قصائد مولد رسول الله وصادق العترة صلوات الله عليهم والشهيد الصدر (رض) مع الألحان فقط أضغط على أسم القصيدة 👇👇

1.قصيدة ((ياشيعي ابتشر))

2.هوسات ((جعفر الصادق ع))

3.هوسات ((الصدر المقدس))

4.قريض + هوسات ((سيد الكائنات))

5.قصيدة منصة ((دنيا بلا محمد))

6.ابوذية + زهيري ((حبيب الله))

7.قصيدة . ((اليوم نور احمد))

8.هوسات ((مولد صادق العترة))

9.هوسات بدوية ((وبحبكم طابت دنيانه))

10. قصيدة ((الليلة افراح وسرور))

11.زهيري (( لرسول الحب))

12.قصيدة منصة ((رسول الأنسانية))

13. زهيري جديد ((آيات النبي))

14.هوسات ((للنبي والصادق عليهم السلام))

15. هوسات ((لمولانا الشهيد الصدر قدس))




أسألكم الدعاء خويدمكم #الشاعر_الميرزا_محمد_الساعدي

هلا هلا هلا هلا .. بحضرت نبينه
هلا هلا هلا هلا .. بحضرت نبينه
=======================
يا هلا بنور الجلاله انگولها السان وگلب..
ياهلا ياهلا
يارسول الله حبك خير من ربك يـصـب..
ياهلا ياهلا
ياجمال الخالق انته عشگك الروحي يطب
ياهلا ياهلا

هلا ياتـاج الـسـيـاده هلا يا نِـعم القياده
هلا بدستور السعاده يا هلا يا هلا

هلا هلا هلا هلا .. لـيـك انتـميـنه
هلا هلا هلا هلا .. بحضرت نبينه
=======================
اليوم سجدة شكر ناذر شكراً الرب السمه..
ياهلا ياهلا
بهالولادة الأحمديه الـنـاس كلـهـا هـايـمه..
ياهلا ياهلا
واللي ما يعشگ محمد هذا بعيونه العِمه..
ياهلا ياهلا

هـاي فـرحـه هاشـميه منولد خير البريه
صيحوا ها يالرافضيه يا هلا يا هلا

هلا هلا هلا هلا .. ضـوّه المدينه
هلا هلا هلا هلا .. بحضرت نبينه
=======================
يله طشوا الزينه فرحوا اسلامنه خل ينتشر..
ياهلا ياهلا
گلب كلـمن عـاده احمد بالحزن خـل ينـغـمر..
ياهلا ياهلا
مـولـد الهادي يـوآدم تـره فـرحـه مـن العـمر..
ياهلا ياهلا

هـنـوا آيـات الإمـامه الليله محله الأبتسام
والفرح يحله المقامه يا هلا يا هلا

هلا هلا هلا هلا .. ترسـوها زيـنه
هلا هلا هلا هلا .. بحضرت نبينه
=======================
مبتهج عرش الله حتى الصادق اليوم انولد..
ياهلا ياهلا
بالأمين الدين يزهي وهـالفرح طـير السـعد..
ياهلا ياهلا
كل مـحب للهادي صـرّح غـرد الليله ونـشـد..
ياهلا ياهلا

ياهلا بعزنه وفخرنه هلا يا منقذنا كلنه
عـيد يـامـولاي الـنـه يا هلا يا هلا

هلا هلا هلا هلا .. بوحيّه وأمينه
هلا هلا هلا هلا .. بحضرت نبينه
=======================
أقسم بشيبة الحمد وقل هو انحبك صدگ..
ياهلا ياهلا
بجعفر وصـدر الحقيقة كـربلائي هـالعشگ..
ياهلا ياهلا
شكراً الربي عليكم گلبي فـي حبكـم يـدگ..
ياهلا ياهلا

يا هلا براعي الشفاعه آنه اواليك بقناعه
فاتـح اگليبـي شـراعه يا هلا يا هلا

هلا هلا هلا هلا .. زايـد حـنـيـنـه
هلا هلا هلا هلا .. بحضرت نبينه
=======================
17/9/2024 يوم الثلاثاء
13/ ربيع الاول 1446 هـ
#الشاعر_الميرزا_محمد_الساعدي

