مەولەوی ئەم شێعرەی لە شەوی بەرات(۱٥ی شەعبان)ا وتوە
.
بە پێی ڕۆژژمێر، ئەکاتە ئیمشەو.
ــــــــــــــــــــــــــ

نە هات و نەهات دڵ ماتەن ئیمشەو
ئەڵبەت شنۆی شەو بەراتەن ئیمشەو
سیاهەی دەفتەر میرزای ئەزەلەن
زیادی و نوقسان ڕزق و ئەجەلەن
ئەو ها وە بەرات بێئەندازەوە
ئێد وە تەعلیقەی عومر تازەوە
کەسێ قووتش نوقڵ ڕازی یاوەرەن
یەکێ زیندەگیش وەسڵی دڵبەرەن
هانا هامدەردان چێش مەکەردێ پێم
من دیام نە ڕووی تەقسیم نامەی وێم
ژاری دووری دۆس ئازیزەن نۆشم
نمەیۆ ڕازان شیرین نە گۆشم
یانێ جە شوومی بەختی سیای من
ئیمشەو لەرزان تووڵ تووڵی تاڵای من
وەڵگی زیندەگیم ها وە هەواوە
دیمادیمشەن وە بای فەناوە
ئەلوەدای تەئریخ کامەرانیمەن
نیشانەی ئاخر زیندەگانیمەن
یاران ویەردن نۆبەمەن دەی دەی
ئیسە وەکارەن ساقی نەشئەی مەی
سا دەی تای دوگمەی یەخەی دڵ پەسەند
ئازاد کەر چون دڵ بێدەردان جە بەند
پەشێو کەر لانەی دڵان جە سەردا
گۆشەی عەرەقچین باوەر وە بەردا
مایل بۆ کەمێ ئەو ئەو گۆشەی چەم
گۆشەی چەم ئەو جام، جام ئەو ئەهلی خەم
دەورت گەردی جەور دەوران دۆ وە باد
ناز واچۆ بنۆش، غەمزەکەت نۆش باد
تا فوارەی وشک لوولەی پێشەی ڕێش
هەر یەک پرشەی زووخ هورشانۆ پەی وێش
وە شنۆی نەشئەی مەستیم وانۆوە
یەک ئەمجار جە دەس هەستیم سانۆوە

@mawlavi_kurd | کاناڵ مەولەوی

دەماخ وە نەشئەی سەر بەرزان کەیل
مورشید میراو سەر جۆی بادەی لەیل 

ئەنیس مەجلیس عەیش و نیشاتم
دەسگیر ڕاگەی هات و نەهاتم

مەولەوی


@mawlavi_kurd | کاناڵ مەولەوی

شەوەن ، خەڵوەتەن ، ماڵ بێ ئەغیارەن
ئاڵەم گرد وتەن، دۆس خەبەر دارەن

نەوا میهمان بۆ تۆ نەوینی کەس
خەفەت بۆ پەرێت تا ئاخر نەفەس


#حەزرەت_مەولەوی

@mawlavi_kurd 

شێعرەکێ مەولەوی ویردوو زوانوو گەورەو وردٚیکڵەو هەورامانی.

هەرچەن مەواچان، فارسی شەکەرەن
کوردی جەلای من، بەڵ شیرینتەرەن

مەعلوومەن جە دەور، دونیای بەد ئەندێش
دڵ شادەن هەرکەس،  وە زوان وێش

#خانای_قۆبادی
ـــــــــــــــــ
🔹ڕۆژی جیھانی زمانی دایکی پیرۆز بێت لە ھەمووتان
🔹ڕۆ جەهانی زوانی ئەدٚایی مەبارەک بۆ  وەنی گردٚیتا
🔹ڕووژ زمان داڵگی لە سەر جەم هاوریەیل پیرووز بایی کەم

🔹2 اسفند روز جهانی زبان مادری
نامگذاری این روز در کنفرانس عمومی یونسکو در سال ۱۹۹۹ به منظور کمک به تنوع زبانی و فرهنگی انجام شده‌است

@mawlavi_kurd | کاناڵ مەولەوی

کاک یارا و حەزرەت مەولەوی.

