⭐ =እንኳን ለጌታችን ለመድኃኒታችን ለኢየሱስ ክርስቶስ  የልደት መታሰቢያ በአል በሰላም አደረሳችሁ አደረሰን=⭐

ከሺህ አመታት በፊት ቀድሞ በነቢያት በትንቢት በተነገረው መሰረት ጌታችን ሰው ሆኖ ከድንግል ያለወንድ በመንፈስ ቅዱስ ተፀነሰ፣ በመንፈስቅዱስ የሃጢአት ውርስ ተካፋይ እንዳይሆን ተከልሎ ተወለደ፣ሲወለድም በሰማይ ሰራዊት ታጀበ፣በዙርያው የሰማይ ብርሃን በራ፤ በመወለዱም ንጉስ ሄሮድስ ተቆጣ። እረኞችም ክብሩን አዩ።ሰብአሰገል ዕጣን፣ከርቤና ወርቅ አመጡለት ሰገዱለትም።
ዕጣኑ ክህነቱን፣ከርቤው ደግሞ የኢየሱስን ሞት ፣ወርቁ ደግሞ የኢየሱስን ንግስና የሚያሳይ ምስጢር  ነበር።

     ኢየሱስ ክርስቶስ ለምን ተወለደ ??⛤
1ኛ ለሰው ልጆች ያለውን ፍቅር ለማሳየት ነው።
2ኛ እኛን ዳግም ለመውለድ ነው።
3ኛ የአለምን ሃጢአት ለማስወገድ ነው።✞
4ኛ እራሱን ስለእኛ የሃጢያት መስዋዕት ለማድረግ ነው።
5ኛ ፍፁም ሰው ሆኖ ህግን ለመፈፀም ነው።
6ኛ እኛን የእግዚአብሔር ፅድቅ ለማድረግ ነው።
7ኛ ለሰው ልጆች ሁሉ ቤዛ ለመሆን ነው።✞
8ኛ ለአለም ሁሉ ስጦታ ለመሆን ነው።
9ኛ ነፍሱን ለብዙዎች አሳልፎ ሊሰጥ ነው።
10ኛ የመንግስተ ሰማይ ብቸኛ መንገድ መሆኑን ለማስረዳት።
11ኛ የእግዚአብሔር አብ ፈቃድ በምድር ለመፈፀም ነው።
12ኛ በእርሱ የሚያምን ሁሉ የዘላለም ህይወት ያገኝ ዘንድ ነው።

    ⛤ታድያ እርሶ በክርስቶስ ኢየሱስ አምነው ድነዋልን?
በእርሱ የሚያምን ሁሉ የዘላለም ሕይወት እንዲኖረው እንጂ እንዳይጠፋ እግዚአብሔር አንድያ ልጁን እስኪሰጥ ድረስ ዓለሙን እንዲሁ ወዶአልና።የዮሐ 3 : 16

አዎ አምናለሁ የምንል ከሆነ.....
በክርስቶስ አምናለሁ ብሎ የሚል ሰው እምነቱ ትክክለኛ መሆን አለመሆኑ የሚረጋገጠው በእግዚአብሔር ቃል ነው።
በክርስቶስ ማመን ማለት ምን ማለት እንደሆነ በእግዚአብሔር ቃል መረዳት ያስፈልጋል።

ብዙ ሰዎች ኢየሱስን የሚያምኑት በብቸኝነት ሳይሆን -በደባልነት- ነው።

ይህ ማለት አዳኝ፣አማላጅ ብለው የሚያምኗቸው ብዙዎች አሉ።ኢየሱስን ማመን ማለት ግን ምን ማለት ነው?

1ኛ -ኢየሱስን ማመን ማለት ኢየሱስ ክርስቶስ =ብቸኛ= አዳኝ እንደሆነ ማመን ነው።
 -ኢየሱስም። እኔ መንገድና እውነት ሕይወትም ነኝ፤ በእኔ በቀር ወደ አብ የሚመጣ የለም። የዮሐ 14 : 6
-መዳንም በሌላ በማንም የለም፤ እንድንበት ዘንድ የሚገባን ለሰዎች የተሰጠ ስም ከሰማይ በታች ሌላ የለምና። የሐዋ 4 : 12

2ኛ -ኢየሱስን ማመን ማለት የዘላለም ህይወት የሚሰጠው እሱ ብቻ  እንደሆነ መቀበል ነው።
    ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤የዮሐ 1 : 12

3ኛ-ኢየሱስን ማመን ማለት በኢየሱስ አማላጅነት ማመን ማለት ነው።
  የሞተው፥ ይልቁንም ከሙታን የተነሣው፥ በእግዚአብሔር ቀኝ ያለው፥ ደግሞ ስለ እኛ የሚማልደው ክርስቶስ ኢየሱስ ነው። ሮሜ 8 :34

4ኛ- ኢየሱስን ማመን ማለት ደህንነት በፀጋ እንጂ በስራ እንደማይገኝ ማመን ነው።
 ከወደደን ከትልቅ ፍቅሩ የተነሣ በበደላችን ሙታን እንኳ በሆንን ጊዜ ከክርስቶስ ጋር ሕይወት ሰጠን፥ በጸጋ ድናችኋልና። ኤፌ 2 : 5

5ኛ-ኢየሱስን ማመን ማለት ኢየሱስ ለሃጢያታችን እንደሞተልን ከሞትም እንደተነሳልን ማመን ነው። 
ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ሮሜ 10 : 9

6ኛ-ኢየሱስን ማመን ማለት ኢየሱስ የእግዚአብሔር ልጅ እንደሆነ ማመን ማለት ነው። ዮሐ 3:16

ስለዚህ በክርስቶስ ኢየሱስ አምኛለሁ የሚል ሁሉ ከላይ የተጠቀሱትን መፅሃፍ ቅዱሳዊ እምነት ካልተከተለ ጤናማ የሚያድን እምነት እየተከተለ አይደለም። ክርስቶስን የምናምነው ቃሉ እመኑት ባለው መንገድ እንጂ እኛ በፈለግነው መንገድ አይደለም።

