بتمنى تبعتوا الصفحة لكل رفقاتكن والكل يشاااركو عالستوري عندو 😭♥️♥️♥️

حبيباتي وقت تتركولي تعليق اعملوا فولو للحساب أمانة ما تنسوا 😂♥️♥️

جاهزين لفويس صغير مليء بالحب والحماس؟ ♥️♥️🔥🔥

• مالها أول مرة بشارك شعوري هون..

بس اليوم بالذات يعتبر يوم مميز جداً بالنسبة إلي وخلاني طير لغير دنيا، حتى نبرة صوتي بتوحي هالشي عكتر مو طايرة من السعادة! 🔥🔥♥️♥️

يا رب تبارك لي بمشروعي، وترزقني
ويكون بداية خير إلي وانطلاقة لترك أثر كبير بهالحياة، وطبعاً بوجودكن فرداً فرداً معي 🫶🏻♥️.

#مايا_بركات.
#مشروع.
@MayaDreamer

• ليس السعيد من يملك كل شئ، ولكن السعيد من يسعد بكل شئ يملكه.


- يا صباح الخيرات ♥️☀️.

• السؤال المُحبط:
كم عمرك.. ماذا أنجزت في حياتك حتى الآن؟

🔸 قربت تخلص السنة.. وبعد 3 شهور تماماً منلاقي كتير أشخاص بلشت تنشر بوستات مطوّلة عن إنجازاتها بالسنة 🗓🖌.

هالفكرة كانت محبطة بالنسبة إلي بشكل كبير، تذكرني إني ما عم اتحرك وفعلاً اكتئب وبنفس الوقت تحمسني بشكل غلط فحط خطط غير منطقية لسنتي الجاية كرمال الحق التيار بس!

🔸 أما اليوم..
تغيرت فكرتي عن الموضوع تماماً ✅.

ووقت لقيت الفيديو كتير فرحت فيه وحبيت شاركه هون وضروري ضروري ضروري تشوفوه ليحميكم من هالشعور..

🔅 طيب مايا، معقول ما نتحرك ولا نسعى؟
لاء أكيد، بس السعي يفترض يكون ضمن إطارين (متل ما انذكر بالفيديو):
▪️شو عطاني الله والنعم اللي لازم استغلها.
▪️وأديش استطاعتي لوظّف النعم بمكانها الصحيح.

🔆 بتمنى نتحرر من وهم الإنجاز المادي الملموس فقط دوناً عن غيره، في حين قد يكون التزامك بسنّة بصلاة الضحى مثلاً هو أعظم إنجازاتك وقد تشوفه مهمل!
أو التزامك بالأذكار بشكل شبه يومي هاد إنجاز عظيم عند الله!

#يتبع.

• بهاللحظات والأيام اللي عم امرق فيها.. بلشت أعرف المحبّ من اللي عامل حالو هيك وهو بيضمر إلي شعور مغاير تماماً..

ممتنة لهالأيام اللي بلشت تورجيني الناس عحقيقتن 💕.

• أي شخص غادر القناة مرتين بعد ما كان فيها رح ينحظر منها..

+ ما عاد يفوتوا عكروب القناة 🥰

ما عاد اقبل طلب حدا بكروب دريمر إذا كان موجود فيه وغادر

كنت قبل ما دقق بس داق خلقي من هالحركات 😁♥️

بلش يطلع وجهي التاني ما 😂🌱؟

بس يعني استغربت من مغادرات الأشخاص اللي بتعبر عن حبها للقناة دائماً، وغادروا اليوم نفسهن، وهن 5 أشخاص وحافظتن منيح..

• هي رسالة اليوم بوقت مبكر زيادة 😎♥️.

• يا صباح الخيرات..

لا تنسوا أذكاركم،
وسورة الكهف، ودعائكم لي 🌱.

• مُحزن إنو رغم كل الأحداث اللي عم تصير حالياً بالعالم..

خطبة الجمعة عم يكون موضوعها خارج نطاق التغطية..

عم اسمعها حاليًا من بيتنا،
وعم قول يا الله لو تكون الخطب بتمسّ الواقع أكتر! ☹️

• صفحة مشروع قرشة:

اضطريت اعمل غيرها لمشكلة صارت معي وكان صعب حلها..

