☘لاستشهاد الامام الكاظم ع ☘


الوزن / فائزي
مستفعلن مستفعلن مستفعلاتن

عالكاظم نعازي الرضا ننصب عزيه
مسموم گالو یاآسف هاي المسيه
🕊•✵✵•🕊•┈•❀

مسموم ومزنجل امامي بجسر بغداد
لا اهل يمه ولا محب عطاي المراد
ياوسفه كلها شيعته عن شخصه ابعاد
تتباچه وتنحب عليّه الرافضيه

✍☘ام فراس الساعدي ☘

•🕊•✵✵•🕊•┈•❀

اليوم كلهه شيعته دكت حداده
شايل أمام الرافضه راعي العباده
الشال من عدكم سبع حزنوا يساده
خلص حياته بالسجن نسل الزچيه

*✍️أم عبــــــد اللــــــه العــــابدي*

•🕊•✵✵•🕊•┈•❀

نسل الزجيه اعله الجسر لحگوا يشيعه
ميـــت امـام الرافضه ابــن الشفيعه
ننــصــب عــزيــه وفاتــحــــه بكل الوسيعه
ونــعزي بيــت المصـــطــفى والفاطميه

أم صــــ✍️ــادق المنصوري

•🕊•✵✵•🕊•┈•❀

للكاظم اندگ عالصدر ونهل الدموع
للخلصت اسنينه ابسجن والمات مفجوع
كلنه لابن جعفر نون وارواحنه اتلوع
ونواسي أمه فاطمه ابهاي الرزيه

✍️ام محمد تقي الموسوي

•🕊•✵✵•🕊•┈•❀

كلنه ننوح ويه الرضا للمات مسجون
اندگ الصدر للكاظم ونعميها العيون
نمشي بعراضه بالنعش وي اليشيعون
والدمعه نجريها لغريب الكاظميه

✍️ام علي المالكي

•🕊•✵✵•🕊•┈•❀

نواسي كلنه الطاهره والنبي الهادي
عالمات مسموم بحقد من الاعادي
خل نلبس اسود هالمسى نصرخ ننادي
مشمور ليش اعله الجسر راعي الحميه

الخـ✍️ــادمه ام زيد الشمري

🕊•✵✵•🕊•┈•❀

https://www.tgoop.com/KADMTAMALBNEN

*هوسات للامام موسى بن جعفر عليه السلام*
<<<<<<<<<<<<<<<<<

امجرب بالشدايد موسى بن جعفر
ابو چف السخيه الماترد مضطر
اسد بغداد مافد يوم يتعذر

باب الحاجات //ايسمونه

✍️..*ام محمد تقي الموسوي*

〰️➖〰️➖〰️➖〰️
يسمــــــونك كريم وباب للحاجه
ياباب الحوائـــــج  ليك  محتاجه
اجيت انه الضريحه بروح وهاجه

رد ومراده وياه / كاصد بابك

*الشاعرة والملا ام عـ✍️ـراق الشمرية( بغداد*)
➖〰️➖〰️➖〰️➖
ارید اَنخاک یا ابن جعفر الیله
اِبابک  واگفه  مولای  ودِخلیه
مِن ضَیم اِلوکت تَعبانه ونِحیله

هاللیله الحاجات //اِگضیها

✍🏻...*یسرا الموسوی*
➖〰️➖〰️➖〰️➖
يا بـــــــــاب الكرامه ليك متعنين
كاتلنه الهظم ونندب بجاه حسين
لنا حاجات وبيكم احنه متوسمين
تكضيها // والحاجه الكلفت

✍🏻...*ام حيدر العباديه عماره*
➖〰️➖〰️➖〰️➖
اتعنه ضریحک دمعِتی اعله الخد‌
اشگد عندی الــم والوجع یتجدد
اشدلی علگ یاربــــی انته اشهد

ایفکها الکاظم// بچفوفه

✍🏻...*ام محمد کعبی*
➖〰️➖〰️➖〰️➖
اجينه اليوم كلنه الصاحب الكلفه
هــــــذا بن الزجيه ونفخر بوصفه
كل معــلول يدخل حضرته يشفه

