‏"وش كثر يوجعني.. إنّك تمّر الذاكرة / ما عرفت أشتاق لك، ما قدرت أحزن عليك" - فهد دوحان

‏كم سافرت بين وعي الحب واللاوعي
‏عذريةٍ؛ قد قرت عمري على كفها

‏معي لها موعـد، وليلٍ طويل، ومعي
‏قصيـدةٍ؛ ماتقـال إلّا على كتفهـا.

قبل أجيلك وأعتذر لك عن خطاي ..
‏بأي أحبك قلتها كنت أجرحك ؟
‏- خالد الكيادي

‏أشوفك سحابٍ في مجيّه حيا وأمطار
‏وأشوفك مجي القوم والحرب والسلّه

‏وأشوفك نهارٍ ماتوارى عن الأنظار
‏ياعنّك إنّي أفضّل شموسه على ظلّه

‏تعال إن بدأ لك في دروبي ضحى وديار
‏هذا الصدر مرتع؛ وأنت خابره وتْدلّه

‏وخذ أول شبابي عمر لاشحت الاعمار
‏وإذا كان مايكفي؟.. فداك العمر كلّه.

‏"ولو ماتت عبارات الحنين .. وغبت
‏مصير الحي من طيفك يلاقيني"
‏- خليل الشهري

‏"كذا لياليّ وأيامي غدت والشوق دسّاس
‏يمرر بعرق ذاكرتي .. حكاويك القديمة"
‏- وديع الأحمدي

‏ضميت الود و عيونك مناهل ، و السنين سهاد
‏على وين اتجه لو ضاع في سود الهدب ثاري؟
‏تبـعتـك عن جفـافي وابـلٍ مقفي و لا الله راد
‏عسى لك عـودةٍ فيهـا المزون.. تْبلّل ديـاري !

أنا اللي تنهمر غيمة قصايدها على طرياك
و هلّت في فضاء جوفك و بلّت جرد ريضانك

و أنا فعلًا و لو طالت دروبك .. ماشيه وياك
و أنا زيني مع إحساسي جمّعه الله على شانك

‏قبل اشوفك حياتي ما لها لون
‏ما لها طعم حتى للأمانه

‏اذكر انك ضحكت ومدري شلون
‏ما بقى شي اعرفه في مكانه

‏لو تولّي السنين ! محْبّتك ما تولّي
‏لين مالله يرث الأرض واللي عليها

‏"أحاول اذكرك واذكرني وحنا جميع/
‏لكنك أكبر من الذكرى.. ولا تاسعك"

حبيبي و إن تمادت بك ظنونك تتبع المجهول
‏تكلم.. قبل لا تلعب خيوط الشك بـ أفكارك

ترى كل المشاكل لو تفاقم.. تنخلق بـ حلول
‏و أول حل تسمعني و تتنازل عن إصرارك
‏
‏أنا من لي بعد عينك عسى عمرك معاي يطول
‏و لا يطري على قلبك في يوم يهون مقدارك

أحبك و العمر مرّة و أحبك والسنين فصول
‏وإذا كان العمر يرجع، بـ أحبك و ارجع اختارك

‏تشوف الأرض؟ لو جنّة ملوها الناس عرض وطول
‏تركت الناس و الجنة وراي .. و عشت في نارك

تأخرت وبديت أقلق من التأخير
مو عادة لا بغيت تغيب تتأخر !
أشوف بنظرتك حب وكلام كثير
سلامك لي غريب وحيل متغيّر

تهمّك ضحكتي تسأل عساي بخير ؟!
غريبة ربكتك والأغرب الأكثر !
تسولف لي عن غيابك عن التقصير
وتلعن غيبتك كم خلّتك تسهر

أظنّك عاشق وخايف من التفسير
تكابر تحسبك لا قلت أبتكبّر
كأنك صوت مايقوى على التعبير
كأني صمت لا ناديتك أتعبّر

تعال وقول وش قصدك من التأخير
تعبت أفسّر أشياءٍ ماتتفسّر .

'

‏الحب ماهو كلام .. الحب لمسة كفوف
‏فيه أشعر أني مقصر فـ أصدقاي و هلي

‏من راحت سنين من عمره .. يقبّل كتوف
‏ماهو مثل من يقبّل .. خدِّك المُخملي

‏لا تزعل من الغياب ولا تسبّ الظروف
‏جيتك و الأشواق من علوّي اليا أسفلي

‏ولا تسأل إللي يحبك .. لو يطول الوقوف
‏أنت إبتسم لي .. و أنا بسوي إللي علي!

توصيني تقول الوصل خلّه في رقبتك دين
‏ترى الأيام ما تترك رداها و أنت عارفها

‏و أنا عاهدتها ما أبور فيها دامنا حييّن
‏لها وجهي لو تبور الولايف في ولايفها

..يحبك من قلوب الأوادم كريم خصَال
‏يدوّرك، وإن ما جيت مادوّر الزلّه

سوالف عيونك واضحه ماتبي توضيح
‏ليا أوحيتها ربي برحمته يرحمني

‏ترى النظره أبلغ فالمحبه من التلميح
‏هي اللي تعلمني بها .. لا تعلّمني

‏الأيام عدّه والزمان أسرع من الريح
‏سنينه على ضحكة ثمانك تساومني

‏ياكم قلت: مالي قومةٍ من بعد ما اطيح
‏ولا الله كتب لي طيحةٍ ماتقوّمني

عدّيت لك .. ألف زلّه ما عداك الملام
قلت التغابي من خصال الشجاع الذكي

لكّن أبشرك .. أنا غطيت جرحي ونام
من يوم طفّى شموع الوصل كثر البكي

"قل لآخر الليل يسلم ما بقالي كلام
انا أسير المواقف .. وأنت راعي حكي"

" ‏ياكم مرّه يضيّعني التواضع .. لكن الأوضاع
‏ترد الطيّب اللي مستحيل يغيّر اسلوبه

‏واذا طاح المطر و البرق لاح و قرّب المرباع
‏ذكرت اللي تجيني راضيه و تروح مغصوبه

‏سلام الله على وجهٍ .. عليه الخاطر الملتاع
‏مايبرد لو نسانيس الشمال ملاعبه ثوبه

‏وجودي يوم راحت من يدي و انا طويل ذراع
‏وجود الشايب اللي برّ بعياله و باروا به "

‏"تبسّم لي فداك اللي مضى واللي بقى يفداك/ ترى لولا غلاك وضحكتك مابعت خلّاني"
- ضيدان