ولو بشق تمرة :(

قضيت في مكه والمدينه اجمل 5ايام في عمري
مستحيل اقدر انسي شعوري لما اول مره شفت الكعبه مختلفه ١٨٠درجه عن اللي بنشوفها في التلفزيون واحسسها مختلف عن اي احساس هتحسو في حياتك
اول ماشفتها مفكرتش في حاجه غير انها قد اي جميله بعد مافوقت بدهشتي من جملها حصلي زي فلاش باك لحياتي كلها أنا كنت ساكته بس قلبي وعقلي مبطلوش كلام بحكي لربنا علي اللي شفتو لحد ما جيت هنا بشكيلو وبعيطلو وبستسمحو علي كل زنب عملتو حكيت كتير اوووي بجد كتير اوووي مكنتش قادره اسكت ومحكيش عن كل حاجه

اما بقا المدينه فيها كميه امان وراحه نفسيه مش طبيعيه مكنتش مستوعبه ان أنا دلوقتي في بيت الرسول وبيني وبين الرسول كام متر مش اكتر
ولا جمال المسجد اول ماصليت فيه حسيت ان حد طبطب علي قلبي وشال كل الحزن اللي كان جوه حرفيا مشيت من المدينه وانا وحده تانيه كاني مولوده من جديد 🤍
بتمني ان كلكو إنكم تعيشو وتحسو بكل اللي كتبتو
ويكتبلكو يارب تزورو بيتو الله الحرام وتصلو في مسجد الرسول يارب 🤲🤍