" مَن لزِم الصلاة على النبي كُفي هَمهُ  وغُفر ذنبه .
‏اللهم صلِ وسلم عليه .

- جَرب ماتكونش صاحب أول خطوه في اي حاجه وح تتفاجأ ان مَحد اصلاً ح ياخذ اي خطوه عَشانك .

- شُكراً للناس اللي يفهمونا رغم كلامنا المحذوف نصه، و اللي ما نتوتّروش و نتحشمو ان نبكو قدامهم، اللي مش محتاجين نبرّرولهم تصرفاتنا ولا افكارنا، اللي يقولولنا انهم رايفو علينا لما نغيبو من غير ما يعاتبو، شُكراً للي يقدرو وجعنا و يهونو علينا.

اللهُم اني وليتك امري فأعوذ بك من سوء حظي وضيق صدري و فراغ صبري واجعلني يارب ممن نظرت اليه فرحمته وسمعت دعائه فاجبته"

اللهم في يوم الجمعة " اجعلها جمعة جابره لقلوبنا ، اللهمّ جبرًا لقلبي و روحي ، اللهم أرني الفرح في كل ما أريد ، يارب العوض الجميل بعد الصبر الطويل ، اللهم دربًا لا تضيق به الحياة ، يارب إزرع في قلبي راحة دائمة وأملًا لا يخيب ، اللهم إرزقنى فرحة تعوض قلبى عن كل ما فات"

𝙰𝙳𝚅𝙸𝙲𝙴 𝚃𝙾 𝚈𝙾𝚄 :
- لما تبي تتصنع الكمال والمثالية حاول تخف وما تتحمسش واجد وتبدا تتطاول عَـ غيرك , مهما كنت انت الصح الشيء هذا ما يعطيك أحقية التغطرس والنفخة الوهمية إلي عايش فيها ، بالمختصر تقليلك من قيمة غيرك واستهزائك بيه عمره ما يخليك أحسن منه بالعكس حيقلل منك أنتَ في عيون الأخرين الي هما اصلا محوتك متقبلينك مهما كنت تحساب روحك هيلاهوبا ومحد قدك ، خف علينا ي هيرو .

- بداية النهاية
مش كان اصكر ف وجهك باب ولا ما صارش من موضوع لك فِ اي شيء كان سوا حب ولا عمل ولا فشلت ف دراستك او اي شيء من الحاجات هذينا، ما تحطش يدك ع خدك وتقول خلاص نا معاش نقدر نكمل وان الدنيا اقوا مني ونا ضعيف قدامها، بلعكس خلي عندك هدف وإرادة انك توصل للشيء يلي تبيه تطيح مرة واثنين وعشره ، بس ما تفقدش الامل ، ف النهايه لما توصل او تاخذ الشيء يلي تبيه وتعبت عشانه حَـ تحس ان مجهودك ما راحش ع الفاضي ، بس لما تحط يدك ع خدك وتوقف عند اول مطب جاك حَـ تقعد تقول نا نتعب ع الابيض ومافيش هدف من ورا تعبي , فَـ خُلاصة الموضوع ألهد " اجري " ورا اهدافك مَ تيأسش وديما خليك إيجابي .

- يا وهاب هبّ لنا من خيراتك ورحماتك ماتشرح به صدورنا وتجبر بها خواطرنا.

- ولا عَ العـرب تمّيـت يوم الصاقه ، حتى في غيابي درت صيت إيهيّب🤎.

𝙼𝙾𝙾𝙳 :
نديرلك روحي عبيط بس نا عارف كل حاجه ونمشي بجوي .

- اذكر الناس اللي وريتهم الحاجات اللي توجع فيك وداروها ، والناس اللي بينتلهم احتياجاتك البسيطة لحاجة ومداروهاش لك ، اذكر اللحظات اللي انسفطو عليك فيها وانت في أشد الحاجة لهم ، اذكر عشان تعلم قلبك الحقيقة وتعلمه ما يحنلهمش من جديد .

اللَّهُمَّ اغْفِرْ لِي ، وَارْحَمْنِي وَاهْدِنِي ، وَعَافِنِي وَارْزُقْنِي ، وَاجْبُرْنِي ، وَارْفَعْنِي.

- طالما قاعد اتصلح اللي بينك وبين ربي مايهمكش اللي بينك وبين الناس.

- مش عيب لما تعاود ترتب اولوياتك في كل فترة .
• مش عيب لما تكتشف انك كنت تتصرف غلط وماشي طريق غلط .
• مش عيب لما الانسان يعترف بغلطه ويقول غلطت .
• مش عيب الانسان يعتذر ويقول اسف .

العيب انك اتكابر وتمشي في غلطك وتعترفش بيه، العيب انك رغم انك غلطان تنكر، العيب انه تغلط ف حد وتعتذرش .

اللهمَّ إني أحسنتُ بكَ الظَّن فاجبُرني ، ربي لا تدع لي أمراً إلا يسرته ولا حلماً إلا حققته ، ربي أنِر بصيرتي، وأرضني بقدري، وأحيني وأمتني مقبولًا مستوراً."

- زمان كنت نسجل في الأرقام عشان نتصل، توا قعدت نسجل في الأرقام عشان منردش.

- مافيش حد يحس بوجودك معاه إلا لما تسيبه، مافيش حد يحس بإهتمامك له إلا لما تتغير وتفوته نفس ما هو فايتك بلزبط، مافيش حد حَـيحس بتعبك الا لما يلقى روحه وحيد ومافيش حد جنبه إلا أنت، فِـ وقتها يعرف قيمتك ومعزتك لانه مش حَـ يلقي حد غيرك بس وقتها كل شيء حَـ يكون خارب .

"ياربّ وإن اغُلّقت كل الأبوابِ يبقى بابُك الأوسع، وإن خابت كل الظنون فالثقةُ بك تجاوزت حدَّ اليقينِ والاطمئنان، اللهُمَّ تدبيرًا يعقبه تيسيرًا وبُشرى"

- الحكاية مِشَّ مِن مُعَاك وأنْتَ فَرْحان ، الحكاية مِن مُتقبِّلك وأنْتَ مِشٍّ مُتَقبل رُوحَك أصْلا .

- وصلت لمرحلة إي درس ولا فقرة مفهمتاش من المنهج نلغيها من عندي ونمشي يلي بعدها.