الدنيا هتجبرك كل شوية ترتب الناس اللي في حياتك ، ناس غلاوتها تقل وناس غلاوتها تزيد وناس مهما كابرت وعافرت ، غلاوتهم انتهت خالص من قلبك ..
دايماً في العلاقات مبندورش على اللي يفهمنا ، قد ما بندور على اللي نقدر نختلف معاه ويضّل .. نتنازله مرة ويتنازلنا مرة والدنيا تمشي .. بندور على الشخص اللي لانهون عليه ولا يهون علينا .
قمة السلام النفسي إنك ماتفرضش نفسك على أي حد في أي حاجة، ولا تجبر حد عليك.. النصيب بيحرك الأمور.. بابك سكته سالكة للي عايزك.
أعتقد المشكلة مش إننا بنحاول ونفشل، لأننا في الحقيقة مش بنكمل المحاولات للآخر،احنا أغلب الوقت بنفكر: "لو كملنا محاولات هيحصل ايه؟" ونخاف لـ نفشل، فـ منكملش، وكأننا كملنا وفشلنا.
بتفضل تغيَّر الوسائل كل شوية علي أمل الحصول علي نتائج أفضل،لكن في النهاية للأسف كلهم بيمشوا من نفس الطريق وبيوصلوك لنفس المكان.
انت في الحقيقة إستسهلت و نسيت إنك مش لوحدك محور الكون .. انت نسيت إنك كمان لازم تدي و إنك علشان تلاقي مشاعر جميلة من حد انت بتحبه لازم يكون عندك حاجات قصادها .. مش بس انت اللي كويس و الناس مش بتقدر .. انت كمان كتير مش بتقدر و في الحقيقة الشعور ده أفسد عليك كل اللحظات الجميلة اللي كنت ممكن تلاقيها مع ناس بتحبهم لأنك كنت عايش في عالم إفتراضى متخيل فيه إنك البطل الوحيد لروايته.
بلاش تمشي ورا المظاهر، والحقيقة إن أغلب خوازيق الحياة مابتجيش غير من الناس الشيك اللي لسانها حلو، الناس اللي قادرة تخطفك بكلامها المعسول وشخصيتهم الfake، لكن لو عملت عليهم زوم هتلاقيهم معدومين التربية والأصول.. وكل ما تزوم عليهم هتلاقي بلاوي، عشان كدا ما تخليش المظاهر تبهرك وتخطفك، لإن الإنسان اللي ما يعرفش الأُصول وما إترباش صح ما يسواش حاجة مهما كانت هيئته أو مكانته.
عارفين شعور إنك تكون "محطوط" إنك دايماً تتحط في مواجهة ظرف في حياتك من غير أي مقدمات من غير أي ترتيبات، كأنك صحيت من النوم فجأة تلاقي نفسك مربوط علي قضيب القطر و القطر بيقرب عليك و إنت مربوط ومش عارف تفك نفسك؟
مشاركه اللحظات الصعبه ليها أثر أكبر وأعمق في العلاقات من الأوقات الحلوة او العادية.
اللي يقدر يعدي معاك لحظات العواصف سواء كانت إحتياج، إنكسار، حزن أو مرض بتخرج انت وقتها من اللحظات دي عارف نفسك وقيمة وحجم اللي حواليك، الوجع المشترك بيبني أقوى قصص الحب وأقوى صداقة على مر العمر.
اللي يقدر يعدي معاك لحظات العواصف سواء كانت إحتياج، إنكسار، حزن أو مرض بتخرج انت وقتها من اللحظات دي عارف نفسك وقيمة وحجم اللي حواليك، الوجع المشترك بيبني أقوى قصص الحب وأقوى صداقة على مر العمر.
اصعب قرار ممكن تعيشه لما تحاول تتجاهل شخص وهو بالنسبالك كل حاجه و هو اللي حط نفسه ف المكان ده بأيده فتصعب عليك نفسك وهو يصعب عليك.
الإنسان مش بيموت لما مش بيلاقي معني لحياته لكن بيموت لما يحاول يلاقيلها معني كذا مرة ويفشل في ده.
كل ما بتفضل تفكر فيها هتلاقي إن كل حاجة ماشية عكس ما انت عايز بالظبط و مع شوية تفكير زيادة تحس كل حاجة بتتهد و سودة في وشك و بتبقى كل اللي عايزه مهرب من ده، لحظة صفاء تَتفصل فيها عن الدنيا و الكل مع إنك بتحاول تعدي كل يوم بس انت مش كويس و انت عارف ده و برغم من محاولتك بترجع لنفس النقطة دايماً، دايماً بتحاول تشغل وقتك و متسبش نفسك لأفكارك و لو لحظة لإنك عارف إنك مجرد ما بترجع البيت لسريرك كل حاجة بترجع.
كل ما بتفضل تفكر فيها هتلاقي إن كل حاجة ماشية عكس ما انت عايز بالظبط و مع شوية تفكير زيادة تحس كل حاجة بتتهد و سودة في وشك و بتبقى كل اللي عايزه مهرب من ده، لحظة صفاء تَتفصل فيها عن الدنيا و الكل مع إنك بتحاول تعدي كل يوم بس انت مش كويس و انت عارف ده و برغم من محاولتك بترجع لنفس النقطة دايماً، دايماً بتحاول تشغل وقتك و متسبش نفسك لأفكارك و لو لحظة لإنك عارف إنك مجرد ما بترجع البيت لسريرك كل حاجة بترجع.
صعب جداً إنك تبدء من نقطة الصفر، ازاي تبقى قادر تدخل ناس حياتك بكل بساطه و تقرر تحكيلهم كل حاجه "عنك ، اهلك ، أصحابك ، تعرفه يومك ماشي ازاي" .. في الوقت الحالي أعتقد إننا بنختصر أغلب كلامنا مع الناس الموجودين في حياتنا وبنحاول نخلق مساحات لنفسنا في حياتنا عشان "كفاية عك لحد كدا".