مهما ضاع تفكيرنا بالمستقبل وشلون راح تمشي الأيام و وين راح نوصل ..
خلي گلبنا يقين إن رب العالمين باقي ويانا وان الخير جاي حتى
لو عيونا هسه ماتشوفه وحتى لو مبين بعيد عنا.

وَلَنا أحلامُنا الصُّغرى
‏كأن نَصحو مِن النوم مُعافينَ مِن الخَيبة
‏لَم نَحلَم بأشياءٍ عَصيّة..
‏نحنُ أحياءٌ وباقون
‏وللحِلم بقيّة .

هذا رمضـَان وهذا السنة بالسادس ماتابعت بيـهِ أي مسلسل،
ولا أي شيء ولا الزم اي برنامج غير تلي بالفون وبلايباد يوت.
ومبتعده عن گلشي،
صدفات الزم تلفون ماما اقلب بالبرامج البقيه گم دقيقه،

لگن في مسلسل الي هو
" النقيب " للبطل الشهيد حارث السوداني
الفترة المضت أخوي ميتركة هو ومسلسل العشرين،
واگو هوااايه مسلسلات لكن
گلهن مارگزت عليهن سوى مسلسل النقيب احتلني💔.
ميتاانـة قهر عليـة و انــَه محضرته گامل انتظر اخلص سادس واگعدله لان اعرف نفسيتي صفر حتگون،
انــَه مجرد أسمع اخواني يحجون بيـهِ،ورحت شفت اله مقتطفات،شبعت بجي بيـهِ ومگدرت اتخطاه من أسبوع گل مذگرة اكعد ابجي عليه وألف فگرة دور بعقلي وانقهر وربي،
انــَه أعرفه گنت من اقلب بـ تيك اشوف الولد مؤمل دايما ينشر اله صور وفيدهوات،
بس مگنت اعرف قصتة،فمن نزل المسلسل النقيب عرفتها
دموعي خلصت ومقهورة علية مگاعد اتخطى ابدااا، ذگرت گل شخص عزيز فقدنااه بسبب الخراب الصار بينـاَ،
بسبب هذا البطل والالف الابطال التشبهة احنا هسـة منعمين بالعافيه والامان والاستقرار بسبب أرواحهم القدموها،
بسبب گل نعمة هسةة احنا بيها هااي بفضلهن وبفضل أرواحهم القدموها فداء،
هيـچ ارواح تتخلد للتاريخ حتبقىٰ عالقة بقلبنا بدعواتنا وبصلاواتنا الهم وبقلب اهلة وبقلب گل شخص عراقي،احنا منعمين بخير وامان هذا بفضلهم،
وطن القدم ارواح اهلها گلهم فداء راحهم، اشباهم واشباه الابطال الراحو دماءئهم شهداء، الف رحمة عليهم، والله يصبر قلب گل بيت عراقي مگانه شخص عزيز بگلبة فقده، ؏ گل طاولة فقدت لمة شخص راح فداء واثر مگانة خالي🥹💔🫂.

أقراو الفاتحة ؏ روح الشهيد حارث السوداني، و؏ جبل وحيدر وشجاع أمانة اقروها واهدوها الهم و؏ گل شاب عراقي قدم روحه فداه الها🫂🥹💔.


الله يرحمهم ويجعل مثواهم وسگنهم الجنة وملتقاهم مع اهلهم بيها منعمين بنعيم الجنات والجنة تكون هي الفوز الهم بيها يارب العالمين 🫂🥹.

اريد اتخطااااهم مگدررر الله يساعد اهله من شفتهم شلون حظرو المشهد متت وربي طكيت قهر يارب شكم كلب لسه نار الفقد تاكل گلبه💔🥹.

شفت بأحدى تعليقات وحده گاتبة
مالذي بينك وبين الله بعد 10 سنوات من استشهادك ضجت الناس بالدعاء الك والرحمة لك بشهره الفضيل رحمك الله يافخرنا..

الي بينه وبين رب العالمين هو الايمان بالحق والتضحية في سبيل اله استغل منصبة بالي يحب الله وجاهد بيه ونيتة گانت الوطن بعيدا عن گل شيء♥.

حارث جسدة ضاع في زحام الغدر لكن روحه لا تزال تمشي بيننا لم تُدفن في قبره ولا يزال اسمه يتردد في ارجاء الوطن لا قبره عُرف ولا جسده وجد لكن في كل مكان في كل زقااق في كل قلب نبض بالكرامة والشرف حارث هو من سطّر المجد بدمه فموته بداية لخلود لاينتهي اذگره الله في شهره رمضـَان بالرحمة والدعاء عظيم هل شي♥🥹🫂.

حارث نذكرت قصتة للناس بس اگو الالف الشباب قصتهم لم تذكر لگن دعوات لاتخلى منهم واجرهم عند الله🫂.

اخر ساعات من رمَضان🥹🥹.
خلي مضامين دُعائكم عالية
الدعاء لنفسكم ولاهليگم ولاحبابگم،
ولكل شخص غريب اذگوهم بدعوة ..
ادعوا شفاعة النبي ب الدنيا والاخرة،
العتق من النار والفوز بالجنة.
ومن المعفين والمعافين بالدنيا والاخرة، .
والثبات على الصلاه و على الدين والقران .
التوفيق بالحياة .
الدعاء والرحمة للوالدين .
الرزق الحلال .
الشريك الصالح .
الدعاء للأموات.
ذكر المؤمنين و المؤمنات .

