አሏህ ( ሱ.ወ) ጅብሪል (ዐ.ሰ) ምን በፈጠረ ግዜ አሳምሮ ነበር የፈጠረው:: ❻⓿⓿ ክንፎችን የቸረው ሲሆን የአንዱ ክንፍ ርዝመት ከፀሐይ መውጫ እስክ ፀሐይ መግቢያ ይደርሳል።ጅብሪልም ይህን በተመለከተ ግዜ እንዲህ አለ ፡እንደኔ አሣምረክ የፈጠርከው አለን ? ብሎ አሏህን(ሡ.ወ)ን ጠየቀው አሏህም (ሡ.ወ) የለም አለው ።ጅብሪልም በጣም በመደሠት ❷ ረካዐ ሀረመ ለያንዳንዱ ረካዐ ❷⓿ ሺ ዐመት ፈጀበት ።እንደጨረሠም አሏህ(ሡ.ወ) ም የሚገባኝን መገዛት

ተገዝተኸኛል እንዳንተ የሚገዛኝም የለም

ነገር ግን በመጨረሻው ዘመን አካባቢ #ነብይ ይመጣል እኔ ዘንድ ውድ የሆነ ሙሐመድ(ﷺ) የሚባል ፡የሡ ዑመቶች ደካሞች ወንጀለኞች ናቸው፡፡

❷ ረካዐ ይሠግዳሉ በመሠላቸትም ጭምር በአጭር ደቂቃ ከብዙ ሀሣብ ጭንቅ ጭምር ጋር ይሰግዳሉ።

ነገር ግን በልቅናዬ በክብሬ ይሁንብኝ የነሡ ሠላት እኔ ዘንድ ተወዳጅ ነች ።

ካንተ ሠላት የነሡ ሠላት እኔ ዘንድ ተወዳጅ የሆነችው እነሡ በኔ ትዕዛዝ ነው የሚሰግዱት አንተ ግን በሠጠሁህ ኒዕማ ተደሥተህ በፍላጎትህ ነው ።

ጅብሪልም ለዚህ ኢባዳቸው ምን አዘጋጀህላቸው ሢልው ጀነቱል መዕዋ አለው ጅብሪልም ለማየት ፍቃድ ጠየቀ አላህ (ሡ.ወ)ም ፈቀደለት በሙሉ ክንፎቹ መብረር ጀመረ።

❶ክንፉ ሢዘረጋ ❸ ሺ ዐመት ይቆርጣል እጥፍ ሢሆን እንደዛው።

በንደዚ ሁኔታ ❸⓿⓿ ዐመት በረረ ያም ሆኖ ደከመው አረፍ ብሎ ስጁድ አድርጎ አላህ ሆይ ግማሿን ደረስኩ ወይስ ሩቧን ወይስ ሲሶዋን ?? ብሎ ጠየቀ አላህ(ሠ.ወ) ም ❸⓿⓿⓿ ዐመት ብትበር የሠጠሁክን ያክል ሀይል የሠጠሁክን ያክል ክንፍ እጥፍ ብሠጥህ አሁን የበረርከውን ያክል ብትበር የሙሐመድን(ሠ.ዐ.ወ) ዑመት የሠጠሁትን ስጦታ አንድ አስረኛውን አትደርስም !!!! አላሁ አክበር አላህ(ሡ.ወ) ምን ያክል ስጦታ አዘጋጀልን ለ ❷ ረካዐ ሡብሀነ አሏህ።ትክክለኛ ሠጋጆች አሏህ ያድርገን።😢🙏 @medinatube

ሙስሊሙ ተበድሎዋል ብሎ ካሚል ሸምሱ ፓርላማ ቡዋ አለልን ብለው እልልልል ሲሉ አየሁኝ።ታድያ ሙስሊሙን የበደላችሁት እኮ እናንተ ኢኽ ወሃብዮች በመሳርያ ታግዛችሁ ኡለማዎችን ከመጅሊስ ያባረራችሁ ግዜ ነው።ምን ይላሉ እነዚህ ወንበዴዎች፣ ሙስሊሙን የበደላችሁት ወሃብዮች ናችሁ @MEDINATUBE

Hamesi

ቡርዳውን ሳልለብሰው አይሽርም ሕመሜ!