ኢየሱስ ክርስቶስ የክርስትና ህይወት ተጨማሪ ሳይሆን ብቸኛ የእምነታችን መሰረት ነው።ኢየሱስ የክርስትና ህይወት ጀማሪና ፈፃሚ ነው።

ክርስቶስን አምናለው የሚል ሁሉ እምነቱ የሚፈተነው በቃሉ ነው።በቃሉ አስተምህሮ ኢየሱስ ተጨማሪ ተመላኪ አይደለም። በክርስቶስ ኢየሱስ አምናለሁ የሚል ሰው አምልኮተ መላእክትን አይከተልም፤ወደ ሞቱ ፃድቃን ለምልጃ አይፀልይም።ሌሎች ሰው ሰራሽ እና ተረት ተረት አይከተልም።
በክርስቶስ ኢየሱስ የሚያምን ደህንነት በፀጋ እንጂ በስራ እንዳልሆነ ያምናል። ኢየሱስን አምናለሁ የሚል ፅድቃችን ክርስቶስ እንጂ የኛ መልካም ስራዎች ውጤት እንዳልሆነ ያምናል።
እናም በነዚህ መፅሐፍ ቅዱሳዊ መስፈርቶች አንድ ሰው በክርስቶስ ማመን አለማመኑንና የእምነቱን ጤናማ መሆን አለመሆኑ ይረጋገጣል።
 
በድጋሚ መልካም የጌታ ልደት በአል ይሁንላችሁ! ይሁንልን!

✦ መሳይ አለማየሁ (ነቢይ)
👇💐👇💐👇💐👇💐👇💐
            @KALTUBE
            @KALTUBE
            @KALTUBE

ልዩ የበዓል ቆይታ ከ ዘማሪት መስከረም ጌቱ ጋር

ከማለዳ እስከ ምሽት የገና ዋዜማ ውሎዋን ከ ተስፋ ቲቪ ጋር ሙሉውን ፕሮግራም ከ ዩቲዩባችን ላይ ያገኙታል።

https://youtu.be/7hYNny7d-NI?si=7AWtJK4WhXj20rqi

Follow tesfa on
Facebook | Tik tok | Telegram | Instagram
👇🏿👇🏿👇🏿👇🏿👇🏿👇🏿👇🏿👇🏿👇🏿

በዚህ ባልተረጋጋ አለም የምታረጋጋኝ ብቸኛው ሰላሜ አንተ ነህ ኢየሱስ

#Sheisloved

በክርስቶስ  IN CHRIST
ክፍል 36

    የዲያብሎስን ሽንገላ መቃወም
የዲያብሎስን ሽንገላ ትቃወሙ ዘንድ እንዲቻላችሁ የእግዚአብሔርን ዕቃ ጦር ሁሉ ልበሱ።   ኤፌ 6:11

ዲያብሎስ የሚለው ቃል የመጣው ከግሪክ ዲያቦሎስ ከሚለው ቃል ሲሆን፣ ፍችውም “ስም አጥፊ” ወይም አታላይ  'ሐሰተኛ ከሳሽ' ማለት ነው። (The Tempter and slanderer)

> 'ሰይጣን' ማለት  ደግሞ 'ጠላት'ባላንጣ የሚል የዕብራይስጥ ትርጉም አለው። እንደሚታወቀው የመጀመሪያው የሐሰት ክስ እና ከፍተኛ የሆነ የማጭበርበር ተግባር የጀመረው በኤደን ገነት ውስጥ ነበር።

➢ዲያብሎስ እጅግ ኃያል ፣ብርቱና ልዕለ ኃያል ፍጡር አይደለም።ምክንያቱም በሰማይ ሊያካሂድ ያሰበውን መፈንቅለ ዙፋን ተከትሎ በደረሰበት ከባድ የመለኮት ቁጣና ቅጣት አመድ ተደርጎ እንደተወረወረ ቃሉ ይናገራል። (ሕዝ 28:23-19)

➢ላለፉት ሺህ አመታት ሰይጣን ብዙዎችን ወደራሱ መንግስት በማፍለስ የተሳካለት ምክንያት በማታለል ወይም በማጭበርበር ነው። ዲያብሎስ ማንንም ከሀሳብ በፊት አይዋጋም ።ማለትም ቀድም ሀሳብ ሳይረጭ ወይም ሳይወረውር ማንንም ለማጥቃት አይወጣም።

➢አታላይ ሀሳብ የዲያብሎስ ትልቁ ስልቱ ነው። ዲያብሎስ  ለሺህ አመታት የተቀመሙ እና አዋጭነታቸው የተረጋገጡ የተንኮል ሀሳቦችን እየፈበረከ ዛሬም ድረስ ወደ ሰዎች አዕምሮ ይወረውራል። አብዛኛው የማታለያ ዘዴው ተመሳሳይ የሆነ ነገር ግን የተሻሻለ (Upgraded )ነው።
➢ሐዋርያው ጳውሎስ ለአፌሶን ቅዱሳን በፃፈው መልዕክቱ የዲያብሎስን ሽንገላ ትቃወሙ ዘንድ የእግዚአብሔርን እቃ ጦር ሁሉ ልበሱ በማለት ያሳስባል።
➢ያኔ ኤደን ገነት ውስጥ በእግዚአብሔር መልክና አምሳል የተፈጠሩ ባልና ሚስት መካከል ገብቶ ግራ ያጋባቸው በጉልበቱ ሳይሆን በተንኮሉ ነበር።
 
ዲያብሎስ ሄዋንን ለማሳት የተጠቀመበት ስልት :--

1ኛ “በውኑ እግዚአብሔር ከገነት ዛፍ ሁሉ እንዳትበሉ አዝዞአልን?”አላት።(ዘፍ 3:1)
ይህ ንግግሩ introduction ወይም የመግቢያ ንግግር ነው። ሰይጣን ደህና አደራችሁ ?ሰላም ዋላችሁ ማለት ስለማይችል ቀጥታ ወደገደለው ለመግባት የሚያንደረድ ረውን በጥያቄ ጀመረ።

