ضايق وحالي ماش وعلومـي علوم
‏ودي اهج من ضيقتي ومن هدومي

‏مرهق ، واعاني هم ، واطيح واقوم
‏يا ضيقة الخاطر عن الصدر قومي

‏على كثر ماصدري من الضيق صار يفوح
‏ما والله غبطت اللي من الناس متهني
‏
‏اجامل على الدنيا مثل ضحكة المجروح
‏تعبت اتظاهر بالمسرات واغني
‏
‏انا مبطي من الضحكه اللي ترد الروح
‏ياليت العمر ياقف ليا من ضحك سني .

جيت بعد كل هالمـده وتبيني اسامحك ..

اتركوني يا جماعه وخلوني وحيد
‏لين تطلع ضيقة الصدر واسلا وأهدى

‏ما هي بلحية تعاليل واعلوم وقصيّد
‏معي همٍ لا بدا الليل مع ليلي بدى

‏كن في صدري من حروب هارون الرشيد
‏جايٍ لضرب ابو حدين في صدري صدى

‏شايلٍ بين المحاديب قلبٍ من حديد
‏لو أنادي بعالي الصوت ما رد الندى .

ترى ماعلي خلاف ياللي نويت الصد
‏لو ان الغلا بالقلب ما اخالف ظنونك

‏طريق الوصل مفتوح والبعد ماله حد
‏انا عايش من دون وصلك ومن دونك .

مالك الا وجهي اموت قبل اودعك .

يوم الايام حلوه والليالي عوافي
‏ليت قلبي يعرف انها شوي وقصيره

‏احسب انه بيبطي جو الايام صافي
‏لين جتني صواديف الليالي مغيره

‏كل ماقلت ياجور المقادير كافي
‏انثنت واسهجت قلبي وحاست مريره

‏ما بقى لي سلاح الا الشعر والقوافي
‏والشعر والقوافي ما توديك ديره .

‏وراحت بي الذكرى على غير ميعاد .