2021 Tutor reminder補充版

卷二

1. 自己check下自己用d字係咪真係啱，意思詞法grammar有冇錯。唔好再用not only... but also...仲要用錯晒，一段一重點，topic sentence要點明主旨（唔好寫there are few reasons .....）

2. 唔好用啲垃圾罐頭句、睇清楚題目要求（好多人NEET嗰題冇寫report）

3. 唔好夾硬用唔熟嘅sentence structures/vocab，寧願用易少少你又熟嘅，有助改善印象

⚠️聆聽卷注意事項⚠️

1. 要帶咩收音機同耳機？

考生應查閱准考證或「更改聆聽考試廣播模式注意事項」上所列出的廣播模式，考試時攜帶正確的裝備。

電台廣播的試場：
考評局沒有指定「DSE專用」或任何收音機型號，大家可使用符合以下規定的耳筒式收音機：
-能收聽FM電台廣播
-體積不超過46 x15 x15厘米
-能放置桌上，天線不可影響其他考生或阻礙通道
-其他電子儀器，如多媒體播放器、藍牙/WiFi設備、手提電話、內置於耳筒的收音機等均不可使用

紅外線系統廣播的試場：
-須帶備插頭直徑3.5毫米、備有兩個絕緣環的耳筒，以接駁試場提供的接收器

學校廣播系統/USB播放機/電腦廣播的試場：
-考生無需自備耳筒式收音機或耳筒應試

2.幾點到考場?

聆聽考試廣播於早上10時正開始廣播，絕不等人，因此考生必須準時到達試場：
-收音機/紅外線廣播的試場：8時45分
-採用學校廣播系統/USB /電腦播放的試場：9時正

若考生較報到時間*遲到超過30分鐘，將被安排往特別室應考(只適用於收音機/紅外線廣播的試場)，並會被扣分。(註：使用學校廣播系統/USB播放機/電腦廣播的試場不設特別室。)

*: 英國語文及中國語文(廣東話組)聆聽考試的報到時間為上午9時15分

3. 其他事項
-檢查收音機、耳筒是否運作良好及電量充足(試場不會提供後備電池)

Source:DSExpress

2021 Tutor reminder補充版

1. 記得睇清楚Df guidelines第一句&最後一句 通常都會寫明篇文嘅文類+語氣+對象+任何特別事項(e.g. ask for a quote, dont upset the artist, etc.)

2. 落手寫前代入翻個essay嘅audience嚟諗要寫啲咩同點寫：對唔同人有唔同語氣、用幾多客套話、諗下佢哋會想知道啲咩information。計一計你會include嘅data point夠唔夠8-9分

📝中文科Q2發揮題Tips📝

發揮題以往比較少學生寫，但係當你見到記抒同議論題目都唔啱你，而見到發揮題好似好易寫嘅時候，要留意以下呢幾件事，避免中伏。

1.文體文題
發揮題文體比較自由，可以寫記敘抒情或者議論說理，但係要留意審題。記得DSE發揮題通常都會有一段文字引導寫作方向，要留意題目要求。近年考評局發揮題通常會俾一樣事物你去聯想同寫當中既體會，通常都會有一段文字去引導你，記得嗰段文字都好重要，呢啲題目第一樣嘢就係要諗事情或者物件嘅唔同用途，唔同特點，利用呢啲brainstorm出嚟嘅特點，引伸去聯想到嘅唔同情感。然而發揮題比q1嘅扣題要求較高，需要每段都提及。但比起q3所需要嘅框架要求較少，無需要好強烈嘅立場。

2.取材立意
記得題號數字後所有部分都係題目嘅一部分，所以用返題目嘅立意都重要，諗嘅時候可以跟返題目嘅每個分句嚟分段，通常題目嘅排序都會比到提示你段落嘅先後次序，喺結構同內容嘅層次方面可以有好大幫助。
->例子: 足印既引起聯想，牽動情緒，啟發思考咁樣，跟返每一個point去寫就可以確保自己扣題。

另外，寓意要夠深，角度要夠廣。題目嘅字眼唔可以單純係故事嘅背景，要每一段都有一個新嘅意義，成篇文章就係講題目字眼嘅意義點樣喺過程之間轉變。發揮題通常都係靠立意分高下，著重點樣喺尋常嘅事物睇到待人接物，立身處世嘅道理。不過記得唔好每段都咁樣寫大道理，可以鋪排一下，由前面嘅實去到後面嘅虛。
-> 例子: 《牆壁》，前面可以講建築嘅牆壁，阻隔唔同嘅空間，隨處可見，喺辦公室同屋企嘅牆壁有唔同嘅意義，有唔同嘅物料，中間講國與國之間嘅城牆，象徵以前戰爭／歷史意義，之後講虛擬世界嘅牆壁，人與人之間嘅距離疏遠，最後講返看待牆壁嘅應有心態。

