​​📣📣📣 "Ilm-fan va innovatsion rivojlanish – Наука и инновационное развитие – Science and Innovative Development" ilmiy jurnalining 2024-yil 6-soniga maqolalar qabul qilinmoqda.

❗️Maqolalar oʻzbek, qoraqalpoq, rus va ingliz tillarida qabul qilinadi.

📞 Mualliflar ilmiy maqolalarni ilm.fan@inbox.ru pochtasi yoki +998 99 373-90-35 telegram raqamiga yuborishlari mumkin.

‼️Ilmiy maqolalar jurnalga qo‘yilgan talablarga muvofiq yozilgan bo‘lishi lozim.

Maqolalar qabul qilingan kundan boshlab 30 ish kuni davomida ko‘rib chiqiladi.

📌Jurnal O‘zbekiston Respublikasi Oliy Attestatsiya Komissiyasining TEXNIKA FANLARI bo‘yicha chop etish tavsiya etilgan ilmiy nashrlar ro‘yxatiga kiritilgan.

❗️Jurnalga faqat TEXNIKA fanlaridan o‘tkazilgan tadqiqot natijalari asosida yozilgan maqolalar qabul qilinadi.

‼️ Bakalavr va magistratura talabalarining maqolalari qabul qilinmaydi.

‼️ Jurnalda maqolalar bepul chop etiladi.

📌Jurnal dekabr oyida nashr etiladi.

Facebook | Telegram | Web | Instagram

Science Citation Index – Ilmiy Iqtiboslar Indeksi

✅ Science Citation Index (SCI) – AQShning Ilmiy axborot instituti (ISI) tomonidan Yudjin Garfild boshchiligida yaratilgan iqtiboslar indeksi (maʼlumotlar bazasi).

✅ 1964-yilda rasmiy ravishda ishga tushirilgan. Hozirda AQShning ilmiy faoliyat hamda intellektual mulk bo‘yicha mustaqil Clarivate Analytics kompaniyasiga tegishli (SCI avval Thomson Reutersga tegishli edi).

✅ Shuningdek, SCI – Science Citation Index Expanded (SCIE) ning kengaytirilgan versiyasi mavjud bo'lib, u 1900-yildan boshlab to hozirgi kunga qadar 150 ta fan bo‘yicha 8500 dan ortiq yirik va muhim ahamiyat kasb etuvchi jurnallarni qamrab olgan.


Facebook | Telegram | Web | Instagram

​​📣📣📣Beruniy nomidagi YUNESKO – O‘zbekiston xalqaro mukofoti ta’sis etildi

✅ Mazkur mukofot sunʼiy intellekt sohasidagi etika bo‘yicha tadqiqotlar va ishlanmalarni qo‘llab-quvvatlashga qaratilgan.

✅ Mukofotni ta’sis etish to‘g‘risidagi qaror joriy yilning 22-oktyabr kuni Parij shahrida bo‘lib o‘tgan YUNESKO Ijroiya kengashining 220-sessiyasida O‘zbekiston Respublikasi Prezidenti tomonidan ilgari surilgan tashabbus doirasida bir ovozdan qabul qilindi.

✅ Mukofot ikki yilda bir marotaba sunʼiy idrok sohasida odob-axloq va inklyuzivlikni rivojlantirish hamda xalqaro ilmiy hamkorlikni mustahkamlashga xizmat qiluvchi zalvorli loyihalarga beriladi.

✅ Gʻoliblar mustaqil xalqaro hakamlar hayʼati tomonidan saralab olinadi va jahon ilm-faniga qoʻshgan hissasi eʼtirofi ramzi sifatida pul mukofoti, sertifikat va medal bilan taqdirlanadi.

✅ Ilk taqdirlash marosimi 2025-yilning noyabr oyida Samarqand shahrida YUNESKO Bosh konferensiyasining 43-sessiyasi doirasida bo‘lib o‘tadi.


Facebook | Telegram | Web | Instagram

📣📣📣“O‘zbekistonning taniqli olimlari ensiklopediyasi” nashr qilindi

✅ “Science and Innovation” nashriyoti tomonidan chop etilgan mazkur ensiklopediyada yurtimizning yetakchi olimlarining ilmiy faoliyati va yutuqlari aks etgan biografiyalari jamlangan.

✅ “Ensiklopediyadan Uchinchi Renessans ostonasida turgan Yangi O‘zbekiston ilm-fanining darg‘alari o‘rin olgan”, deyiladi “Science and Innovation” nashriyoti Telegram kanalidagi xabarda.

✅ Kitobdan o‘rin olgan olimlar haqidagi ma’lumotlar taniqliolimlar.uz platformasi va wikipedia.org onlayn ochiq ensiklopediyasiga ham joylashtirilgan.