ماخاب اليكصد// للكاظم

✍🏻...*سلمى أم جعفر*
➖〰️➖〰️➖〰️➖〰️
اجيتــك سيدي ودمـــوعي اجريهه
دخيــلك حاجـــــتی مـولاي تگضيه
امـرادي اللیله اریده آلامي تشفیها
مــــــــــــــولاي بابابك //دخـــاله

✍️...*الشاعره أم أحمد الدريعي*
➖〰️➖〰️➖〰️➖
متعنيه لحضرتك والدمـع يجري
تشافي كل مرض وتبارك بعمري
ارحم حالتي امن المرض فك یسري

وبابك واگف /شافيني

✍🏻...*ام علی البیضانیه*
➖〰️➖〰️➖〰️➖〰️تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع 
لانجيز حذف الاسماء✋
🙏🏻نسالكم الدعاء
https://www.tgoop.com/KADMTAMALBNEN

قصيده لفقد الأهل والاحباب

اليفگد احباب الگلب
اعيونه عالراحو تصب
حال اليودع اعزازه
ياويلي چنه اجنازه

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
ريه اونَفس چنه گبل ابخيمتهم امغطينه
ماودعونه من مشو الفرگتهم اتأذينه
ماندري روحتهم زعل والهالسبب ناسينه
جمرة زعلهم ماطفت صبح اومسه تچوينه

احسن نموت اوياهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،
احسن نموت اويالمشو وبصفهم ايوسدونه
ياهو البعد بينه يمر بس همه ماينسونه
لحضه اوغفل عنه ارحلو ابنص الحزن خلونه
وياهم اخذو كل فرح ابضيم اوقهر عافونه
صبح اومسه ابذكراهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
نذكر سوالفهم گبل ذاك الضحك والونسه
اعزاز الگلب يالغربو گلولي منهم شنسه
مخفيه ونت هالگلب صرخاتي ضلت خرسه
واليفگد احباب اواهل ماظنه يطلع حسه
اسوالفهم اوملگاهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
ذيچ السوالف ماترد اوياهم مشت فرحتنه
بنگابه ملفوف الگلب ناصبه عزه العشرتنه
راحت بعد يادنيتي ماظن ترد لمتنه
ونضل نناشغ چن طفل ومن الگلب نشغتنه

ما ننسى ابد طرواهم
ماينحمل فرگاهم

اخ أمن الفراگ اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
يبست شرايين الگلب لمن فگد أحبابه
عنه احنه شبساع ارحلو وتوسدو ال اترابه
اصوابه دلالي كلف ماظن يطيب اصوابه
نار اوتشب وسط الضلع ماتنطفي لهابه

حيف التُرب غطاهم
ماينحمل فرگاهم

اخ أمن الفراگ. اخ أمن الفراگ
،،،،،،،،،،،،،،،،،،،،،،،،،،،،،،،،،،،،،
خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

يزينب هاي طبت مجلس يزيد
كل ضنه يذلها ويومه جن عيد
========
طبت بت علي وشلون طبتها
تعصف بالوجود الجلمه ذبتها
جلابيب الوياها بصبر عبتها

جن حيدر يخطب بلسانه
✍طالبةالزهراء
=======
بركان انفجر من طبت المجلس
دره الكرار ابوها اوماگدر يجلس
زينب مدرسه اوبيها العلم يدرس

زلزال اوهدم /طاغوته

✍️ام محمد تقي الموسوي
========
اكحيله امعدله واربات والدها
بت الزهره هاي المصطفى جدها
حياء الحره يشلع عين ال ايصدها

ايعرفوها /اخت العباس

✍️ام محمد تقي الموسوي
=======
من بعد اليسر والضيم سابكها
على طول الدرب عباس رافكها
تطيح تكوم لن ابروحه شابكها
ماميت راسه يحاميها
✍طالبةالزهراء
=======
هيبه حيدره الكرار طبتــهه
لسان الناطق بديوانه خطبتهه
رعبته اليزيد وناره شبتهــه

