#أزكى_العطور

قال النبي (صلى الله عليه وآله): "من صلى عليَّ مرة، فتح الله عليه بابا من العافية".

📚 بحار الأنوار: ج91 - ص63.

#اللهم_صل_على_محمد_وآل_محمد

⚜ #حديث_المعصوم ⚜

👈 عقاب من أعذر ظالمًا بظلمه!

رُوِيَ عن الامام جعفر بن محمد الصادق (عليه السلام) أنهُ قَالَ: "مَنْ عَذَرَ ظَالِمًا بِظُلْمِهِ سَلَّطَ اللهُ عَلَيْهِ مَنْ يَظْلِمُهُ‏، فَإِنْ دَعَا لَمْ يَسْتَجِبْ لَهُ وَلَمْ يَأْجُرْهُ اللهُ عَلَى ظُلَامَتِهِ."

ــــــــــــــــــــــــــــــــ
📚 الكافي: 2 /334.

#اللهم_صل_على_محمد_وآل_محمد

@MINBARIYOON

زينب تسأل ابن اخيها علي السجاد .عندما عاد من دفن اجساد اهل بيته ..
...............................................


غاب عن انظاري وأبـعد (علي) السجاد.
گلت راح اوليد اخوي الدفن الاجساد.

يل .جنت  بـــــالغاضريه
احجيلي عن اهل الحميه..

گلت راح اوليد أخوي الدفن الاجساد..
.............................

عمه سولفلي اعله خوتي شحالهم من فاركَتهم.
حار ... رمل الحومه ادري والاعادي سلبتهم.
عمه هم عتبوا عليه جي مشيت وماشفتهم

مجبوره عنهم من رحت.
تمنيت  وياهم متت..
مــا دروا بيه اتجتفت..

              الهل السبب ماودعتهم.

ياعلي سولفلي عنهم گلبي مشتاكَ.
الله يدري بحالتي شمسوي الافراكَ.

والمصاب  البيك  بيــه
احجيلي عن اهل الحميه.

كَلت راح اوليد اخوي الدفن الاجساد.
....................................

عمه سولف عن جروحه جم جرح بحسين نازف.
ياعلي  الگيته  بمكانه لـو أثر عالخيم زاحف.
أنــه للحومه من اجيته.استقبلاني بريج ناشف

ياعمه حــاجـاني بهمس.
غطيني من حرّ الشمس.
بس حاذري أسياط الرجس.

             وضليليته بكل عواطف.

لاحظت خط بالارض من سهم جبده..
شالته  الغيره   وزحف  يتلگـه  اخته.
.
عــالنحر دمعات الــــيه
احجيلي عن اهل الحميه..

كَلت راح اوليد اخوي الدفن الاجساد.
....................................

احجيلي عن حالت كفيلي ورايته وكَطعت ازنوده.
هم صدك عالوجه طايح خــافي حدر الصدر جوده.
ناشدك عن الكفلهه  الجانت  أمأمنه بزوده

هم كَلت عذبها زجر.
وحارك عبايتها الجمر.
هم كَلت مسلوب الخدر.

             وعتذرلك عن عهوده..

شفت راسه عالرمح صوب اخته يندار.
عمه  ويعاين  عباتي  وحركت  النار..

يـــــــاعلي ويبجي عليـه
احجيلي عن اهل الحميه..

كَلت راح اوليد أخوي الدفن الاجساد.
...................................

والله ماتنعقل ذاك الجان بعيونه مكاني..
يعتذر ما يجي الزينب عمه معقوله نساني.
ياعلي هم سولفتله عن شمر لمن ولاني..

هم كَتله جتفّها بحبل.
هم كَتله لوعها النذل.
هم كَلت ركبت عالهزل.

               والشمر عنكم سباني..

والله عاذرته الفده عينه وجفوفه.
بس تمنيت اعله طوله بعيني اشوفه..

نسولف ونكَعد سويه
احجيلي عن اهل الحميه..

كَلت راح اوليد اخوي الدفن الاجساد.
.....................................

ياعلي هم سولفتله من اجه الحادي السبينه.
وصاح زينب طلعوها والشمر يحدي  الضعينه.
كتله ذيج اللحظه ذكرت من جبتها من المدينه.

هم كَتله خويه اتمنتك.
اتضلل عليها برايتك.
وتركب الناكَه بهيبتك

           يدري مجتوفات ادينه...

لحظت السار الضعن واعلن رحيله.
خـــويه ركبني العليل  اعله  الهزيله..

مجتفه والبيه بيـــــــه
احجيلي عن اهل الحميه..

كلت راح اوليد اخوي الدفن الاجساد..
....................................

