انا احسب إني استرحت مْن المساري كل ليل
‏إلين صارت الأرض فوقي عقب ماني فوقها

‏سريت و أنا اقول وش باقي لي مْن الويل ويل
‏مافي رحاب الأرض ديره ماني بمخنوقها

‏و الله م اخترت الفراق ولا تسَاهلت الرحيل
‏لكن قلوب الطيبين ، تضيع مثل حقوقها

‏والله أني لا أموت بعزتي ما عشت عبدٍ ذليل
‏والسيف لو يطعن يدي .. يدي هي اللي تجرحه

بين الكثير مْن التساؤل والقليل مْن اليقين
‏المشكلة ماني بـ أعرف المشكلة وأحلّها

‏أنا تعبت مْن الوصل والبعد والناس أجمعين
‏وقلوب تبغيني وأنا .. ما عاد أبيها كلها

ما يضيق فضاي الا الشعور الغريب
‏ولومة النفس لا من جات في حلها

‏بين قربٍ صعيب وبين بعدٍ صعيب
‏كلها موجعهّ : واعيشها كلها !

اليوم ماهو حزين وما أظنه سعيد
‏شعور ماله إسم لكن أنا عارفه
‏
‏كني تنازلت عن وقتي ، ليومٍ جديد
‏عايش ولكن عقارب ساعتي واقفه !

يارب وأنت أكبر وأكرم وأغنى
‏ من كل ما أتمنى وأتوق وأحلم

‏اجعل لكل اللي أحسّه ، معنى
‏وجنّبني الطريق الطويل المظلم

"حبيبي جعل باقي للسنين الماضية معواد
‏لو انها فكرةٍ في حاضرك ماهيب مطروقه"

لو أن قلبك الاسودّ مثل قلبي الشفاف
‏ماشفت العنا منك ولا شفت - غرباليّ

من تلاقينا وأنا ادّري إن الوداع الزاميّ
‏من قبل وقت اللقاء و أقدارنا مَكتوبه

ماني محمِّل شعوري فوق مالاّ يستطيع
‏شف لك من الناس ليلٍ يجوز لك و اِسهره

الناس عندي سوا ، والباب صدره وسيعّ
‏ من راح ماحرك برأسّ السنين شعره

‏الله يبعد عنا كل شخص مايبين بعينه الطيب .

عليك اخاف من زخّ المطر لا يوجعك :قطره
‏واحنّك من بدايات الهوى لـ آخر .. نهايااااتي

‏أحبك كثر ما بحر القصيدة يولد الفكره
‏«ويوزن في بيوت الشعر حنيّة ..كتاباتي»

‏يشين الحظ وبعينك يصير الحظّ : يا كبره
‏وتضيق الارض ما ضاقت معاك اربع تجاهاتي

احيان ماودّك — توايق على المستور
‏«من خوف لا تفقّد اللي ماتبي فقده»