(بركان الوج وسط اعداها)

✍🏻خـادمـة الزهـراءام احمد العبوديه زبير
=======
تمت القصيده باقلام شاعرات رابطه النهج الفاطمي

https://www.tgoop.com/alkalm313

اللهم صل على محمد وال محمد

نعي گرناوي
حول وفاة مولاتي الزهراء عليها السلام

راحت يويلي الشبعت اهموم
وعافتنه عمت عيني يتامه

من كثر القهر ضلت تون دوم
اويويلي اعله البچي شبعت ملامه

عيني امي فلا مرها الوسن يوم
بعد ماخلو ابخدها علامه


نيشان الگلب أمضى أمن الخدود
علامه الدهر ويه امنه علامه

بعد هم ترجع امي البيتنه اتعود
لو هيهات راحت بالسلامه
يوميه الحزن بگليبي ايزود
اشما طالت المده ايجن هيامه

ماظنها ابد يرويحتي اتهود
ويوم اللي ارحلت يوم القيامه

أنه ابضيم اوقهر دلالي موعود
واعليه الدهر صوبهن اسهامه

التموت أمه يضل كل عمره مفگود
تساوه ابعينه صبح الله اوظلامه

عطر الزهره امي احلى امن الورود
اومن رب العرش الها كرامه


خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

مقطوعه شعريه
عن الام

بعد ما تطلع الضحكه أمن الگلوب
نضحك بالچذب ونطلعه سنه

ضحك مابيه فرح يتسمى چذاب
نسيناه الفرح من راحت أمنه

واضح لو فرح وجه اليضحكون
وسط العين باوع تلگه همنه

والمجروح گلبه ماظن ايطيب
مايبره ابد لايشفى منه

مثل عين اوجفن هالحزن للدوم
عالراحت يضل دايم حزنه

امنه العافيه اوراحت غفل هيچ
اورگد منه الجسم مامنه ظنه

لاصحه بقت لاظل بعد حيل
لاظن هالگلب ينساه ونه

خادمة ام البنين عليها السلام
ام محمد تقي الموسوي نسألكم الدعاء
https://www.tgoop.com/KADMTAMALBNEN

مقطوعه شعريه
عن الام
حرت بيش أنه اجازي الجابت امي
ربت والنعم هيچ اليربون

مو مسألة ام واتسولف اوياك
لجن جيناتهم بينه يغرسون

حضن امي الوفه والعزه والطيب
ابيض گلب امي وناصع اللون

ماشالت حقد لاكرهت انسان
وبزيناتها الوادم يذكرون

ثوب امي الستر والشيله ناموس
شيخه أو يالغرب ماشالت اعيون

طبع امي طبعهن الاوليات
كلهن مستحه اوكلكم تعرفون

الماشافو شعرهن يوم الاولاد
اوهمه أولادهن شرعأ يحلون

وصتنه ابد مانحچي وجهين
مضلومين نامو لاتظلمون

گالت سامحو الياذيكم اهواي
حقد وبنص گلبكم لاتشيلون

اكو الله يجازي اللي ظلم يوم
أله الكون عادل وانتو تدرون

شسولف لو ردت عن امي ياناس
لحد يوم الحشر ابقى الها ممنون

خادمة ام البنين عليها السلام
ام محمد تقي الموسوي نسألكم الدعاء
https://www.tgoop.com/KADMTAMALBNEN

ميلاد الاقمار


شعبان هل بعياده
واجب نهني الساده

طشو الورد والقداح
هالليله ليلة افراح

واجب نهني الساده

💐💐💐💐💐💐💐
واجب نهني فاطمه والكرار
نبعث تهاني للحبيب المختار
سيد شباب الجنه نورها الدار

طشي الورد والريحان
ياروحي بين شعبان

واجب نهني الساده
💐💐💐💐💐💐💐

حقها تهني هالخلگ وطش ياس
ابهذا الشهر مولد بطل تاج الراس
اسمه الفخر والغيره هذاالعباس

