ياسلمان ارجع وبابي علي رد
سمعت ابنت نبي انعصرت علي رد
مارد اِللاّ ويّايه علي ايرد
أو اكشف بالدعا راسي ابرزيه

علي الأحسائي

https://www.tgoop.com/Kinitniea1984

#في_الخدمة_المقدسة (للخطباء)
#شهادة_السيدة_الزهراء ع
#الرواية_الثانية

لسان حال السيدة الزهراء ع تخاطب والدها النبي الأكرم (ص)

(طور الجفيري)

١) ذبلتْ بابويه زهرتك
مشتاگه والله لعزوتك
هضموني حقي أمّتك
والدّنيا بعدك مظلمه

٢) هجْموا على داري العدا
والنّارِ بّابي صاعده
وحيدر چفوفه مقيده
وسفه على أمّة مسلمه

٣) ماراعوا بنيتكَ يا النّبي
يلطمني بيده الأجنبي
يكسر ضلوعي النّاصبي
والعصره کانت مؤلمه

٤) أخذوا غصب عنّي علي
خلفه صحت ردوا الولي
والظالم سوطه مد الي
ومتوني بضربه مورمه

٥)عين الله ترعى كسرتي
وحيدر يطبب علّتي
وعيالي تمسح دمعتي
يودعون بنيتك فاطمه

#منال_بجيجي


يهدى ثوابها إلى أرواح الشهداء وروح شهيدنا الأقدس

https://www.tgoop.com/Kinitniea1984

نعي ابوذيه لزهراء ع

عيوني من الدمع ماضل  بهاماي
كضيت ومحد  اليدري  بهاماي
شحلات الدار  من جانت بهاماي
اجيها ومرحبت كل ساع بيه

نعي
وين الهله وجلمة اليمه
جيت ولكيت الدار ضلمه
ون  الدليل وثكل  همه

ضاك الخلك واريد ليها
شتاكيت لشفجه وحجيها
ياهو الانشدنه    عليها


اثاري الموت للمضلم خذها
وين انشوفها ونكعد وياها
والله فراكها  عيني عماها

ياضعن  هذا الشال مني
عليمن  اونن   ناشدني
الشالن اعزاز الكلب ذني

علمين  اون وثكل همي
ياتبوت هذا الشال يمي
هاي الحنينه الوالده امي

بتابوتها  مرت عليه
ونت  اونتها  شجيه
الله وياج صاحت يالبنيه

الله وياج  كالت واسمعتها
سوده  علي   ماعطلتها
ليلة  اتبات ويانه  ردتها

سدر الحادي وشال بيها
وعيوني دم هلن  عليها
صحت يالوالده بنيتج خذيها


صحتلها  والاردت  عليه
اركض  ودمعاتي  جريه
لزمت  النعش بثنين اديه

لزمته وكلت ريض يجناز
حط الحنينه اتودع الاعزاز
بعده  الكلب للمشت محتاز

انه  بعوز  كعداتج  بعدني
حبيبات  وياجن  اخذني
تعدن  على بابي  وجزني

حنينات  شنهي  الغيراهن
والوصل  كطعنه  شجاهن 
اخلص الكلب بالون وراهن

✍ام زينب كربلاء غير مبري الذمه من يأخذ الكلام وينسبه له اويحذف الإسم  من كتاب المآسي الفاطميه

https://www.tgoop.com/Kinitniea1984

نعي  لزهراء  ع  عن لسان حال زينب ع

ادور  حنانج   مالكيته
موت الخذه امي عاتبيته
والبيت  عنها    ناشديته
جاوين  وجه  السامريته
استعجل الموت وفاركيته
رحتي  وزمانج  ضيعيته
دمعي عله الوجنه جريته
ضعنج مشه  ومارافكيته
واليفكد امه انهجم بيته
اعتب عله المانشدن عليه
...........
لاوين    وداها  زماني
سدر ضعنها وصحت تاني
ويه  الحبايب  ماخذاني
انه واكفه  وضعنج جزاني
طكني عله عيوني وعماني
يزهره بغيبتج غابت الواني
يالشايله  عله البيت ردي

...........
سدر ضعنها بليل  وعميت
وانه  بعبرتي  لدار   رديت
صبت دمعتي بعتبه البيت
جا ماحملت وياج وامشيت
بدارج  يزهره شلون ضليت
خالي مجانها وبالعين صديت
ييمه شلون  عالفركه  تكويت
امي  بنار  فركاها   تجويت
خايب  يدهري شلون سويت
نارج  سريه   وخمدتني
...........

