-‏عاد الأرق، عاد الأسىَ، عاد التعب.

وأنا بروحي
حِزن ديرة
ومَلامح خوف
وحَرِب چذبة ، وحِلمِ تايه
ونِهر ثالث حُفر خدي
غريب بگاع مِتلمني
چِم ليلة
أذب دموعي عَلى المامِش
ولا أدري .

واتلگه اليجيني
منين ما يشتاگ
اليمر عابر عليّ
من روحي ماطلعة
لعدوي وصاحبي
تغبش ضحكتي وياي
اليجي سيف اعله نحري
استحي و مارجعه .

علي رشم يگـول
إلمَا يشبهُونِج شَگلهُم؟
هِيّ حيره ..
كل بعيّد بعيني يصّغر
وإنتِ بعيُونيّ چبِيره

هاهيه انتهت كل المشاعر نار
وبـ لحظه ندم حبيتك اني
لو تسأل علي مره بغلط
مو دوم...
اغفرلك انه وماشيل بأحلامي
يـهل كثر القصـايد راحن بأوهام
ويا كثر الصو المجلبه ليـه
انـه ردتك ثَـلچ وطفي هلنار
صـرت جمره وتزيد الـنار بيه!
وتزيد الحطب وتسَمع الصرخات
فـدوه واحـد يـلحك عـليه
هـاهيه نتِهت كُل الـمشاعر نـار
وبلحظة نَـدم حَبيتك انـي...

اريد احجي واكلك
كثر بيه الشوك
ماكدر بعد
ارجعلي بالاحلام
لا اكدر اكلك اني احبك
ولا اكدر اعوفك واحتفظ بالچام ..

أنتَ غرگان بَحضُن غيَري
وأني غرگانة ويانَفسي بلخَساير "

‏أعود للمحادثات القديمة ، المحادثات التي لم أحذفها بعد ، لأشاهد تلك الطمأنينة المفقودة .

وانتظرتكَ!
بين صَفنات الليالي
وجَرح دخان الجَكاير
وبين لجَماتي وحسَرتي
وحيِرتي وكسرة الخَاطر
وبين مدري ووين صَاير
وانتظرتكَ!
هَلبت تمر بيه طَيف
ايضمضم دموعي عَ باجر.

وحَسبالي من أبتعد
تتعنى لدياري
وتترسني
وينك مختفي ؟ ضل بالي
كُل ضني أهمك صدُك
وتهمك أخباري

لم يهزمني ابتعاده لطالما اعتدته
يهزمني الندم على المرات التي
ذهبت بها خفيفٌ إليه وعدت
مثقلًا بالخيبات .

ليش ما خليتني
أبنيلك وطن يجمع شتاتك
ليش خليت الغُرب تاخذ غلاتك ؟

بارٌده عيونك
عليه اني حارك روحي
ليَش ؟

يبس شوكي وتفطر واني اتانيك
ترس وجهي انتظارك
گام ينشاف !

ابد ماكاودت غيرك
جفك راهم الجفي مثل طرفين سحابة

مَشيت وياك
وأدري بروحي مغلوب
وچانن كُل خساراتي
برضاتي
كسرة خاطري
ودموعي
والليل
وحَتى الوَجع
چان بمشتهاتي
ردت اوصل لآخر نقطة وياك
لآخر حل احس بي ترضى ذاتي
حَتى من ارجع
من العَشرة مخذول
الوم بروحي
مو بمعثراتي

ماطول يَم غِيري رحَت
كُل صِلح ماظل بيها
عَديتلك دَمعة وجَرح
بَس هاي ما أعِديها .