للاستماع للحن القصيدة (أضغط هناا)

هلا بحضرت نبينه

#الشاعر_الميرزا_محمد_الساعدي

أبكيتنا والله

إنا لله وإنا إليه راجعون
مع الحسين ع وأصحاب الحسين ع

قصائد شهادة مولاتي فاطمة ع مع الألحان فقط أضغط على اسم القصيدة 👇👇👇


1.قصيدة فزاعية (عظم الله لك الأجر علي)

2.قصيدة رئيسية (كسروا للزهره ظلع عاجل)

3.قصيدة فزاعية ( آه واويلاه ماتت فاطمه)

4.قصيدة نـزلـــة ( فـاطـمـه مـولاتــي )

5.قصيدة رئيسية (يـذبـحـنـي الـفـراگ)

6.قصيدة شور (ويلاه ويلاه يالهادي ويلاه)

7.نعي لــلأم (يمه مكبرتنه اتخون)

8.قصيدة نزلة (يـا فاطمه يافاطمه)

9.قصيدة رئيسية ( يا زهرة الكواكب )

10.قصيدة رئيسية (من عـالمـچ ألـيـة)

11.قصيدة گعدية (ردت ام الحسن ترضا عليه)

12.قصيدة رئيسية (ناذر مولاتي يافاطمة)

13.قصيدة رئيسية (يازهراء يادخيل اعيونچ)

14.ابو ذيات (بمجالس فاطمه هالبدن تربه)

15. قصيدة رئيسية (يزهراء فاطمة)

16.قصيدة ثلاث دگات (كلمن كسر بالباب)

17.قصيدة رئيسية (دافع هالباب فاسق كذاب)

18.قصيدة رئيسية (مرتين شفت انه عاشر)

19.قصيدة گعدية (فاطم قتلتها الاحزاب)

20. قصيدة فصحى (حيرى يا إمامي)

21.قصيدة رئيسية (امي ياشمس الأمان)

22.قصيدة فتحة عزاء ( يازهراء يازهراء)

23.قصيدة نزلة (الزهره تحضرها المجالس)

24.قصيدة رئيسية (من غربت هالدار)

25.قصيدة جديدة. (صحيفة موت واخطار)

26.قصيدة جديدة (طاريچ يا بعد العمر)

27.قصيدة اهوازية (كون بكسرتچ موجود)

28.فتحة عزاء أو نزله (فاطمة يزهراء)

29.قصيدة رئيسية (سلسبيل الحيات)

30.نعي للزهراء (ام المحنّه شلون بيها)

31.قصيدة موشح (فاطمه حبچ سكن وجداني)


أسال من الله التوفيق وقبول الأعمال

#مولد_مولاتي_زينب_ع



سما أدبُ العلياءِ حتى قُل غدى
بينَ النجومِ بل ارتقى أحقابا
نورُ البتولِ بزينبٍ صاغ ٱسمها
وندى الحبيبِ لمن أحبَ شرابا



يا تاريخ حافل بانتصارات
يسر المصطفى الدوحه العليه
يطف امن الحكم عدلت مسارات
زينب بالطفوف الغاضريه
ياتلميذ حيدر حبچ ادروع
نهج ثابت غصب عالناصبيه
محاچيچ لحد اليوم تنگال
الديوان افتخر  بالهاشميه
دخلتي بس دخولچ چان قرأن
ما همچ جلوس ابن الدعيه
حسين الدين لن تمحوه هيهات
  چلماتچ دوت صارت قضيه
انتي ابلا منازع شرف مرسوم
على راية الدين الأحمديه
يادر ياذهب ياعشگ الحسين
ثلث تنعام من بنت الزچيه


(وبزينب مگضيه الحاجه)
================================

كلما يدخل يشاهد علي عد فاطم خليل
ايگلهه أنّا لكي هذا اتگله من ربٍ جليل
طلعت اتوصي الزچيه بزينب وعندي الدليل