2ኛ ቀጠለ....እባብም ለሴቲቱ አላት፦ ሞትን አትሞቱም፤ አላት። ዘፍ 3:2

ነገር ግን እግዚአብሔር እንዲህ ብሎ ነበር:--

'እግዚአብሔር አምላክም ሰውን እንዲህ ብሎ አዘዘው፦ “ከገነት ዛፍ ሁሉ ትበላለህ፤
ነገር ግን መልካምንና ክፉን ከሚያስታውቀው ዛፍ አትብላ፤ ከእርሱ በበላህ ቀን ሞትን ትሞታለህና።” ዘፍ 1:16-17

ይህ ስልት እግዚአብሔር አስቀድሞ ያዘዛቸውን ትዕዛዝ ቢጥሱም ምንም እንደማይሆኑ የሚያሳምን ነበር። ሞት ያለመታዘዝ ውጤት መሆኑን ዲያብሎስ እያወቀ ነገር ግን ባትታዘዙም ችግር የለውም በሚል የንግግር ቅላፄ አሳመናት።

ሄዋንም ፈሪሀ እግዚአብሔር ከውስጧ ወጣና የመብላት ፍላጎቷ ጨመረ በመጨረሻም ቀንጥሳ በላች ባሏዋንም አበላችው። ተልዕኮው ተጠናቀቀ!!

3ኛ ከእርስዋ በበላችሁ ቀን ዓይኖቻችሁ እንዲከፈቱ እንደ እግዚአብሔርም መልካምንና ክፉን የምታውቁ እንድትሆኑ እግዚአብሔር ስለሚያውቅ ነው እንጂ። ዘፍ 3:5

ይህ የተንኮል ንግግሩ እግዚአብሔርን እንዲጠራጠሩ የሚያደርግና አትብሉ ያለን አይናችን እንዳይከፈት ፈልጎ ነው እንዴ  ብለው የእግዚአብሔርን ትዕዛዝ እንዲጠራጠሩ ነበር።

➢እንደ አዲስኪዳን ህዝቦች ዲያብሎስን የምንቃወመው በትረ ስልጣኑን ለመንጠቅ አይደለም።ኢየሱስ አስቀድሞ ነጥቆታል። አሁን ሰይጣን የታጠቀው ተንኮል ነው።
ተንኮልን ደግም የምናሸንፈው በኢየሱስ አዕምሮ ነው።አንድን ተንኮል ከነቃችሁበት አይሰራባችሁም።የሚሰራው ከተሸወዳችሁ ብቻ ነው።ላለመሸወድ ደግሞ አዕምሯችን በቃሉ ብስል ሊሆን ይገባል።

➢ በቃሉ ያልበሰለና ቃሉን እንደ ልብስ ያለበሰ አማኝ በቀላሉ ይታለላል። በቃሉ የማይፈርስ የሰይጣን ተንኮል የለም። ስለሆነም የቃሉን መንፈስ፣የቃሉን እውቀት ፣የቃሉን ኃይል፣የቃሉን ጥበብና የቃሉን መንገድ በመከተል የዲያብሎስን ሽንገላ በቀላሉ ማክሸፍና ማሸነፍ እንችላለን።

✍መሳይ አለማየሁ (ነቢይ)
ክፍል 37 ይቀጥላል

👇💐👇💐👇💐👇💐👇💐
            @KALTUBE
            @KALTUBE
            @KALTUBE

Anten Samelk "Anten Samelk"
Azeb Hailu

@KALTUBE
@KALTUBE
@KALTUBE

በክርስቶስ IN CHRIST
ክፍል 37

           የአዲስ ኪዳን ታቦት
ታቦት ማለት ማደርያ ወይም ማህደር ማለት ሲሆን፤ የብሉይ ታቦት የእግዚአብሔር መንፈስ ማደርያ ይሆን ዘንድ በሙሴ ዘመን  እግዚአብሔር አምላክ በሰጠው አሰራር መሰረት ከግራር እንጨት የተሰራ ነበር።
(ዘጸአት 25 : 23):: ታቦቱ በአራቱም ማእዘን አራት ቀለበቶችና በቀለበቶቹ ውስጥ የሚያልፉ ሁለት መሎግያዎች ያሉት፣ሲሆን (ዘፀ 25:12) በታቦቱ በላይኛው ክፍል ሁለት ኪሩቤሎች (ዘፀ25:20) እና በውስጡ ደግሞ የምስክሩ ፅላት ይቀመጥበታል። (ዘፀ25:16) ታቦቱም በቅድስተ ቅዱሳን ውስጥ ይቀመጣል።

➢በብሉይ ኪዳን ዘመን ታቦት በእግዚአብሔር ከተፈቀደላቸው ሌዋውያን በስተቀር ማንም ሰው መንካት እንኳ እስከማይችል ድረስ የተከበረና ያየው ሰው ወዲያው ተቀስፎ ለመሞት የሚያበቃው ግርማና ኃይል ነበረው።

➢ ታቦቱ ለእስራኤላውያን ብቻ የተሰጠ ነበር፤ በብሉይ ዘመን ሌሎች አህዛብ አገሮች ታቦቱን ወስደው በገዛ ሃገራቸው ሊያኖሩት ሲወስዱት ከባድ እልቂት እንደደረሰባቸውም ቃሉ ይናገራል። 1ሳሙ 6 : 19 እና 1ሳሙ5 :1- 6
ታቦቱ ከእስራኤላውያን ሰፈር ሲርቅ ይቀስፍና ይገድል ነበር።

✦የብሉይ ኪዳን ታቦት መገለጫዎች
1ኛ የድንጋይ ጽላት ነበር
2ኛ የሚገድል ነበር
3ኛ በመጋረጃ የተሸፈነ ነበር
4ኛ የኩነኔ አገልግሎት ነበር
5ኛ በቀለም የተጻፈ ነበር

✦የሐዲስ ኪዳን ታቦት መገለጫዎች
1ኛ የልብ ጽላት ነው።
2ኛ ህይወት የሚሰጥ ነው።
3ኛ መጋረጃው የተቀደደ/የተነሳ ነው።
4ኛ የጽድቅ አገልግሎት ነው።
5ኛ በመንፈስ የሆነ ነው።