ابن الأصل والاجواد
يامرحبا ابهالميلاد

واجب نهني الساده
💐💐💐💐💐💐💐
ابهذا الشهر كل الفرح والاعياد
نور علينه الأكبر اويالسجاد
نسل الشرف والطيبه نسل الامجاد
هاليله فرحانه الروح
هيل اومسج عطر ايفوح

واجب نهني الساده
💐💐💐💐💐💐💐
خامس عشر من هلشهر طش اورود
بيه ينولد مهدي الزمان الموعود
روح اوگلب فدوه لجل راعي الزود

روحي نذر للمحبوب
ابحبه تطهر الگلوب

واجب نهني الساده
💐💐💐💐💐💐💐
كل الهله ابسيف العدل والاصلاح
نوره بزغ واعله البشر هل اولاح
المهدي غالي اولجله ترخص ارواح

وبجيته انثر جكليت
ويعم فرحنه ابكل بيت

واجب نهني الساده
💐💐💐💐💐💐💐
خادمة ام البنين عليها السلام
ام محمد تقي الموسوي نسألكم الدعاء
https://www.tgoop.com/KADMTAMALBNEN

قصيده حول ميلاد سيدي ومولاي المهدي عليه السلام


مهدينه غالي واغلى محبوب
نوره يشع ويضوي الدروب

ياهله ابمهدينه
مولده يحيينه

💐💐💐💐💐💐💐
انهني ونبارك للحسن هالليله
نور املنه اوبالفرج ندعيله
ياروحي جوري للولي نثريله

علگينه الزينه
مولده يحيينه

💐💐💐💐💐💐💐
انهني رسول الله ابحفيده القائم
هاليله گلبي اوي الفرح متوالم
المهدي امامي اوحقي لو بيه هايم

حبه اللي ينجينه
مولده يحيينه
💐💐💐💐💐💐💐
هايم يروحي امن الصغر بوداده
ياگلبي فرحة هالعمر ميلاده
مية هله ابشعبان وبأعياده
ورد اله طشينه
مولده يحيينه

💐💐💐💐💐💐💐

حبه سكن ياهالخلگ دلالي
افرح يگلبي وابتهج للوالي
شيعي وموالي والفرح يحلالي

نوره الي دلينه
مولده يحيينه
💐💐💐💐💐💐💐
افرح وطش أنه الورد للمهدي
بالدنيا غيره يابشر ما عندي
هو فرحتي وكل حياتي اوسعدي

ابجيته هنينه
مولده يحيينه
💐💐💐💐💐💐💐
خادمة ام البنين عليها السلام
ام محمد تقي الموسوي نسألكم الدعاء
https://www.tgoop.com/KADMTAMALBNEN

,هوسات لقمر العشيره ابو الفضل العباس عليه السلام

ميلاده بزغ هاليوم واعلينه يشع ضيه
يامية هله ابعباس يامرحبا ابطاريه
علمنه الفخر والزود علمنه الاعزوبيه
يكرم عباس ابجفينه


كريم وبالكرم ماوصلو احدوده
شجاع أو لو وعد يوفيهن اوعوده
مو ماي انترس غيره اوفه جوده

الكون أتعجب بفعاله


شهم حلو الصفات وللبشر معشوگ
الشجاعه اتفصلت لجله اوعليه اتلوگ
گمر كل التشوفه اتباوع ال ليفوگ

بركان اويتفجر غيره


خادمة ام البنين عليها السلام
ام محمد تقي الموسوي نسألكم الدعاء
https://www.tgoop.com/KADMTAMALBNEN

قصيده حول ولادة الامام العباس عليه السلام


اليله مولد غيره مولد مرجله
ياهله ابعباس يامية هله

افرح افرح يالمحب
اليوم ميلاد الگلب

ياهله ابعباس يامية هله
🪷🪷🪷🪷🪷🪷
والنعم من الكريمه الجابته
عالوفه والطيبه والحق ربته
امعدل اومهيوب تعجب سيرته

يادمع بالك تصب
اليوم ميلاد الگلب
ياهله ابعباس يامية هله

🪷🪷🪷🪷🪷🪷
اليوم أنسى أحزاني وانساه الدمع
الااطش املبس واعلگ شمع
هذا ميلاد السبع وابن السبع

