tgoop.com/KADMTAMALBNEN/16515
Last Update:
جديد #
قصيده لاولاد مسلم ابن عقيل عليهم السلام
موشح
يانهر بس گلي هم عندك علم
ذبحو اولادي سوه أهل الظلم
ذبحو اولادي اعله جرفك يانهر
وبالگلب صفطه اعله صفطه اه يالقهر
طفو اعيوني وتراها ابلا نظر
اطشرت روحي اوغصب بيها الم
يانهر بس گلي هم عندك علم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عيني تبچي أومن بچيها ماشفت
لو ينادي أحد ييمه أنه التفت
چلمة ال يمه تره اگليبي تفت
ماظن اسمعها بعد حتى ابحلم
يانهر بس گلي هم عندك علم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هم دريت ابگلبي چم وصله صبح
والدهر صوب عليه اچم رمح
ابذبحهم والله دلالي انذبح
روحي مالومه وأخذ حيلي الهضم
يانهر بس گلي هم عندك علم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
والله هضمتنه يهالدنيه اشكثر
كربله توجعنه لمن تنذكر
والدهر طعناته اجت من كل كتر
اعله ياصفحه الگلب گلي يهم
يانهر بس گلي هم عندك علم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كثرن اللوعات وجروح الگلب
واعله ياضيم الدمع گلي يصب
يوجع افراگ الولد كلش صعب
وحزن البگلبي ابد ماينفهم
يانهر بس گلي هم عندك علم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN
BY قناة ام البنين سلام الله عليها بأشراف العلويه ام محمد تقي الموسوي
Share with your friend now:
tgoop.com/KADMTAMALBNEN/16515