• مِن ينذكر الشَخص الصح
هيَّ الوحيدة إللي تجي ببَالي،
من تنذكر الشغلات الزينة والحَسنة هيَّ تجي ببالي،
من أشوف اقتباس عَ الأتكَاء أو أقتباس عَ السَمار هيَّ تجي ببالي
" هيَّ الصدفة الحلوة والصَح "
هيَّ نتيجة دَعوة ليصيبني الخير
فَ صابني ع هَيئة وَجودها بحَياتي 💙.
2024/3/17🎆.

•هيَّ الصَاحب الصح والصَاحب الزين والصَاحب الناجح والصَاحب المُبدع هيَّ كُل صفات الأصحَاب💙.

• مَلف مَهام يتضَمن 30 يوم
سَويتة بفترة قديمة 🤍.
وترتيبة حلو ويفتح النَفس
تگدرون تكتبون بي مَهامكُم
وتشوفون كل 30 يوم شنو خَلصتوا
يفيد الطلاب وخصوصًا السَوادس حَبايب✨.

كٌل المَتاعب أجورٌ عِند اللّٰـه
⋆ ☆ ⟡ 2024:3:20⋆ ☆ ⟡.

عسىٰ إن تتفق مشيئة اللّٰـه مع مَشيئتي هذهِ المرّه
وإن يكون مُرادي هوَّ نفسه قدري..

⋆

گاعدة علىٰ السَجادة
وَ نسمات هوىٰ الفجرية وصوت العصافير، وصوت خَافت من البلازمة " دُعاء الصَباح " وجَو بارد ورَطب، رَاودتني لَحظة أدراك عَظيمة، <عظمة وِجود اللّٰـه> شگد شيء واو وچبير ويخَبل وكلشي حلو وأكثر من أي وَصف!
مَوجود بكُل وقت وشوكت مَنريد
عدنا كتاب بي كَلامة نفتحة شوكت مَنريد، الشعور إللي يصيبنا من نصلي ونستذكرة، هوَّ أعرف هيَّ شغلات الكُل يعرفها بَس مو الكُل داركَها والكُل عَ خُطاها، لحظة أدراك حلوة حَسستني بشعور حلو حَيل، شگد مقصرين وشگد كل إللي نسوي قليل جدًا مُقارنةً بكُل عَطاءه إلنا إللي بلا سَبب أو سَبب!

للّٰـه الحَمد ، اليوم وباچر وبكُل يوم💙.

﴿ قالَ رَبُّكَ هُوَ عَلَيَّ هَيِّنٌ﴾ .

وَ للّٰـه الحَمدُ💙.