✍ ابو منتظر الحجامي. 2025ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

شور للسبي

بكل خطوه تمشي تگض الاصفاح// بهذيج الهيمه
   ولروس وياهه علل ارماح// بهذيج الهيمه
    ‏★
   منا بداية صعدت النوك
صعدت الناگه وجفهه محروك
چف عله چف بحبال مشبوك
تباوع لخيهه راسه مبيوك
الميت اخوها شلون ترتاح// بهذيج  الهيمه
ولروس وياهه  اعلل ارماح//بهذيج الهيمه
    ★
بحر الضهر لسعات السموم
‏وكل طفله ميته بعينهه النوم
‏ وزينب لهلها عيونهه تحوم
‏تغير وجهه وذيج الارسوم
  وبترس اذنهه تسمع اصياح// بهذيج الهيمه
ولروس وياهه  اعلل ارماح//بهذيج الهيمه
    ★
  زينب چبيره وركضت بليل
السجاد ماخذ منهه كل حيل
‏ شيسوي وحده لاكن عليل
   ‏ياسبي تعّب هل المداليل
   ‏بكربله طلعن كل الارواح// بهذيج الهيمه
   الروس وياهه اعلل ارماح//بهذيج الهيمه
    ‏★
   ‏الروس سوت صيت للماي
  ‏وحسين راسه الزينب افياي
  ‏ وصغار مجويه عله حفاي
  ‏الساتر الله  يخوف الجاي
  ‏الشام تمشيله وي ذباح // بهذيج الهيمه
  ولروس وياهه اعلل ارماح//بهذيج الهيمه
    ★
  ‏بنت الهواشم اشرف اناس
  تنده بخيهه حدهم انداس
  ‏وبصوت زينب فزع عباس
  ‏امن الرمح يمكن دخن الراس
‏دمه يسيل عله الارض طاح//بهذيج الهيمه
ولروس وياهه اعلل ارماح//بهذيج الهيمه
    ‏★
سيد محمد الهاشمي   ‏
‏ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

شور گعده للسبي

‏كالوا التعبان يتوچة اعلى اخوته
اعليمن اتوچه واخوتي كلها موته
بت علي وصرت انسبي
وبرگبتي شكد عبي
///////////////////////
‏انه اول مره شافت_
تنذبح رگبة طفل
‏الموقف الثاني بصلاتي_
بعده مشدود الحبل
‏حمل طفين اعله متني
سبي الخدر والجتل
‏المايخاف من الله صار
_بكيفه يحديهه الهزل

التنذبح يمه هله ينذبح صوته
منين حيله التنذبح سلوت چلوته
يحدي بينه الاجنبي
وبرگبتي شگد عبي
///////////////////////////

‏عيني تنزف دم لخوتي
بدمعتي صورت ضلع
‏انه امشي لاجن انته-
گلي تبقه بياوضع
‏علرمح راسك اشوفن
عينك تهل الدمع
‏راسك ينزله ويصعده
وتعبوه من الرفع

‏والجسد ذيج الحوافر دايساته
الم جسم حسين حيرة لوبناته
‏النار بخيام النبي
وبركبتي شكد عبي
‏
////////////////////
‏ينزل الروس ويسبني
الماكو گطره بگصته
‏من التنزل والتصعد
وصل رمحه لهامته
‏هيج عبد الله نشوفه
شلون حال الربته
تمنيت اخوانه كثرة
وتفزع وياه اخوته


منين اجيب اخوان وتشوف المصيبة
دم شرب عبد الله ما ضايك حليبه
عكبه كمت احبي حبي
وبركبتي شكد عبي
////////////////////
منين ماامشي وباوع
عيني بس صورة وذر
بس اغمض عيني لحضه
رمح اتخيل عبر
يعرضن بدربي جروحك
ولتفت راسك عثر
كون طولك يمي واگف
يگحل بعيني النضر

الهوه يضيگ بصدر اليسلبونها
مو ذهبها الماخذينه عيونها
خذوا من عندي الابي
وبركبتي شگد عبي
////////////////////////
‏تسعه واثلاثين يوم
بروسكم متصابحه
‏و ابداية ضعني راسك
أخذ دور الفاتحه
‏ارماحكم ايات جنهن
كل صباح امفتحه
‏خويه ارد اركض الرمحك
بس يكضني المستحه

صوتك اعله ارماح ضل قران يقره
وانت راسك ع الرمح لينه وتفره

وصحت ياروح. انحبي
وبركبتي شكد عبي
/////////////////

سيد ‏محمد الهاشمي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

عمة رايح بالسلامة ... تدفن العافو يتامة
أدفن حسين وأخية
وأرجع الدفنت الرقية ... التشبه أوصاف الحمامة
......
عمة يا سجاد رايح .. تدفن حسين وعضيدة .. الله وياك
بصبرك أتحزم يعمة ... رايح تشاهد مصايب.. موجعة هناك
هذا الحال الدنية أعلم .. بيك ماترحم تحاول .. تمحي ذكراك
روحي أخذهة وياك خلهة ... وشوف تشبع من اهلهة .. الزادو ابجاك
من بعدهم هذا حالي ... مرافكة النوح الحلالي
من بعد غدر ال أمية
""""""
لو وصلت الشاطي قبل .. راسي اخوي الكلة غيرة .. رفعة الراس
ما خلف أبدأ وعودة .. وافـة حد كطعة زنودة .. راعي الاحساس
حامة عني وعن عيالي .. ما وصل واحــد وفائة .. بيـــن هالناس
كلة ما ناسيتك أختك .. بيك يالكافل تسولف ..دوم عــباس
أكصد الصوب الشريعة ... تلكة جفينة الكطيعة
برايتة أجفنة الحمية
.........
يبن أخوي اللحد وسعة .. لا تضيكة أعلى الحبايب .. كثرة الجروح
نازفة من أجسوم اهلنة ... وبالاخص حسين عفتة .. نحرة مذبوح
ياضوة العين أعلى هونك .. من تغسل حسين أخيي .. غسلة بالنوح
بهيدة لو نزلتة كبرة .. صدرة نازف لا تلجمة .. فارك الروح
حسين زيد عمه ناري ... أعتنيتة ودمعي جاري
أشكد ندهتة ايرد الية
......
تعلم بموتت رقـــية ... حاصلة أبـــهاي المسية ... يبن الاطهار
راح تبجي تريد أبوهة ... والكفر مايرحموهة ... عندك اخبار
من تشوف الراس دامي ... بالطشت دمة أيتناثر ... راح تنهار
طفلة ما تحمل تشاهد ... منظر أيهد الرواسي ... تنظر صغار
بساعك أرجع لا تأخر ... وحدي أنة بهمي أعثر ..
تدري ظل بس أنت الية
وأرجع الدفنت رقــــية
......