مەولەوی کێ بێ..؟

با پێوە بژنەومێش👌

@mawlavi_kurd | کاناڵ مەولەوی

کوردی زوبانی ئەسڵمە ، گەر تەرکی کەم بە کول

بۆ فارسی ، بە کوللی ئەمن دەبمە بێ وەفا

  #مەحوی

💐واتە :کوردی زمانی نەتەوایەتیی خۆمە ، ئەگەر بێتو بەتەواوی وازی لێ بێنم و سەر بکەمە سەر فارسی -- وەك ئەم و ئەو کەپشتی فەرامۆشیان کردە زمانەکەی خۆیان -- ئەوا بەتەواوی ئەبم بە پیاوێکی بێ وەفاو سپڵەی نەتەوەکەی خۆم .
لە شوێنێکی تردا ، لە غەزەلێکی فارسیا ئەم جۆرە شانازی کردنە ڕونترو ئاشکراتر دەردەخات کە ئەڵێت :

فخر هرکس بزبان خودش است ای (مەحوی)
فارسی را کە تو بگزیدەء بر کردی ، حیف

واتە : (ئەی مەحوی) ! شانازی هەموو کەسێك بە زمانەکەی خۆیەوەیەتی . ئەگەر تۆش چاکەی فارسی بدەی بەسەر کوردییا ، بەڕاستی جێگەی داخ و خەفەتە .

@mawlavi_kurd | کاناڵ مەولەوی

هەورەکەی ڕەحمەت ڕووی سەمای کەرەم
سەلات و سەلام کەی کەم ئێـستە کەم

بێرێ و بڕێژێ  و بـدا وە هــەم دا
وە سەر مەزرەعەی  ڕۆحی خاتەمدا

سـەرواز کا سەراو وە هـەر شـەتاودا
وە سەر سەوزەی پاک ئال و ئەسحاودا

تا بدا پڕتەو  وە سەر وجووددا
ئیمان لە  ئەسرار ئەهل شهـووددا

مامۆسا مەولەوی

#جمعة_مبارك

🍃اَللَّهُمَّ صَلِّ عَلَى سَيِّدِنَا مُحَمَّدٍ وَ عَلَى آلِهِ وَ صَحْبِهِ وَسَلِّم🍃