ጌትዬ አድሎኝ የመዲናን አፈር የረገጥኩኝ ወቅት አብዛኛውን ጊዜ ቁባው ፊት ለፊት ቁጭ ብዬ ነበር የማሳልፈው። ዓይኔን ከደጉ ሰው ለአፍታ መለስ ሳደርግ ደግሞ እዛ የሚመጣውን የናፍቆት ታማሚ ሁኔታ እታዘባለሁ። በአንደኛው ቀን ታድያ አንዲት አካል ጉዳተኛ ልጅ የያዘች እናት ልጇ የተቀመጠበትን ተሽከርካሪ ወንበር እየገፋች መጣችና ከቁባው ፊት ለፊት በቅርብ ርቀት ቆመች። የልጇን ጭንቅላት እየደባበሰች ታነበንባለች፤ በድምጽ አልባ ለቅሶ ትንሰቀሰቃለች፤ መለስ ትልና እጆቿን አንዴ ወደ ሰማይ ከፍ፣ ደግሞም ወደ ቁባው አቅጣጫ ሰደድ ታደርጋለች። በነቢ በረካ ከጌታዋ ለልጇ መሻርን እየለመነች መሆኑን ሁለመናዋ ያሳብቃል። ሰይድ ቡሰይሪ በትልቁ ሰው ድራብ ከደዌ እንደተላቀቁት ልጇም ቆሞ እንዲራመድላት የነቢን ቡርዳ ከጅላ ለአንጀተ ቀጭኑ ነብይ የልቧን እየተነፈሰች ያለም ይመስላል። ሙሐመድ ነው ዓፍያዬ ሙሐመድ ነው ሺፋኤ እንዲል ሙንሺዱ! አዎን! አዋቂዎቹ፣ ሶለዋት መሻሪያ የሆነላቸው፣ የከበደውን ያገራላቸው፣ ፋኢዳው የዘለቃቸው፣ የላይ ገንዳን ግርዶ አብሮ የገለጠላቸው! "ሂርዜ መድኃኒቴ ማረፊያ ነሁ ላ‘ይኔ!" ብለው አንጎራጉረውላቸዋል።

ኢማም ቡሰይሪ ቀ.ሲ ሰውነታቸው አልታዘዝ አለ። ሽባ ሆነ። ታድያ የትልቁን ሰው ሥም ጠርቶ በተማፀነ እንደማይጨክን የሚያውቁት አላህ በዛ ሰበብ ቢያሽረኝ ብለው አንድ ግጥም ገጠሙ። ግጥሙ ኸልቁ ሁሉ የሚወዘወዝበት፣ የምንጊዜም ተወዳጁ፣ ረውዷው ላይ ተከትቦ የሚገኘው ቃሲዳህ አልቡርዳህ ነበር!
መውላዪ ሶሊ ወሰሊም ዳዒመን አበዳ ዓላ ሐቢቢከ ኸይሪል ኸልቂ ኩሊሂ!
አንድ ሌሊት በተኙበት ረሱሉሏህን ሰለሏሁ ዓለይሂ ወሰለም አዩ። ሰይዲም የጻፉትን ግጥም ያነቡ ዘንድ ነገሯቸው። ተደስተው ኖሮ ካባቸውን እያለበሷቸውም ነበር። መገን እድል!! ነብዬ የተደሰቱበት ሰው መሆንን እንዴት ያገኙታል?መሻኢኾቻችን "ሰይዲ አደራሁን ጣሉብኝ ጥላሁን?!" የሚሉት ለዚሁ ይሆን?
ታድያ ከዛ በኋላ ኢማም ቡሰይሪ ሲነቁ ሙሉ በሙሉ ከህመማቸው ተላቀው ነበር። ለ‘ኛም ሺፋዕም ሸፊዕም ይሁኑን! "ያረቢ ቢል ሙስጦፋ በሊጝ መቃሲደና" እንዳሉትም በሥማቸው ከሙራዳችን የምንገናኝ ያድርገን!
ያመመው ነው’ንጂ መድኃኒት የሚሻው፣
ያልለከፈውማ ይሄዳል እንዳሻው፣
ጌታዬ አሽረው ባሪያህን፣
ሃሳብ ለመሸከም አይችልም ትከሻው። ነውና ያሉት ቢጃሂ ሰይዲል ሙርሰሊን የተጨነቀው መኽሉቅ ይፈረጅ፣ የሕመም ድር ያደራበት ሙሒብ ሁላ ይሻር!

በወዳጆቹ መካከል የተከሰተው ነገር ታድያ ከመናምም ያለፈ ነበር። ኢማም ቡሰይሪ የነብዬን ቡርዳ ለማግኘት ታድለዋል። አካባቢው ከሚስክ በላይ አውዷል። ኢማሙ ይሄንን የቡርዳህ ግጥም ይፋ ሳያወጡት ለተወሰነ ጊዜ ቆይተው ነበር። ከእለታት በአንደኛው ግን ከቤታቸው ሲወጡ አንድ ዓቅል የራቀው የሚመስል ሰው ያገኛቸውና ስለ ነቢ ግጥም ቢጤ እንዲያሰሙት ይጠይቃቸዋል። እርሳቸውም ድንገት የመጡላቸውን የተወሰኑ ስንኞች ያካፍሉታል። የርሱ ፍላጎት ግን ሌላ ነበርና "አንድ ሌሊት ለረሱሉሏህ ያነበብከውን ነው የምፈልገው" አላቸው። ሚስጥሩ መታወቁን ያስተዋሉት ኢማሙ ታድያ ትልቁ ሰው ግጥሙ ይፋ እንዲወጣ መሻታቸውን ተገነዘቡና ዘንበል አድርገው ዓለሙን አጠጡት፤ የከውኑን ጥም አረኩት!
هو الحبيب الذي ترجى شفاعته
لكل هولٍ من الأهوال مقتحـــم

