أمس بليل
طَيفك مَر بلعيون
وگعدت وياك سَاعة وعاتبيتك
وفجاه راح طيفك وفزت الرُوح
گلبت اليل كله وما لگيتـك !

والسوالف كلها تكضي وتبقى
سالفتي طويله .

لـ فاضل عبد الساده

القصيدة الكاملة بعنوان انتهينه :

انتهينه ..
وانتهه الما ينتهي وخلص حجينه
انتهينه
وبكت كطرات الوفه المذبوح تتناثر علينه
.
.
وبكت للمجفين كوم اسرار عد روحي الامينه
وكون نتساهد عتبنه ايفيد بيهم
عاتبينه ..
وكون يسوون البچي
چا بثنعش ناظر بچينه
.
.
غافلونه وباكوه العشره غفل من بين ادينه
وباكو من ايد العمر سنتين وبودهم رضينه
.
.
تالي نزعو شوكنه امن كلوبهم !!..
كالو عوض عنكم لكينه ..
تالي سدو بابهم ..
من شافو اعله الباب اجينه ..
.
.
وشككو مكتوبنه وبلا خجل ذبو علينه ..
اتندمينه ..
وجينه نسحل شوكنه ابرجل الندامه ..
وايسينه ..
.
.
وابتعدنه بعيد
لاچن طيفهم ظل يعتنينه..
ظلت احجاياتهم عالبال ..ماجلمه نسينه

ياما لسعتنه الشمس وبفّي كصايبهم غفينه !!

ياما ذبنه العطش يمهم ..وبجدح جفهم روينه ..
ياما فيضنه الوفه ..
وحطولنه المهجه سفينه ..

تالي ..؟
طبكو بابهم وبنار فشلتنه انجوينه ..
تالي ..؟
نكرو شوكنه وسجة اسنينه
وسالمو غربه ونسو لويات ادينه
اتندمينه ..

اشلون..؟
قشمرنه الكلب والهم مشينه ..
اشلون ..؟
ماتبنه ابجرح..واعاه الجروح اتعودينه
شتلو ادروب العشك عثرات !! وشلون انعمينه
اتندمينه ..
وجينه بجنازة عشكنه الماتزغفله ..وآيسينه
وهذا حدنا اويه الهوه ..
وطاري الوفه ..
وشوك المدينه
انتهينه ..
وكون يسون الدمع چا بثنعش ناظر بجينه

انتهينه ..
انتهينه ..

وجهج ينسيني همي
صوتج بليل من اسمعه
چن بچت عد راسي امي

كاظم اسماعيل الكاطع🩶

أعَز من رُوحي أعَزك
وأنتَ أعَز مني
يَا حسَبة عُمر
خأوَيتها من صبُاي
بطِلت صفنتي
ومَا بطلت مَني

وانه خايف لا يحِن حّزني على حزنك

روحيّ
بلايه روحك مني گامت تخاف
الهوى لو مر عليّها يهزها ويذبها
انـَت وياها جانت گوا يمشيّ الحال
مـَن دونك نفسّ گل نفسّ مالها
شايف مـَن تجيّلك تدري بيها شلون
مرعوبه صفت و الشوگ بهذلها
مثل العاشگه اتطبّ مگبّره بنص
الليّل تايه شورها و ضايع گلبها
لـجبَار رشيد

دَمعتك بارده يكولون ما تشتاك
وانه خيال الحَنين يثكل بجدمه
والكاهُم فراغ منين ما حط شوك
الاحبهم مو نهار كلوبهم ظَلمه
اليضُم عندي هوى
ما اسولفه المخنوك
اليجي بوكته دمع
بعيوني ما اضُمه
واهس لليل جَرحي
شكد سوالف بي
عليه كُل ذكرى مرت تنحسب لچمه
هوت روحي وهوت
بس ما هوتها الناس
حچي عيوني سهل
بس جيب اليفهمه
الهوى يلتم عليه منين ما ذكروك
وادُك رجلي واضل بعازة الخنكه
واغُص بريحتك ماكمت اغُص بالزاد
المفارك النسمه العابره تغركه
علي رشم

وين أنت ملينا النشد
والناس گامت ماترد
- جبار رشيد

انه المنسي النحيل الذابل المتعوب والضامي الغريج الما يحبه احد .

لـ حسين محمد

لوليلي يا يمه ولو كبران

الكاطع

خسَرنه العافية شنخِسر بعد ونتِوب!

يَا گَاعّ التَلمّني وَيُاكَ
وَأشَتريهَا بَثمن روحِي .

- بكُل ضَياع الروح أريدَك
أنا كِل دروبي أحسها خطوط إيدَك .

اي يگلبي
حزنك مغطي الشوارع وانت تضحك

طارق بريسم

كون تشُوف روحِي شخَله بيها الخُوف
وكُون تشوف حَالي شكد الك ملهُوف
لـ جبار رشيد

تعلكنه برحم أمنه وصرخنه وگلنه مانطلع

لـ الكاطع

من شوفتك بيه جرح
لايعتك ولايلتم ولا ينغسل
ولايبرد ولايلتف


محسن الخياط

تِظن الذكرَيات تعوفك بخِير؟
مَحطّة تمرها يُوميّة بقطارَك

چنت احس روحي سفينه وأنت ماي
وهسه شح المـاي
واه يا شحة المـاي إعلى السفن

حمود كريـم