اتفيّا بالجسد من شمس موتي..
التزم صمتي وأحارب فيه صوتي..
وامتطي ما بيني وبيني ركابي..
ابتعد من بابي وآطق بابي..
واتعبد لو مسار القبلة مائل..
وأتسائل، آه يا كثر المسائل..
من أكون،
ان مات حِسّي والظنون؟
هو انا عاقل او ان فيني جنون..
وش اصير،
ان مت وان مات الضمير؟
ونثروني بالصحاري،
او على ضفاف الغدير..
علِّموني،
وان عجزتوا؛ ادفنوني..
واتركوا صمتي يعبّر بانتصاره ضد صوتي..
انا بس؛ كنت اتفيا بالجسد من شمس موتي..

معاذ..

١١ مايو

ابوح شلون، ولّا بإيش، ولّا لمين؟
‏كثير اسئلتي اللي إنت اجابتها..

انا عدو الندم والضيق،
‏والحسرة اللي على ماضي..
‏لو اقضي العمر يابس ريق؟
‏على المعزّة فانا راضي..

‏ما اطالع بغيري ولا اويق..
‏امشي بالاقدار متغاضي..
‏لا عتاب، لا حُكم، لا تدقيق؛
‏لا ظلم، لا عدل، لا قاضي..

‏⁧ #معاذ_عبدالعزيز⁩

ليل يتناثر ظلام و قلب عايف
‏و الصدور قْيود لاصارت عيوفه
‏صاحبك من صبر وضلوعه نحايف
‏كل طولة بال ترجمها وقوفه
‏ الليال اللي ملت صدره حسايف
‏ في ذراها يدرك الانسان خوفه
‏لو يجيب العذر متمني وخايف
‏ ما يعْذر اللي خذت نفسه ظروفه
‏عمره اللي راحت سنينه كلايف
‏ ما يشوفه مثل ما عينك تشوفه !
_

بالنهاية،
لا غفت شمس الحياة وانتهض ليلي ورايا..
ارجع العادي. الوحيد.
ارجع اللي ما يحب الناس ويهاب الجديد..
واتهيّا وسط ذاتي..
اجمع اقصاي وشتاتي..
واتخيّل الف غيم والف بيد..
واعزف بروحي نشيد..

بالنهاية،
اخلق لنفسي بداية..
التطم بالبال واغرَق فيه معنى..
كم انا محتاج معنى..
كلمة او فكره بها ارتاح منّي..
انكسر فيها واهيجنها واغنّي..
آه معنى..
يا ظلام الصمت: دعنا!
واجد اللي في خواطرنا يقال،
وواجد اللي ما سمعنا..

ابوح شلون، ولّا بإيش، ولّا لمين؟
‏كثير اسئلتي اللي إنت اجابتها..

"كان رجلًا انيسًا وحزينًا"

- البؤساء.

‏وش يعرف النور عن حال العمى؟
‏وش تعرف القاع عن وهج السدم؟

‏وآنا فيني ليل يكفي له سما،
‏آه فيني صمت يكفي له عدم..

‏وبعروقي تسري ايام ودما،
‏وبعروق الارض تسري بي القدم..

‏خايف افنى بين علّ وربما،
‏خايف ابني حلم لكن أنهدم..

‏سيدي.. لا تطري الماء، والظما؟
‏لا طرا الماء تذرف يباسه ندم..

#معاذ_عبدالعزيز

"بدأ قصيدته قائلًا: البارحة، خجلًا من ان يعرفوا شعوره الآن."
*معاذ عبدالعزيز

صاحبي لا شفتني عفت الشعور
‏اضمر الاحساس لا يملا المكان..

‏خلني، ما بيني وبيني امور
‏لازم احيى اللي قسى منها ولان..

‏خلني، ما يوجع الشوك الزهور
‏خلني، ما دام حزني ما يبان..

‏فيني عتمة ليه تجرحني بنور؟
‏فيني خوف شفيك تربكني بأمان؟

‏افهم اني مابي تفهم وش يدور
‏بين روحي والاماكن والزمان..

#معاذ_عبدالعزيز

‏وان حصل في يوم بلّت دربي الغابر سحابة؛
‏كيف بشرح للمطر ان الظما هذا بروحي؟

‏⁧ #معاذ_عبدالعزيز⁩

تُنسى، كأنَّكَ لم تَكُنْ
تُنْسَى كمصرع طائرٍ
ككنيسةٍ مهجورةٍ تُنْسَى،
كحبّ عابرٍ
وكوردةٍ في الليل .... تُنْسَى
أَنا للطريق...هناك من سَبَقَتْ خُطَاهُ خُطَايَ
مَنْ أَمْلَى رُؤاهُ على رُؤَايَ. هُنَاكَ مَنْ
نَثَرَ الكلام على سجيَّتِه ليدخل في الحكايةِ
أَو يضيءَ لمن سيأتي بعدَهُ
أَثراً غنائياً...وحدسا
تُنْسَى, كأنك لم تكن
شخصاً, ولا نصّاً... وتُنْسَى

*درويش

في ما مضى،
وآنا احترق كلّي رضا..
كنت اعتقد اني نجم؛
وعيونك النجلاء فضاء!

اذكرك نسمة، كنت اداريها بصدري..
اذكرك ليلة، مستعد اهديك عمري..
والحين كيف اتخيّلك؟
ما عاد لي يمّك سهر؛
وما عدتي لنجمي فلك!

‏يمرون البشر حولي صدى وظلال؛ وحدك نور..
‏تشع بعتمتي رغم ان ليلي ماهو بهيّـن..

‏ورب الغيمة اللي امطرتك بصدري المقهور..
‏انا يوم المحك ما كنت لجل الحب متحيّـن..

‏عجزت آغض طرفي عنك ما حولك سوى ديجور..
‏عدم يملى المكان ولا سواك وجودي البيّـن..

‏⁧ #معاذ_عبدالعزيز⁩

‏"عند الغروب، يقف اليوم حدادًا على الأمس"

لا أحب قول: لا.
كلمة! كم وددت ان أعسف لساني لينطقها.
كيف للفظ ان يغيّر مجرى حياة بأكملها؟
كيف لإنسان ان يحيا وهو يفتقر لحرفان غنيّان بالحق؟

"يارب كل اللي -على البال- آمين"

بالنهاية،
لا غفت شمس الحياة وانتهض ليلي ورايا..
ارجع العادي. الوحيد.
ارجع اللي ما يحب الناس ويهاب الجديد..
واتهيّا وسط ذاتي..
اجمع اقصاي وشتاتي..
واتخيّل الف غيم والف بيد..
واعزف بروحي نشيد..

بالنهاية،
اخلق لنفسي بداية..
التطم بالبال واغرَق فيه معنى..
كم انا محتاج معنى..
كلمة او فكره بها ارتاح منّي..
انكسر فيها واهيجنها واغنّي..
آه معنى..
يا ظلام الصمت: دعنا!
واجد اللي في خواطرنا يقال،
وواجد اللي ما سمعنا..