شهادة مولانا رسول الله

اما عن فاطمة
ما زالت بعد شهادة أبيها معصبة الرأس
ناحلة الجسم منهدة الركن
باكية العين محترقة القلب



امـصابك الشيبني وانه بـعـز صباي
من رحيلك گوه صرت اشتم هواي


يـابـشـر يـحـمل عـذابي
امعصبه الراس بشبابي

---------------

من شفت نعشك اجاني سالت بطولي دمعتي
اتـگابلت وي الصميده يــاغـربـتـه ويـا غربتي
يـا جـبير الـدنـيـا كـلهـا بفگدك اتـبيـن كسرتي
بياصبر اتحلى بويه اخلافك اتحلى بحسرتي


مـا الــي حـيـل الـفـرگتك
اشـلـون راح تـخلي بنتك
السم گطع جبدك يـبويه
ريـت جـبـدي ولاجبدتك

اتيـتمينه انــا وعلي بـهـذا الوداع
ضاعت الزهره وعلي ويايه ضاع


يا مصابه ويــا مـصابي
امعصبه الراس بشبابي

---------------

ومـن خلص دفنك اجاني حيدر وبعيونه دمعه
وگـلـي يا فاطم دفنته وسفـه يالجنتيله بضعه
راح اشتاگ الگعدتك واسمي مـن ثغرك اسمعه
جنت لـمـن اذكـر امـي تبـجـي وابقه يمك انعه


مـن تـمـرني الـبـيـتـي افــرح
هـسـه صـارت ذكـره تـجـرح
فــجــوة اغـيـابــك جـبـيـره
وحشه داري اخلافك اصبح

انـه اول حـرمـه اصـيـر ام الـ ابـوي
وانــت والد جنـت الي وانت اخوي


بـعـدك ايطول انتحابي
امعصبه الراس بشبابي

---------------

عـايشه بـعـدك عليله والـيتم شـب بيــه ناره
بيمن اتصبر واعايـن حـيـدر بــوضع انكساره
يـا خسـارتنه الجـبيره المنها مـاشفنه خساره
هـــاي اول مره اشـوفـه حـيـدر وفاگد قراره


الوادم اتضد الصميده
گوم خلي ايديك بيده
وحده محزن لا تعوفه
يـا ابن عمه وعضيده

حيدر اخلافك يبويه اصبح غريب
ومن وكت بيَّـن عله راسه المشيب


الـمـن اتـشـكـه بـعـتابي
امعصبه الراس بشبابي

---------------

اتلوم بيه الناس صارت من كثر دمعي و ونيني
شلت حطيت بصحاري حـتـه مـا واحـد يجيني
فاگـده وابجي بنهاري وليلي حـد ماتعمه عيني
اشـلـون اتهنه بحـياتي وانـطفت شمعة سنيني


اشـلـون ترتاح المثكله
راح ابوي الماكـو مثله
واشتفيد الونه اجرها
المات يادمعه تـعـدله

ابيت الاحزان ابجي ماريد استراح
الراح ابوها تگضي من كثر النياح


وحدي اعيشن بغترابي
امعصبه الراس بشبابي

---------------

بـويـه يالوصيت بـيه ويبغضك گلت البغضها
تجاهلو قولك واجوني وادم وشعلت حطبها
اذو الـزهـره الـزجـيـه وماكو فازع من عربها
الماكل بزادك ظلمني وعيني بجفوفه ضربها


مارعوا حـرمة حجابك
واحترگ فـوگـاي بابك
ونكرت الناس الوصيه
والله اذوني ابـغـيابك

ابـاب بـيتي يـدفـع وبـيك استجير
و الــ وإن جرحت گلب اعظم امير


وانـدفـع بـالـرفسه بابي
امعصبه الراس بشبابي


---------------


ابو حميدة الشويلي

اللهم عجل لوليك المنتقم الفرج

شهادة مولانا رسول الله


ها يجرحي المايطيب
علي مـن بعدك غريب


يا اخوي وغيبتك كسرت گفاي
وره تابوتك مشـيت ابلايه راي

.................