@MEDINATUBE
#ሶሉ_ዓለል_ሀቢብ!
አሏሁመ ሶሊ ወሰሊም ወባሪክ ዓላ ሰይዲና ወመውላና ሙሐመድ ወዓላ አሊሂ ወሶህቢሂ ወሰለም!💚💚💚

🕋 መላዒኮች #ሐጅ ያደረጉለት ታላቅ #ሰው፣

ለበይከላሁመ ለበይክ፣🕋

ለበይከ ላ ሸሪከ ለከ ለበይክ፣🕋

ኢነል ሀምዳ ወኒዕመታ ለከ ወልሙልክ፣🕋

ላ ሸሪከለክ፣🕋

አብደላህ ኢብን ሙባረክ (ረሒመሁላህ) ለሐጅ ጉዞ ላይ ሳሉ ኩፋ ውስጥ በመንገድ ላይ አንዲት ሴት ከቆሻሻ ቦታ ላይ የሞተች ዳክዬ ስትቆራርጥ ያዩና ቆም ብለው ያናግሯታል። "የሞተ ነገር ምን ልታደርጊው ነው ይህኮ ሐራም ነው።"ይሏታል እሷም"ለኔና ለቤተሰቦቼ ምግብ ለመስራት ነው ምንም የምንበላው ነገር በቤት ውስጥ የለንም እስቲ ዞርከፊቴ ዘወር በልልኝ" ትላቸዋለች በብስጭት፤

በሌላ ዘገባም እንዲህ ማለቷ ተዘግቧል ፦"ለምን ይህን በክት ትበያለሽ !?" ብለው ሲጠይቋት" እኔና ወንድሜ የምንቀይረው ልብስ እንኳን የለንም አንዲት ልብስ ብቻ ነው ያለን የምንበላውም ምንም ስለሌለን ከቆሻሻ ስፍራ እየለቃቀምን ነው የምንበላው ሌላ ምግብ እስከምናገኝ ይህ ለኛ የተፈቀደና ሐላል ነው። አባታችን ሀብታም ነበር ንብረቱን ተዘርፎ እሱም ተገደለ ምን አማራጭ አለን።" በማለት ትመልሳለች።

ኢብን ሙባረክ ጊዜ አልፈጁም ቤተሰቦቿ የት እንደሚኖሩ አጠያይቀው በቀጥታ መንገድ መሪ ይዘው ወደ ቤቷ አመሩ እንደደረሱም ለሐጅ ጉዞ የጫኑትን ሁሉ አራገፉ ወደ ሀገራቸው መረው ለመመለስ ብቻ የሚያበቃቸውን ጥቂት ንብረት ብቻ በመያዝ ሐጁን ትተው ወደ ኋላ ሀገራቸው ተመለሱ። ለቤተሰብና አብረዋቸው ላሉትም አሉ፦"ዘንድሮ እኛ ከሐጅ ስራው ይህ ይበልጥብናል፣" በማለት አሳወቋቸው ወደ ሀገራቸው ተመለሱ።

ሌሎች ጓደኞቻቸው ጉዟቸውን ጨራርሰው ከሐጅ ጉዞ ሲመለሱ ከዘየሯቸው በኋላ "እንዴት ነበር ሐጁ እያሉ ወግ ሊጀምሩ ሲሉ እሳቸው፦"እኔኮ ዘንድሮ ሐጅኮ አልሔድኩም ሰረዝኩት፣" አሏቸው። ጓደኞቻቸው ግራ በመጋባት መንፈስ ተያዩና ወዲያው አንደኛው "ምነው ከሚና ወደ አረፋ ስንጓዝ እንኳን የሀነ ዕቃዬን አንተ ጋር አስቀምጥልኝ ብዬ አልሰጠሁህም!?" አላቸው።

ሌላኛውም ቀበል አረገና "እንዴ! ከኔ ራሱኮ የሆነ ዕቃ ገዝተኸኛልኮ ረሳኸው!?" አላቸው። ኢብን ሙባረክ ግን ረገጥ አድርገው "እኔ ዘንድሮን ሐጅ አለማድረጌን ነው የማውቀው።" ሲሉ መለሱላቸው። ጓደኞቻቸው በጉዳዩ እየተገረሙ ተለያዩ።

የዛን ቀን ማታውኑ አብደላህ ኢብን ሙባረክ ህልም ያያሉ፦ድምፅ ወደሳቸው ይመጣል" አብደላህ ሆይ! እንኳን ደስ አለህ! ደስ ይበልህ! ባደረግከው በጎ ነገርና ሰደቃ ኢላህ ተደስቶብህ ተቀብሎኻል፣ ባንተ ቦታ ያንተን የሐጅ ስራ መላዒካ ከውኖልኻል፣" አላቸው የሰሙት ድምፅ።

@MEDINATUBE

የሀበሻ መሻኢኽ ፈርጦችን የማክበር በረካ ይስጠን

የነቢዩን መስጂድ ሃረም የሚገኘው "ሁጅራ" ቁልፍ ያዥ ኢትዮጵያዊ ማን ናቸው?