الحمدلله رب العالمين
اللهم صل على محمد وال محمد
موسى الخادم

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

[[ قصيدة دفن الأجساد ]] بين زينب ع والسجاد ع
>>>>>>>>>>>>>>>>>>>>>>>>>>

يا عمه جرح البين
گلبي يسألك وين.......واصلهم احبابي

مذبوحه شنهو الراي
شربت ابوك الماي....تدريني بمصابي
*******
يعمه من رحت لحسين ..گلي بيا وضع شفته
يذبحني الجرح بالروح.......يعمه شلون جهزته
ما ظل شي بعد بحسين.....هاي الخيل ساحگته
يعمه سولف الاحزان.......اشوف اسهامه شابگته

متگطعه اوصاله
محد حضر شاله
...................نايم عله الغبره

اشمسويه هاي الخيل
وابروحي مات الحيل
................وظلوعه متكسره
*******
يعمه سولف المضمون.......ابوك اشلون وسدته
اشوفنه الچبد نصين .....سهمه بگلبه لو شلته
بحصيره شايل المذبوح.....يعمه صعبه سالفته
اريدك من تدفنه ابهاي.....ماي ابنحره شربته

ميت ولا بي صوت
ما ينحط بتابوت........مطشره اوصاله

محد حضر يمه
ويشوف ابو اليمه .......متغيره احواله
*******
*******
انشدك عمه حاچيني........ابوك اشلون لميته
عجيبه منطبگ صدره.....شفنه ابظهره خليته
كلشي ما سلم منه..........اصبعه اشلون ضميته
وبنحره ونين اسمع.......رضيعه وين واريته

من نحره اسمع هاي
وسد رضيعي وياي....خلي على صدري

ياعمه روحي تروح
من شافت المذبوح........يمه انتهه عمري
*******
[[جاوب السجاد ع]]
>>>>>>>><<<<<<<<>>>>>>>>>>

يعمه اشلون انزلنه.........وبويه راس ماعنده
مصيبه اتحيرت بحسين...اريد عله ترب خده
طحت ياعمه بجروحي......يريت اتمدد ابسده
يعمه شاهدتهه الخيل ......ما خلت تره بچبده

يذبحني تالي البين
لميت ابوي احسين.....وحنيهن اظلوعي

مستمر صوت الاه
يا روحي وا ويلاه....ماتنشف ادموعي
*******
توجهت ابهضم دنياي....ياعمي النعي تسمع
ما اگدر اشوف الجود......گلبي بحسره يتگطع
جايبلك رساله وياي......من زينب ردت تفزع
تقبلهه يبو النوماس.........زينب للسبي تطلع

محتار اوسده اشلون
بعينه السهم مدفون
...................وبگلبي چم حيره

طاحت سمه عله الگاع
والعمر ......بعدك ضاع
..................اندهه يبو الغيره
*******
رجعت بحسرة اونيني.....انظر جاسم بحسره
شفت يمه الزچيه تنوح...حضرت فاطمه الزهره
وانه اتوجهت مهضوم......شفت الاكبر ونحره
طحت عله الارض مرتين.....يمه اتمدد بگتره

رايح....... شبابك راح
حيلي عله طولك طاح
.....................فگد الاخو صعبه
اگضي العمر آهات
تالي بخرابه انبات.
.................واحزاني بس غربه
*******
#تمت بعون الله تعالى
الشاعر___يوسف الفتلاوي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

بيش ألمك .... وذر جسمك
مستحي منك شكول
الله لا ينطي الخيول
....1....
عمية ريت اعيوني ما ظل بيها شوف
الحافر شخـــلالي مــنك حتى اشوف
يا جرح منك اشـد يا جرح اعوف
بيك الف طعنت رمح غــير السيوف

بحافر الخيل ... منسحك حيل
تبجي الك عين الرسول

....2....
حـــاير ابيا صورة ادفنك يالامام
كلشي منك ما بقى سالم حـــرام
فوك صدرك كاعده بكثرة السهام
ماخذه امجان الرضيع البي ينام

باكن امجان ... طفل عطشان
اهو نام بوسط جول
....3....
اشلون اشيلك كلشي ما ينشال بيك
امطشر اعله الكاع من كل صوب اجيك
خاف اشيلن صدرك ايطيحن اديك
حيرة محتار بجمعت خــــذني ليك

بوية محتار .... امشي واندار
هذا انت أبلايه طول
....4....
اعذرني بويه عليك دمعاتي التسيل
بالحصيرة شلون جسمك راح اشيل
عالصدر ما عاينو عـــرش الجـــليل
بــــوية حتى خيولهم ما بيها اصيل

اه يمذبوح ... ما بقت روح
حلم ياريته يزول
....5....
بوية بعدك كلشي ما ظل عندي راح
بس بواجي عيوني والهم و الجراح
بطيحتك من عل المهر كل حيلي طاح
اسمله كلبي اعليك من الخيمه صاح