للگمر روحي تحب
هذا ميلاد الگلب
ياهله ابعباس يامية هله

🪷🪷🪷🪷🪷🪷
روحي طير اوعالحرم گامت ترف
ينبض الدلال كل دگه ابألف
فرحت اگليبي ابد ماتنوصف

لجله زينة الدرب
هذا ميلاد الگلب
ياهله ابعباس يامية هله
🪷🪷🪷🪷🪷🪷
هبت اعلينه نسايم مولده
گلبي ياهو ايشوفه گام ايعايده
والفُرح لاهل الكرم يامسعده

نسمة الفرحه تهب
الليله ميلاد الگلب
ياهله ابعباس يامية هله

🪷🪷🪷🪷🪷🪷
الكرم بجفوفه ياروحي صفه
اسمه ابو فاضل على أبوابه الشفه
الليله ميلاد الشجاعه والوفه

امجرب ابيوم الحرب
الليله ميلاد الگلب
ياهله ابعباس يامية هله
🪷🪷🪷🪷🪷🪷
خادمة ام البنين عليها السلام
ام محمد تقي الموسوي نسألكم الدعاء
‏https://www.tgoop.com/KADMTAMALBNEN

مولود لولادة الامام الحسين عليه السلام


فرحانه كل شيعة علي//بمولود الحسين
بوجوده كل هم ينجلي//گرة العينين

🌼 ৡ✵ •┈┈┈• ✵ ৡ✵🌼

اليوم فرحانه الملا بمولد شبير
وجهه مو مثل البشر صدگوني غير
بمولده انزاح الحزن غرد الطير
ياهلا بثالث امام ومبسمه خير

الدنيا كلها معيده//بمولود الحسين
وميلاده كلنه نجدده//گرة العينين

الخـ✍️ــادمه ام زيد الشمري

🌼 ৡ✵ •┈┈┈• ✵ ৡ✵🌼

نور اعلينه ابن خير البشر
والكون بهلاله اوجيته ابتشر
هذا ابن طه الي دين الله نشر
النبي فرحان من شاع الخبر

الليله كل گلب انشرح//بمولود الحسين
قصايد اكتبنه ابفرح//كرة العينين

✍ام اسعد الشمري

🌼 ৡ✵ •┈┈┈• ✵ ৡ✵🌼

الليله ميلاد السبط اشرف نسب
احسين غالي واسمه بالدم انكتب
ابمولده ريح السعد گامت تهب
هذا ابو السجاد وترابه نحب

فرحانه بيه ارض اوسمه//بمولود الحسين
انهني كلنه فاطمه //گرة العينين

✍️ام محمد تقي الموسوي

🌼 ৡ✵ •┈┈┈• ✵ ৡ✵🌼

ورد طشينه لقدوم اجمل وليد
الكون كله بمولده زاهي وسعيد
ثالث بشعبان عند الشيعه عيد
بيه مولد سبط هادينه المجيد

بچه فطرس واجتهد //بمولود الحسين
مسح جنحه بالمهد//گرة العينين

✍️ام زهراء

🌼 ৡ✵ •┈┈┈• ✵ ৡ✵🌼

بفضل هذا اليوم مقبول الدعاء
بيه ينزال التعب ويه العناء
وباسم ابو الاكبر نعليه النداء
احضرنه كلنه نصيح يابن الاوصياء

الصوت بالمحفل عله//بمولود الحسين
هايبن سيد المله //گرة العينين

✍ العلويه ام نور الميسانيه

🌼 ৡ✵ •┈┈┈• ✵ ৡ✵🌼

#تمت باقلام شاعرات رابطة خادمات سيد الشهداء"ع"
https://www.tgoop.com/KADMTAMALBNEN

