خسرت كل شيء ممكن إني نخسره مش خايفه من بداية السنه الجديده ❤️.

بديت نتنازل على الأشخاص بشكل رهيب ، فكرة إن نكون أنا الطرف اللي يتمسك بالأشخاص عشان قلبي يحبهم بطلتها وعفا الله عما سلف ❤️.

I don't want to be a loser 😞 .

غيمة مطر شرفت ،
تغسل روحي ،
وتمحي أثار حزني ..

مرات في لحظة تكتشف ان معندكش صحاب وانك وحيد.

أوقات ندير في روحي نسيت بس أنا عمري مانسيت حاجه

منحبش نضايق حد إلا لو كنت بجديات معش قادره نتحمل نكتم ، ديما الإبتسامه على وجهي ونحاول نخلي أثر حلو في كل قعده وهدرزه مع حد يذكرني بيها ، نختصر في الكلام عن مشاكلي على قد ما نقدر ونختمها بكلمة " اصلاً عادي معلش "
نضحك أنا ويضحكو هما ويتسكر الموضوع وكأن مفيش حاجه في داخلي مكسوره .

- اليوم الثاني من شهر ديسمبر
ليلاً طويلاً بِرفقة الذكريات ..

يأتي عوض الله ليمحي مُرَّ ما رأيته كله ❤️ .

‏"لم يكن نزع الوِدّ سهلاً ، لكنها المواقف التي عزَّت عليك فيها نفسك ، تجبرك على نزع حتى اللحظات المتجذّرة في أعماق ذاكرتك ."

أنا لست مِمَن يهوى الجدال ، رأيك صائب بقوانينك ، رأيي الأصح بقوانيني ، لدينا أذنان خُلقت لتسمع الجميع ولا تستقبل إلا ماتهوى ، وأنا لا أهوى الجميع ولا أؤمِن إلا بعقلي ♥️.

في نهاية المطاف نحنُ القوة ، نحنُ الحلم الصعب ، لسنا عدم ، نحنُ الحلم لأحدهم ، قدوة لهذا وتلك ، نحنُ فخر لوالدينا ، لسنا مجرد فاصله تأتي بعدها كلمات ، نحن النقاط في آخر السطور ، لا شيء بعدنا ، نحنُ كما نحن مبهرين دائماً !

يجب أن تتخرج من هذه الحياة بشهاده أخرى أعظم من شهادة وفاتك ♥️!

وأهجرهم هجراً جميلاً ، القرآن يعلمك ماتردش الأذى بالأذى ، ولا الإساءه بغيرها ، يعلمك تتجاهل اللي يتكلم عليك واللي كارهك واللي يتمنالك الشر ، يعلمك ما تكونش واحد منهم ولا نسخه مؤذيه شبه غيرك وإنك تبعد نفسك عن الفئه هذي من البشر ، وانك تعيش رايق ومرتاح البال بعيد عليهم وأنت الكاسب 🤍.

‏"كان يعرف كيف يجعلني أضحك
كان يجعلني أضحك بمجرد أن يكلمني
وكان يجعلني أضحك حين يتصل بي هاتفيًّا ، وحتى رسائله كانت تجعلني أضحك والأهم من كل ذلك ؛ أنه لم يكن يحاول أن يكون ظريفًا ؛ كان ظريفًا ، هذا هو كل ما في الأمر ."

مريت بي ايام ثقيله وصعبه من صعبوتها كنت نبكي لين تتورم عيوني .. حتى لما ياخذني النوم منحسش بنفسي من صعوبتها كنت نقول لي نفسي مش حيجي صبح بكرا الا وانا بين ايدين ربي
بس توا ربي صلح كل شي بطريقه حلوه وجبرني الحمدالله .. توا مهما يصير معايا نتوكل علي ربي لانه تاكدت وعرفت ان لطف ربي بيا قبل ومش حيسيبني اليوم حيلطف بيا ديما " إن الله أعظم من أن يُفلتنا ونحن في أشد الحاجه إليه ."

الحمدالله ❤️

الفشل مش تنبيه للتوقف !
الفشل تنبيه لزيادة المجهود ، الاستمراريه ، والمحاوله بشغف أكبر ،
عمرك ما تخلي العقبات سد لنهاية الطريق ، خليهم يكونو مجرد مطب تتخطاه بتعب ، لكن تخلق بعده استراحه صغيره ، وتقبل اكبر ، وثقه اقوى ، وإعادة محاوله بجهد محارب ، وقلب متأمل الأحسن ديما

‏الاستغناء من أشجع القرارات اللي الواحد ممكن ياخذها، أنّ تكون عندك القدرة تستغني عن أي حاجة تأذيك، تعتزل ناس تضغط عليك، تلغي زياراتك لأماكن مش مريحة لداخلك، تمنع نفسك تدخل نقاشات عقيمة.
حقيقةً ما فيش أحسن من إن الشخص يتبنى صفة الاستغناء، ويختار راحته وسلامته النفسية !💙