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم  من كتاب المآسي الفاطميه الجزء  الثامن عشر


https://www.tgoop.com/Kinitniea1984

مجلس للزهراء عليها السلام

                (المقدمه)
       بسم الله الرحمن الرحيم
     صل الله عليك يارسول الله
(اللهم صلِّ على محمد وآل محمد)
صل الله عليك وعلى فاطمة الزهراء
المضلومه صل الله على صاحبة الضلع المكسور والخد المسطور صل الله على قلب زينب الجريح بمصاب امها صل عليكِ يا زينب الحوراء الحزينه

عظم الله لكِ الاجر يازينب  بهذا المصاب
مصاب امكِ الزهراء ع ساعد الله قلبكِ
❥ــــــــ☆ــــــــــ●ــــــــــ☆ــــــــ❥
              ♦️(قريض) ♦️
♦️طور الدرج ♦️

ما حــــــالَ زينباً في هذهِ الايامُ
تَعيشُ فُراق أُمها والهجرُ والالامُ
قد اصـــــبحت غريبةً من بعدها
واصبحت دُنياها سوداءً وضلامُ
فـــــــــــــــقدت حنانَ الامِ التي
كانـــــت لها سنداً واماناً وسلامُ

♦️(طور المثكل)♦️

اجـــــــــــــركِ اللهُ يابنتَ فاطمةُ
في هذا المصابُ الذي كإنهُ سِهامُ
ســـــهماً وقد اصابَ وقطع قلبكِ
وقلبكِ في هـــــذا الحال لا يلامُ
❥ــــــــ☆ــــــــــ●ــــــــــ☆ـــــ

       



نكطع حبل الوصل وياج يوماي
بعد يومج عسه. لا طال يوماي
علي بدمعه يرش الكبر يوماي
مزن صبن دموعه عالزجيه

♦️(نعي شعبي) ♦️

زهـــــــــره ييمه لا تونين
كليلـــي يايمه اشتهيسين
وشبيها عينج بعد هالعين

يايمه ونيــــت اعله ونج
اشيوجعج خبريني عنج
بس لاتحـرمين يمه منج

البيج يمه كـــــــــون بيه
ياخيمه وتفيــــــــي عليه
اسم الله ييمه امن المنيه

مكسور ضلعج بــعد ضلعي
يمه عليج ادموم دمعــــــي
حال الهضم والضيم وضعي
❥ــــــ☆ـــــــ●ـــــــ☆ــــــ❥
(جواب الزهراء ع)
هنا مولاتنا الزهراء اجابت السيده زينب
وهيه متالمه..... تكلها

مايهــــــــــده يايمه ونيني
مكسورة ضلــــع لا تلوميني
تجري دمه ومسطوره عيني

يمه يزينـــــب موش بالايد
اعليه الوجــع يبنيتي ايزيد
مالومه روحــي وابد متهيد

گربـــــت من عندي المنيه
وداعة الله يــــــــل ابنيه
محـــتوم امري وهاي هيه
❥ــــــ☆ـــــــ●ـــــــ☆ــــــ❥
* ♦️المصيبه ♦️ طور المقتل

*اعلمو يامحبين  لمادنت الوفاة من مولاتنا الزهراء اوصت امير المؤمنين بعض الوصايا ولما تمت وصاياها عليها السلام
*ثم دارت عينها بوجه امير المؤمنين والحسنين وبناتها وتوجهت الي القبله وتشهدت* *الشهادتين وغمضت عينها ومدت يديها ورجليها ثم قضت نحبها مظلومه مكسور ضلعها فبكي الحسن والحسين عليهما السلام ونادت زينب عليها السلام رحم الله من نادى معها اي وفاطماه
( هنا زينب ع بكت وقالت اماه لا تحرميني من حنانكِ اماه ابقي معي

