ «աբան ամսին (հոկտեմբերի 22-ից նոյեմբերի 20) հանրապետության նախագահի Ադրբեջան այցի ընթացքում» կլուծվեն զբոսաշրջության ոլորտում Իրանի ու Ադրբեջանի միջև առկա խնդիրները:

Չի բացառվում, որ Փեզեշքիանը Ադրբեջան կարող է մեկնել COP29-ին մասնակցելու համար:

@IRI2day

🇸🇦🇮🇷Սաուդյան Արաբիան Իրանին առաջարկել է համատեղ զորավարժություն անցկացնել Կարմիր ծովում: Այս մասին հայտնել է Իրանի բանակի ՌԾՈւ հրամանատար Շահրամ Իրանին:

Զորավարժության անցկացման ձևի շուրջ ընթանում են խորհրդակցություններ:

@IRI2day

🔴Գիշերն Իսրայելը պատասխան հարվածներ է հասցրել Իրանին։

📍Ըստ իրանական կողմի՝ թիրախավորվել են Թեհրան, Իլամ, Խուզիստան նահանգներում գտնվող ռազմական օբյեկտները։

📍Իրանական կողմը հարձակումը ներկայացնում է որպես «թույլ»։ Ասում են՝ ՀՕՊ-ը հաջող է գործել, բայց որոշ տեղերում «սահմանափակ վնասներ ունեն»։

📍Այս պահի դրությամբ ընդհանուր հռետորաբնությունը հետևյալն է՝ «առանձանպես բան չի եղել, Իսրայելն այդքան չկա, որ Իրանին վնաս հասցնի»։

📌Եթե հռետորաբանությունը չփոխվի, նշանակում է, որ Թեհրանում հակված են սրանով ավարտել ընթացիկ լարվածությունը, ինչպես եղավ ապրիլին։

@IRI2day

❗Իսրայելական հարձակման հետևանքով Իրանի բանակի երկու զինծառայող է զոհվել։

@IRI2day

❗️Իրանի բանակում իսրայելական հարձակման հետևանքով զոհերի թիվը հասել է 4-ի:

❗️Արտգործնախարար Աբբաս Արաղչին էլ հայտարարել է, որ Իրանն օրինական իրավունք ունի պատասխանել Իսրայելի հարձակմանը և դա կանի «համապատասխան ժամանակին»:

@IRI2day

❗️ՄԱԿ-ում Իրանի մշտական ներկայացուցիչ Սաիդ Իրավանին հայտնել է, որ Իսրայելի հարձակման հետևանքով 4 զինծառայողից բացի նաև մեկ քաղաքացիական անձ է զոհվել:

Նա հայտարարել է, որ Իրանն օրինական իրավունք ունի համապատասխան ժամանակին պատասխանել Իսրայելի գործողությանը:

@IRI2day

🇮🇷🇦🇿Իրանի ու Ադրբեջանի ռազմածովային ուժերն այսօր համատեղ զորավարժություն են անցկացնելու Կասպից ծովում:

📍Զորավարժության կարգախոսն է «համագործակցություն հանուն խաղաղության և բարեկամության»:

📍Խաղարկվելու են որոնողափրկարարական գործողություններ:

📌Ընթացիկ տարում Իրանն ու Ադրբեջանն անցկացրել էին ևս մեկ համատեղ զորավարժություն:

@IRI2day

📌 Օրերս Կապանում «Հայաստան-Իրան. Համագործակցություն և հեռանկարներ» խորագրով աշխատաժողովին զեկույց ունեցա հայ-իրանական առևտրաշրջանառության, դրանում առկա խնդիրների վերաբերյալ:

📍Ընդգծել եմ Հայաստանից Իրան արտահանումների ավելացման և ապրանքատեսակների բազմազանեցման անհրաժեշտությունը:

📍Զեկույցս պարսկերենով հրապարակվել է նաև իրանական Mehr լրատվական գործակալության կայքում:

📍Աշխատաժողովի և հայ-իրանական տնտեսական հարաբերությունների այլ ասպեկտների վերաբերյալ հարցազրույց եմ տվել նաև IRNA լրատվական գործակալությանը:

@IRI2day

🇮🇷🇦🇿Իրանական ԶԼՄ-ները հայտնում են, որ Իրանի նախագահ Մասուդ Փեզեշքիանը չի մասնակցելու Բաքվում COP29-ի համաժողովին:

📍Ըստ ԶԼՄ-ների՝ Փեզեշքիանը չի մեկնի Բաքու, քանի որ շատ երկրների առաջնորդներ չեն մասնակցելու համաժողովին, բացի այդ՝ Բաքվում է լինելու Իսրայելի նախագահը:

📌Ավելի վաղ, ադրբեջանական ԶԼՄ-ներն Իրանի դեսպանատանը հղումով հայտնել էին, որ Փեզեշքիանը մեկնելու է Բաքու: Իրանում դա քննադատության ալիք էր բարձրացրել: Հոգևոր առաջնորդին հարող «Քայհան» օրաթերթի գլխավոր խմբագիրը, Իսրայելի նախագահի ներկայության պատճառով, Փեզեշքիանին կոչ էր արել չմեկնել Բաքու և նաև բողոք հղել Ադրբեջանին՝ Իսրայելին վառելիք մատակարարելու համար:

@IRI2day

❗️Ի դեպ, արդեն մի քանի ամիս է՝ Իրանն Ադրբեջանում դեսպան չունի

📍Աբբաս Մուսավին իր առաքելությունն ավարտել է մայիսին, ինչից հետո նոր դեսպան չի նշանակվել:

📍Դեռ 2023-ի գարնանը իրանական մամուլում լուրեր էին շրջանառվում, որ Ադրբեջանում Իրանի նոր դեսպան է նշանակվելու ԱԳՆ Եվրասիայի վարչության պետ Մոջթաբա Դեմիրչիլուն: Հետո տարածվեցին լուրեր, որ Բաքուն չի հաստատել նրա թեկնածությունը:

@IRI2day