ضليت وحدي ابلا اخو
يحزامي يابن عــمــي
والناس يم حيدر عدو
وكلهم عطاشى الدمي


غيبتك يعني صبح حيدر وحيد
اخلاف وجهك لا اجن ولا اهيد
الصـبر مني يشيل ويغرب بعيد


الدهر خلاني اصيــح
ردت تجوه من اطيح

الوكت مدري شماله رايد بس اذاي
وره تـابـوتـك مـشـيت ابـلايـه راي

..................


من حگه ليفارگ نبي
ينعى ويون من حگه
وافراگك اشسوه بعلي
مكسور واهس خلگه


الدارك انه جنت اجي وانتــه تـگوم
هسه فارغ بيتك وبي وحدي احوم
انــه والــزهــره بـعــد ماضگنه نوم


الزهره تجرحني وتگول
بــعــد ماشوف الرسول


فاطمه اتريدك حلمها اتگلها جاي
وره تـابوتك مشــيت ابلايه راي

................


بـــالحلوه والمره سوه
واحــد يـتـجـي الواحد
ومن غيبتك حته الهوه
صار اوي ريــتي يعاند


بيدي شيعتك وانه ماگمت اشوف
ياظهر بي انتجي باقسى الضروف
مــال حملي وضــال بعازة جفوف


الفارس الحيد الشجاع
ضاع حيله ورايه ضاع


امشي محني وحيلي يتبده وراي
وره تـابـوتـك مشيت ابـلايه راي

................

ياسند حيدر من رحت
شماتي صارو كثره
ياخويه لمن غمضت
باب احترگ عالزهره


جانـت امن اتنوح الك كلها تگول
والله اذتــنـه ابنــعيها عــالرسول
ومن رحت هدو على باب البتول


واجه الشيطان الرجيم
حرگ باب الله الرحيم


وبالوصيه انه التزم كسرتني هاي
وره تــابـوتـك مشيت ابلايه راي

.....................


افراگ الاخو يصل بالعظم
الله يــعـيــن اوليدي
بـاجــر اذا مــر ابــهـظـم
وبالحومه يبقه اوحيدي


بــالي يــم اوليـدي مـن ظهره يميل
شـلون حال احسين لو طاح الكفيل
وحـده باجـر والحمل بالطف ثجيل


يبقه بالحومه وحيد
وللشماته يصير عيد

والخيام ابظهره منه اتريد ماي
وره تابوتك مشـ يت ابلايه راي

.....................


ابو حميدة الشويلي

اللهم عجل لوليك المنتقم الفرج

السلام على الملاك المذبوح بين الباب والحائط مولانا المحسن الشهيد


يوليدي يالـ ما شافن اعيوني بسمتك
بـين الجمر والـباب يامُـحسن ولدتك

يا ثالث اغــصان العمر يافـرحة امك
متأمله جيتك يالولد والگلبي اضمك
اعـذرني يـمـه مـا تـلـگـيـتـك بــديه
محـتاره ادفع بابي لو يايمه الزمك؟

اعذريني من هديتك
يالطايح ابــاب بيتك ..جيتك عجيبه

مو هذا وكت اصيارك
جيت ابدمــاك الدارك ..وامك غريبه


دفعو عليه بابي..وايدي الزمت بحجابي
بس مانسيتك
يهلال فرحة عيدي..دنگت المك بيدي
و ميت لگيتك

.................

ثوب اعل طولك فصلت ياهو اليلبسه
وعمرك طفه عالعتبه يبني بأثر رفـسه

بمهدك يمُحسن مانمــت هــذا الهـظمنــي
يـالعـاتـرب نايـم و انـه مـهــجور حضني
ضلعي انكسر بس ابتسم ويطيب ضلعي
بـس هـذا نومـك مـنه كل لوعات حزني


يايمه ما صـاح صوتــك
ولا ماشي مابين خوتك .. مُحسن حبيبي

بعدك طفل ليش طااايح
صوت امك اعليك صايح ..استطعم حليبي


اسمع ييمه اصياحي..ام ولزمت اصفاحي
مكسور ضلعي
البسمار ماخلاني..اتلمك ييمه احــضاني
بالضيم وضعي

...................