قصيده للام

هذا اليودع أمه ابگبر
لگليبه ماينفع صبر
حال ال يودع أنفاسه
ماينوصف إحساسه
لاغمض جفنه اولانام
،،،،،،،،،،،،،،،،،،،،،،،،
اتسوي للدنيه طعم حب اوامان اومعنه
وشما كبر بينه العمر حضن امنه بس يجمعنه
خلتنه ليش ابنص درب بين المگابر ضعنه
مدري احنه شيعنه النعش مدري النعش شيعنه

مو امنه ماتت احنه
اخ اشعظم هالمحنه

واحدنه شيب راسه
حال اليودع انفاسه
لاغمض جفنه اولانام

✍️ام محمد تقي الموسوي
========
عين التصد صوب النعش بيه غافيه الحنيه
ياموت ترحم لوعتي موتدري عدها ابنيه
مودمع صب اعل الوجن جن نار تسعر بيه
كون اندفن وي الوفه كون اصبح المنسيه

يسطرني جف الفركه
ماضن بعد للملكه

ضيم الحزن لو جاسه
حال اليودع انفاسه
لا غمض جفنه اولا نام
✍طالبةالزهراء
=======
ردينه نسحل بالجدم بعد الدفن ردينه
ابياحال اوصف رجعته اليدفنها بيده اسنينه
ابلحظه اندفن كل العمر حاضرنه وي ماضينه
توجع صدگ طگت الدهر مارحمت أحد بينه

تاذي الدهر طگاته
ماتنحمل سطراته

ما يرحم ابدا ناسه
حال اليودع انفاسه
لاغمض جفنه اولانام
✍️ام محمد تقي الموسوي
=======
وشطوله يادرب النجف ويلي اشثگل ساعاته
للعايف أمه ابنص لحد ماتنحمل وناته
يمشي اويصد اعله الگبر نار اوتشب حسراته
طول الدرب ينعى اويون تچوي الوجن دمعاته

ثگل الجبل ياهمه
هذا اليفارگ أمه

بيت اوتهدم ساسه
حال اليودع أنفاسه
لا غمض جفنه اولانام
✍️ام محمد تقي الموسوي
=======
بيت اوتهدم ونگشع فيه اوفگد حنيته
الفارگ أمه ايضل يون يحضنها بس أمنيته
كلما يشم نسمة هوى يلگاها  تخنگ ريته
وحشه ويضل بس للترب ماينسكن يابيته

تخلص قهر ايامه
ليله ابد مينامه

جذع اوتكطعه الفاسه
حال اليودع أنفاسه
لاغمض جفنه اولانام

✍️ام محمد تقي الموسوي
======
تمت القصيده برابطه النهج الفاطمي
https://www.tgoop.com/KADMTAMALBNEN

نعي حول استشهاد مولاتي الزهراء عليها السلام

اتعنيت ازورچ واعتب اعليچ
ماصدگيت اتراب غاطيچ
عونه ال يحط چفه ابأديچ

نار ابنص دليلي اشلون بيه

رديلي ساعه ارد احچي وياج
ارد أنه اسولف ضيم فرگاچ
مافارگ الدلال طرواچ

حيرانه اون صبح امسيه

ياام الحسن مگدر للفراگ
وعليه كل هذا الفضا ضاگ
اكل ابروحي لمن اشتاگ

احس اعضاي كلها أتون عليه

اعليج اون ليل او نهار
بعدچ يزهره اشبع مرار
وسط الگلب مشتعله نار

ماتنطفي حد المنيه

ماتنطفي لاتبرد اشلون
اخلافچ ييمه عميه العيون
الماحسو ابضيمي يلومون

اون اعليچ والونه خفيه

ماظن بعد ليه تردين
ؤباسمي ييمه ماتنادين
رديلي خلها اتشوفچ العين

مالومه تسعر نار گلبي

خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

قصيده عن الام

ضليت ادور بالصور
حد ماتعب مني النظر

مشتاگه حيل اعيوني
مااحمل اتلوموني

عونه اليشوف ارسومها
،،،،,,,,,,,,,,,,,,,,,,,,,,,,,,,,,,,,,,
مالوم أنه اتوسل صور وتمنى امي اصدلي
متحسف ايام الگضت لارحت لامرتلي
لا بالچذب وصت علي لاحنت اوصاحتلي