"ሼክ ኑሪ" እየተባሉ በቁልምጫ እና በስስት የሚጠሩት ኢትዮጵያዊ በሳዑዲ

************
ኢትዮጵያ እና እስልምና ያላቸው ቁርኝት እጅግ የቆየ፣ ታሪካዊ እና አሁን በሚታየው ብቻ የማይበየን ስለመሆኑ ብዙ ማሳያዎች አሉ።

የነቢዩ መሐመድ (ሰ.አ.ወ) አሳዳጊ ኡሙ አይመን፣ ቀዳሚው ሙአዚን ቢላል ኢብኑ ረባህ እንዲሁም በቅዱስ ቁርአን የተከበሩት እና የተወደሱት፤ ህይወታቸው ካለፈ በኋላም የመጀመሪያው የሙት ሰላት (ሰላተል ጋይብ) እንደተደረገለቸው የሚነገረው ፍትሃዊው ንጉሥ ነጃሺ " ንጉሥ አርማህ" ኢትዮጵያ እና እስልምና ስለመተሳሰራቸው ዋነኞዎቹ ማሳያ ሆነው ሊጠቀሱ ይችላሉ።

ታዲያ ዛሬ ይህን ጥልቅ እና ብዙ ምርምር የሚፈልግ ጉዳይ ለመዳሰስ ሳይሆን አንድ የዚህ ታሪክ ሰበዝ ለማንሳት ነው።

የሳብናት ሰበዝም በጥቂቱ የምታስዳስሰን አባት ነብዩ መሀመድ (ሰ.አ.ወ) “አትንኳት“ ካሏት እንዲሁም በጭንቅ እና በስቃይ ወቅት የእስልምና እምነት ተከታይ ወዳጆቻቸውን (ሶሃባዎችን) ከላኩባት የኢትየጵያ ምድር የተገኙ ናቸው።

በሳዑዲ ዓረቢያ "በቅዱስ" ከተማዋ መዲና ኑሮዋቸውን ያደረጉት እኚህ አባት በመዲና የሚገኘውን የነቢዩ መስጅድ ሃረም ከ50 ዓመት ባላይ አገልግለዋል።

ዓለም ከጫፍ እስከ ጫፍ ለጸሎት የሚያቀናበት በመዲናው የነቢዩ መስጅድ ሃረም ውስጥ የሚገኘውን ሁጅራ ተብሎ የሚጠራው የቀብር ቦታ ብቸኛው ቁልፍ ያዠ ናቸው።

የሳዑዲው ንጉሥን ጨምሮ ሙስሊም መሪዎች ወደ መዲና ለዚያራ (ጸሎት) መጥተው ዋናውን የቀብር በር የሚከፍቱላቸው እኚህ የተከበሩ ኢትዮጵያዊ አባት ናቸው።

በእስልምና ዕምነት ትልቅ ቦታ ከተሰጣቸው ኡሙ አይመንና ቢላል ሀገር የፈለቁት እኚህ ድንቅ ኢትዮጵያዊ ሼህ ኑረዲን መሀመድ አሊ ይባላሉ።

በአካባቢው ማህበረሰብ ተወዳጅ ከመሆናቸው የተነሳ በሙሉ ስማቸው አይጠሩም። "ሼክ ኑሪ"እየተባሉ በቁልምጫ እንደሚጠሩ የታሪክ ተመራማሪው ፕሮፌሰር አደም ካሚል ይገልጻሉ።

ሼክ ኑሪ በበርካታ ሀገራት በተለይም የሙስሊም ሀገራት ጉብኝት እንዲያደርጉ ተደጋጋሚ መንግሥታዊ ግብዣ ቢደረግላቸውም ስራቸው ፋታ የማይሰጥ በመሆኑ የተወሰኑትን ብቻ ተቀብለው ሀገራትን ጎብኝተዋል።

ፓኪስታን፣ ሞሮኮ፣ ኢንዶኔዥያ፣ ኦማን እንዲሁም ዮርዳኖስ በሼክ ኑሪ ከተጎበኙ ሀገራት መካከል ይገኙበታል።

ወደ ሀገራቱ ሲያቀኑ ከአየር መንገድ ጀምሮ ደማቅ አቀባበል ይደረግላቸዋል። የሀገራቱ ሚድያዎችም ትኩረት በከፍተኛ ደረጃ ይስባሉ።

በቅርቡ የተጓዙባት ፓኪስታን ሚድያዎች የሼክ ኑሪን ወደ ሀገራቸው መግባት፤ "በሰበር ዜና" ጭምር ሽፋን መስጠታቸው ትልቅ ማሳያ ነው።

በእርግጥ ሼህ ኑሪ በተለያዩ ጊዜዎች ወደተለያዩ ሀገራት ያደረጏቸው ጉብኝቶች እንዳሉ ይታወቃል::

ሼህ ኑሪ መሀመድ አህመድ አሊ በአውሮፓውያኑ 2015 በሁለቱ "ቅዱስ" ቦታዎች ሃላፊ የመካው መከተል ሙከረማ ሀረም መስጅድ ዋና ኢማም ሼህ አብድረህማን ሱደይስ "የእድሜ ዘመን" ልዩ ተሸላሚ ለመሆን በቅተዋል።