يالماغفيت بحظني ساعه وجاك موتك
ليش البشر ماقبلو اتعيش اويه خوتك

بس شوف ابوك امن البجي نگعت لحيته
مـهظوم گـلبه وحـگـه جـي داســو ثـنيـته
افتح اعـيونك و اجـبـر بـكـسـر الصـمـيده
يم گـبرك ايـحن مـن امـس مخـنوگه ريته

يبجي ابـوك الحااالك
بعينه ويــصد جتاالك .. اي التهظمه

يامُحسن يصيح يبني
خانگني بجفاك حزني .. ذبحولي نسمه


وزينب تگلي يمته..المحسن يفرح اخته
منتظره جيتك
باجر تريدك حاضر..لو صار وكت العاشر
اتلوذ ابحميتك


..................


الباب ذابح عمرك و كـاســرلي ضلعي
يالمحسن اعله ظالمينك روح وادعي

ادعي عليهم يالـولد و احجي المُـحـمـد
گله يجدي فاطـمـه سـطـروها عــالـخـد
گله احترگ باب القبل تشتمه كـل يــوم
و مـحد فـزع مـن البـشر للـزهـره مـحد

گله انحرمت امن امـي
وسولفله لوعة هظــمي ..وبحالي اخبره

گله امي مارحمووهه
عالحايط ايعصرووهه .. وهظمو الزهره


ياقطعة من دلالي..مُحسن يروح امالي
حرموني ارضعك
اتمنيت تفتح عينك..يم الحسن واحسينك
تحجي واسمعك

...................

ودعتك وعـشت اللـيالي ابجـي وانعه
وشلون تصبح عيشته المكسور ضلعه

ردتك ذخر يـبني تضـل للــغاضــريه
بــاجر اخوك الـوحّـده بـين ال اميه
امن يطيح عباسه ردت تفزعله واتهد
وتمنع النـاس اتصيح زينب خارجيه

باجر بجي وخوف باجر
وبحسينك يدوس حافر .. ومحد يجفنه

اگباله خيامه ايطيحن
ويسمع خواته يصيحن .. خويه الحگنه


باجر خيم تـتهدم..وحته الطفل مايسلم
بعبدالله اشوفك
جنه يگلك عمي..فدوه الحياتك دمــي
بساحة طفوفك





ابو حميدة الشويلي

اللهم عجل لوليك المنتقم الفرج

رجوع الضعن الى المدينة


بــــضـعـن مـكـــــسـور ردت ام الاحـزان
لا رايـــــة خــــدر لا هــيــبــة اخـــــوان

ردت فـاجــده ويـــن الاخــــو الـــحــيــد
اهل عشـره طـويـلـه وكـلـهــم احـــنــان

شـافـت بـيت اخـوهـا احـسين مـهـدوم
وصرخت صرخه مـنها اتشـيب الاجفان

ويــن احـسيــن اخــوي اوويــن عـباس
ويــــــن ازلامـــنــه الــمــن ال عــدنــان

علي الاكـبـر الــقـــاسـم مـسلــم اهـنــا
عـقـيـلتـكـم اجـت بـس وحشه الاوطان

ويـن اهـلـي اطــب الــــوحـدي اشـلـون
وشگـل للناس مـات احــسـين عــطشان

وطـــبـت لـلـمــديـنـه ابـظــهـر مــو لــيــل
المـحـد شــافـهـه اهـنـــا طـــول الازمــان

بــس مــن طلــعــت بــعـاشــور لـلـيــوم
كــــل يـــومـيـه تـتـلاگـه اويــه عـــدوان

الـمــن راجعه ومــــحــد بـــقــه اويــــاج
وعلـي الـسجـاد حـايــر بــيـن نــســـوان

اهــنـــا حـتـه اخــوج مـحـمـد ايــگـــول
يــاهــي هـالـمــره الـمـتـغــيـره الــلــوان

اخوج ومايعرفـج شنــهـي ضــل بــيــج
اشــسـوت بـيــج يــا وگـفـــه الــديــوان

الـمـديـنـه جـول اظـلـم صـارت ابـعـيـن
الـــمـاعــدهــا عـشـيــره ولاكـو ولــيــان

الــمـاتـخـلـه قـــبــل مــن حــس الـحـيـود
وسـفـه اشــلـون فــرغــت مـنـهـــم الان

بــعـد راحــت الـلــمـه ابـيت الاحــسيـن
وبــعـد مــاكــو اخــو يـحــرس الـبـيـبان

بــعـد راحـت الــخـويـه ومـاتـت اهـنـاك
وبــعــد مـمـنــوع تـنـجـاب اعالـلــســان

الـيــمـسـح اثر زيـنـب حــتــه بالــلــيــل
ويــغـمــض اعـيـون الانــــس والــجــان

رااح واســم زيــــنــب صــار مـــعــروف
وخـيـال اخـتـه الـعـقـيـلـه بـكـربلاء بان

الـقــبــل يـمسـح دمعها بـجفـه عــبــاس
وكــت خـلـه دمـعـهـا ايـنـشـفـه الاردان

....................