هي الريلز الأول
ورجوني كيف رح تدعموني وتنشرولي بقنواتكن والستوري..

🔥 حطوا قلب عالريلز ✅
وتعليق كتابة مو سمايلات ✅
واعملوا فولو ✅
وانشروها بكل مكان من جدييد ✅
لاوصل لنفس التفاعل الناري بأول مرة

رح أعمل سحب من أول ١٠٠ مشترك بالصفحة ورح يحصل على قطرميز مخلل خيار بجنن بنص السعر (شرط يكون بدمشق قريب من الجسر الأبيض) 🔥🔥🔥


كفو نوصل الحساب هاد لل٤٠٠ بيوم؟ 🔥🔥🔥

https://www.instagram.com/reel/DAaZQi0oeE7/?igsh=eWFoM3N2eWFkeXFj

• فقت وفوراً فتحت لشوف الأخبار 🔻:

وفعلا التصعيد بالأحداث كتير مخيف، وحسيت برهبة أكبر تجاه اللي عم يصير وحسيت إني فقدت حماسي لكفي أيامي وزعلت إنو كل مالا عم تمتد الحر.ب أكتر وأكتر.. بدون أي تحرّك أو بصيص أمل لتوقف!

بعدين شوي شوي قعدت فكّر.. متل كل مرة، إنو اللي عم يصير ما لازم يخلينا نوقف سعينا بولا شكل من الأشكال..

🔴 اللي عم يصير حاليًا هدفه يخلينا نشوف إننا ضعاف ولهلأ ما عم يصير تحركات وعم تتوسع الحر.ب بدون أي عمليات تخلينا نوقف اللي عم يصير..

🟠 أنا هلأ عم اكتب البوست بشكل عشوائي لذكركم بهالآية اللي كلنا منعرفها:

وإذ قال ربك للملائكة إني جاعل في الأرض خليفة قالوا أتجعل فيها من يفسد فيها ويسفك الدماء ونحن نسبح بحمدك ونقدس لك قال إني أعلم ما لا تعلمون.
- سورة البقرة.

🟡 نحن كبشر علمنا محدود، ورح نضل نتساءل يا رب ليه لهلأ ما عم يصير شي، بس الميزان عند رب العالمين مختلف تماماً والمطلوب مننا هلأ: كمسلمين إنو نبقى عم نداوم عالعبادات وبشكل أقوى، نبقى عم نزكّي أنفسنا ونتحضر للي جاية بكل قوة، بكل عتاد نفسي وبدني..

🔻 حيقول حدا منكم: كلامك شوي تنظير كأنه!

▪️ لأ ماله هيك.. نحن هلأ بآخر الزمان، والفساد اللي انتشر مخيف، ونحن كأشخاص مو طالع بإيدها غير الدعاء، لازم تحصن نفسها يوميًا وتبلش تشتغل عإيمانها صح ✅.

⚫️ كلنا مقصرين بأحد النواحي، وكل حدا مننا بيعرف بشو مقصر.. ووين لازم يشتغل عحاله

مقصر بصلاتك؟
رجاع بقوة للصلاة مع دعاء صادق، يمكن بلحظة تجينا ضربة ونروح عند رب العالمين، ولو شب فالمساجد فاضية!

مقصر بقراءة قرآنك؟
ثبت وردك أول ما تفيق بحيث ما يلهيك عنه شي بقلب يومك.

ما عندك رضا بقضاء الله؟
صلح هالمشكلة وبلش تفهم شو معنى الآيات بالقرآن والتزم بمسجد بحيث تسمع درس كل يوم عن الله.

مقضيها 24 ساعة أغاني؟
جرب توقف سماعهن لمدة اسبوعين وشوف الفرق، شوف نفسيتك كيف رح تكون مقبلة عالعبادات أكتر.

لبسك ما دخله بالحجاب، وما بتطلعي بلا مكياج؟ لسا لهلأ مو مقتنعة بالحجاب؟
الدنيا قصيرة ومو مستاهلة نعصي الله بمكان مو مكاننا، ولا بدنيا رح نخلّد فيها

⚪️ كل حدا مننا عنده مشاكل، يمكن خلقه سيء، يمكن بعامل أهله معاملة سيئة، يمكن بيعمل ذنب وما عم يقدر يخلص منه.