كلشي يهواك ... ميت اوياك
عندي ما ظلت حلول
......
تمت
....
موسى الخادم

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

قصيدة ( لميته بحصيره ) لدفن الأجساد الطاهره حوار بين الامام السجاد والسيده زينب عليهما السلام



لميته بحصيره جسم الحسين
لو سالم لگيته يا ضــوه العين
نحـر ظــل بعــد الــذبح
راسه ذاك اعلى الرمــح     يا عمه الحسين

****

عمّــه سولفلي عظــم هــاي الــــرزيه
من گصدت اليوم لارض الغــــاضريه
شلون شفت حسين ظـل جثه رميــه
شحاله من رضته العشــره الاعوجيه

خَبّرنــي يعمّـه بصـــدره اشصَار
مثل ايتامه جسم حسين طشار
حسين كلّه أصبح جرح
راسه ذاك اعلى الرمــح

**** 

گلهـا والدمعــه جـرتْ منـه يعمّـه
آه يا جرح الطفوف شكبره همــه
بالحصيــره والــدي ظليــت المّـه 
عمه وبلهفت امفارگ گمت اشمه

لميته بديه وشاغت الـــروح
مذبوح ويلمْ بجروح مذبوح
صعب يـا عمّـــه الشرح
راسه ذاك اعلى الرمح

**** 

عمّــه يا جـرح الـذي گلبك مضهده
گلها والدمعه جـرت من فوگ خده
عمّـه كـون اليندفن راسـه نوســده
بس نحر وبلايا راس شلــون شده

وســدت النحـر وبگلبــي اهــات
مثل حسين عمه ياشخص مات
حسين أبو الوجه السمح
راسه ذاك اعلــى الرمـح 

****

تگله انشدك عمه عــن محنة كفيلي
گلها عالشــاطـي تهــدم كلــه حيلي
شفـت چفينه وصحـت يمّه يـويلي
عمّي يـــا عبـاس راح يطـول ليـلي

يــا عمّــه شسولف عنــه محتـار
من كثر الهضم بعده الجسد حار
الـﭽنه ساعــات الصبح
راسه ذاك اعلـى الرمح

****  

ارد اســألك مـن بعـد راعي الشريعه
ويـن گلّـي وســدت منحــر رضيعــه
عمه گلها وضاگـت بعينــه الوسيعـه
لصدر ابوه حسين هاي اكبر فجيعه

نحر حسين وي نحر الطفل صار
وسدتــه واحــس گلب الابو نــار 
ذبــح صــاير يــم ذبـح
راسه ذاك اعلى الرمح
****

مــن گصدت الأكبــر ودامي نظــرته
ﭽن محمد عالارض مطروحه جثته 
ويا جــرح جسام ومصـابه ومحنته
اخ يا خويــه صحـت يمّــه وشبگته

شحــاله ألّي يــوسد بيــده خوان
عليل وبيدي اوسد گلب عطشان 
يــا  دوه لعلتــي  يصح
راسه ذاك اعلى الرمح 

****
الشاعر
موسى البديري

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

نزله... لسان حال الامام السجاد ع لدفن جسد ابيه الحسين عليه السلام

مو بالگبر بالروح ادفن حبيبي
.........

جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري

ما يشفه جرحي يسيل. ميت طبيبي
مو بالگبر بالروح ادفن حبيبي
.........

والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه

كلما قربت عليـــه يكثر نحيبي
مو بالگبر بالروح ادفن حبيبي
.........

ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه

مو عجبه لو عالراس يغزيني شيبي
مو بالگبر بالروح ادفن حبيبي
.........

شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته

مو بس ابو ياناس خِلّ وصحيبي
مو بالگبر بالروح. ادفن حبيبي
.........

نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنته

هلت التراب عليـــه عمري ونصيبي
مو بالگبر بالروح ادفن حبيبي
.........


اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات

ياربي من دنياي قرّب مغيبي
مو بالگبر بالروح ادفن حبيبي


#سيد_زيد_الفحام

__ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

#دفن_الاجساد_الطاهره

من بعد ذيج المصايب. راجع لدفن الحبايب
عالثره ضلوا ضحايا من حزنهم گلبي ذايب
......

آنه ياناس العليل جروحي بيّه
ذبحوا اهلي گبال عيني آل اميّه
بلا دفن ظلّوا ضحايه عله الوطيه
اليوم اجيت ادفن جثث اهلي بديه

من خذوني الغالي عفته. والله لو بيدي دفنته
حسين ابوي شلون اعوفه. غصب اخذوني وتركته
...........

من وصلت الغاضرية بدمعة العين
اعثر بجدمي رحت يم والدي حسين
ويلي شفته مگطّع بسوح الميادين
منين اشيلن جسم ابويه حاير منين

جمّعت جسمه بحصيره شلته بدموعي الغزيره
للگبـر نـزّلتـــه بيــــدي ودفنت شيخ العشيره
.............

من گبل ما هيل بيدي تراب گبره
وسّدت عبدالله دامي فوگ صدره
وسهم المثلّث ذبحها اوداج نحره
بياذنب ضامي الرضيع يموت حسره

منظر يهدّ الرواسي. شيّب بهالنظره راسي
والدي وأبنه شفتهم. مذبّحين وبيش اواسي
..............