አሁን እርጅና የተጫነው የነቢዩን መስጂድ ሃረም የሚገኘው "ሁጅራ" ቁልፍ ያዥ ኢትዮጵያዊ አልፎ አልፎ ወደ ሀገራቸው ይመጣሉ።

"እኚህ የተከበሩ አባት ወደ ሀገራቸው ሲመጡ ቢያንስ በኢትዮጵያ እስልምና ጉዳዮች ጠቅላይ ምክር ቤት (መጅሊስ) ደረጃ እንኳን አቀባበል አለመደረጉ አሳዛኝ ነው" ሲሉ የታሪክ ተመራማሪው ፕሮፌሰር አደም ካሚል በአንድ ወቅት ባደረጉት ቃለ ምልልስ ገልጸው ነበር።

ጊዜው እንዳልረፈደ ያነሱት የታሪክ ተመራማሪው እኚህን ታላቅ ኢትዮጵያዊ የሚዘክር እስላማዊ ሙዚየም ቢገነባ እንደ ሀገርም ተጠቀሚ መሆን የሚቻልባቸው ሁኔታዎች መኖራቸውን ጠቁመዋል።
@medinatube
በአብዱልአዚዝ ዩሱፍ
ምንጭ
ከኢትዮጵያ ብሮድካስት ካርፖሬት Ebc

እንኳን ለ 1445ኛው የዒደል አድሐ በዓል በሰላም አደረሰን አደረሳችሁ!

#መዲና||ቲዩብ
@MEDINA_TUBE
@medinatube

ሀጂዬ እንኳን ለዐረፋ በዓል በሰላም አደረስዎ።እድሜዎ ይርዘም አባቴ!!! @medinatube

አንድ የዕድሜ ባለፀጋ አልጄሪያዊ ሀጃጅ በሞት ያጡትን አባታቸውን የሚመስል ሌላ ሀጃጅ ስላዩ ወደ እሱ ሄዱ ሳሙት እና ማልቀስ ጀመሩ,,,,,,,,
በሞት ያጣቸውን አባት በጣም ከመመሳሰላቸው ስሜታቸውን መቆጣጠር ስላልቻሉ ራቅ ብለው ተመለከቱና ማልቀስ ጀመሩ።
@medinatube

አሏህ ለሉት የረሱል ሶለሏሁ አለይሂ ወሰለም ሙሂቦች ረጅም ሃያትትት ወደዛኛው ዓለም ለተሻገሩት ደሞ የአሏህ እዝናት በነሱ ላይ ይሁን #HAMESI MUBARAK @MEDINATUBE

🪞በአንድ ወቅት ኢማሙ አቡ ሐኒፋ ሰላተል ጀናዛ ለመስገድ ወደ አንድ ቦታ ይሄዳሉ። የዛን ቀን ፀሐዩ እጅግ ያቃጥል ነበር፤ ፀሐዩን የሚከልል መጠለያ ጥላ'ም አልነበረም! ከአንድ አቅራቢያ ቤት ጥላ በስተቀር። ኢማሙ ሀይለኛ ፀሐይ ውስጥ መቆማቸው ያሳሰባቸው ሰዎች:
"ያ ኢማም ከፀሐዩ ዘወር ብለው ለምንድነው ጥላው ላይ የማይሆኑት?" አሏቸው።

ኢማሙ'ም: "አይሆንም! የዚህ ቤት ባለቤት ከእኔ ብድር ተበድሮኝ ነበር፤ ምንአልባት የቤቱ ጥላ ላይ መቆሜና ጥቅም ማግኘቴ ባበደርኩት ላይ ወለድ ለማግኘት እንዳይሆንብኝ እሰጋለሁ!" በማለት መልሰውላቸው ፀሐዩ ውስጥ መቆማቸውን ቀጠሉበት!

አጂብብብ...
የሚገርም እኮ ነው!
ምን አይነት ኢማን ነው?
ምን አይነት ተቅዋ ነው?

@medinatube

የሀድራዉ ሚንስቴር ሸኽ ሰይድ ጫሌ በህይወት እያሉ በርካታ ኡለሞች የሞቱበት አመት ነበር:: እስከ 300 ተቆጥረዋል ያ አመት የሞት አመት እስከ መባል ደርሶዋል ከሞቱትም መካከል የኦዳዉ ሸይኽ ሰይድ አብዱልዋሀብ ኢብኑ ሸይኽ አብዱልጀሊል ሸይኽ እና ሸኽ ኡስማን (የቂሊጦሸኽ)ይጠቅሳሉ እናም የኔ ጫልዬ.ኡለሞች ሁሉ ተጠሩና ሄዱ እኔ.ግን ቀረሁኝ::ምክንያቱም( ጃሂል)ስለሆንኩኝ..አሉ
መገን እሳቸዉ መገን🙌
@mediantube