''የእግዚአብሔር ቤተ መቅደስ እንደ ሆናችሁ የእግዚአብሔርም መንፈስ እንዲኖርባችሁ አታውቁምን?'' 1ቆሮ 3 : 16

በሐዲስ ኪዳን የብሉይ ዘመን ታቦት ቅርስ ብቻ ነው!
   በሐዲስ ኪዳን የእግዚአብሔር ማደርያዎች በክርስቶስ ኢየሱስ ብቸኛ አዳኝነት አምነው ክርስቶስን የተቀበሉ ክርስቲያኖች ናቸው።

በሐዲስ ኪዳን ታቦቱ ከሰው ሰራሽ ማደርያ ወደ እግዚአብሔር ሰራሽ ማደርያ ተቀይሯል።

እግዚአብሔር እንዲህ ይላል፦ ሰማይ ዙፋኔ ነው፥ ምድርም የእግሬ መረገጫ ናት፤ የምትሠሩልኝ ቤት ምን ዓይነት ነው? የማርፍበትስ ስፍራ ምንድር ነው? ኢሳ 66:1

የእግዚአብሔር መንፈስ ማደርያ ቀይሯል።

''እናንተም በሕያው እግዚአብሔር መንፈስ እንጂ በቀለም አይደለም፥ ሥጋ በሆነ በልብ ጽላት እንጂ በድንጋይ ጽላት ያልተጻፈ፥ በእኛም የተገለገለ የክርስቶስ መልእክት እንደ ሆናችሁ የተገለጠ ነው። ''2ቆሮ3 : 3

✍ መሳይ አለማየሁ (ነቢይ)
ክፍል 38 ይቀጥላል

👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ IN CHRIST
ክፍል 38
                   አማላጃችን    
➢አማላጅ ማለት በሁለት ተቃራኒ አካላት መካከል ወይም ጠበኞች መካከል ቆሞ ሁለቱን ወደ አንድነት የሚያመጣ፣የሚያስታርቅ እና በመካከ ላቸው ያለውን ችግር የሚፈታ ማለት ነው።
➢እያንዳንዱ የአዳም ዘር አንድ በአዳም ምክንያት ሁለት በሰራው ኃጢአት ምክንያት ከፈጣሪው ጋር ያለው ግንኙነት ተቋርጧል። ቅዱስ ቃሉ ሲናገር
''ሁሉ ኃጢአትን ሠርተዋልና የእግዚአብሔርም ክብር ጎድሎአቸዋል፤ በኢየሱስ ክርስቶስም በሆነው ቤዛነት በኩል እንዲያው በጸጋው ይጸድቃሉ። ሮሜ 3:23''ይላል።

ይፀድቃሉ የሚለው በስራችን ሳይሆን በፀጋው ነው።በኃጢአት ተፈጥሮ ውስጥ ሆነን በምንሰራው ጥሩ ስራ መንግስት ሰማያትን እወርሳለሁ ብሎ ማመን የእግዚአብሔር ፀጋ ላይ ማላገጥ ነው::
➢ጌታ ኢየሱስ የከፈለልን ታላቅ መስዋዕትነት ዋናው አላማ ከእግዚአብሔር አብ ጋር ሊያስታርቀን፣ ከሃጢአት ወደ ፅድቅም ሊያመጣን ነው።

➢ጌታ ኢየሱስ አማላጅ ነው ማለት በየእለቱ ስለኛ እራሱን መስዋት እያደረገ በአብ ፊት ይማልዳል ማለት ሳይሆን። አንድ ጊዜ በሰራው ዘወትር ይማልዳል ማለት ነው። ምልጃውን የዘመን እርዝማኔ ትናንት አያስብለውም። የሁኒቨርስ ፈጣሪ ከጊዜ አለም ውጪ የሚኖረው አምላክ የከፈለው የምልጃ መስዋዕትነት ዛሬም ትኩስ ነው።
    የኢየሱስ ምልጃ  አንድ ጊዜ ለሁልጊዜ
                   ነው።
እርሱም እንደነዚያ ሊቃነ ካህናት አስቀድሞ ስለ ራሱ ኃጢአት በኋላም ስለ ሕዝቡ ኃጢአት ዕለት ዕለት መሥዋዕትን ሊያቀርብ አያስፈልገ ውም፤ራሱን ባቀረበ ጊዜ ይህን አንድ ጊዜ ፈጽሞ አድርጎአልና። ዕብ 7:27

ሰዎች ከጌታ ከኢየሱስ ሌላ አማላጅ ብለው የሚከተሏቸው ብዙዎች አሉ ነገር ግን ማንም አማላጅ ለመባል አስቀድሞ ጌታ ኢየሱስ እኛን ለማማለድ የከፈለውን ዋጋ መክፈልና የሆነውን ሁሉ መሆን አለበት።

1ኛ ልክ እንደ ጌታ ኢየሱስ ፍፁም ሰው ፍፁም አምላክ መሆን አለበት።
2ኛ  ልክ እንደ ጌታችን ኢየሱስ ምንም አይነት ሐጢያት የሌለበት መሆን አለበት።
3ኛ ልክ እንደ ጌታችን ኢየሱስ የዘላለም ሊቀካህን መሆን አለበት።
4ኛ ልክ እንደ ጌታችን ኢየሱስ የአለምን ሃጢያት ቅዱስ የሆነ ደም በማፍሰስ ማስተስረይ አለበት።
5ኛ ልክ እንደ ኢየሱስ የሰው ልጆችን ሁሉ ያለ አንዳች ግብዝነት እየተሰደበ፣ እየታረደ፣ ለዘላለም መውደድ አለበት።
6ኛ ልክ እንደ ኢየሱስ ለሰው ልጅ ሃጢያት መሞትና ከሞት መነሳት አለበት።እንዲሁም ኢየሱስ ክርስቶስ እኛን ከእግዚአብሔር ጋር ሊያስታርቅ(ሊያማልድ)የከፈለውን ሁሉ መክፈል፣የሆነውን ሁሉ መሆን አለበት።

ታድያ ይህን ማድረግ ለማንም ይቻለዋል? 
ከኢየሱስ ሌላ እንዲህ አይነት አማላጅ ይገኝ ይሆን??በፍፁም !!!

