• بكرا بإذن الله في تسجيل لمدة ربع ساعة عنو للمكيروويف
بتمنى تسمعوا شو رح احكي عن الموضوع.

حيكون فويس توعوي عن هالجهاز الظريف
ورح جاوب عن كل التساؤلات واشمل الموضوع بكل الأفكار 💕.

• بتحبوا المارتديلا؟
طيب شو رأيكن قلكن إنو ما هيك اسمها الصحيح؟

تعوا نعمل تصحيح مسميات ونوضح مفاهيم صغيرة بتتعلق بهالمُنتَج.. 🍽

شي مرة قرأتوا شو مكتوب على العلبة قبل ما تاكلوا منها؟

ولا مرة كان مكتوب مارتديلا مهيك؟
وإنما منقرا عليها: لانشون دجاج صح 🐓؟

لأن المارتديلا: هي مُنتَج إيطالي الأصل مصنوعة حصراً من لحم الخنزير قليل الدهن، وقد تنخلط مع لحم بقري أو لحوم أُخرى.

بتنصنع بنفس طريقة صناعة اللانشون عنا بالبلدان العربية بس بغير نوع لحم لهيك في لغط بالمسميات عنا..

واللانشون: عبارة عن لحم دجاج مفروم منقوم بتحويله لمُستحلب (والمستحلب هو: خليط مكون من سائلين صعبين الامتزاج بس لما منضيف إلهن "عامل الاستحلاب" بصيروا خليط متجانس [متل المايونيز تماما] ).

وبعدين منضيف توابل وكم شغلة لهالمستحلب، ومنعبيهن بعلب ومنقوم بعملية الطهي بفرن مخصص لهالعملية اسمو (الأوتوغلاف).

_
(عم دللكن بالمصطلحات العملية 😂♥️)
_


وبالتالي منوصل لخلاصة إنو نحن ما عنا مارتديلا وإنما لانشون.. أي: لحم مفروم.

وكنصيحة مايية 💘:

ضروري نخفف من أكلها لكتير أسباب ما رح اذكرها، ولا تفكروا إنو هي عبارة عن لحوم وبتغني عن اللحم الأساسي (منستنتج هالشي من سعرها الزهيد مقارنة باللحم الخام).. بالإضافة إنو البروتين اللي فيها معظمه نباتي وليسَ حيواني، وما رح زيد حكي أكتر من هيك.

#مايا_بركات.


#لحوم.
#تغذية.

أقسم لكم بالله أن الناس في شمال غزة يأكلون أوراق الشجر، أين نخوتكم، أين عروبتكم، أين دينكم !!

_
• أرجوكم لا تنسوهم من الدعاء، كل فرض صلاة خصصوا دعاء صادق إلهن، يا رب لا تجعلنا ممن خذلهم، واللهِ المناظر اللي عم نشوفها بتقطع القلب
..
لك صاروا عم يربطوا على بطونهم من الجوع!!
عم يشوفوا أطفالهم عم تموت من المجاعات قدامهم ومو قدرانين يحركوا ساكن 💔

بس اتخيلوا معي إننا مكانهم، بس غمضوا عيونكن وتخيلوا الخيم والشوب المميت، ما في حمامات ولا حتى حيط يسندوا ضهرهن عليه، وفوقا عم يموتوا من الجوع وانعدام وجود المي!

والله الواحد بيخجل ياكل وفي عالم مو ملاقية شي تاكلو ولا تطعمي أولادها..

فعلاً العالم اللي مو مقاطعة ولسا بتاكل من إنتاج الغرب الحقير الوقح بتكون دواب مو عالم لأن مستحيل في إنسان فيه ضمير بيبقى عم يستهلك أي شي من الشركات المقاطعة، مو بس الأكل وحتى المكياج ومنتجات العناية بالبشرة واللبس وكل شي!!


الدعاء حالياً واجب علينا كلنا.. ما لازم نخذلهم بالدعاء، قلوبنا محروقة عليهن 💔

ولسا السودان لهلأ فيه تعتيم إعلامي وما منعرف شو عم يصير فيهن كمان، يا رب تكون مع عبادك، يا رب أطعمهم وانصرهم..

وكنهاية لكلامي.. لازم نتذكر إننا بدار ابتلاء ومالنا بالجنة، ولا بدار الخلد

الله كتب علينا كل هاد بكتابه الشريف:
﴿ولنبلونكم بشيء من الخوف والجوع ونقص من الأموال الأنفس والثمرات﴾ صدق الله العظيم.

فما علينا إلا الاستجابة والخضوع، والدعاء فالدعاء كل وقت وكل ساعة.

• قرأت جملة للتابعي "الحكم بن عتيبة" علقت ببالي كتير بتقول:

"إذا كثرت ذنوب العبد، ولم يكن له من العمل ما يُكَفِّر ذنوبه، ابتلاه الله بالْهَمِّ، يُكَفِّر به ذنوبه."


فلننم معاً على الاستغفار لعل اللّه يمحو به ذنوباً أرهقتنا ويشرح صدورنا.


- تصبحون على خير أصدقائي.

• كيف تكون مؤثر؟

يحتاج الموضوع تلت خطوات بس..
ذُكرت بالفيديو مع المؤثر الرائع #ياسر_الحزيمي 🤾‍♀.

• حزورة مسائية..

هي شجرة شو ؟

#زراعة.

ناطرة الكل يتحزر قبل ما جاوب 💃🏼

_
كتار اللي جاوبوا صح..
هي شجرة القهوة ✅.

هي نبات شو ؟

بس معلش ما تغشوا وتفتحوة غوغل؟

#زراعة.

هي نبات الكركديه ❤️‍🔥..

هلأ السؤال ما رح يعرفو إلا اللي بيزرعوا 💕

• كل زهرة لأي نبات بتعود؟ 🌼

خلوا الإجابة برسالة وحدة.

_
• رح أعطي الإجابة الكاملة: ✅

١. زهر القرع أو الكوسا.
٢. زهر الخيار.
٣ زهر البندورة.
٤. زهر البطيخ.

• هاد آخر سؤال وهاد مفيد إلكن غالباً لأنها نباتات زينة..

شو اسم النبات الزهري والأصفر؟

#زراعة.

_
• عم اذكر هالمعلومات، لتحفظوها معي كثقافة عامة، ولو ما بتتعلق بدراستكم 🍀:

الوردة الصفرا: القطيفة أو القديسية.
الورد الزهر: الخبيزة الإفرنجية أو الجيرانيوم أو الجلنار.

• وحالياً بما إنو خلصنا فقرة الحزيرة 🎉

كنا أنا ورفيقتي عم نتناقش بموضوع حماسي اليوم وعم نحللو سوا..

بتحبوا اطرح السؤال وشوف رأيكم؟
ولا نأجلها؟