እነሱ ለኛ ሲሉ ብዙ ነገር ሆነዋል እኛ እነሱ ላይ ሰለዋት ለማውረድ እንሳሳለን
ሰሉ አለን ነቢ😍😍😍😍
selu alen nebi❤️❤️❤️
سالو ألان نبي🥰🥰🥰
@medinatube

♦️ሠይዳ ዘቡራ❪ቀደሠሏሁ ሲረሀ❫♦️

የጫሌ ሸይኽ የሆኑት የሸይኽ ሠይድ ኢብራሂም እናት እጅጉን ውብ፤ ብዙሀን ያላወቃቸው ከእውቀት ሊቆች መካከል የነበሩ ድንቅ እንስት ነበሩ።  በተለምዶ የምናውቀው የኢማም አቡ ሀሚድ አል-ጘዛሊይ ኪታብ ❪ኢህያእ ዑሉሙ ዲን❫ በቃላቸው የሀፈዙ፤ በዒልማቸው እጅጉን የከፈፉ እንስት( ቀደሠሏሁ ሲረሀ)

አንድ ወቅት ላይ ነው ይባላል ወንዝ ወርደው ልብስ በማጠብ ላይ ሳሉ ሁለት ደረሶች ወንዙን ሲያቋርጡ በጎን መልከት አረጓቸውና በውበታቸው ይደመማሉ። ያልሰሟቸው መስለው ኖሯል፦

{وزيناها للناظرين}
[ለተመልካች ውብ አረግናት]

የሚለውን የቁርዐን አንቀፅ ወርወር አረጉ አንቀፁ የሠማይን ውበት ለመግለፅ ተፈልጎበት ቢሆንም የእመቤቲቱን ውበት ለማድነቅ መዋሳቸው መሆኑ ነው። መገን አህሉል በላጋ😂 እንስቲቱም የዋዛ አልነበሩም ቀጠሉና፦

{وحفظناها من كل الشيطان الرجيم}
[ከተረገመው ሠይጣን ሁሉ ጠበቅናት]
የሚለውን አንቀፅ በአፀፋ መለሡ ..ይህን ውበት የሠጠው አሏህ ነውና አትሳሳቱብኝ ማለታቸው ነው ያን ግዜ ..
ደረሶቹ ተራ የገጠር ኮረዳ አርገው ያሰቧት እንስት የነርሱን የረቀቀ ቅኔ መረዳቷ አስደንግጧቸው ከአካባቢው ፈጥነው ሸሹ።

ቀደሠሏሁ ሲረሀ
https://www.tgoop.com/MedinaTube

የኔ ባለውለታ

በጊዜያችን የአሻዒራና ማቱሪዲያ(ሱፊያ) መንገድን ለማስጠበቅ አሉባልታ፣ ፍርሀት ሳይበግረው እንደ #ሸይኹል_ሀረሪይ የተጋ የት አለ?
–
ለስማቸው መጉደፍ፣ ለቅጥፈቶች መደራረብ፣ ለክብራቸው መነካት ሳይታገሉ ለአሏህ ዲን ራሳቸውን መስእዋትነት ከፍለው ታገሉ። የጀግኖች ተምሳሌት ያልናቸውም ለዚህ ነው!
–
በሁለት ሀገር የሚበጀውን፣ አሏህ ዘንድ የሚያስወድደውን፣ አንገብጋቢውን ከአስፈላጊው በማስቀደም ኡማውን የኢስላምን ስር መሰረት በማስያዝ ለኡማው ትልቅ ውለታ የዋሉ የአሏህ ወዳጅ ናቸው!

ሸይኼ❤

ረዲያላሁ ዐንሁ ዋ ረሂማሁሏህ!
@medinatube

✅✅✅ሁረልዒይን✅✅✅
ሁረልዒይን ማለት ምን ማለት ነው??

፨ ሁረልዒይን ማለት እጅግ ውብ የሆኑና አላህ(ሱወ) ለወንድ ምእመናን በጀነት ያዘጋጃቸው ንፁህ እንስቶች ናቸው።

፨ ሁረልዒይን ማለት:–
- ድንግል ሴቶች፣
- እይታቸውን ከሀራም የጠበቁ፣
- አይናቸው በጣም ቆንጆ የሆነ፣
- ሰውና ጅን ነክቷቸው የማያውቅ፣
- የወር አበባና ፅዳጅ የሌለባቸው፣
- ልጅ የማይወልዱ፣
- እርጅና የማይነካቸው ሁሌም ልጃገረድ የሆኑ እንስቶች ናቸው!!!
ክፍል ሁለት
ሁረልዒይኖች በቁርአን መነፅር
የሰው ልጅ በምድራዊ ህይወቱ ከሚያልማቸው ታላላቅ ወርቃማ ምኞቶች መካከል ዋናው አላህን (ሱወ) አስደስቶ ዘላለማዊ መኖሪያውን ጀነትን መጎናፀፍ ነው።
ከጀነት እፁብ ድንቅ ስጦታዎች መካከል ደግሞ ሁረልዒኖች ይገኛሉ!! ቁርአን ስለ ሁረልዒኖች ምን ይላል??