ይህን የማማለድ ፍፅምና የማያሟላ እንዴት ያማልዳል?

“አንድ እግዚአብሔር አለና፣ በእግዚአብሔርና በሰው መካከል ያለው መካከለኛው ደግሞ አንድ አለ፣ እርሱም ሰው የሆነ ክርስቶሰ ኢየሱሰ ነው፤” 1ጢሞ.2፡5

“…የሞተው፣ ይልቁንም ከሙታን የተነሳው፣ በእግዚአብሔ ር ቀኝ ያለው፣ ደግሞ ስለእኛ የሚማልደው ክርስቶስ ኢየሱስ ነው”(ሮሜ.8፡34)

✍ መሳይ አለማየሁ (ነቢይ)
ክፍል 39 ይቀጥላል

👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ IN CHRIST
ክፍል 39

   ለትንቢት መፈፀም የሚደረግ ውጊያ

ጢሞቴዎስ ልጄ ሆይ፥ አስቀድሞ ስለ አንተ እንደ ተነገረው ትንቢት፥ በእርሱ መልካም ጦርነት ትዋጋ ዘንድ ይህችን ትእዛዝ አደራ እሰጥሃለሁ፤ 1ጢሞ 1:19

➢ትንቢት  ማለት በመንፈስ ቅዱስ ምሪት የሚመጣ መንፈሳዊ መልዕክት ነው። 
ይህ የመጣው ትንቢታዊ መልዕክት ይፈፀም ዘንድ ከሰው ቅድመ ሁኔታ ይጠይቃል።
ትንቢት እንዲፈፀም ትንቢት የመጣለት ግለሰብ ለትንቢቱ የሚገባውን ህይወት ሊኖር ይገባል። ይህ የመጣው ትንቢት ተፈፃሚነት እንዲያገኝ ከሚያደርጉ ነገሮች አንዱ ነው።

➢ከእግዚአብሔር ዘንድ የሆኑ ትንቢቶች የሰውን መታዘዝ ይጠይቃሉ።
ሐዋርያው ጳውሎስ ለመንፈሳዊ ልጁ ለመጋቢ ጢሞቴዎስ የመከረው ይህን እውነታ ነው።
...........በእርሱ መልካም ጦርነት ትዋጋ ዘንድ ይህችን ትእዛዝ አደራ እሰጥሃለሁ፤

➢ይህ መልካም ጦርነት ዋናው አላማ እግዚአብሔር በጢሞቴዎስ ህይወት ላይ ያለው አጀንዳ ይፈፀም ዘንድ ነው። ይህ የእግዚአብሔ ር አጀንዳ በትንቢት መልዕክት ቢነገረውም ተዋግቶ ማስፈፀም ግን የጢሞቴዎስ ድርሻ ነበር።ከመጣው የትንቢት መልዕክት ጋር አብሮ ተስማምቶ መጓዝ የጢሞትዎስ ድርሻ ነው።

➢ትንቢት  ከእግዚአብሔር ዘንድ የሚመጣ የልቡን አጀንዳ የሚገልፅ እና የወደፊቱን ሁኔታ የሚገልጥ መልዕክት ነው። እንዲሁም ትንቢት ለማነጽና ለመምከር ለማጽናናትም ለሰው የሚነገር መልዕክት ነው። 1ቆሮ 14:3

➢ በህይወታችን የተነገሩ ትንቢቶች እንዲፈፀሙ መንፈሳዊ ቁርጠኝነት አስፈላጊ ነው።የተነገሩ ትንቢቶች ያለ እምነት እርምጃ አይፈፀሙም። ለመጣው ትንቢት ምን አይነት ዝግጅት እያደረግሁ ነው ብሎ መጠየቅ ማስተዋል ነው።

➢ትንቢቶች ሊፈፀሙም ላይፈፀሙም ይችላሉ። ትንቢቶች የማይፈፀሙት ከመጀመርያዉኑ ትክክል ስላልነበሩ ብቻ ሳይሆን ትክክለኛ ትንቢት ሆነውም ላይፈፀሙ የሚችሉበት ቅድመ ሁኔታ አለ።
1ኛ መልካም የእምነት ውጊያ አለመዋጋት (ቸልተኝነት)
2ኛ ትንቢትን መናቅ

ቃሉ ሲናገር '''ትንቢትን አትናቁ፤ ሁሉን ፈትኑ መልካሙንም ያዙ፤ (1ጢሞ 5:20)''' ይላል

➢እንደ አማኝ ትንቢትን መናቅ ሳይሆን መፈተን ነው ያለብን።
በአጠቃላይ የሰው ቸልተኝነት ፣አለመታዘዝ ፣አመፀኝነት ወዘተ ትንቢቶች እንዳይፈፀሙ እንቅፋት ሊሆኑ ይችላሉ።

እግዚአብሔር የተናገራችሁን ትንቢት እመኑት፣ ከዚያም እንዲፈፀም የህይወት አቅጣጫችሁን፣ ዉሳኔዎቻችሁን፣ከመጣው ትንቢት ጋር  አስተካክሉት። የእግዚአብሔር አጀንዳ በአንተ፣በአንቺ ይፈፀማል።

✍ መሳይ አለማየሁ (ነቢይ)
ክፍል 40 ይቀጥላል
👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ IN CHRIST
ክፍል 40