اريد اسمع منكم كلمه حابين توجهوهه الي ع بوت بنهايات شهر رمضان المبارك اليوم گلبي اريد دعوة من قلب تكتب تدز اي شي بالك 🫂🥹.

@Mara20_bot

- الرساله ؛ ماعرفج صح بس اني متابعه الج على قناه تلي هم مثلج سادس من بس خلال كلامج حسيت انسانه كولش هوايه نقيه عندج طيبة كلبها ماكو مثلها نهايه رمضان اطلب من رب العالمين ما يضيع تعبج ولا تعب اي طالب سادس بحق هاي ايام ++طلب حاليا احنه سادس من تصلين او تدعين تذكرينه وياج بدعاء يارب سنه جاي تكونين محققه كل احلامج بحق محمد وال محمد ✨❤️

انــَه ممنونه الچ من گل كلبي و؏ وجدودج بقناتي و؏ دعوه الحلوة الي اجيتِ وگتبتيها وبالرغم متعرفيني معرفة شخصية!
هذا الشي گلش چبير علية.

أللهم امين لگل دعوة دعيتيها الي ربي يحققها ويجعل الچ نصيب بيها اضعاف دعوات الچ🥹🫂♥.
انتم بگلبي وبصلاتي والله شاهد علية گل دعوة اذگر نفسي بيها اگول وكل طلاب سادس واخص هم للي بقناتي بگل دعوة 🥹.

افضل الصلاه علية اللهم آمين يفدوووه ارجع اگرر امتناني الچ والله🫂

- الرساله ؛ ما أعرُف شنو اكتب لـ مرمر
بس اللي اقدر اگوله كُلش محظوظة اني إني تعرفت علي بنت مثلها... قلبها صافي و ابيض كُلش كُلش مثل الغيمة اللي بالسما
احبها هواي.. اتمنى ربي يحقق كُلشي تتمنى ويحفظها و يخلي الضحكه متفارق وجهه الحلوو البشوش"طبعاً ما شايفه مرمر ولا شايفه ضحكتها بس اكيد ضحكتها حلوةةة حلوةة ترد الروحح "

مرمرر بمناسبة انتهاء شهر رمضان المُبارك ادعو ربي ان شاء الله يارب تكونين رمضان الجاي بوسط حلمچ التحبي يارب من كل قلبي ادعي انو تحققي لحلمچ
و احبچ هواي🫂♥🥹🦋

انــَه اخجل وماعرف شرد عليگم والله 🥹🫂.

انــَه محظوظه بيج انتِ والله كلبچ الصافي والابيض وتروحلج مرمر الف فدوه الچ🫂🥹.

الچ اضعاف اضعاف اضعاف الدعوات🫂.
امين امين امين بگد منگال امين بالدنيا السنه الجاية اشارگج حلمي و انــَه محققته🥹🫂.

انــَه الاحبچ ويابختي بيچ!

- الرساله ؛ يارببب يجبرر خاطرج ويفرحج بكد مابجيتي وتعبتي ويارب المعدل الي يرضيج ويخليج تسجدين فرح وبجي وياربب بحق الحسين يجبرر قلبج ويفرح قلبج
احبجج مريومه 🥺🫀☺️🙈🙈

امين امين يارب يارب امين🫂🥹.


فدوااااااات فداااااات الچ
اضعاف الدعوات ربي يجبر بخاطرج اضعاف جبري ويحقق احلامج اضعاف احلامي ويسعدج دايما وابدا🫂🥹♥.
احبچ واللهي.

- الرساله ؛ مريم الإنسانه الطيبه المحبوبه الماكو منها ابد ربي يوفقج ويسهل امرج عيوني .. اكثر انسانه گلبها طيب وما تشيل حقد ع بشر ان شاء الله تحققين كل امانيج يا رب .. ما تستاهلي بس الخير خييه حقيقه الحديث بوصفج يطول وخصوصاً مني 💙

فدوه فدوه والله 🥹🥹.
امين يارب انتم الگلبگم الطيب والله نيالي انــَه نياالي🤍.


الله يجعل كل خطواتكم خير وسعاده وجبر خاطر🤍🥹.

- الرساله ؛ اول شي ان شاء اللّٰه ربي يحفظج الي ، ويارب رمضان الجاي أنتِ سعيدة وبين حلمج مخبوصة بي ، والصحة والعافية ، وكُلشي حلو بالدنيا يكون من نصيبج 🥹🫂🤍

يفدوووه يفدوووه ربي يحفظج هم🤍🥹♥.
اللهم آمين بگد منگالت امين وتمنينها وحجينا يكون واقع يارب. واجي اشاركج هل حلم يارب العالمين 🥹.


ميتو والله 🫂.

الوقف السني في العراق يُعلن يوم غدا أول أيام عيد الفطر المُبارك🫂🥹.


هسه اروح اودع رمضـَان و انــَه فرحانة صح مقهوره لان رمضـَان غير عن كل الايام بس انــَه ممتنه واحمد رب العالمين الي بلغنا رمضـَان ايمانا واحتسابا وغير مفقودين الحمدلله ؏ الگمال والتمام الحمدلله ؏ النعم والبركات
ربي يجعلنا من العائدين الفايزين بيه اروح ادعي و انــَه بقمه النعم والحمد 🥹🫂.

تختمون رمضان بگلمه منگم
@Mara20_bot

واذگركم بدعائي ختام رمضـَان لنا لقاء باذن الله 🥹🫂.