፨ኢንሻአሏህ የተወሰኑትን እንመለከታለን
1) በቅድሚያ የምናየው በሱረቱል ዋቂዓ አንቀፅ 22–23 ላይ የተጠቀሰውን የሁረልዒኖችን የቁንጅናቸውን ዜና ነው። [وحر عين♠كأمثال الؤلؤ المكنون♠]
{አይናቸው ሰፋፊና ቆንጆ የሆኑ እንስቶች ♠ልክ የተሸፈነ ሉል ይመስላሉ።}
አስሰዕድይ የተባሉት የቁርአን ተንታኝ ከላይ የተጠቀሰውን የቁርአን አንቀፅ ሲያብራሩ:–

© ሀውራ(حور)=ማለት አይኗ በጣም የሚያበራ፣ የተኳለች ሴት ማለት ሲሆን፣

©ዒይን(عين)=ቆንጆ እና ትልቅ አይን ማለት ነው ብለዋል እንዲሁም።

© የተሸፈነሉል(Preserved Pearls) (كامثال لؤلؤ المكنون) የሚለው ደግሞ ከሰው ልጅ፣ ከነፋስ እና ከፀሀይ እይታ የተጠበቁ በመሆናቸው ንጹህና አንፀባራቂ ናቸው።
የቆዳ ቀለማቸውም በጣም ቆንጆ ከመሆኑ የተነሳ በምታያቸው ሰአት ውበታቸው እየፈካና እየጨመረ ይሄዳል።( አስ–ሰዕድይ ገፅ፣991)

2) በመቀጠል በሱረቱል ዋቂዓ ከ35–37 ፈጣሪያችን አላህ ሁረልዒኖች በልዩ ሁኔታ የተፈጠሩ የፍቅር ተምሳሌቶች መሆናቸውን ሲገልፅ እንዲህ ይላል:–
[إنا انشاناهن إنشاء♠فجعلناهن أبكارا♠عربا أترابا♠]{
♦ልዩ በሆነ ሁኔታ ፈጠርናቸው

♦ደናግላን አደረግናቸው

♦(ባሎቻቸውን ብቻ )የሚያፈቅሩና ተመሳሳይ እድሜ ላይያሉ}
=> ኢማም ኢብን ከሲር በተፍሲር ኪታባቸው (4/294) ሲገልፁ:–
© ዑሩበን( عربا/Loving) =የሚለውን ታላቁ የቁርአን ሊቅ ኢብኑ አባስ ሲያብራሩ:– "ባሎቻቸውን የሚያፈቅሩ፣ እንዲሁም ባሎቻቸው የሚያፈቅሯቸው ማለት ነው።" ሲሉ
© አትራባ(اترابا/EqualAge) =የሚለውን ደግሞ ተመሳሳይ የእድሜ ክልል ወይም 33 አመት ላይ ያሉ በማለት አብራርተዋል።

© በተጨማሪም ሰዕድይ "አትራባ" ማለት ባህሪያቸውና ተፈጥሯቸው ተመሳሳይ የሆኑ፣ የማይበሳጩና የማይቀኑ ፣ እንዲሁም ከሌሎች የባሎቻቸው ሚስቶች ጋር ጥላቻና ጥል የሌለባቸው ናቸው ማለት ነው ብለዋል።

© ታላቁ የሐዲስ ሊቅ ኢብኑሀጀር በኪታባቸው(V.8/626) ሙጃሂድን ዋቢ በማድረግ "ዑሩበን አትራባ" ማለት "በባሎቻቸው የተከበሩና የተወደዱ" ማለት ነው ብለዋል።

3) በሱረቱ አረህማን ቁጥር 58 ላይ የተጠቀሰው የሁረልዒኖች ውበት እጅግ እፁብ ድንቅ ነው።
ሀያሉ አምላካችንአላህ(ሱወ) ውበታቸውን እንደሚከተለው ይገልፀዋል:– [كأنهن الياقوتوالمرجان]
{ውበታቸው ልክ አልማዝና ዛጎል ይመስላል}
Inbeauty they are like rubbies and coral

©ኢማም ጦበሪ የተሰኙት የቁርአን ተንታኝ ከላይ የቀረበውን አንቀፅ ኢብን ዘይድን ጠቅሰው:–
"እንደ አልማዝ ጥርት ያሉ፣እንደ ዛጎል ንፁህ የሆኑ ማለት ነው ብለዋል። "(ጦበሪ V.27/152)

1️⃣አላህ(ሱወ) ሁረልዒኖች ውስጣዊና ውጫዊ ውበትን በሚያስደንቅ መልኩ የተጎናጸፉ መሆናቸውን ሲገልፅ:–
[فيهن خيرات حسان] {በውስጣቸው አመለ ሸጋ ውብ እንስቶች አሉ።} (ሱረቱ–አረህማን፣70)
@ ታላቁ ሙሁር ኢብነልቀይም ከላይ የቀረበውን የቁርአን አንቀፅ ሲተነትኑ፣
@"ኸይራት" የሚለው ቃል መሰረቱ "ኸይራህ" ሲሆን ትርጉሙም ሁሉንም ውስጣዊና ውጫዊ የውበት መገለጫዎች አጠቃላ የያዘች እንስት ማለት ነው።
ተክለ ሰውነቷና ውበቷ እጅግ ቆንጆ የሆነ ማለት ነው።ብለዋል።"(ረውዶቱልሙሂቢን፣243)