✅ Kitob keng kitobxonlar ommasi uchun mo‘ljallangan.


Facebook | Telegram | Web | Instagram

​​❓“Impact Factor” – nima?

✅ Impakt-faktor (IF) – inglizcha “impact” - ta’sir, ta’sir ko‘rsatish, hissa ma’nolarini anglatib, o‘zbek tilida impakt omil deb ham ataladi.

✅ Impakt-faktor – muayyan bir davrda ma’lum bir jurnalda chop etilgan maqolalardan qanchalik ko‘p iqtibos keltirilganligini belgilovchi omil hisoblanadi.

✅ Impakt-faktor, asosan ikki xil parametr asosida aniqlanadi:
✔️ Birinchisi – muayyan bir davrda jurnalda chop etilgan maqolalar soni;
✔️ Ikkinchisi – turli manbalarda ushbu maqolalarga berilgan havolalar soni hamda ularning o‘zaro nisbati.

✅ Mazkur ko‘rsatkichlar jurnalning ilmiy ahamiyati, mavqeini belgilash, uning tadqiqotlarga ta’sirini baholash hamda uni boshqa jurnallar bilan taqqoslash imkonini beradi.


Facebook | Telegram | Web | Instagram

✅ Хirsh indeksi yoki h-indeks – ilmmetriya ko‘rsatkichi 2005-yilda Kaliforniya universitetining San-Diegodagi kampusi ilmiy xodimi Xorxe Xirsh tomonidan dastlab fiziklarning ilmiy faoliyati samaradorligini baholash uchun taklif qilingan.

✅ Xirsh indeksi ilmiy xodim, olimlar guruhi, ilmiy tashkilot yoki umuman mamlakatdagi nashrlar soni va ushbu nashrlarga berilgan iqtiboslar sonidan kelib chiqqan holda aniqlanadigan faoliyat samaradorligining miqdoriy tavsifini belgilaydi.


Facebook | Telegram | Web | Instagram

Rossiya ilmiy iqtiboslar indeksi – РИНЦ

✅ РИНЦ (Российский индекс научного цитирования) – Rossiya ilmiy iqtiboslar indeksi.

✅ Mazkur platforma nafaqat Rossiya, balki butun dunyo olimlarning ilmiy maqolalari jamlangan bibliografik ma’lumotlar bazasi hamda ilmiy iqtiboslar indeksi sanaladi.

✅ Foydalanuvchilar nashrlar va maqolalardan o‘zlariga kerakli ma’lumotlarni olishlari uchun “РИНЦ” ma’lumotlar bazasi asosida ScienceIndex tahliliy to‘plami ham ishlab chiqilgan.

✅ “РИНЦ” loyihasi 2005-yildan beri “Ilmiy elektron kutubxona” mas’uliyati cheklangan jamiyati tomonidan amalga oshirib kelinmoqda.

✅ “РИНЦ” ma’lumotlar bazasi iqtiboslar ko‘rsatkichi asosida olimlar yoki ilmiy tashkilotlarni baholash vositasi bo‘libgina qolmay, balki ilmiy davriy nashrlar bo‘yicha bibliografik ma’lumotlarning nufuzli manbasi sifatida ham faoliyat yuritadi.


Facebook | Telegram | Web | Instagram

​​✅ Scopus – 2004-yilda “Elsevier” akademik nashriyoti tomonidan yaratilgan ilmiy adabiyotlar bo‘yicha yagona bibliografik va referativ ma’lumotlar bazasi.

✅ Scopusga kirish huquqi institutsional, ya’ni rasman o‘rnatilgan tartib asosidagi obuna orqali taqdim etiladi.

✅ Foydalanuvchilar kerakli ma’lumotni kalit so‘z, ibora, maqola nomi yoki jurnal sarlavhasi bo‘yicha qidirishlari mumkin. Tizim tomonidan yaratilgan natijalar nashr etilgan yil, mavzu, mansublik va hujjat turi bo‘yicha filtrlanadi. Ma’lumotlarni kuzatish, tahlil qilish va vizualizatsiya vositalari ham ma’lumotlar bazasiga kiritilgan.

✅ Scopusga kiritilgan barcha davriy nashrlar Kontent tanlash bo‘yicha maslahat kengashi (Content Selection & Advisory Board) tomonidan ko‘rib chiqiladi. Bundan tashqari nashrlar chop etiladigan maqolarlarining yuqori sifatini ta’minlashlari lozim. Har yili nashrlarning Xirsh indeksi, CiteScore, SCImago Journal Rank (SJR), Source Normalized Impact per Paper (SNIP) singari indekslar talablariga muvofiqligi tekshiriladi.


Facebook | Telegram | Web | Instagram

‼️DIQQAT!