علي يدخل عليهه بيوم جابتهه
يلگاهه توصي الحره بخوتهه
زينب عفة الله الكعبه غبطتهه

(وبراس حسين اتوصيهه)
================================
#الشاعر_الميرزا_محمد_الساعدي
8/12/2021. الأربعاء

عبد زينب انه والهوه  جنّه
وحبچ من لهيب النار  جُنه

يعشگ الما أمل منه
نهجچ صار الي سُنه
شگد السولفوا عنه
عشگت امن اذكرچ ونه

ربچ نزلچ للمحب   جنه
يعطر الله الذي بالغاضريه
=====================================
#الشاعر_الميرزا_محمد_الساعدي
8/12/2021  الاربعاء

شور لحن (( خبر للمخيم))

مولاتي الحوراء ع تشتكي لأبويها واخويها ما جرى على أمها المحنية فاطمة سيدة نساء العالمين ع فتقول


تشتكي لابيها 👇


أجت محنة آلام بـدت محـنة اضلوع
يوسفه امي فاطم گلب منها مشلوع
علي الليله مينام علي الليـله محروگ
گضاه ليله ءآهـات ينشّـف بـالدمـوع

عايش لكن ياوضع....عايش هم ما ينجرع
والدم سايل.. بويه.. بويه.

حرگوا باب ام الحسن....دمعه ولچمات ومحن
ظهرك مايل.. بويه.. بويه.

ألله ايساعدك حامي الحمية
هـاي اللـيلـه محنـية الزچيـة
چبيره يا أبو حـسين الرزيـة..

يا علي يابويه
=====================
تشتكي لأمها 👇

بـعـد دفعة الباب سگط محسـن الآل
تغـيـر بـعـد فـگـد ابـو فـاطـمة الحال
وحگ خـالـق السبعه ياناس عصابات
نذلـهـم عـلـنـها (وإن) بـت نـبـي گـال

تنحب املاك السمه .... يمه ولجلچ لاطمه
يا ضي عيني.. يمه.. يمه.

بيت احزانچ والنبي....عگبچ طب بيه اجنبي
گرّب بيني.. يمه.. يمه.

بعد فگدچ يليلي عيب انامه
أمـنيتـي تـرديـلـي بـسـلامـه
وسفه اتضيع منچ لبتسامه...

يازهره يايمه
=====================
تشتكي لأخيها الحسن ع 👇

حـرت ياهـوى الهاب حـرت بيـن الأمرين
شفت كـربله هناك شـفت خـويـه شمرين
أويــلاه سـمـعـت الـحـبـيـبـه تـصــيـح آه
شخص دافع الباب شخص ضارب العين

حرت چاشنهي العمل....يخويه ومحسن نزل
عينك شافت.. خويه.. خويه.

صحت بويه ياعلي .... يحيدر ألحگ الي
روحك ماتت.. خويه.. خويه.

گعدنا ومـاكو زهـرتنا الحنـينه
بعد ياهو بحضن دافي يجينه
يخويه وما أظـن ترجـع علينه ....

ياحسن ياخويه
=====================
تشتكي لاخيها الحسين ع 👇

وصيتها چانت لطم عـالـوجـنتين
يتامه نعـيش الـعـمر كله يحسين
مثل كسرة امي غـداً تنـكسر راح
يخويه برضيعك يذبحونّه مرتين

أجت أيام السفر .... بدت مرحلة الخطر
گوم احچيلك.. خويه.. خويه.

غداً گالت ننسبي ....يويلي اتظل بس عبي
ينهد حيلك.. خويه.. خويه

يحيلي بكربله اتحين النهاية
علويات بـس نصـبح سبايـة
يروحي وهذا مضمون الحكاية

ياحسين ياخويه
=====================
21/10/2024 يوم الأثنين
17/ربيع الاخر 1446 هـ
#الشاعر_الميرزا_محمد_الساعدي

للاستماع للحن القصيدة ((اضغط هناا))

محنة الآم_ لحن_ خبر للمخيم

#الشاعر_الميرزا_محمد_الساعدي

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://www.tgoop.com/+PZwpTt2HLXcvUQZh

------------------------------------------------------