رحت للأكبر عضيدي وسلوة الروح
اليشبه المختار جدي شفته مذبوح
احفرت گبره بدمعتي وبنار لجروح
نحت يم جسمه وندبته شينفع النوح

يم علي الأكبر عضيدي. نكسر ظهري وطگ وريدي
شلون بية الروح ظلت وبن ابوي ادفنته بيدي
...............

وعاينت عالغبره عرّيس الهواشم
بدم وريده امحنّي چفّه الغالي جاسم
دفنته وي انصار ابوي ودمعي ساجم
ضحّوا لدين الله ثبتوا بالملاحم

بحفره وحده جمّعتهم. يم ابواليمه ادفنتهم
بس حبيب العم فرزته عنهم وما باعدتهم
...............

وعتنيت بدمعتي لصوب الشريعه
للگمر عباس شاهدت الفجيعه
مگطّع الأعضاء وچفوفه گطيعه
احفرت گبره وضاگت بعيني الوسيعه

للگبر بچفوفي شلته. عالنهر واريت جثّته
گتله ياعمي سبوها. زينب الكافلها انته



سيد زيد الفحام
____ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

 للدفن




جيت مــن الغاظريه        اعمه ويگودون بيــه
ادفنت اعيوني الاثنين
مــن ادفنــت الحسـين
يعمه
-------
اجيت وشوف ماعـندي .. وحـچايـــاتي تتـــعثر
وعـن اعيوني لتـسئلين ..  عفتـهن يم ابو الاكبر
خاف احچـيلچ الشفته .. وشوفچ مثلي يتطشر
عمه الگيت ابوي احسين .. عــاري مسلب اموذر
 
بجسمه ماضل عضو سالم     مگطـعينه بالـصوارم
شبــن بيـــه نــارين
من ادفنت الحسين
يعمه
-------

وحق الــي جــرن بالطـــف .. وحــق دلالچ وصبره
سوالف دفن ابوي احسين .. عالمثلچ احس خطره
بـحر بــس راح احـچــيلچ .. مــن هذا البحر قطره
ظلوع احــسين مــاهـــنه .. الحوافر طاحنه صدره
 
الصدره مرتـع للـترافه       مرضرضينه ياوسافه
اعثرت ابگـــربه مرتين
مـن ادفنــت الحســين
يعمه
-------

احفر بالــترب واشــعر .. بنــص دلالي چـــن احفر
عمـــه امنــين مـاصـدن .. اوصـــال الابـــو انـــظر
چفه الگيته بـُعد امـتار .. بس بالچف نقص خنصر
اعله مود المحبس الجمال .. ابخـنـجر اصبعه يبتر
 
بالحـصيره اي يـعــمه       لملمت اوصال جسمه
عمه ابلايه تچفـين
من ادفنت الحسين
يعمه
--------

ذاك الــطـــول ياعــمه .. مامـــوجود هـــيسته
ابصفه اتوسدت حتى .. اقيسه وريت ماقسته
طوله الگـيته مــتغــير .. الخـيل هواي دايسته
نــيابه عــنـــچ وعنــي ..  يعــمه بمنحره بسته
 
ابگبره حيره شلون اوسده وراس ماموجود عنده
ماتت والله الايدين
من ادفنت الحسين
يعمه
------

اجيتــچ والحـچي الــبـيه .. عشر العشر ماحاچيه
سوالف دفن ابويه احسـين .. حتى الميت اتبچيه
اجروحــچ ماهـــن اگليلات .. ادري المـثلچ اياذيه
الله يـــساعــدچ عــمه .. السبي هم يالله اتحمليه
 
السبي توجع نايباته النوب فوگاها شماته
وادري اجروحچ الفين
مــن ادفـــنت الحسين
يعمه
--------
حيدر تركي الكربلائي
 
 ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

للدفن
.
.


يــابنــي اســد .. صـاحب الجسد .. التدفنونه
صدره منطحن .. خوفـــي بالدفن .. تلچـمونه
انتو جيبولي حصيره
وانه انــزله بالـحفيره
يابني اسد
--------------
ادري محتارين جسم حسين بيمن ينجمع
چيه امطشر عالتراب اهنا ظلع وهنا ظلع
اليبچي لينزل دموعه على نحره المنگطع
المنذبح كلـــشي يلچمه حتلو قطرة دمع

اليهــوه عالثره .. المفترض تره .. يتــركونه
بمنحره نغرس .. حافر الفرس .. وتشوفونه
المحنته كلش چبيره
انه انزله بالحفيره
يابني اسد
--------------

يلله خنـــلم جســـم ابويه الي توزع عالثـــره
اوصـاله اخــذتها الحـــوافر كل مكان مطشره
الخيل من سحگت ابويه اهناكه رجعت ليوره
والمكان الخـيل نمشـــي بلكـــي نلگه خنصره

بحرگه وبهظم .. مابقــه عظم .. تره سالم
ماكو اي عضو .. صاحي بالابو .. يهالوادم
لملمو الماله عشيره
وانه انزله بالحفيره
يابني اسد
___

ابــــين مذبح نحر ابويـــه وبين دفنه خطـــوتين
ابهالمسافه وگـع منــــي جســـم ابـــــــويه مرتين
اونين اسمعه بصوت خافت وگمت ادور عالونين
اتقربتله ولنــــه هذا الـــصوت مـــن نحر الحسين