2️⃣አላህ(ሱወ) ሁረልዒኖች እጅግ ንፁህ ሚስቶች መሆናቸውን ሲናገር:–
[ولهمفيها أزواج مطهرة وهم فيها خاليدون}
{ለነሱም በውስጧ ንፁህ የሆኑ ሚስቶች አሏቸው።እነሱም በውስጧ ዘውታሪዎች ናቸው።} በቀራ–25
@ አሁንም ኢብነልቀይም የቁርአን አንቀፁን ሲተነትኑ:–
@አላህ "ሙጦሀሩን" (ንፁህ/ጽዱ) ሲል የገለፃቸው ከዱኒያ ሴቶች በተለየ ከወር አበባ ፣ከሽንት ፣ከሰገራና ከሌሎች ፈሳሽ ነገሮች የፀዱ በመሆናቸው ነው።
@እንዲሁም ልቦቻቸው ከምቀኝነት፣ባሎቻቸውን ከማበሳጨትና ሌሎች ወንዶችን ከመመኘትና ከመፈለግ የተጠበበቁ ስለሆኑ ነው። (ረውዶቱል ሙሂቢን፣243–244)

3️⃣ሌላው እጅግ አስደናቂው የሁረልዒኖች መለያ ባህሪ የእይታ ክልላቸው ወይም ወሰናቸው ባሎቻቸው ብቻ ሲሆኑ ወይም አይኖቻቸው ፈፅሞ የማይቃብዙና እይታዎቻቸው በባሎቻቸው ላይ ያጠሩ መሆናቸው ነው።
[فيهن قاصرت الطرف لم يطمسهن إنس ق بلهم ولاجآن] {በውስጣቸው አይኖቻቸው በባሎቻቸው ላይ ያጠሩና ከባሎቻቸው በፊት ሰውም ይሁን ጅን ያልነካቸው(ንፁህ እንስቶች) አሉ።} (ሱረቱ–አረህማን፣56)
[حور مقصورات في الخيام] {በድንኳኖቻቸው ውስጥ የታጠሩ(የተጨጎሉ ውብ እንስቶች) ናቸው።} ሱረቱ–አረህማን፣72
@ኢብነልቀይም(ረሂመሁሏህ) ከላይ የቀረቡትን የቁርአን አንቀፆች ረውዶቱል ሙሂቢን በተባለው መፅሀፋቸው ገፅ 244 ላይ ሲያብራሩ:–
@"መቅሱራቱን ፊልኺያም" ማለት ከባሎቻቸው ውጭ ፈፅሞ ራሳቸውን ለእይታ(ኢግዚብሺን) የማያቀርቡ፣ ከቤታቸው የማይወጡና ፈፅሞ ከባላቸው ውጭ ሌላ ወንድም የማይፈልጉ ማለት ነው።
@"ቃሲራቱ ጦርፍ"(Restraining their glances) ማለት ፍቅሯም ፣ እይታዋም ሁሌም ባሏ ላይ ብቻ ያተኮረ ነው።

፨ከርሱውጭ ፈፅሞ ሌላን ወንድ አትፈልግም ፣ አትመለከትም የሚል ትርጉም ይዟል።" ብለዋል።
==== ስለሁረልዒን የመጨረሻው ክፍል===== _አሰላሙዐለይኩም ወረህመቱላሂ ወበረካቱህ የተከበራችሁ ውድ እህቶቼ ባለፈው የትምህርት ፕሮግራማችን በ3 ተከታታይ ክፍሎች ቁርአን በሁረልዒኖች ዙሪያ ያስቀመጣቸውን መረጃዎች አቅርበናል።
ክፍል አራት
ሁረልዒኖች በነብያዊ ሀዲስ እይታ

፨ስለሁረልዒኖች እጅግ ብዙ ሀዲሶች በተለያዩ የሐዲስ ጥራዞች የተላለፉ ቢሆንም ለዛሬ ማቅረብ የፈለኩት በቡኻሪና ሙስሊም ላይ የተጠቀሱትን ብቻ ነው።_

1️⃣ አቡሁረይራ(ረዐ) ባስተላለፉት ሐዲስ ነብዩ(ሰዐወ):–
፨ "መጀመሪያ ጀነት የሚገቡ ሰዎች(ጀመዓዎች) ውበታቸው ሙሉ ጨረቃ ይመስላሉ።

፨ ከነሱ ቀጣዮቹ ደግሞ በሰማይ ላይ ያለ አብሪ ኮከብ ይመስላሉ።

፨ ልባቸው ተመሳሳይ/አንድ ከመሆኑ የተነሳ በመካከላቸው ምንም አይነት ጥላቻና ቅናት የለባቸም።

፨ እያንዳንዱ (ጀነት የሚገባ)ሰው ከሁረልዒኖች ሁለት ሚስቶች ይኖሩታል።
@medinatube