tgoop.com/KADMTAMALBNEN/16661
Last Update:
جديد#
قصيده للامام العباس عليه السلام
عباس النهر شو حرمو مايه
أفزع يبن حيدر وارفع الرايه
أفزع ياكفيل اعدانه هضمونه
ومن الماي ياعباس حرمونه
أفزع يكفالي وليك ممنونه
راوايهم يكافل واگطع الثايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هد مثل الصگر لاتمشي عالبيده
خليها الجثث تتسطر ابهيده
والمثلك سبع كل موزمه اتريده
واليصد اعله عينك ينشده رايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليصد اعله عينك ماعرف دربه
يبو الكلفات يل ماكضتك صعبه
عله العدوان سيفك چن غضب صبه
اعرفنك سبع يل بيك الكفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اعرفنك شهم ماتحمل العيله
والعايل ترده اوتعدل الميله
لو مال الحمل بچفوفك اتشيله
بحلوگ الخلگ خليهم احچايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلي الطف يسولف بيك يالغالي
ياتچايتي وياسوري العالي
يماي اعيوني ياشريان دلالي
اكحيله الجابتك اي والله وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN
BY قناة ام البنين سلام الله عليها بأشراف العلويه ام محمد تقي الموسوي
Share with your friend now:
tgoop.com/KADMTAMALBNEN/16661