مثل اليفارگ روحه
صار الجسد چن لوحه

متغير ايسألوني
مشتاگه حيل اعيوني

عونه اليشوف ارسومها2
،،،،,,,,,,,,,,,,,,,,,,,,,,,,,,,,,,,,,,
ضليت اون مثل الطفل ومغمضات اعيوني
وتخيل أنه امي تمر ويردلي دمي اولوني
مابيها روحي اعله الصبر يهل الصبر علموني

عيني انطفت من راحت
دمعاتي عالخد ساحت

محمل بعُد تدروني
مشتاگه حيل اعيوني

عونه اليشوف ارسومها2

،،،،,,,,,,,,,,,,,,,,,,,,,,,,,,,,,,,,,,
ماريد أنه اعيوني بعد المن اشوفن بيها
راحت بعد نبض الگلب ماصح بديه اشريها
ماحسبت من نفترگ عشره اوغفل ننهيها

ياريت اموت اوياها
مااصبر ابلياها
لحد يگلي اشلوني
مشتاگه حيل اعيوني

عونه اليشوف ارسومها2
،،،،,,,,,,,,,,,,,,,,,,,,,,,,,,,,,,,,,,
اشلون اخلص أنه العمر لو امي ماتدعيلي
اولو ما احاچيها المسه اشلون انامن ليلي
امي أنه يوم اللي ارحلت اوياها خذت كل حيلي
ثگل الأرض ياهمي
مو حگي راحت امي

حگي ايتغير لوني
مشتاگه حيل اعيوني

عونه اليشوف ارسومها2
،،،،,,,,,,,,,,,,,,,,,,,,,,,,,,,,,,,,,,
هو التروح أمه بعد چاشنهي الي يضل عنده
خير الله من ايده غفل ياهالخلگ يتبده
خالي مكان امي يون ياصرخه گلي اتسده

ضل العطر بغطاها
امي فلا انساها

اعمي النظر خلوني
مشتاگه حيل اعيوني
عونه اليشوف ارسومها2
،،،،,,,,,,,,,,,,,,,,,,,,,,,,,,,,,,,,,,
خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN

هذا اليودع أمه ابگبر
بقلم
ام محمد تقي الموسوي
والشاعره طالبة الزهراء

الرادود الموفق علي العيداني

قصيده حول استشهاد الامام علي عليه السلام

اشلون اصبر يا علي افراگك صعب
بويه احس بگليبي نيران اوتشب

اشلون اصبر وانت روحي اومهجتي
ياملاذي ابهالزمن ياسلوتي
بويه بمصابك تراها امصيبتي

اتزيد بفراگك تره اجروح الگلب
،،،،،،،،،،،،،،،،،،،،،،،،،،،،،،،،،،،،،،،،،،،
ما اظن يبره ابد هذا الجرح
افراگك انت ياعلي يذبح ذبح
گلي شيطيبه يبويه المنذبخ

ما أله كل طيبه ودواه الترب
،،،،،،،،،،،،،،،،،،،،،،،،،،،،،،،،،،،،،،،،،،،
فگدك انت ياالولي ما احمله
والگلب بغيابك احزان امتله
عيني ماغمض جفنها اوهامله

والدمع من عيني مابطل يصب
،،،،،،،،،،،،،،،،،،،،،،،،،،،،،،،،،،،،،،،،،،،
عميه ريت اعيوني مابيها اصد
لا بعد ايامي من بعدك اعد
اشتسوه ياوالينه هالدنيه بعد

حتى اشوف ابعيني يالغالي الدرب
،،،،،،،،،،،،،،،،،،،،،،،،،،،،،،،،،،،،،،،،،،،
ياعلي بعدك على الدنيه العفه
ومن ظلم دنيانه هالگلب اكتفه
تعرف امصابك صعب مااوصفه

اشلون اظل من بعدك اشتم العذب
،،،،،،،،،،،،،،،،،،،،،،،،،،،،،،،،،،،،،،،،،،،
خادمة ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الله خيرا
https://www.tgoop.com/KADMTAMALBNEN