ابو حميدة الشويلي

اللهم عجل لوليك المنتقم الفرج

https://youtu.be/uvY69FLrc2s?si=_tW0ryIIRyAszGfv

شهادة مولاتنا السيدة سكينه عليها السلام


گلبي ولا سكـن عگبك ونينه
انعى وونـتّي اتبجي المدينه


مــن ساعة رحـيلـك هذا حالي
غير الدمعه و الـ ون ماحلالي
حـايـط بـيـتـنه حـن وبـجـالي

وصاح الله يعينج ياسكينه

صاح الله يعينج حتـه بيتي
بلا خـوان ياسكنه صفـيتـي
ولا والد يسمعج لو شكيتي

انه وبيتي من الـ هم بجينه

احـن لايام جنت اغفه بامانك
شلون اتعيش التفارگ حنانك
اشـوف الـماي واتـذكر لـسانك

واصيحن ليش ابوي امعطشينه

اذكـر كسرتك مـن طـاح الاكبــر
ومن ضلـيت وحـدك بين عسكر
ابـن الـنـبـي احتــار الله واكـبـر

طحت والناس يمك مو حنينه

ياراحه التضل بويه بحـياتي
واذكر ركضتي انه و خواتي
ادعـي الله يعـجلـي بمـمـاتي

اموت و لا اضل للـ هم رهينه

مشـتاگه واحـن بـس شـبـديه
خـذت كـل الاعـزاز الغـاضريه
وگاع الشام مني اخذت رقيه

دفناها بغرب واجروح اجينه

الجـنت ويـاهـن ابجي مني راحـن
ربـاب وزيـنـب امـن اجـفـاك مـاتن
عاشن بس شني من عيشه عاشن؟

وحده اتگل للاخره مايجينه

ونـاعيـتك لاخيره الـيـوم ماتـت
صاحت ياحُسين اشكثر صاحت
دمعه امن الجفن علگاع طـاحت

وخلصت يابو الاكبر وانتهينه

......................

ابو حميدة الشويلي


اللهم عجل لوليك المنتقم الفرج

https://youtu.be/d1Qy8kFVwwQ?si=6p-nJL2GqIh6YPll

شهادة مولانا الامام الحسن العسكري عليه السلام


ياروحي ابجي الــمسمــوم
غـــمض امـامـج مـهــظوم


يـاعـيني رخصي دمعـتج يـا گلبي بـالنوح ابدي
واصرخ يگـلـبي بونـتـك ويــلااه يـابــو المـهدي
مسـمــوم ابو الحجه گضه يادمعي سيل بخدي
والـليله اجـيت بمـجلسه نظرة عطف استجدي


ياعيني ابجـيله اعـيون
غـمـض امـامج محزون
بالسم گضه عمره اهات
وكلـساعه يتـغيـر لــون


لا راحـه شاف ولا نوم
غمـض امـامج مـهظوم

...................

باهـل الـنبي دار الـزمــن وفـرهـد بـنيـن الزهـره
والامه فاطم ينسگي . الـسم لو الخيل ابصدره
لويگضي نص عمره بسجن لو ينسلب بالصحره
والـعسـكري اخــر جـرح مــسـمـوم ودع عــمره


ايعين الله گلب الزهراء
خلـصو ولـــدها ويـــلاه
لــو مـنذبح لـو مسـمـوم
والــ اه تـتـبـعـها بـــ ااه

تلـطم ضلعها المهـشوم
غمـض امـامج مهـظوم

......................

ويلي على الجبده انمرد اخر ايام اوداعه
من الوجع من الهظم يفتح ايسد بـذراعه
صار أعله حاله ينغمي من الالم كل ساعه
لاناسه ذول ولاعرف والگاع هم مو گاعه

جم مـره يوگف ويـطــيـح
هاك ايدي يا مهدي يصيح
والينـسگي الســم مـعروف
مـن يـوگـف ايـعثره الريح


بالگوه بـالگوه ايـگوم
غمض امامج مهظوم

....................