يمكن انلچم .. موضع السهم .. من احملته
ينزع صــعب .. غافي بالگلب .. ولاشـــفته
العالارض بدو عبيره
انه انزله بالحفيره
يابني اسد
--------------

لمن الحــفار گلـــــي خلصـــت هـسه حفر
روحي احسها گام تطلع والنفس گوه اجر
لملمت كل قوه بيه وحـزمت ظهـري بصبر
مدري چم طيحه طحتها انه يم باب الگبر

بالگبر طحت .. انه من صحت .. يمذبوحي
امنيتي من اون .. هسه اندفن .. بلا روحي
لوعة الوالد چبيره
وانه انزله بالحفيره
يابني اسد
--------------

اليدفن الميـــت يوســد خده كون اعله الترب
بجسم ابويه راس ماكو شلون اوسدنه صعب
ولدي مگطعــين جسمــه وذابل ابگــد الظرب
انه كل ماتچي جســـمه على وجــها ينـــگلب

گلبي باللـــحد .. ويلي مـنمرد .. عـلى الغالي
يوجع الحصل .. والدي وصل .. صفه اگبالي
ناظري المن اديره
وانه انزله بالحفيره
يابني اسد
--------------
حيدر تركي الكربلائي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
www.tgoop.com/MINBARIYOON

💠 #زاد_عاشوراء_للمحاضر_الحسيني
💠 #محرم_1447هـ

📝 الموعظة الثالثة عشرة
💠 معايير النصر في صراع الحقّ والباطل
(قراءة في فقه المواجهة والمقاومة)

🔹 محاور الموعظة
1. معايير النصر في صراع الحقّ والباطل
2. مفهوم النصر في الحروب اللامتماثلة
3. معايير النصر في الحروب اللامتماثلة

💠 #اللهم_صل_على_محمد_وآل_محمد
~•~•~•~•~•~•~•~•~•~
@ZADCOM

┈┉┅━━ ✿ ـ ﷽ ـ ✿ ━━┅┉┈

📝 الموعظة الثالثة عشرة
💠 معايير النصر في صراع الحقّ والباطل
(قراءة في فقه المواجهة والمقاومة)

🔹 هدف الموعظة
   تسليط الضوء على المعايير الإسلاميّة الأصيلة للنصر في سياق الصراع بين الحقّ والباطل، وبيان الفارق الجوهريّ بين منطق النصر في الثقافة القرآنيّة، ومنطق النصر العسكريّ المجرّد، مع ربط ذلك بواقعنا المعاصر.

🔹 محاور الموعظة
   1. معايير النصر في صراع الحقّ والباطل
   2. مفهوم النصر في الحروب اللامتماثلة
   3. معايير النصر في الحروب اللامتماثلة

🔹 تصدير الموعظة
   ﴿وَلَيَنصُرَنَّ اللَّهُ مَن يَنصُرُهُ ۗ إِنَّ اللَّهَ لَقَوِيٌّ عَزِيزٌ﴾¹.
   أمير المؤمنين (عليه السلام): «فَمَرَّةً لَنَا مِنْ عَدُوِّنَا وَمَرَّةً لِعَدُوِّنَا مِنَّا»².

🔶 1. معايير النصر في صراع الحقّ والباطل

   إنّ النصر في المفهوم الإسلاميّ ليس حكراً على المكاسب العسكريّة أو النتائج الميدانيّة التي تُقاس بعدد القتلى والأسرى أو حجم الأراضي المُحرّرة، بل هو مفهومٌ أشملُ وأعمق، يتجاوز هذه الأطر الضيّقة ليصل إلى الموازين الإلهيّة التي تقيس النصر بمدى تثبيت قيم الحقّ، وفضح جبهات الباطل، وزرع الوعي في ضمير الأمّة. فكم من معركةٍ انتهت بانكسارٍ ظاهريٍّ لقوّة الحقّ، ولكنّها خلّفت في وجدان الأمّة هزّةً عميقةً أيقظت فيها الإيمان، وأعادت تعريف المواجهة، وحدّدت بوضوحٍ من هو العدوّ ومن هو الحليف، ومن يُمثّل المشروع الإلهيّ، ومن يُجسّد مشروع الطاغوت.

   وهذا الفهم العميق للنصر هو الذي ينبغي أن يحكم رؤيتنا للصراعات الكبرى، وخاصةً في الصراعات الوجوديّة، التي لا تنحصر في حدود جغرافيّة أو في نزاعٍ على موارد، بل تمثّل تحدّياً لهويّة الأمّة، ووجودها الحضاريّ، وكرامتها الإنسانيّة، كما هو الحال في الصراع مع الكيان الصهيونيّ. ففي هذا الصراع تتجلّى معايير النصر الإلهيّ بأبهى صورها؛ إذ نرى أنّ كلّ مواجهة، وإن كانت محدودةً، تُسهم في كشف زيف هذا الكيان، وتعرّي حقيقته أمام العالم، وتُرسّخ في وجدان الأمّة ثقافة المقاومة، وتُحيي روح العزّة، وتُثبت أنّنا أمّةٌ لا تُهزم بالرصاص، بل تنتصر بالوعي والبصيرة والثبات على الموقف.

   1. انتصار الفكرة وثبات المبادئ: فقد يُهزم أهل الحقّ عسكرياً، لكن تبقى أفكارهم ومبادئهم حيّة، وتنتقل من جيل إلى جيل، بينما يضمحلّ الباطل مهما بلغ من القوّة. قال تعالى: ﴿وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا﴾³ فالآية تؤكّد أنّ الباطل زائل، مهما بدا قويّاً.