記住記住，意義同心態喺呢啲題目係重點，每段都要提及。議論嘅寫法可以係咁，記抒嘅話就要講你對事物嘅唔同睇法。
->例子: 《微笑以對》入面，題目話要講唔同情況，其實暗藏嘅意思係要講唔同嘅意義，講你唔同情況有唔同意義嘅微笑以對，可以係積極樂觀，可以係坦然面對等等，串連成為一個故事，鋪排得好啲，做好起承轉合。立意記得要夠廣夠深。

3.詳略昇華
係正文入面，結構通常都係總分總形式，中間三至四個意義，昇華深化嘅時候可以總結一下全篇文章個字眼嘅意義同心態如何轉變，改文嘅時候見到好多同學由中間正文直接跳落總結，少咗部份說理，引起讀者共鳴思考嘅地方。同時要留意每段入面嘅詳略分配，舉例／描述事情嘅過程唔應該多過講意義嘅部份，好多同學將重點放咗喺例子，忽視咗例子目的係幫助說理。

4.扣題
不論係記抒或者議論寫法，發揮題因為好易講到好遠導致離題。為咗提醒自己唔好離題，每段頭尾都需要用題目嘅字眼，而段落中間可以用近義詞／相關嘅概念詞語營造意象。由於發揮題多數都只係一件事物，無需要太多立場，無需要講到太死太絕對，以免前後矛盾或者邏輯謬誤，到最後事物嘅意義都只係觀點與角度。
-> 例子: 面對困難，唔需要話每個人都會逃避／每個人都應該要勇敢面對。就咁講「有些人會面對，有些人會逃避。」描述返唔同人嘅態度，少啲judgement，講你自己嘅睇法唔需要踩其他人。

其餘嘅做法其實都係同一般記敘同議論差唔多，最緊要提多一次，寓意要夠深，角度要夠廣。要捉住字眼嘅特點嚟寫。寓意可以諗待人接物同立身處世嘅道理，角度盡量唔好人生三部曲／國家社會個人層面，嘗試諗實到虛，由直接望落見到嘅嘢，去到背後聯想嘅意象。真係諗唔到，先用穩陣嘅以上兩個大方向。
——
中文科嘅Tutor仲有其他tips俾大家，瞓覺前記得再望一望Channel!

重温: 中文科記抒穩三教學

📝中文科議論穩三: 教學篇📝

題型：以xx為題/對xx的看法/談xx

1)審題、扣題
題目字眼是什麼？
2020: 送禮；2019: 讀書、用
引言要定義題目字眼，幫助建立自己論點。一定要留心用題目字眼，全段都要至少出現4次。可以諗定題目字眼近義詞，段中間用近義詞，段頭段尾用返題目字眼。

小心思考近義詞嘅意思
例：
👍🏼談憤怒=> 發怒、怒氣、義憤、狂怒、怒不可遏
❌❌❌談知己=> 朋友 (扭曲咗題目意思)

2) 立場
揀一個立場：2019-2020題目都有少許題目前設，揀其中一個方向做立場去寫你嘅諗法。
就咁談xx：寫一個總論，寫一個大方向
-> 例子: 2018 <<談知己/談敵人>>
1.知己/敵人對人生有好處
2.「知己陪伴我們」/「敵人是我們的動力」 將知己/敵人化為一句價值判斷，需要提出分論點與論據支持其價值判斷已是立場。

3) 全文結構
議論文結構好已經係個好開始。
1.引言：定義題目字眼-> 立場-> 帶出下文方向
2.論點一
3.論點二
4.論點三
（駁論-->題目有比較/其他立場就要寫）
5. 總結：總結上文論點；回應立場；有冇咩深刻反思想加，夠時間可以加昇華

每段基本結構（每段結構差不多所以每段嘅長度唔會差太遠）
1.論點（主題句）
2.論點解釋
3.論據 （詳略：將與論點能扣連且相關的重點詳寫。）
4.論點與論據的關係（扣題！放論據前後都無所謂。要用題目字眼/近義詞融入例子說明）
5.論點解釋（少許）
6.回應論點（小總結）

駁論結構
1. 別人論點
2. 論點解釋
3. 論據（可有可無）
4. 論點解釋（少許）
5. 反駁
6. 論點解釋
7. 論據
8. 論點與論據的關係（扣題！放論據前後都無所謂。要用題目字眼/近義詞融入例子說明）
9. 論點解釋（少許）
10. 回應論點（小總結）

4) 論點方向
談xx：事物本身的好壞/影響，亦應從價值、本質入手
-> 例子：<<談選擇>> 除了可以討論人有沒有選擇權，亦可以兼論人應該用甚麼態度、用甚麽標準作出抉擇）
咩都諗唔到就用個人層面 → 社會層面 → 國家層面