        የወንጌል ኃይል
የተበተኑትም ቃሉን እየሰበኩ ዞሩ።ፊልጶስም ወደ ሰማርያ ከተማ ወርዶ ክርስቶስን ሰበከላቸው። ሕዝቡም የፊልጶስን ቃል በሰሙ ጊዜ ያደርጋት የነበረውንም ምልክት ባዩ ጊዜ፥ የተናገረውን በአንድ ልብ አደመጡ። ርኵሳን መናፍስት በታላቅ ድምፅ እየጮኹ ከብዙ ሰዎች ይወጡ ነበርና፤ ብዙም ሽባዎችና አንካሶች ተፈወሱ፤ በዚያችም ከተማ ታላቅ ደስታ ሆነ። ሲሞን የሚሉት አንድ ሰው ግን፦ “እኔ ታላቅ ነኝ፡” ብሎ፡ እየጠነቈለ የሰማርያንም ወገን እያስገረመ ቀድሞ በከተማ ነበረ። ከታናናሾችም ጀምሮ እስከ ታላላቆቹ ድረስ፦ “ታላቁ የእግዚአብሔር ኃይል ይህ ነው፡” እያሉ ሁሉ ያደምጡት ነበር። ከብዙ ዘመንም ጀምሮ በጥንቈላ ስላስገረማቸው ያደምጡት ነበር። ነገር ግን ስለ እግዚአብሔር መንግሥትና ስለ ኢየሱስ ክርስቶስ ስም እየሰበከላቸው ፊልጶስን ባመኑት ጊዜ፥ ወንዶችም ሴቶችም ተጠመቁ። ሲሞንም ደግሞ ራሱ አመነ፤ ተጠምቆም ከፊልጶስ ጋር ይተባበር ነበር፤ የሚደረገውንም ምልክትና ታላቅ ተአምራት ባየ ጊዜ ተገረመ። ሐዋር 8:4-13

➢በሐዋርያት ዘመን ከእስጢፋኖስ ሞት በኋላ ቤተክርስቲያን በታላቅ ስደት ላይ ነበረች። ምንም እንኳን ሰደት ላይ ቢሆኑም ተሰደው በሄዱበት ሰማርያ ወንጌልን ይሰብኩ ነበር።

➢ከላይ በመግቢያ ጥቅሳችን ላይ እንዳነበብነው እውነተኛ ወንጌል በሚሰበክበት በየትኛውም ጊዜና ቦታ የእግዚአብሔር ኃይል ይገለጣል። ወንጌል ኃይል የታጠቀ የእግዚአብሔር መልእክት ነው።

➢ወንጌል ወደ ሰማርያ እስከደረሰበት ጊዜ ድረስ ሕዝቡ የእግዚአብሔር ኃይል እያለ አምኖ የተቀበለው የጥንቆላን ኃይል ነበር።ሲሞን የተባለው ጠንቋይ የሰማርያን ነዋሪዎች ከማስደነቅ አልፎ ታላቁ የእግዚአብሔር ኃይል ተብሎ ታምኖ ነበር።

ነገር ግን ፊልጶስ ወንጌል እየሰበከ ሲመጣ የእግዚአብሔር እውነተኛ ኃይል መገለጥ ጀመረ፣ የጥንቋላ አሰራር መፍረስ ጀመረ፣
ህዝቡን በተአምራት ሲያስደንቅ የነበረው ጠንቋይ ሲሞን እራሱ በእግዚአብሔር ኃይልና በፊልጶስ በሚደረገው ተአምራት መደመም ጀመረ። ይህ ብቻ አይደለም ደስታ ያጣችው   ሰማርያ ታላቅ ደስታ ሆነላት።

➢ወንጌል የትኛውንም ኃይል የሚሽር ፣የትኛውም ኃይል የማይቋቋመው የመለኮት ኃይል ነው።
➢የኛ የአማኞች ድርሻ ወንጌል መስበክ ነው።
ወንጌል መስበክ የሰይጣንን ስራ ያፈራርሳል የእግዚአብሔርን መንግስት ደግሞ ያስፋፋል።

➢ቤተክርስቲያን ምስባክ ላይ ሆነ በየትኛውም አጋጣሚ የቆጥ የባጡን ሳይሆን ወንጌል መስበክ አለባት።ወንጌል ኃይል አለው። ወንጌል ሲሰበክ ተአምራት በራሱ ጊዜ መከሰት ይጀምራል። ወንጌል ጠንካራና ድንጋይ ልቦችን  ያቀልጣል። ወንጌል በየትኛውም አመክንዮ የተወጠሩ ጭንቅላቶችን አሳምኖ ማሸነፍ ይችላል። ወንጌል ከተማን ይፈውሳል፣ወንጌል ማህበረሰብን ይለውጣል፣ ወንጌል ትውልድን ይባርካል።
ወንጌልን በቤተሰብ፣ በትምህርት ቤት፣በስራ ቦታ፣በየመንገዱ፣ በከተማ ፣በገጠር ባገኘነው አጋጣሚ ሁሉ  እንስበክ። በዚህ አጋጣሚ ወንጌል በመስበክ ላይ የተጠመዳችሁ ውድ የጌታ ልጆች ፀጋ ይብዛላችሁ።ተባረኩ!!

✍ መሳይ አለማየሁ (ነቢይ)

ክፍል 41 ይቀጥላል

👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ  IN CHRIST
ክፍል 41

             እንደ እባብ  ብልሆች   
“እነሆ፥ እኔ እንደ በጎች በተኵላዎች መካከል እልካችኋለሁ፤ ስለዚህ እንደ እባብ ልባሞች እንደ ርግብም የዋሆች ሁኑ። ማቴ 10:16

➢መፅሐፍ ቅዱስ ውስጥ ከ90% በላይ እባብ በክፋቱ እና ሰይጣንን በመወከል የተጠቀሰ ሲሆን በዚህ ክፍል ግን ጥበብን ወክሎ ተጠቅሷል። እባብ ከጥንት ማህበረሰብ አንስቶ እስካሁን ድረስ በአዎንታዊ ጎኑ የኃይል፣የጥበብ፣ የአስፈሪነት እና የምስጢራዊነት ተምሳሌት ተደርጎ በተለያዩ ባህሎች ውስጥ ይታመናል።

➢ጌታችን ኢየሱስ ክርስቶስ ይህን ምክር የመከረው ለደቀመዛሙርቱ ሲሆን ለወንጌል ተልዕኮና በአጠቃላይ የህይወት ምልልስ ውስጥ ሁለት አይነት ባህርያትን ተላብሰው  ይኖሩ ዘንድ ነው።
አንድ እንደ እርግብ የዋሆች
ሁለት እንደ እባብ ብልሆች እንዲሆኑ።

➢የዋህ የሚለው ቃል ክፋት አለማሰብን harmless ወይንም ንፁህ መሆንን ያመለክታል። በእንግሊዝኛው ትርጉም
Behold, I send you forth as sheep in the midst of wolves: be ye therefore wise as serpents, and harmless as doves. Matthew 10:16

የዋህነት ሞኝነት እና ጅልነት አይደለም። ይህም አንዱ ክርስትያናዊ ጨዋነትና መገለጫ ነው።የዋህነት አለማስተዋል ማለት አይደለም።

➢እባብ "ብልህ" ፍጥረት ነው።በሌላ በኩል ደግሞ ርግብ ንፁህና በብሉይ ኪዳን ዘመን ለመስዋዕትነት ንፁህ ተብለው ከተመረጡ አዕፋት መካከል  አንዱ ነበር። "ዘሌ14 22).