   2. ثبات أهل الحّق وعدم استسلامهم: إنّ الثبات على المبدأ وعدم الانحناء أمام الضغوط يُعد نصراً بحدّ ذاته. قال تعالى: ﴿يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ﴾⁴، وعن أمير المؤمنين عليّ (عليه السلام): «أَيُّهَا النَّاسُ لَوْ لَمْ تَتَخَاذَلُوا عَنْ نَصْرِ الْحَقِّ وَلَمْ تَهِنُوا عَنْ تَوْهِينِ الْبَاطِلِ لَمْ يَطْمَعْ فِيكُمْ مَنْ لَيْسَ مِثْلَكُمْ»⁵.

   3. كشف زيف الباطل وإضعاف شرعيّته: كلّما انكشف زيف الباطل وافتضحت أكاذيبه، كلّما اقترب النصر الحقيقيّ. قال تعالى: ﴿لِيُحِقَّ الْحَقَّ وَيُبْطِلَ الْبَاطِلَ وَلَوْ كَرِهَ الْمُجْرِمُونَ﴾⁶، وهذا ما نراه اليوم في انكشاف جرائم الكيان الصهيونيّ أمام العالم.

   4. استقطاب الناس إلى جانب الحقّ: كسب العقول والقلوب نحو قضيّة الحق يُعدُّ من أعظم صور النصر. قال تعالى: ﴿وَتَوَاصَوْا بِالْحَقِّ وَتَوَاصَوْا بِالصَّبْرِ﴾⁷، وعن الإمام علي (عليه السلام): «وَكُونَا لِلظَّالِمِ خَصْماً، وَلِلْمَظْلُومِ عَوْناً»⁸.

   5. استمرار حركة الحقّ رغم العقبات: استمرار مشروع الحقّ وتجدّده رغم كلّ التحدّيات يُعد نصراً استراتيجيّاً. قال تعالى: ﴿وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ * إِنَّهُمْ لَهُمُ الْمَنصُورُونَ * وَإِنَّ جُندَنَا لَهُمُ الْغَالِبُونَ﴾⁹، وهذا ما نراه في استمرار المقاومة رغم كلّ المؤامرات التي تحاك ضدّها.

↪️ #يتبع ①

   6. تحقيق نتائج استراتيجيّة برغم التضحيات: فالنصر لا يُقاس بنتيجة معركةٍ واحدة، بل بما تحقّقه المعارك المتتالية على المدى الطويل.وفي جوانب متعدّدة، وهذا ما نراه في فشل مشاريع التطبيع رغم المحاولات المكثّفة، وانكشاف القناع أمام العالم عن بشاعة الوجه الحقيقيّ المجرم للعدوّ الغاشم، والتصدّع الداخلي في الكيان المؤقت على كافة الأصعدة الاقتصاديّة والأمنيّة والسياسيّة، لا سيّما الاختلافات الداخليّة.

   هذه المعايير تُبرز بوضوح أنّ النصر في الإسلام ليس مجرّد تفوّق عسكريّ، بل هو انتصار للحقّ في الوعي والواقع، وثبات على المبادئ، وكشف لزيف الباطل، واستقطاب للناس نحو الحقّ، واستمرار في مقاومة الظلم، وتحقيق نتائج استراتيجيّة رغم التضحيّات.

في سياق الحروب اللامتماثلة، حيث تتواجه قوى غير متكافئة من حيث العدة والعتاد، يتجلى مفهوم النصر بمعايير تختلف عن تلك المعتمدة في الحروب التقليديّة. ففي هذه المواجهات، يكفي أن تصمد المقاومة وتحافظ على قدرتها القتاليّة حتّى تُعتبر رابحة. ومن هنا نشأت القاعدة: «إسرائيل تخسر إذا لم تربح، والمقاومة تربح إذا لم تخسر».

🔶 2. مفهوم النصر في الحروب اللامتماثلة

في الحروب التقليديّة، تُقاس الهزيمة بتدمير الجيش أو سقوط الدولة، بينما في الحروب اللامتماثلة، بين جيش غازٍ ومقاومة، يكفي أن تصمد المقاومة وتحافظ على قدرتها القتاليّة حتّى تُعتبر رابحة. ومن هنا نشأت القاعدة: «إسرائيل تخسر إذا لم تربح، والمقاومة تربح إذا لم تخسر»، وذلك وفق المفهوم الآتي:

1. إفشال أهداف العدوّ الاستراتيجيّة: إسرائيل، كطرفٍ مهاجم، تخسر إذا لم تحقّق أهدافها ونصراً واضحاً ومباشراً؛ لأنّها تدخل الحروب لتحقيق أهداف استراتيجيّة مثل: التوسّع، الاحتلال، القضاء على المقاومة، أو تغيير المعادلات لصالحها. فإذا فشلت في ذلك، تُعتبر خاسرةً سياسيّاً وعسكريّاً.

