tgoop.com/Loura2/613
Last Update:
تزاحمت الأحرف وهاج البوح وأشتدّ الشعور
ترعى مجرّة راسي .. أفكار وكواكب أخيله
ثار الكلام وأنتصر له فارس الحرف الغيور
دوّر على آخر نفَس للصمت عايش وأقتله!
أثبت وتحتي الأرض تركض والليالي في دبور
أرسم على وجيه الدفاتر إنهيار الأسئله
وحيد ! لا حولي بلاد .. ولاغياب .. ولاحضور
متبعثر : أشبه في حطام حروب ودموع أرمله
زاهدٍ برغبات العمر وأحارب الظلمة بنور
كريم نفس .. يجمّل أيامه وهي ماتجمّله
فريد .. لو مالاقي إنصافي ولا أحب الظهور
ألا بسحر ان مرّ من حول الجمال .. يكمّله
عايش سنيني الثنين وعشرين وإن دارت ما أدور
همّشت رغْد النفس واستحليت مرّ المسأله
خاف الهدوء من مرّت غيوم الهوى فوقي مرور
ترجّل الحزن بـ وسط جوفي .. وبرّك رحّله
تتصادم أصداء الصخب في داخلي وأصمد وأثور
وآخذ زحامي عن زحام الناس حولي وأعزله!
أثر خطاوي الذكريات ببالي و حسّ العطور
يرجّع الخافق لـ نبضه .. بالليال الأوله
احلم وقلبي يكفخ جناحه إذا حسّ بسرور
طفلٍ تحت وبل المطر يركض عشان يبلّله
تتصحّر آمال العمر وتيبّس أغصان الصبور
ان كبّر احلامه وعلّقها بصحيبه وأخذله!
ياصاحبي شف خطوتي في عزفها صمتٍ وجور
وسوالفٍ شوّه ملامحها الغياب ( مكبّله )
تتكابر الحيرة .. بهقواتي .. وشرهات الصدور
وعتابي اللي برسله لك .. وأتردّد .. وأهمله
تلمع لك عيون الحنين وتشتعل نار الغرور
وانا مقامي .. ما يعلّيه الغياب أو ينزله !
انت أبتسم وآنا أمد ظلال وأزرع لك زهور
لو الليال الضاحكة ساعاتها مستعجله
ما أعرف اتوسّط ولو أتوسّط فـ بعض الأمور
تبطي الليال ولا توجهني على أرضٍ ممحله
تبي نسافر للجفا او نملي الدنيا حضور
إذا كذا ولّا كذا .. أنا ماعندي مشكله.
BY شبيه الشمس ..
Share with your friend now:
tgoop.com/Loura2/613