5)例子說明
一定要用實例，真係冇就寫社會現象。
實例：時人地事（要同論點有關係）
每段用一至兩個例子都可以，例子要有時人地事，清楚解釋點解佢咁fit呢個論點就可以。例子說明並非說故事，不必用對話，只需簡單寫出事情，再用題目字眼/近義詞扣連即可。用兩個例子記得要減少許事情解釋，兩個例子之間都要有連接。

若偉人本身比他的事蹟更為重要，則不需詳細列明其事蹟，以點列式列舉即可
->例子: 世界各國的民權鬥士、民主先驅、開國元勛，又有哪一個真的出身政治學院，以從政為畢生目標?美國總統華盛頓坐擁果園、中國國父孫中山赴美習醫;波蘭總統華里 沙不過一工廠工人、捷克斯洛伐克領袖哈維爾也只是一藝術家。由此可見， 「多管閑事」非但不是罪過，反為偉人聖哲的生命箴言。

6) 提醒
- 中國嗰啲古文就可以直接引用（eg.孔子莊子原句），唔好浪費時間引入外國名言/作家名言，當係自己嘢咁寫出嚟就得。
- 修辭技巧最好用係排比，總結寫上文論點可以換啲字眼再用排比寫返出嚟。
- 用簡單嘅字寫就可以，落筆用字之前諗清楚個啲字係咪表達緊你想講嘅嘢。
- *(極重要) 如果段落中間無闡述/推論過論點，唔好擺落主題句/結尾*

筆者: 湯 麵
——
中文科嘅Tutor仲有其他tips俾大家，瞓覺前記得再望一望Channel!

重温: 中文科記抒穩三教學
: 中文科Q2發揮題Tips

📝中文科議論: 常犯錯誤篇📝

小心論證過程，唔好犯一啲最基本嘅邏輯/推論問題。

有啲同學中意用一個命題/立場推出好多野，但係咁樣係唔得嘅。
⚠️⚠️下面係錯誤嘅示範⚠️⚠️

1) 立場：如果A，那麼B
推論：現在B，所以A。
例子：如果人努力讀書，就會成功。依家有個人唔成功，可見呢個係無讀書嘅後果。

2) 立場：A，所以B
推論：唔係A，所以唔係B
示範：人發怒嘅時候會做好多唔理智嘅野，令你做好多錯事。因此，冷靜嘅話，你就會做好多好啱嘅選擇。

3) 答非所問
再簡單講下構思論點/全文舖排容易出現嘅問題，其中最嚴重嘅一定係答非所問。
例：讀書無用，你同意嗎？
答：我認為讀書無用，因為工作經驗，社交技巧，仕途際遇比讀書更有用。
以上論點係完全無直接回應題目嘅要求，嚴格而言可以當全篇離題。

4)自相矛盾
例：陽光與陰影
論點一：有陽光的地方必有陰影
論點二：一念陽光一念陰影，視乎自己嘅思考角度。
論點三：世上本無陽光陰影之分，陰影只是不夠陽光而已。
可見其實論點三係直接推翻咗論點一二，喺自相矛盾嘅情況下，篇文係極難合格嘅。

關於論證過程，最重要嘅唔係你能唔能夠用得出一啲拍案叫絕嘅例子，而係要細心剪裁例子，使佢符合自己嘅論點，係改文嘅時候已經比咗好多示範大家，呢度唔再贅述。

祝大家一往無前，夢筆生花！！！

筆者：湯 麵
——
中文科嘅Tutor仲有其他tips俾大家，瞓覺前記得再望一望Channel!

重温: 中文科記抒穩三教學
: 中文科Q2發揮題Tips
: 中文科議論穩三: 教學篇

中文卷一卷二懶人包～睇多兩眼同學仔就唔好再温書啦～休息休息！

2021補充版

1. 你嘅一字一句都要有感情係入面。由你揀嘅場景，細節，修辭，都要反映到個感情。例如你想寫你好唔開心，寫月亮就會形容佢係慘白；想寫你好開心，你就唔會寫月亮，會寫太陽，形容佢係暖陽灑在身上。每一個事物，修辭，都有佢本身嘅感情色彩，唔好亂用。

2. 唔好用XX之年，理由同上+你篇文撐唔起依個字

3.唔好故作高深寫d好大嘅立意，e.g.人生，生死，改你份卷嘅人嘅人生歷練多你咁多，你好容易會寫到好幼稚

4.寫野要有主語


重温
• 中文科記抒穩三教學
• 中文科Q2發揮題Tips
• 中文科議論穩三: 教學篇
• 中文議論: 常犯錯誤篇

再有問題可以再問
@CoreQnA_bot （講埋自己aim幾多）
交大綱比我地睇又得🥰問卷一又得🥰