እንደ እርግብ የዋህ መሆን የልብን ንፅህና ፤ እንደ እባብ ብልህ መሆን ባለ አዕምሮ መሆንን ያሳያል።

➢እባብ አለም ላይ ካሉ ተሳቢ እንሰሳት መካከል በቁጥር እጅግ ትልቁ ነው። ወደ 3,789 የሚጠጉ የተለያዩ ዝርያዎች እንዳሉም ይነገራል። እባብ ከተወሰኑ ሜትሮች ቀድሞ ሊያጠቁት የመጡትን በምላሱ በማሽተት እራሱን ከአደጋ ይከላከላል።እባብ ጆሮ የለውም፣ነገር ግን በምላሱ በየሰከንዱ የአከባቢውን ሁኔታ ያጤናል። እባብ ሽፋሽፍት የለውም ስለዚህ አይኑ አይርገበገብም፤ አንድ ነገር ላይ ካፈጠጠ አፈጠጠ ነው። ይህም  ደግም  ትኩረቱ ከፍተኛ እንዲሆን አድርጎታል።

እባብ ተደብቆ ሲለሚራባ የማይገኝበት የአለም ክፍል የለም ማለት ይቻላል። ውሃ ውስጥ፣ በበረሀ፣በጫካ ውስጥ፣አለት ውስጥ፣አፈር ውስጥ መኖር ይችላል።እባብ ስጋ በል( carnivores) ከሚባሉት የእንስሳት ምድብ የሚመደብ ነው።
እባብ አብዛኛውን ጊዜ የሚመገበው በምላሱ  መርዝ ነድፎ በመግደል ነው። ምላሱ ለማሽተትም፣ መርዝ ለመርጨትም ያገለግላል። እባብ ምንም እንኳን ረጅም ሰውነት ቢኖረውም ተጠቅልሎ እራሱን ከተለያዩ ተፈጥራዊ እና ሰው ሰራሽ አደጋዎች ይከላከላል። እባብ የተወሰኑ የሰውነት አካሎቹ ቢጎዱም ድጋሚ  ሰውነት የመዝራት አቅም ስላለው እንደገና መኖር ይጀምራል።እባብ ድምፅ አልባ የሆነ እና እጀግ በፀጥታ የተሞላ ተሳቢ እንስሳ ነው።እባብ ከሰውነቱ ሁለት እጥፍ የሆኑ አዕፋትን እና እንስሳትን ሳያኝክ መዋጥ ይችላል።

ከእናንተ ግን ማንም ጥበብ ቢጎድለው፥ ሳይነቅፍ በልግስና ለሁሉ የሚሰጠውን እግዚአብሔርን ይለምን፥ ለእርሱም ይሰጠዋል። ያዕ 1:5

✍ መሳይ አለማየሁ (ነቢይ)

ክፍል 42 ይቀጥላል


👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ IN CHRIST
ክፍል 43
               
                 ትጋት

ለሥራ ከመትጋት አትለግሙ፤  (ሮሜ 12 : 11)

➢ ትጋት አንድን ተግባር ለማሳካት የሚያስፈልግ ብርቱ ጥረት ነው።
ትጋት አላማን ለማሳካት የሚኬድበት ርቀት ነው። ትጋት በፈተናና በተግዳሮቶች ውስጥ ሳይቀር ለአላማችን መሳካት የምናወጣውና የምንከፍለው ዋጋ ጭምር ነው።

➢ ትጋት የሚለው ቃል በመፅሐፍ ቅዱስ ውስጥ ቃል በቃል ከ20 ጊዜ በላይ  እንዲሁም በምሳሌ ከ5 ጊዜ በላይ  ተጠቅሷል።
➢ትጋት ተፈጥሯዊም መንፈሳዊም መርህ ነው። ይህን መርህ የሚከተል የትኛውም ሰው ከውጤት ይደርሳል።ትጋት ያለበት ነገር ለፍሬ ይበቃል። በተቃራኒው መታከት  ደግሞ መነሳሳት ማጣትና ለስራ የወረደ አመለካከት እና ስንፍና ነው።

➢ ታካች መንገድ መጨረስ ይፈልጋል ነገር ግን መንገድ መጀመር አይፈልግም። ሳይሰራ እንዲሳካለት የሚፈልግ፣ሳይጸልይ እንዲመለስ ለት የሚፈልግ፣ህብረት ሳያደርግ ማደግ የሚፈልግ ነው። በአጠቃላይ ምንም ሳይዘራ ማጨድ የሚያምረው አይነት ሰው ነው።ትጉ ሰው ደግሞ በተቃራኒው።

 ታካች ሰው አደን ምንም አያድንም፤ ለሰው የከበረ ሀብት ትጋት ነው።ምሳ 12 : 27

➢ታካች ሰው ሊያድን ጫካ ሄዶ መጀመርያ ላይ የወረወረው ቀስት ሳይሳካ ቢቀር ወይም ሊያድን የፈለገው የዱር እንስሳ እጁ ላይ  አልገባ ቢል ምን ሊያደርግ እንደሚችል አስቡት። ወይ ተስፋ ቆርጦ ቀስቱን ወርውሮ ጥሎ አደኑን ይተዋል። ወይም ሌላ የታካች ሰው ውሳኔ ወስኖ ወደመጣበት ይመለሳል።