(هنا الزهراء ع اغمضت عينها وفارقت روحها الحياة ساعد الله قلبكِ يازينب وكاني بلسان حالها
وهي تنعى امها.... اتگووول زينب)
♦️(نعي طور  زريجي) ♦️

يازهرة حياتي شلون بيه
وانتي متــــي ابين اديه
ياريــــــت موتتنه سويه
اشبع قهر اخلاف عيناج

اشبع قهر يمه ابدونـــــج
صعبه ترى فرگة اعيونج
يابعد لوني اشــبيه لونج
بصوت الحزن ضليت انعاج
❥ــــــ☆ـــــــ●ـــــــ☆ــــــ❥
♦️(طور الگرناوي ) ♦️

عن لسان حال مولاتنا زينب عندما توفت امها
راح الحـــــيل مني وبادت الروح
            مشت عني الحنينه وضوه عيني
گبال عيوني امي وجاها هالموت
           بعـــــــد هيهات ترجـــع ماتجيني
بحاجتها بعدني  وعمري ازغيـر
          بعـــــــــــدها زغيره يايمه سنيني
صـــعب يفراگها ماينحمل ضيم
          اعاشر مــــــــن بعدها بس ونيني
بثوب اســود اگضي هاي دنياي
         وبـس نوحــــــي البعدها اليسليني
نوحي ما ابطله ودمعي همال
         واصــــــــفگ عالمشت اثنين اديني
❥
♦️(نعي طور الفراق)  ♦️

ابقي وياي//يمه يازهرة حياتـــي 
ابقي وياي// بعدج يكثرن نايباتي
ابقي وياي//  يمه احلفج ابغلاتي


شبگيني يمه//ترانـــــــي ابعازة حنانج
شبگيني يمه// وخليني انامن ابمچانج
شبگيني يمه// شبيها متغـــيره الوانج
❥ــــــ☆ـــــــ●ـــــــ☆ــــــ❥
(جواب الزهراءع)
هنا الزهراء ع اجابتها وقالت لها اعذريني يابنيتي لا استطيع احتضانكِ الان اضلاعي مُكسره

اعذريني //يمه ما اگـــــــــدر احضنج
اعذريني // مكسور ضلعي العذر منج
اعذريني // رايحه ابتعــــــــــــد عنج

وداعة الله //هاي لحضاتــي الاخيره
وداعة الله //اعذريني يل زغيره
وداعة الله //للگبر نعشي اشيله

♦️ابو ذيه ♦️

التعنه   دارها. والنار. شبها
عله ياقوم احسبنه. وشبها
الحرم فاطم من الدنيه وشبها
حتى النار من عنده بريه
،

الليله دار فاطم. ونه بيها
خلت من النودها ون بيها
عليها يون حيدر ون بيها
هدم حيله يفراك الزجيه

♦️طور التخميس ♦️

هيهات للفرح من بعدها.
           ومن بعد امي ايام سوداء
يالله.

🏴أنت المعزى سيدي يا صاحب الزمان ... عظم الله اجوركم💔

https://www.tgoop.com/Kinitniea1984

وفاة السيدة فاطمة الزهراء( ع)

(( بقلم ام زهراء العامري))


عظم الله اجورنا واجوركم بمصاب الصديقه الزهراء( صلوات الله عليها)

عن مولانا علي (ع) قال دخل رسول الله (ص) علينا أنا وفاطمه وأخذ بعضادتي الباب وقال السلام عليكم يا أهل بيت رحمه وموضع الرساله ومنزل الملائكه يابنيه أن الله سبحانه وتعالى أطلع على أهل الأرض أطلاعه فأختار أباك فجعله نبياً ثم أطلع ثانيه فأختارك وأمك وجعلك سيدة نساء العالمين ثم أطلع فأختار أبنيك سيدا شباب أهل الجنه.
وفي حديث طويل عن الله عز وجل يا فاطمه وعزتي وجلالي وارتفاع مكاني لقد آليت على نفسي من قبل أن أخلق السماوات والأرض بألفي عام أن لا أعذب محبيك ومحبي عترتك بالنار.
عن سلمان قال قال النبي (ص) ياسلمان من أحب فاطمه أبنتي فهو في الجنه معي ومن أبغضها فهو في النار ياسلمان حب فاطمه ينفع في مائه من
المواطن أيسر ذلك المواطن الموت القبر الميزان المحشر الصراط والمحاسبه فمن رضيت عنه أبنتي فاطمه رضيت عنه ومن رضيت عنه رضي الله عليه ومن غضبت عليه غضبت عليه ومن غضبت عليه غضب الله عليه ياسلمان ويل لمن يظلمها ويظلم بعلها أمير المؤمنين (ع) وويل لمن يظلم ولديها وذريتها وشيعتها.