@mawlavi_kurd   کاناڵ مەولەوی

بڵێسەی ئاهیر نە دەروون خێزان
ناڵەم «الفراق»  یەعقووبی بێزان

تەریدەی هیجران، بەیدی جیایی
گرتەن گەردەنەی، ڕای ئاشنایی

تەم خەم یانەی، دڵ تاریک کەردەن
ڕای ئامان لای تۆ، جە یادم بەردەن

مەگێڵوون نە گێج بەحر ماتەمدا
هەر خەمەن مەیۆ، وە بان خەمدا

خەمەن ڕەفێقم، خەمەن هامدەمم
خەمەن هەم سوحبەت، عەزا و ماتەمم

خەم زۆرش گرتەن، بە وێش مەنازۆ
ساقی بۆ وە عەشق، ئایەی وەمتازوو

پڕ کەر جامەکەت، پەیاپەی جە مەی
پێم دەر تا ڕیشەی هەستیم کەرۆ پەی

سوڵحێ دۆ نەبەین، هەستی و فەنادا
وەس خەیاڵ بەرۆم ،بەی لا و بەو لادا

#حەزرەتوو_مەولەوی

@mawlavi_kurd | کاناڵ مەولەوی

دنکەو دنکەی بەفر سەر کێوان گرتی🌨☃️

گۆرانیە شادٚە : بە دەنگوو مامۆسا عوسمان هەورامی

پێشکەشتابۆ❄️

@mawlavi_kurd | کاناڵ مەولەوی

زووسانەن وەی ڕەنگ وە گەردوون یاوان
گێجیای لــوول گێـــج کڵێڵەی کـــــاوان

بەنا باشی بورج ، بەرزە دیـــاران
سفید کاری کەرد، تاقچەی مەغاران

چ شیرین زەڕگەر، تۆف هەوای سەرد
گۆشوارە نە گۆش، نەونەمامان کەرد

پەی نیگای باڵای مەحبووب بێ گەرد
یەخ ئایێنە گرت ، تەم چارشێو ئاوەرد

ئەی مەحبووب خاس ، وەی بەنای تەمام
مناڵۆ پەی بەزم ساقــی و شیشە و جام

ساقی ، باک نیەن جە سەردی (دەی) دەی
هەوا وەش کەرەن، نەشئەی نۆشای مەی

ئاخر سەرمەشقەن پەرێ مەی خواران
واردەی ویەردەی ، ویاردەی یــــاران

چوون نە دڵ شنۆی، مەزەی مەی داران
بدیە چــــۆن وە تۆی ، لۆنگێ مەویاران

زوانەکەی سۆز ، دەسەکەی ناڵە
بکیانۆ ، ڕێزۆ ، ڕەحمەت ، پیاڵە

ڕەحمەت وە ڕووی خاک رستگاران دا
پیــــاڵە وە دەم ، ئیـــنتــیزاران دا

دێرەن با ئێمەیچ، نـــــەی گوزەرەوە
جامێ وە دەس نێین ، دەس وە سەرەوە

مەولەوی گیان


@mawlavi_kurd | کاناڵ مەولەوی

ڕەمەزان تلۆع سوبحی شادیشەن
شەوال شامی شووم نا مرادیشەن

دەردینە شەوال، ئای زام سەختە من
تاڵە شووم شەوال، ئای بەد بەختە من

غوڕە، غوڕەی ئەو سەفاش پەی غەیری
ئازیز قیبلەی من، وەفاش پەی غەیری

های موغەننی تار حەنجەرەی وەش تەرز
وە سەر پەنجەی ناز باوەرە ئەو لەرز

من ئاسا یاد کەر جەرگەی ویەردە
یارانی مەرحووم دەردی دڵ وەردە

بەو لەرەی دڵسۆز وە جگەرەوە
مەزموونی ئەوان تەکرار کەرەوە

ئاخ، من و شەوال هەردوو هامفەردیم
هەر دوو گرفتار ئێشی یەک دەردیم

غوڕەی ئەو قیبلەی من وە یەک تارەن
وە نامی ئێمە و کامی ئەغیارەن

#مەولەوی
@mawlavi_kurd | کاناڵ مەولەوی

بەخێر هاتی ئەی مانگی ڕەمەزان

🌸
🍃@mawlavi_kurd
🌸🍃🌸🍃🌸🍃🌸

مَرْحَبَا مَرْحَبَا
يَا شَهْرَ رَمَضَانَ مَرْحَبَا،
مَرْحَبَا مَرْحَبَا يَا شَهْرَ الخَيْرِ وَ البَرَكَةِ وَ الاِحْسَانِ مَرْحَبَا.

@mawlavi_kurd   کاناڵ مەولەوی

وەهارەن ، سەوزەن ، ئاوەن ، سەر کاوەن
هاژەی وەفراوەن ،شاخەی شەتاوەن

ساقییەن ، بادەن ، نەسیمەن ، بادەن
بوڵبوڵ جە دەوری گوڵان ئازادەن

بەزمەن، شادیەن ، عەیشەن ، نیشاتەن
کەیفەن ،شۆخییەن، شەوقەن، حەیاتەن

تەمەن ، دووکەڵەن ، گەردەن غوبارەن
فرمێسکەن ، چەمەن ، سەیلەن ، فوارەن

سەنگەن، کۆسارەن،سەر کۆوەن، هەردەن
خەمەن ، مەینەتەن ، زوخاوەن ، دەردەن

هیجرەن ،دوورییەن ،عیجزەن، فیراقەن
واوەیــلا و شینەن ، ناڵەی عوشاقەن

سەبزەن ، سۆسەنەن ، نەورۆز گوڵانەن
کەمەرەن ، هەردەن ، ملەن ، کەڵانەن

سەرعییەن،شەیدان، نەجدەن مەجنوونەن
فیراقەن ، جامەن ، پیاڵەی هوونەن

#مەولەوی

نەورۆزتا پیرۆز🌸

@mawlavi_kurd | کاناڵ مەولەوی

حەزرەت مەولەوی ئەم پارچە شێعرەی بە بۆنەی جەژنی ڕەمەزان وتوە.