هاد الوقت لنرجع نستقيم، ونبقى عم نصلح حساباتنا، هاد الوقت ليرضى علينا الله ونترك هالدنيا ونحن مؤمنين بحقّ ❤️.

▪️هالكلام حكيتو لنفسي من شوي، وحبيت ارجع قولو هون ومو من باب التنظير صدقًا.. بس لأن ما بدي نيأس ونوقف أشغالنا، لازم نبقى عم نسعى بكل ما أوتينا بقوة، ونعرف إنو هي فرصتنا لنصحح أخطاءنا ونتوب عن كل غلط مصرين عليه.

وإن شاء الله بتكون الأيام القادمة أرق عقلوبنا، ومنشوف إسرا.ئيل وأمير.كا أذلة خاضعين محروقة قلوبهم حرق وربي يحمي بلاد الشام ويحمي اليمن والسودان وأهلهم ويثبت قلوبهم 🤍🍂

- اللهم لا تقبض أرواحنا إلا وأنتَ راضٍ عنا.

• أكتر شي فرق معي بأيامي لزيادة إيماني وشعوري بالله هو جملة من كلمتين بس..

جملة صايرة عم قولها بكل أحوالي
أي شي مؤلم بصير بحياتي بقولها، اي شي صعب اتجاوزو بقولا، وانا عم ابكي بقولها، وأنا وطايرة بقولا..

(الحمد لله، وأنا قلبي رضيان رضيان)

يا الله شو عم تفرق معي تخفف عن قلبي
وبتذكرني إني عالشوكة الصغيرة اللي بتمسني رح اخد أجر، فكيف الألم اللي بخلينا نتقطع من جوا ونبكي ونحن محروقين؟

حاشى لله ألا يجزينا عكل ألم منحس فيه.

هالأيام ما عم تمر بهدوء،
ما عم اقدر ما شوف الأخبار
وما عم اقدر ما حس إنو قلبي انقبض
عم ازعل كتير كتير عهالأمة اللي عم تضيع
وبنفس الوقت بقول يارب لا تخلي الحزن يخفف همتي، لا تخلي قلبي يشعر بيأس من رحمتك الكبيرة.

ويا رب ما تنسيني إنو كلمتك هي العليا، وإنو النصر رح يكون لدينك شاؤوا أم أبَوا. 💔

• رحت اليوم جبت حجم جديد من القطرميزات للمشروع ومبسوطة فيهم..

والزلمة لما يبيعني ببيعني القطرميزات لحال، وبعبيلي من جوا الأغطية.. قام ليكو شو طلع حاططلي وما خبرني 💔

يا الله كيف صايرة الناس بلا ضمير، وأديش زعلت إنو مضطرة بكرا ارجع انزل غيرهن والمكان بعيد وجايبة أغراض الشغل كلها ورح يعطلني هلأ ☹️♥️

• إلي بالمطبخ ٤ ساعات ونص
عملت عينات مخلل لصنف غريب وجديد
غالباً كتار ما بيعرفوه

بدي جربه بالبيت، بعدين بعمل كميات للبيع..

وبلشت أعمل أنواع جديدة، بس المشكلة لهلأ ما نزلت الأصناف اللي بدي خللها..

وجددت كميات مخلل البيتنجان
صراحة طالع رهيييب كتير 😍♥️

وعم ساوي خيار شرائح سميكة،
كمان طالع رهيب جداً وبحجم صغير

هالدفعة قررت اعمل حجم أصغر وشكله كيوت
كرمال اللي حابب يدوق ما يخاف ياخد القطرميز الكبير ويندم 🤣🌱

• طيب رح اسألكن أنا، كونو ما بدكن تسألوا 🙂‍↔️♥️

كل حدا بالحياة خلق ليوصل رسالة ويترك أثر معين.. بتحسوا عرفتوا الرسالة اللي خلقتوا كرمال تتركوها؟

• ردًا على سؤال:
كيف أعرف رسالتي بالحياة؟

🔴 ضروري تسمعوا هالكلام،
رح يعطيكم (إلهام) ويخليكم تفكروا بطريقة مختلفة تماماً.

بدون ما تنسوا إننا كأشخاص لازم نكون قدوة بتعكس الصورة الصحيحة عن الإسلام الجميل ✨.

@MayaDreamer.