المجلس:
يا مؤمنين هذه مكانة فاطمة (ع) عند الله ورسوله فلنعزي رسول الله (ص) بمولاتنا الزهراء وهاهي اليوم قد دنى أجلها فلما تيقنت من ذلك عمدت على العجين وخبزته لأولادها وغسلت شعرهم وهي تعلم أنها مفارقتهم لا محاله ،تقول زينب ( ع) أنظر لأمي الزهراء تقوم بأعمال البيت وهي تبكي وتنظر اليه ثم التفتت ألي مخاطبه وأنا مستغربه من عملها:

أخافن أبوهم يلهي عنهم
محير يظل بدفنة أمهم
وهما يتامه ياهو الهم

يمج ترى بسيمة الخطار
بالليل تخله مني الدار
عينج على اخوانج زغار

على غيبتي سلي فكرهم
صبري ولاتبچين يمهم
وصيري ييمه اعدال امهم

بعد مافرغت الزهراء( ع) توسدت فراشها وهي تتألم من ضلعها وألم حزنها فلما رأتها زينب تأن جرت عيونها على أمها ولسان حالها:

حطيت فراشج بصفي
گتلج يبعد الروح أغفي
بگلبي نار شلون تطفي

أشوفج على فراشج تلوجين
لاراضيه ساعه تهودين
شيوجعج صديلي بالعين

شوگاضيته الليل ونات
وتعاينين على البنات
تحسبين لوظلن يتيمات

وفي خبر أخر لما علمت وتيقنت من دنو أجلها نادت على مولانا علي( ع) وجعلت توصيه بوصاياه ولسان حالها:

گلبها علمها رايده تموت
صاحت يحيدر أدنى بسكوت
أوصيك واسمع مني الصوت

عينك يحيدر عالبنات
تدريهن يظلن يتيمات
بالدار مثل الضايعات

للولاد دير النظر ديره
تدري بخيتهم زغيره
وياخلتي عليهم جبيره
فلما فرغت من وصيتها( ع) نادت على اولادها يودعونها وتودعهم ولسان حالها:

صاحت عليهم ودعوني
خلوني أشمنكم أدنوني
باجر أظنكم تفگدوني
باجر أيتمكم هظيمه
أطفال ماعدكم أميمه
واصير حالتكم أليمه
قيل لما فرغت من وداعهم قالت للحسنان أذهبا الى قبر جدكم رسول الله (ص) أدعولي بالشفاء وأما زينب فقالت لأسماء خذيها الى بيت أم سلمى وأما ما كان من أمر الزهراء (ع) أغتسلت وقالت لأسماء يا أسماء أنا داخله أصلي وأقرأ القرأن أذا سمعتي صوتي أنقطع فاعلمي أني لاحقه بأبي رسول الله (ص) تقول أسماء بينما مولاتي الزهراء تقرأ القرآن دخلت عليها ورأيتها رافعه يديها الى السماء تناجي ربها وتدعوا الهي برسول الله (ص) وشوقه الي
وببعلي علي  وحزنه علي وبولدي الحسن وبكائه علي وبولدي الحسين وكأبته علي وببناتي الفاطميات وتحسرهن علي الا مانجيت أمة أبي وشيعة علي من النار فلما رأتني قالت لي ياأسماء ألم أقل لك لا تدخلي علي طالما أنت تسمعين صوتي فأعتذرت وخرجت عنها بعد لحظات قليله سمعت صوت فاطمه (ع) قد أنقطع فدخلت عليها رأيتها مسجاة للقبله قلت لها يابنت رسول فلم تكلمني يا فاطمه الزهراء لم تكلمني يا أم الحسن والحسين لم تكلمني فعلمت أنها ماتت بينما أنا كذلك أذ دخلا عليا الحسنان وهما يبحثان ويخاطباني يا أسماء أين أمنا قلت أمكما نائمه قالا ما الذي ينيم أمنا في مثل هذه الساعه قلت سيدي تعالا أضع لكما الطعام قالوا يا أسماء من أين علمتي أننا نأكل من غير أمنا فاطمه فغافلاني فدخلا لحجرة الزهره نظرت اليهم تكاد أرواحهم تزهق من البكاء الحسن نائم على صدرها وهو يقول أماه أنا حبيبك الحسن كلميني والحسين تقول كسر قلبي يقبل بأقدامها ويقول أماه أنا عزيزك الحسين كلميني قلت سيداي أنطلقا وأخبرا أبوكما فذهبا لاطمين على رؤوسهم فكل من رأهم قال هل تذكرتم جدكم قالوا لا أوليس ماتت أمنا فاطمه فلما سمع مولانا علي (ع) وقع على الأرض من شدة الخبر فلما عاد للبيت حمل مولاتنا الزهراء (ع) للغسل يقول والله كانت ميمونه طاهره تتقلب كيف يراد الغاسل غسلها مولانا علي (ع) من وراء الثوب وأسماء تصب الماء ففجأ مولانا علي (ع) توقف عن الغسل وأخذ ناحيه يبكي قالت أسماء مولاي توصونه بالصبر وتجزعون قال الصبر جميل ولكن ليس على فاطمه لقد رأيت ضلعاً من أضلاعها مكسور ولسان الحال:
عالمغتسل من مددها
ضلوعها معوره لگاها
عاف الغسل حيدر بچاها
https://www.tgoop.com/Kinitniea1984