سەدای های هیلال، هام فەردان مەیۆ
زەمزەمەی تەکبیر ، هام دەردان مەیۆ

یە کێ هام ڕەفیق ، دۆس دڵ دۆزەن
یەکێ مەست کەیف ، جەژن پیرۆزەن

من نەبوون شادیم ، جێ بێزار بیەن
گەرد، وە سەر من ، کەس دیار نیەن

شەوم تاڵەی شووم ، هیلالم قامەت
شەفەق هوون دڵ ، مەنزڵگە زامەت

تەکبیرم نەوای ، زام مەهجووری
دەسم هەم ئاغۆش،  زامی ڕەنجووری

جەژن و جەژنانەم، هەریەک جەردەیێ
بەردەوە پەی هەرد ، موتریب پەردەیێ

لەرزەن ڕیشەی دڵ ، سەمتووری دەستوور
وەزن تەبع تار ، پڕ سۆزەی سەمتوور

واچە بەو مەقام ، ئەڵواناتەوە
هەی داد هەی بێ داد، مەعدووم واتەوە :

خەستەی خار خەم ، خەم خەیاڵ وێم
وە کزەی دەروون ، تەن زوخاڵ وێم

بێ ئەبرۆی هیلال ، نەو نیهاڵ وێم
نیەت نادروست، عەید بەتاڵ وێم

#حەزرەت_مەولەوی

@Mawlavi_kurd 🌙 کاناڵ مەولەوی

نازک تەدارەک فەسڵی وەهاران
شیرین ئارایش هەردە و کۆساران

گوڵ چون ڕووی ئازیز نەزاکەت پۆشان
وەفراوان چون سەیل دیدەی من جۆشان

مدیان گوڵاڵان نە پای دەربەندان
ئەو یەکتەر وێنەی ئارەزوومەندان

چ خاس خاس شنیۆ نە ئێواراندا
سەوزە وە ڕووی خاک جەرگەی یاراندا

بوین ڕەعشەی وەجد دڵەی پاکشان
عەیان نە شنیای سەوزەی خاکشان

جەی گۆشەی خاستەر نییەن مەسکەنێ
ساقی گیان ئامان خومار ئەشکەنێ

هورێزە، سوبحەن، دڵ تازە خاوەن
شنۆی پای کاوەن، گۆشەی سەراوەن

سەوزەی خاکی پاک یارانی هامفەرد
فرەمان وە فەرش بەزمی وێمان کەرد

کەو سەوزەی ئێمەیچ نە کام هەردێ بۆ؟
وە فەرشی مەجلیس کام هامفەردێ بۆ

#مەولەوی

@mawlavi_kurd | کاناڵ مەولەوی

قوربان!قوربانەن ، جەژنەن ، شادیەن
دەس نە گەردەنەن ، ڕۆی ئازادیەن

هەی دەس بۆس دەس بۆس وەش نیگارانەن
خەیر ، پا بۆس پا بۆس خاتر دارانەن

کۆن کوشتی و ، باردێ گوڵ جەمینانەن
هەی سەر ، هەی ئەرواح دڵ خەمینانەن

هەرکەس گیان وە کەف پەی نیگارێوەن
هەر یەک قوربانی وەفادارێوەن
@mawlavi_kurd
سیوای سەودایی هەراسانە کەت
مەحرووم جە کەفتەی پای ئاسانە کەت

نە پەی چەم سورمەی گەرد پاڵاتەن
نە پەی گیان قوربان بەژن باڵاتەن

مەرد پەی "ئۆسا دەی"بێ درێغە کەت
بسم اللە تەکبیر دەس بە تێغە کەت

پەی قوربان کەردەی ناڵە نەی رەنگ بەی
چێش مبۆ ئەر بەی ؟ وەی پەی من ئەر نەی

سا تویچ من بەرە ، وە قوربانی کە
من وە قوربانی ڕای ڕەببانی کە

ئەوسا تویچ پەی وێت خەیرێت کەردە بۆ
منیچ کەم تەر زووخ دەردم وەردە بۆ

مەعدوومی بەدبەخت نا تەمامەنی
ڕاسەن بێ دەوڵەت خەیاڵ خامەنی

قوربانی مشیۆ جە عەیب بەری بۆ
فیدایی پەسەند ڕای دڵبەری بۆ

تۆ پا شکستەی بەرد هەرد دەرد
چەم کۆر مەینەت ، تەن زایف ، ڕەنگ زەرد

خەیاڵێت کەردەن جە ڕووی نادانی
چ لایق وە تۆن روتبەی قوربانی


مامۆسا مەولەوی

جەژنەتا موبارەکە بۆ❤️☘

@mawlavi_kurd | کاناڵ مەولەوی

جەژنەتا پیرۆزە بۆ❤️🌸
@mawlavi_kurd