2. صمود المقاومة واستمرارها: أما المقاومة، كطرفٍ مدافع، فيكفيها إفشال الهجوم عليها لتُحسب رابحة، لأنّها لا تحتاج إلى احتلال أراضٍ أو تحقيق مكاسب مادّيّة، بل يكفيها الحفاظ على وجودها واستمرارها في المواجهة، خاصّةً أنّ العدو يدخل الحرب بموارد هائلة ودعم دوليّ، ممّا يجعل صمود المقاومة إنجازاً كبيراً بحدّ ذاته. وقد أشار القرآن الكريم إلى أهمّيّة الصبر والثبات في مواجهة الأعداء، حيث قال تعالى: ﴿وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ﴾¹⁰، كما ورد عن أمير المؤمنين عليّ بن أبي طالب (عليه السلام) قوله: «فَمَرَّةً لَنَا مِنْ عَدُوِّنَا وَمَرَّةً لِعَدُوِّنَا مِنَّا»¹¹ ممّا يدلّ على أنّ النصر قد لا يكون دائماً في كلّ الحروب والصراعات، ولكن الثبات والصبر يؤدّيان في النهاية إلى النصر الحقيقيّ.

🔶 3. معايير النصر في الحروب اللامتماثلة

في هذا النوع من الحروب، لا يُقاس النصر فقط بالسيطرة الجغرافيّة أو عدد القتلى، بل بمعايير أخرى تتناسب مع طبيعة الصراع، أبرزها:

1. إفشال أهداف العدوّ الاستراتيجيّة: ففي الحروب اللامتماثلة، يكون المعيار الأهمّ للنصر هو إفشال المخطّطات التي وضعها العدوّ في بداية الحرب. فإذا دخل العدوّ الحرب بهدف القضاء على المقاومة، أو فرض تغييرات سياسيّة، ولم ينجح، فإنّه يُعتبر خاسراً.

2. البقاء والاستمرار في القتال: في هذا النوع من الحروب، لا تحتاج المقاومة إلى تدمير جيش العدوّ، بل يكفيها أن تصمد وتبقى على قيد المواجهة. والعدوّ الذي يمتلك جيشاً قويّاً يُعتبر خاسراً إذا لم يستطع إنهاء وجود المقاومة، حتّى لو كان أقوى عسكريّاً.

3. كسر إرادة العدوّ للقتال: فإذا تمكّنت المقاومة من جعل العدوّ غير قادر على الاستمرار في الحرب بسبب الضغط النفسيّ، أو الخسائر الاقتصاديّة، أو الاضطرابات الداخليّة، أو تخلّف جنوده عن القتال، فإنّها عندئذٍ ستكون قد انتصرت.

4. ضرب أصول العدوّ وإفقاده التوازن: إنّ الهزيمة الحقيقيّة لأيّ طرف لا تتمثّل فقط في تكبّده خسائر عسكريّة، وإنّما في ضرب أصوله الاستراتيجيّة ومحور توازنه، بحيث يفقد القدرة على التركيز والمبادرة. حتّى لو امتلك بعض القوّة القتاليّة، فإنّه يصبح فاقداً للتوازن وغير قادر على الاستمرار في المواجهة بفعاليّة، ما يجعله عرضة للانهيار التدريجيّ. وقد أكّد الإمام عليّ (عليه السلام) على أهمّيّة الوحدة وعدم التفرقة، حيث قال: «فَيَا عَجَباً عَجَباً وَاللَّهِ يُمِيتُ الْقَلْبَ وَيَجْلِبُ الْهَمَّ مِنَ اجْتِمَاعِ هَؤُلَاءِ الْقَوْمِ عَلَى بَاطِلِهِمْ وَتَفَرُّقِكُمْ عَنْ حَقِّكُمْ»¹²، ممّا يوضح أن التماسك الداخليّ والثبات على المبدأ من أهمّ عوامل النصر في الحروب، وأنّ التفرقة تؤدّي إلى الهزيمة، وهو ما نشاهده بشكل واضحٍ في مجتمع العدوّ والذي ستظهر آثاره قريباً إن شاء الله تعالى.

↪️ #يتبع ②

📝 في الختام، وبعد كلّ هذه المعايير، هل يمكن القول إنّ المقاومة هُزمت وإسرائيل انتصرت، كما يحاول الإعلام المدفوع والموجّه ترسيخ هذه النتيجة في النفوس؟ كّلا ما دام الإمام الحسين (عليه السلام) يعيش في أرواحنا ويجري في دمائنا، وما دمنا نقول كلمة الحقّ ونرفض الذلّ والخنوع ونحمل المبادئ التي نهض من أجلها الحسين (عليه السلام)، فإنّنا منتصرون بإذن الله تعالى، وكما قال سيّدنا الأقدس: «إذا انتصرنا فإنّنا منتصرون، وإذا استشهدنا فإنّنا منتصرون».

ــــــــــــــــــــــــــــــــ
[1]. سورة الحجّ، الآية 40.
[2]. السيّد الرضيّ، نهج البلاغة، مصدر سابق، ص92، الخطبة 56.
[3]. سورة الإسراء، الآية 81.
[4]. سورة محمد، الآية 7.
[5]. السيّد الرضيّ، نهج البلاغة، مصدر سابق، ص241، الخطبة 166.
[6]. سورة الأنفال، الآية 8.
[7]. سورة العصر، الآية 3.
[8]. السيّد الرضيّ، نهج البلاغة، مصدر سابق، ص421، الكتاب 47.
[9]. سورة الصافات، الآيات 171 - 173.
[10]. سورة الحجّ، الآية 40.
[11]. السيّد الرضيّ، نهج البلاغة، مصدر سابق، ص92، الخطبة 56.
[12]. السيّد الرضيّ، نهج البلاغة، مصدر سابق، ص7092، الخطبة 27.

⏹ #تم ③