لعيونها صد وتحسر
وخد الزچيه صاير احمر
من گلبه صاح الله واكبر

فلما فرغ من غسلها أدرجها في أكفانها أراد أن يعقد الرداء نادى بني حسن بني حسين هلموا وتزودوا من أمكما فاطمه فرموا بأنفسهم على صدر فاطمه يقول مولانا علي (ع) والعيش الذي عاشه رسول الله (ص) فاطمه حنت وأنت وأخرجت يديها من الكفن وأعتنقت الحسنان وأذا بصوت من السماء ياعلي نحي الحسنان عن صدر أمهما فلقد أبكيا ملائكة السماء ولسان الحال:
شبگو عليها شلون هضمه
صاحوا دگعدي بصوت يمه
بلياج كل الدنيا ظلمه

يمه عليها بصوت صاحوا
حسين وحسن عالزهره طاحو
يشمونها عالصدر نامو

بعد ذلك وضعها في نعشها وشيعها ليلا برفقة سلمان وابو ذر والمقداد والثلة الطيبه حسب وصيتها وخفي قبرها وكأني بزينب( ع) لما رات نعش امها محمول لسان حالها يقول:

ردي علي يالعايفه البيت
بعيوني صوب النعش صديت
ردي يبعد الروح ناديت

يالغاليه من شال نعشج
رادت تموت وياج بتج
زينب فلاتحمل فرگتج

ماينحمل لفراگ تدرين
شلتي بسرعه يم الحسين
والغيبه ندري اطول سنين

يامن يرد أمي عليه
وأفرح بجيتها الزچيه
بيت ولد عافت بنيه

……… تمت……………… .

     بقلم ام زهراء العامري
https://www.tgoop.com/Kinitniea1984

نعي وصية الزهراء لزينب( ع)

دمعتها سالت ويه دمعتي
وبخواني وصتني وبخيتي
ظلمة تظل گالت حجرتي

عليه دموع افراگ تبچين
وبلايا ام زينب  تظلين
فراش المرض بيدج تشيلين

بغطاي اخوج حسين غطيه
ومسحي دمع عينه ونوميه
حمل الثچيل انتي تشيليه

اريدج على الفرگه تصبرين
وضمي الدمع لمصيبة حسين
ينذبح بالطف وتضيعين

راسه يشيله النذل بيده
وجدامج ايحز بوريده
اتظلين يايمه وحيده

ندهي علي وياج احضر
واثنينه نگابل المنحر
نلم الجسد عاري موذر

…… .تمت……………………..