➢እናስተውል።ትጋት አላማን ለማከናወን የሚያስፈልግ መነሻ ካፒታል (CAPITAL) ነው። ምክንያቱም ትጋት በራሱ ሃብት ነው።

➢ያለ ትጋት ህልም ህልም ብቻ ሆኖ ይቀራል፣ ያለ ትጋት ራዕይ እውን አይሆንም፣ ያለ ትጋት በክርስትና ህይወት ማበብ አይቻልም፣ ያለ ትጋት እግዚአብሔር የሰጠንን እድልና ጊዜ በአግባቡ መጠቀም አንችልም። ያለ ትጋት በዚህ ምድር ላይ ተፅዕኖ ፈጣሪ መሆን አይቻልም።

     የታካች እጅ ችግረኛ ታደርጋለች፤ የትጉ እጅ ግን ባለጠጋ ታደርጋለች። ምሳ 10:4

➢ እንደ አማኝ ማህበረሰብ በመንፈሳዊም፣ በማህበራዊ ህይወት በስራም ትጉዎች እና ታታሪዎች ሆነን ተፅዕኖ መፍጠር አለብን።

➢ቁጭ ብሎ በመቀመጥ የሚወርድ መና የለም።እግዚአብሔር በትጋት ውስጥ የሚባርክ አምላክ ነው።ስንፍና ተገዢ ያደርጋል፣ትጋት ግን ገዢ ያደርጋል።

የትጉ እጅ ትገዛለች፤ የታካች እጅ ግን ትገብራለች።   ምሳ 12:27

ክፍል 44 ይቀጥላል

✍መሳይ አለማየሁ(ነቢይ)

👇💐👇💐👇💐👇💐👇💐
            @KALTUBE
            @KALTUBE
            @KALTUBE

በክርስቶስ IN CHRIST
ክፍል 44
    
             የእግዚአብሔር ሰላም

ሰላምን እተውላችኋለሁ፥ሰላሜን እሰጣችኋለ ሁ፤ እኔ የምሰጣችሁ ዓለም እንደሚሰጥ አይደለም።ልባችሁ አይታወክ አይፍራም።
ዮሐ 14:27

➢ሰላም(peace) በዕብራይስጥ  Shalom- ትርጉሙም ሁለንተናዊ ጤንነት፣ ደስታ፣ ክንውን፣ሰላም መሆን ማለት ነው፡፡

➢እግዚአብሔር የልጆቹ ሰላም መሆን አጥብቆ የሚፈልግ አምላክ ነው።ጌታ እንዲህ አለ

➢የዓለም መንግስታት በየአመቱ ብዙ ቢሊየን ዶላር  በጅተው ውጫዊ እና ቀጠናዊ ሰላም ለማስፈን ይሰራሉ። በ2024-2025 በዩናይትድ ኔሽን (UN) በፈረንጆቹ  ወደ 6ቢሊየን ዶላር በኢትዮጵያ ብር  744,000,000,000 ብር ወጪ ተድርጓል።

➢የዓለም ስርአት እንዱን ገድሎ ለሌላው ሰላም መስጠት፣አንዱን አስሮ ለሌላው ነፃነትን መስጠት ነው።ሰላምን ለማስፈን ከፍተኛ ዓለም አቀፋዊ ስራዎች ይሰራሉ። ሀገራት እራሳቸውን ከአሸባሪዎች ለመከላከል ህዝቦች በሰላም እንዲኖሩ ወታደራዊ ሀይሎች ይደራጃሉ። ሀገራት ዓለምአቀፍ አሸባሪዎችን ለመደምሰስ የጋራ ወታደርና ገንዘብ ያዋጣሉ። አለም ላይ ሰላም ለማስፈን የሞት ትንቅንቅ ይደርጋል።
ይህ ሁሉ ሰላም ለማግኘት ነው።

➢ዓለም የምትሰጠው ሰላም አለ። ነገር ግን ዓለም የምትሰጠው ሰላም ጊዜያዊና ሰው ሰራሽ ነው።ለዛ ነው ጌታ እኔ የምሰጣችሁ ሰላም ዓለም እንደሚሰጥ አይደለም ያለው።
የዓለም ሰላም አስተማማኝ አይደለም።

➢በዚህ ሁሉ ግን ጌታ የሚሰጠን ሰላም አስተማማኝ፣ውስጣዊ እና በመንፈስ ቅዱስ አብሮነት የታጀበ ሰላም ነው።የሚያስጨንቁን ብዙ ነገሮች ሊኖሩ ይችላሉ ነገር ግን ጌታ ቅርብ ነው።

ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ።አእምሮንም ሁሉ የሚያልፍ የእግዚአብሔር ሰላም ልባችሁንና አሳባችሁን በክርስቶስ ኢየሱስ ይጠብቃል። ፊል 4:6-7

➢ውጫችን ታውኮ ውስጣችንን በሰላም የሚሞላ የሰላም አምላክ ከልጆቹ ጋር ነው።
የእግዚአብሔር መንፈስ የሰላም መርበብ ነው።
ሰላሙ ከመታሰብ ያለፈና የላቀ ነው። የጌታ ሰላም አዕምሮ ሊገምተው አይችልም። ከነውጥ ያረጋጋል፣በሁከት ውስጥ ልዩ እረፍት ይሰጣል።

➢ ይህ ሰላም መለኮታዊ ሰላም ነው። ጳውሎስና ሲላስ እስር ቤት ታስረው እንዴት ሊያመልኩ ቻሉ? በጣም ጠንካራ ሰዎች ስለሆኑ ወይስ የመንፈስ ቅዱስ ሰላም ከእነሱ ጋር ስለነበር? ጴጥሮስ በነጋታው ሊገደል ቀጠሮ ተይዞ እንዴት ለጥ ብሎ ሊተኛ ቻለ?
ምስጢሩ የክርስቶስ ሰላም ነው።
➢የእግዚአብሔር ሰላም ልባችሁን ፣ህይወታችሁን በሰላሙ ይሙላ!

ክፍል 45 ይቀጥላል

✍መሳይ አለማየሁ (ነቢይ)

👇💐👇💐👇💐👇💐👇💐
            @KALTUBE
            @KALTUBE
            @KALTUBE