انساعد المهدي الماله اخو ياشيعه خل انعينه
هـالـمـره هـذا افـراگ ابـو رايح ايهدم اسنينه
ايغـسل بجـثمـانه وصـرخ مـن الهظم مهدينه
جـا ليش جـدي ابكـربله محـد حـضر تجفينه


جا ليش بس الـعطشان
ماكو عله جسمه اجفان
واليـنذبح نـحره اهناك
يوگع عله اخته الصيوان


ماكو اقسى من ذاك اليوم
غـمض امـامـج مـهـظـــوم

.........................

راح الابــو يالمنــتظـر و مـنــا بـديـت الــغــربه
والمـثلـك اشـگـد شــال الم الله يـسـاعد گلبه
وبالطـف عشـيرتكم غدت بين الذبح والصعبه
عـــمتكـم بتـالي العـمـر مجلس غريب اتطبه


الوگفت على ذاك الباب
واليمهـه وادم اجناب
لابــد يجيـهه فد يوم
اتگوم انت الهه طلاب


وفــقارك ايـكـر الگوم
غمض امامج مهظوم



ابو حميدة الشويلي

اللهم عجل لوليك المنتقم الفرج

حُسين وكفى
هـوه وحـده
ايـدلي عبده .. ومايرده

قبلني وصرت
مــن رعــيتـه
ولمني بـيـته .. من هويته


حيره ياگلبي .. اشـكـره بـياحجي
كون اگول اسمه ..واغصن بالبجي
اشما ضعت عنه .. العزائاته اجـي .. وابجي بدمع حار


خيره خلاني .. احس وابجي بندم
للوگع ضامي .. وحمل جرح السهم
شنطي شوفيله .. وانه بدونه عدم .. شتكفي الاعذار

.................

بوطن خدمته
گلبي ساكن
شفته امن .. وليه ضامن

احبه ابكثر
ما بجوله
واعتنوله .. وحب قروله


اقره عن حبه .. واهيم بعالمه
حبه خلاني .. مثل طير بسمه
وانه ابجيله .. صحت يافاطمه .. جنني لحسين

بثوبي المطين .. اجيله بدمعتي
وايدي احبنها .. من اتشد لطمتي
وراسي ارفعنه .. من اطبر هامتي .. هذا علي دين

................

الدمع من يصب
قربه لامه
وفدوه لاسمه .. العاري جسمه

عطشله گلب
ومات ضامي
بلا محامي .. ويلي امامي


العاشر اشسوه .. بمامي وحالته
طيح احزامه .. وكبر هم غربته
من وگع وحده .. وسمع ون عيلته .. ادركنه يحسين

بارذل الوادم .. ابو اليمه ابتله
عاري بالحومه .. بقه بطف كربله
شبجي شقراله .. السبوله عايله .. من الصواوين


ابو حميدة الشويلي

اللهم عجل لوليك المنتقم الفرج

https://youtu.be/Z3UgcFm6pV0?si=XfNLGeRC6ivPeXbA

#الليالي_الفاطمية


هـاي الليالي عدنه مصيبه
بيها يحس الصافي حليبه
باب وضلع بالعصره تهشم .. و دم طفل مذبوح

هـذا مـحرم امنه الـزجيه
اتحضر يگلبي جتنه رزيه
ابجي عليهه ويله تـحـزم .. و انطي حگ النوح

ليالي فـاطمه الـزهـره جـرح گـلـب الغياره
لان بيها انهـظم حـيدر بجـه دمـع انكساره
نضـل نلـطم عله الـزهره و ابنـها لـلقـيامـه
وتـضـل بـاب الجذع بـينه ابد ماتطفه ناره


ويــلاه
هاي المصيبة التستاهل لطـم
امنه الزجيه وراحت منه ااام

اللطم يشيعي وجرحك حزمه
كسـرو ضـلع مــولاتـك فاطمه


وهـذا الحجي لازم نعيدة
مـولاتـنـا الـزهراء شهيدة

........................