       بقلم ام زهراء العامري

https://www.tgoop.com/Kinitniea1984

ابوذيه + نعي للزهره( ع)

ابوذيه:
فراگ  الأم  البنيه      يلمها
تبچي ومااظن واحد  يلمها
التراب خلافها رادت   يلمها
ويغطيها مثل عين الزچيه

النعي:
الفراش خالي ومالگيتج
وشميت يمه مكان ايدج
الليل اجه وكلنه نريدج

ثوبج اگبالي واشم عطره
واحطه على گلبي واگدره
واصيح ردي من المگبره
يالرايحه مني بعصره

ابفد وساده وياج نومي
وياريحتج ترست هدومي
من الترب يم حسن گومي

يالرايحه بعصره وگضيتي
ليليه اتاني ومااجيتي
حيلي من الفرگه گضيتي

گلبي بهضم گاضيني الفراگ
ريحة الجنه بيج نشتاگ
اثاري اليتم يم حسن حراگ

…… .تمت…………………….

      بقلم ام زهراء العامري

https://www.tgoop.com/Kinitniea1984

( نعي حدي )

لسان حال مولاتنا زينب بعد استشهاد الزهراء
✧────⊱◈◈◈⊰─────✧

يايمة فتحي عوينتج
زينب تراني ابنيتج
ضلمت علينه غرفتج
ترس المباني ريحتج
يالمانمل من شوفتج
يوجعني طاري فرگتج 
واركض ركض المخدتج
ونوبة اشم ابشيلتج
وادعي تگرب ردتج
ونفرح ييمة بطبتج
محلاها ذيجة چلمتج
زينب تصيحي بشّفتج
وحيدر واخوتي بحجرتج
شيعودلنه گعدتج
الله يجازي الألمج
وايده اللي عمدا دفعتج
موت اخونه وطيحج

✧────⊱◈◈◈⊰─────✧

تمت

خادمه أهل البيت العلويه فضيله هاشم الموسوي

ماذكرناه في عشره أيام.  رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫

أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه

https://www.tgoop.com/Kinitniea1984

قصائد مقدمة المجلس
#رقم_317

في رثاء #السيدة_الزهراء (عليها السلام)
لأحد أشراف مكّة


1- ما لعيني قد غابَ عنها كَراها
وَعَراها مِن عَبرةٍ ما عَرَاها ؟

2- أَلدارٍ نَعُمـــتُ فيــها زَمــــانًا
ثُمَّ فارقْتُـها فَــلا أَغشــاها ؟

3- حاشَ للهِ لَستُ أُطمِـعُ نَفسي
آخرَ العُمرِ في اتباعِ هواهـا

4- بل بَكائي لذكـرِ مَن خصَّها
اللهُ تعالى بلطـــفِه واجتـبـاها

5- خَتَــمَ اللهُ رسلَــه بأبيــها
واصطفاهُ لوحـيِه واصطفـاها

6- وحبــاها بالســـيدينِ الزكيينِ
الإمامــــينِ منه حينَ حبـاها

7ـ ولفكري في الصاحِبينِ اللّذينِ
استحسنا ظُلمَها وما راعياها

8ـ جرّعاها مِن بعدِ والدها الغيظَ
مرارًا فبئـــسَ مـا جرّعــاها

9- وأتـَتْ فَـاطِــمٌ تُطـالِبُ بـالإر
ثِ من المُصطفى فمـا ورَّثاهـا

10- ليتَ شِعري لِم خُولِفَت سُنَنُ القُـر
آنِ فـيـهـا والله قـد أبـــــداهـا

11- نُسِخَـتْ آيـةُ المَواريـثِ منـها
أم هُما بعـدَ فرضِهـا بـدَّلاهـا

12- قل لنا أيّـها المُـجادِل في القَو
لِ عنِ الغاصِبينِ إذ غَصَباها

13- فلماذا إذ جُـــهِّزَت لِلقاءِ اللهِ
عندَ المَمَـــاتِ لَم يَحضُــراها

14- شُيِّعَتْ نَعشَـها مَلائكةُ الرَّحـ
ـمنِ رِفــقًا بـها ومــا شَيَّعاها

15- بنتُ مَن ؟ أم مَن ؟ حلية مَن ؟
ويلٌ لمَن سنَّ ظلمَها وأذاها

****

الشعر الدارج للخطيب الشيخ
محمد سعيد المنصوري :

