لقد تغيرت كثيراً تبدل حالِي واصبح قلبي مرناً وغير مبالي معتاداً على كل ما هَو مؤذي الشيء الوحِيد الثابت في حيَاتي هو إسمي.

• حرفيًا انا مليت من الملل فحد ذاته والله.

الجـو هده يبـي تقعميزهه رومانسيـه ع بحر و ڪرسيـن ڪرسي ليا وكرسـي نمد رجلي عليه .

- اصعب شعور ممڪَن تحسـه لمَـا تخَلي حَـاجة وانت مزال تبيها.

نقرآ فـ شات قديمّ وابتسمتّ تلقائيًا،كمية الراحة فـ الكلام والوعود والضحك لفيِه خلتنيّ نسترجع شُعوري فـ لحظتهّا،كيف كُنت فرحانة بالشخصّ هذا ونهدرز معاه بكل حُب ومِش حاطة فـ بالي ان ممكن يجِي يوم ويقعد كلامنا هذا ذكرى نتحسف عليهَا بس..

-حرفياً فكرة ان ناسنّا لمعانا اليوم ممكن بكرا يكونوا غريبين مُخيفـة!

- لاتجعل جوعك للحب يجعلك تأكل مَـن قمامة العلاقات .

- بالمناسبة أنا شديد الملاحظة، وكل الأشياء التي تظن أنني لم ألاحظها، في الواقع أنا تجاهلتها عمدًا..لذلك لا تاخذ راحتك "وتمصخّها".

متقولش بندير، دير الشيء وخليه هو يتكلم عليك.🤍

- تقبلوا فكرة إنّه في حاجات ماعندناش فيهن لا نصيب ولا حظ رُغم سعينا المُستميت عليهن"..

مشكلة الي عندهم شدوق من وهما صغار..! 💔🤤😂😂😂🔥

يارب اعطيني على قد القـهـوهه اللي نشرب فيه❤️🤤

اكثر شيء يقهرك لما تقعد متمني شيء واحد بس فِـ حياتك هذي كلها وما تبيش اي شيء غيره وتقعد متنازل على اي حاجه وفِـ النهاية تلقى روحك ما جيت من ولا شيء لا من اللي متمنيه ولا من كل حاجة كنت تقدر تديرها وتنازلت عليها لسنوات بس ف النهاية تلقى روحك ضيعت عمرك ع الابيض ورا شي تافهه.

معاش موضوع !
من يمشي من يجي من يقعد ماشي جاي ! من يبيعني من يشريني من يبيني من مانهماش !
من يبي يضايقني او من يحاول يفرحني !

معاش موضوعي "أشخاص " على قد ما موضوعي " أني ، حياتي و مستقبلي "

معاش عندي خلوق نزعل من حد ولا نهتم بحد !
و لا عندي خلوق و جهد نقاحر و نحاول باش نحافظ على اي شخص .

المهم " أني " و الأهم " طريقي " أما الناس و علاقاتهم و ضجيجهم طهقه قديمة عشناها و قلقنا منها .

- صح عندنا رجلين لكن مانجروا في جرت حد !
- واللي عاجبه فراقنا حانعشوه مسقي و نسقدوه.
- واللي يدوي في قفانا ينقص هلبا من فوقنا.
- و لما نعاملك باهي وانت تعامل اخي هدا لان الدين معامله مش لانك بنادم ينشافله.
- والزين في القلب هو اللي بنعاشروه مش الزين اللي ينجاب بفلتر.

و على قولته : اني مانبيتهاش فيك اني نعيشها معاك ❤️

عن تجربة شخصية في وقتي الحالي؛
ماتحبسش روحك في قفص بابه مفتوح مولاه لا يوكل لا يشرب فيك ولا هامه وجودك من عدمه , اطلع تلفت شوف حاتلقى دنيا أحلى بهلبا فايتاتك , حاتلقى شخص شاري قربك و عاطيك راحة الدنيا براله و ماتفكر في شي , ساد مافكرت فيهم.

‏غالباً معش فـِ حاجة مضمُونة، لا شخص، ولا وظيفة، ولا علاقة المواقف يصيرن عشان تعاود النظر فـِ كل تصرُّف يطلع منك، وكُل حاجة ادل علىٰ إنّ الدنيا بطولها وعرضها متستاهلش إنَّك تراهن علىٰ حاجة فيها، الحاجة الوحيدة يليٰ مضمُونة هيٰ علاقتك بربك فَـ حاول مهما كلفك الامر انك تقويها .

- أنا نحب الناس الحنونه نضعف قدامهم والله ، الحنية فعلاً أكثر وأهم صفة تخليك أطيح في حُب اللي قدامك ، مهما كان البني أدم فيه حاجات سمحه واجد ومش حنون عمري ما ح نعرف نتعامل معاه ، تخيل في حياتك شخص حنون ما تهونش عليه ويدير في كل حاجة عشان يفرحك ، وما يبيش حاجه غير أنك تبقي كويس ، حاجه جميله بككل ❤.

‏فيِ نوع من الناس كرامته هي اللي اتحكم في مسار حياته ، مُمكن يسيب شُغل كويس عشان حد مسّ كرامته ، يفارق شخص روحه فيه لمُجرد اِحساسه بإن وجوده ثقيل ، يموت من الوِحدة ولا إنّه يشحت وجود حد ، الناس هذي كرامتها ديمًا حيّة ، وجرح كرامتهُم عندهم أكبر من أي جرح جسدي ، ‏وحتلقي كُل قراراتهُم فيها شيء من الكرامة والحفاظ على كبريائهم ، والنوع هضا لما كرامته بتتأذي ويقرر يمشي مش ح يرد مهما كان .

- مش شرط اللي يتغير اسلوبه معاك طلع على حقيقته يمكن كان معطيك أكبر من حجمك واستوعب انك مايثمرش فيك الخير ؟

“‏عاشر اللي يزيد حياتك حياة مايزيدك هم”🗝♥️