“Ilm-fan va innovatsion rivojlanish” ilmiy jurnalining 6-soni uchun maqolalar yetarli darajada toʻplangani sababli maqolalar qabuli toʻxtatildi.

Facebook | Telegram | Web | Instagram

⚡️Google Scholar (Google Академияси) – ilmiy nashrlarni qidirish bo‘yicha bepul tizim.

✅ 2004-yil noyabr oyida Google muhandislari tashabbusi bilan ishga tushirilgan.

✅ Qidiruv tizimi metama’lumotlarni indekslaydi, ularni ilmiy adabiyotlar, jumladan, jurnal maqolalari, preprintlar (nashrga oid dastlabki ma’lumotlar), dissertatsiyalar, kitoblar va texnik hisobotlar ko‘rinishida to'liq matn shaklida taqdim etadi.

✅ Qidiruv mualliflar ismi-sharifi, kalit so‘zlar yoki jurnal nomi bo‘yicha amalga oshirilishi mumkin.


Facebook | Telegram | Web | Instagram

✅ Google Scholar mualliflardan olinadigan iqtiboslarni uchta ko‘rsatkich bo‘yicha avtomat tarzda hisoblab ko‘rsatib beradi:

❗️olingan iqtiboslar bo‘yicha – boshqa nashrlarning mazkur tadqiqotga necha bor murojaat etganligining umumiy soni;

❗️Xirsh indeksi bo‘yicha – muallifning muayyan bir ilmiy sohaga qo‘shgan umumiy hissasi hamda uning maqolalari va asarlaridan olingan iqtiboslar soniga asoslanadi;

❗️I10-indeksi bo‘yicha – 2011-yilda Google Scholar tomonidan kiritilgan ko'rsatkich bo'lib, u kamida 10 ta turli manba tomonidan ilmiy nashrga berilgan iqtiboslar sonini hisoblaydi.


Facebook | Telegram | Web | Instagram

​​✅ Web of Science (ingl. WoS, dastlab Web of Knowledge deb yuritilgan) – bir nechta bibliografik va referativ ma’lumotlar bazalarini o‘zida mujassamlashtirgan qidiruv platformasi.

✅ Bibliografik ma’lumotlar bazasi – turli nashr (asar)lar haqidagi ma’lumotlarni o‘z ichiga oladi. Muayyan bir asar (maqola, qo‘llanma yoki monografiya)ga oid asosiy ma’lumotlarning qisqacha tavsifi keltiriladi, ya’ni asarning muallifi kim, nomi nima, kim tomonidan va qachon nashr etilgan, hajmi qancha va shu kabilardan iborat bo‘ladi. Bu uni bir necha o‘n minglab boshqa nashrlar orasidan izlash va topish jarayonlarini osonlashtiradi.

✅ Referativ ma’lumotlar bazasi deganda, muayyan bir asar (maqola, qo‘llanma yoki monografiya)ga oid asosiy ma’lumotlardan tashqari, uning qisqacha mazmunini aks ettirgan annotatsiya, referat yoki nashr mazmuniga oid boshqa ko‘rsatkichlar tushuniladi.


Facebook | Telegram | Web | Instagram

🟢 Web of Science jamlanmasi 1960-yillarda Ilmmetriya asoschisi Yujin Garfild tomonidan ishlab chiqilgan Scientific Citation Index negizida yaratildi va tez orada olimlarning fanga qo‘shgan hissasini baholashning asosiy vositasiga aylandi.

✅ WoS yetakchi ilmiy jurnallar, ilmiy kitoblar, tadqiqotchilarning maqolalari, kitoblar sharhlari, annotatsiya va tezislar hamda boshqa adabiyotlarni indekslaydi.

✅ Indeks ilmiy nashrdan olingan iqtiboslar soniga qarab aniqlanadi.

✅ Iqtibos – (إقتباس) arab tilidan olingan so‘z bo‘lib, qisqartish, toraytirish, qoʻlga kiritish, koʻchirma olish, koʻchirma, dalil keltirish kabi maʼnolarni bildiradi.

Facebook | Telegram | Web | Instagram

🟢 Iqtibos — biror manbadan koʻchirib olingan matn, asar yoki nutqdan soʻzma-soʻz olingan parcha.

✅ Maqola muallifi boshqa biror nufuzli muallif, mutaxassis yoki nashrdan iqtibos keltirish orqali:

❗️ o‘z fikrini mustahkamlashi;

❗️ iqtibosdan ko‘rgazmali illustratsiya sifatida foydalanib fikrini to‘ldirishi;

❗️ yoki iqtibosdan keltirilayotgan fikrni tanqid ostiga olish maqsadida foydalanishi ham mumkin.

Facebook | Telegram | Web | Instagram