يويلي من عصرها الرجس طاحت
أو على فضه ابرفيع الصوت صاحت
اجتها ومن لگتها تون ناحت
يمها أو هيه عالغبره رميه

يمها اگعدت يتهامل دمعها
المصاب الصـار عـالزهرا صدعها
صاحت من درت كسروا ضلعها
اويلي اعليچ والونه خفيه

هاي اللي فلا خطرت على البال
مصيبه المــا تخلي اعلى المحب حال
ظلعچ ينكسر بالباب منگال !
عگب ما ظمّت الهادي الوطيه

عفه گلب الوصي ويا عظم صبره
يشوف اللي جـرى ابعينه وينظره
سلم للإله ابهاي أمره
وظل يجذب الحسره اعله الزچيه

ما مل من بچاه إلها ولا هاد
أو مر اعليه صار الشرب والزاد
هم اللي ابگلبه لو بالاطواد
تلفها ولا بگت منها بگيه

مراثي الأطهار عليهم السلام


#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

‏ ما  لعيني  قد غابَ عنها كَراها

بصوت الخطيب الشيخ كاظم المياحي

ام جعفر:
نعي كرناوي حول الزهراء



اصد صوب النزل وتهيل الدموع
هنا يالوالده يمج كعدنه

وهسه البيت يوحش عكبج هواي
ومظلم حيل منه شالت امنه

يا شمعة عمرنه الجنتي تزهين
ليش بساع طشرنه وكتنه

خلافج مانريد العمر تدرين
وكل ساعه نجر ونه عله ونه

يمه افراك شخصج يوجع الروح
وكولي اشلون متحمله بعدنه

وجهج هم يجي ونشوفه بالبيت
لو مثل الحلم يرجع شملنه

يحبيبه نحن كل ساع وانريد
يعود وياج يا يمه زمنه

ونتسامر مثل ماجنه بعتاب
اشحلات وياج لو نبدي سمرنه

عزيزه ومثل شخصج ما يجي لا
ولا يشبه مثيلج بل محنه


غير الوالده انتي ونور العيون
وانتي هروش كلبي واغله منه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له

#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

‏
نعي ابوذيه ومجاريد حول الزهراء


اخلافج مابكت عدنه/وسيله
ودمع عيني ولا يبطل /وسيله
موتج يجرح بكلبي/وسيله/وسله
وخلاني اون صبح ومسيه

عليه الحزن يوم المشت/يومي
واخلصنه بجي وابنوح /يومي
صحت لاوين رحتي بعيد/يومي
وخذاج الموت ما رديتي ليه


مني خذاج الموت لاوين
يمعدله وجنج تطولين
علينه وعله بيتج تغيبين

تغيبين وطولين الافراك
وكلوبنه الملكاج تشتاك
ردينه حيل النفس ضاك

ضاك النفس من عكب عينج
يا ام المحنه اليوم وينج
نبجي عليج ورايدينج


ردناج يمنه انشوفج اليوم
ويمج يزهره نشجي الهموم
عليج الكلب ياحبيبه مالوم


مالوم كلبي منهد يومج
وكل ساع اجي واشتم هدومج
وتعن عليه صدت ارسومج


اشتاك والملكه اريده
يالشوفتج صارت بعيده
اليفكد حنانه من يفيده


محد يفيد الفاكد امه
ويبجي بحزن ويزود هظمه
شيجيبهه وتعود يمه


ماظن تجي وتعود لينه
ونشوفهه ترجع علينه
حنينه الوالده كلش حنينه



حنينه وبعد شيعودهه النه
وماظن تجي وتكعد بصفنه
ظلمه صفه وحشه نزلنه



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له


#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

يا حسين:
نعي حول الزهراء


صار الأفراك وشالت امي
وجاوين اسولف بعد هظمي
يكون العمر تكضينه يمي

وعاشرج كون بحياتي
واكعد وياج الحد مماتي
انتي الوالده وانته غلاتي

مايصح شخصج جا شريته
وحد الموت يمه رافكيته
كلبج حنين وفاركيته

يامن خذيت امي صحتله
يمي نعشهه شويه خله
ويانه المسامر لا تحله


خليهه يمي ساعه ساعه
واكلها الموت ما نحمل وداعه
كلبي شكثر صارت اوجاعه

واحجي واسولف بل اريده
ومسامري وياها اعيده
ادري بشوفتج صارت بعيده

مثل الحلم ما ظن تعودين
وبل دار اشوفنج تكعدين
حنينه وعليج انودر العين


ماكو بحنانج وين نلكه
يا ام الهلا وحلوت الملكه
ما تنحمل توجع الفركه


الفركه ثجيله وتاخذ كلوب
وتبهت الروح بوكت الغروب
ادور كمت وانطر بالدروب


هلبت تعودين وتجيني
وافك البجي وتنام عيني
ويبطل بعد روحي ونيني


ونيني أبطله لو تجينه
واكولن هلا ب امي الحنينه
مسيره العزيزه جن علينه



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له


#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

رقمي اثنين:
نعي حول الزهراء


حنينه امي والي شيجيبهه النوب
واكعد وياها ابوكت الغروب
أكلها الروح ماتنسه ولايوم
وكل يوم اليمر انطر بالدروب


تعاي وداعتج ما احمل افراك
وعزيزه انتي عليه وكلش اشتاك
اعاين بالنزل ودموعي اطيح
وتحن عليج روحي والخلك ضاك



يا روحي بعد ما ترجع عليج
ولا يوم بحياتج هم تلاكيج
اكطعي اياس منهه ولا تنطرين
كضت مثل الحلم ماظن تجي ليج



اشم بيهه العبايه وذيج الهدوم
ويحن كلبي عليهه وحيل مالوم
اصد لهدومها وتنبهت مني الروح
واريد امي اصيحن ماتجي اليوم



تعاي وياي كعدي ولا تطولين
تره صعبه وثجيله فركت اسنين
كولي اشلون انامه اليل واكضيه
وتغفه معلمه بحضنج ييمه العين


ثجيله الفركه حيل وتعمي العيون
واحملها صعب يا يمه وشلون
اخذيني وياج اروحن وامشي للموت
تره انه اخلاف شخصج ما الي لون



لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له


#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

مقطوعه او نعي كرناوي حول وحشه الزهراء



ادور بل نزل واظلم اشوفه
وحشه اخلافهه وما ينسكن بيه

صحت يا ام المحنه اليله جاوين
وصوتي الوالده هلبت سمعتيه

افراكج ما نحمله اشلون تمشين
ونص الحيل يمه ودريتيه

تعاي اسويعه بالله وشوفي شصار
ونومج بالكبر يا الزهره عوفيه

تعاي وكعدي يمه شويه وياي
وحزني والونين اليله اسمعيه

عليج الله تخلي الكبر موزين
وأخي الضال بعدج بالله سكتيه

بعدنه زغار والفركه تهد حيل
وعمرنا وياج يا يمه خذيتيه

مظلم بيتنه وما ينچهب لا
شنهي البيت بعدج ونتي عفتيه

اطبن غرفتج واشتم بل هدوم
وكلبي يروح مني هيج احس بيه

يمه اشلون بينه ما تعودين
شوف عيونه يمج خذيتيه


لخادمة الزهراء العلويه ام جعفر غير مبري الذمه من يحذف الاسم ويأخذ الكلام وينسبه له

#قناة_خاصة_للنعي
من القنوات المميزه التي جمعت لكم انواع النعي بجميع اطواره
بعد متحتارين منين تجيبين نعي
اشترك بالقناة وراح تستفادين منها

https://www.tgoop.com/Kinitniea1984

مقتل البنت الوحيدة لنبي الأمة

سماحة الشيخ زمان الحسناوي "دام توفيقه"


عظم الله اجوركم
13 جمادى الأولى
إستشهاد مولاتنا فاطمة الزهراء عليها السلام
الرواية الثانية

وينهن خادمات الزهراااء

تعالن وياي لقناة الشاعرة ام علي الحلفي بيها قصائد جديدة منوعه

من هنا الأشتراااك 👇🏻👇🏻👇🏻

https://www.tgoop.com/WAiomAill

https://www.tgoop.com/WAiomAill