ليالي بـيها امـصيبه جبيره
دمعنه يجري الحزنها غيره
اصل العذاب المصيبه اسمها .. بيها ضلع مهشوم


تــوه الـنــبـي غمـض و اجــوهـا
وتبجي اعله فگده الزهره لگوها
بت الرسول ومحـد حـشـمـهـا .. وهجمو عليها الگوم

مـا زالـت بـعـد فـقـد الـنـبـي نـاحـل بــدنـهـا
والتـمـو عـلـيــها وانـذبـح عـالـبـاب ابـنــهــا
كـلـهـا تـعـرف ابـدار الـنـبـي وتـنـدل مكـانـه
جـا مـحد فــزع لـلــزهــره من سطرو جفنها


عالباااب
عصروها شاطت من گـد الالم
سـطرو جـفنها والضلع انهشم

اتگوم وتطيح الزهره امن الوجع
بـاب وعليـها ابكـل ثگـله انـدفـع


و ام الحسن طاحت وحيدة
مـولاتـنـا الـزهـراء شـهـيدة

.....................


بـاب الـجذع يـاويلي ثگيله
انطبگت عليهه وهيه نحيله
اشتحمل عمرها اثمنطش الهم .. لو تحمل البسمار

تلث ميه مابيهم كل غيره
التمو عليها وحارت حيره
مضطره صارت والفزع التم .. وشبت عليها النار


مشـت نار ابجـذع و اتـخيل اويـاي الـرزيه
مـعناها احـترگ جفـها وهوت فوگ الوطيه
احـتارت فـاطمه بـمحسنها والنـار الاجـتها
والهظمت گلبها امن انجتف حامي الحميه


و اتصيح
رجعولي حيدر فدوه ضلعي اله
خـلـو يــعــود اويــاي الـمنـزلـه

والثاني اجاها بسوطه ابلا رحم
خـلاهـا تـنحب مــن عدها انتقم


وجف التجاسر طالت ايدة
مـولاتـنـا الـزهـراء شـهيدة

...................

ماتت غريبه وجريحة الخد
ماجنه وصـه اعلـيها مُحمد
بليلة مظلمة انحفر گبرها .. وبالظلمه دفنو نور

مـاعـدهـا لا قـبه لا مـنـاره
واحـنه عـبيد وردنه زياره
مظلومة حته باخر عمرها .. مايمها ناس اتزور


گضت من رفسة الباب وخلص بالهم عمرها
اويـاهـا ام الصبـر زينـب دفنـت كل صبرها
ويلي اشگد غريبه فاطمة وحملت مصايب
المصيبه اندفنت ابليل وبـقـه مخفي قبرها

يا يـوم
نمشي نـزور الـزهـره ام الـحـســن
ونبجـي اعله ابنها الضل ابلا جفن

مابـيـها تـحـمل اكثر هالـمُـهـج
يـاربي عـجـل للمـهدي الـفـرج



ابو حميدة الشويلي

اللهم عجل لوليك المنتقم الفرج

#الليالي_الفاطمية

وبدئت مصائب مولاتنا زينب عليها السلام


طفله وعــمري خمس اسنين
وشـفـت الـزهـره بــيــن النار
مـنــا امــي جـــاي اتــمــوت
ومـنــــا غـربـه ويــن انـــدار

من شفت الحرگ عالباب
گلت باجر يشب صيوان
ومن داسو حدود البيت
گلت بـاجـر اطـب ديوان


ويلاه .. بـخامس اسنـينـي اتعذبت
ويلاه .. اتطـيح امـي گدامي شفت
ويلاه .. وجهلو قــدر بـنـت الرسول

عالباب .. اتلث ميه اجوها بالحطب
عالباب .. وخـد امي گدامي انضرب
عالباب .. وكـسرو ضلع من البتول


بخامس سنه .. وحيلي انهدم
اشحـالــي اذا. .. تــوگع خـيم

..............................

كـل لــيـله امــي گـدامـي
تـتـلوه و الـمها ايــزيـد
ومن تدعي بصلاة الليل
مــا تگـدر تـشيل الايــد

امي وهــايــه حــالـتـهــه
حگي امن ابجي ما انلام
تون مـن لــوعــة البـسمار
مــا خـلاهــا حـتـه اتــنـام


مكسور .. خـاطـرهـا مــن كـلمـة وإن
مكسور .. ضـلــع امـي والـدنيه حزن
مكسور .. گلبي عليهه وگـمت اصــيــح

شيفيد .. جرح امـي ماضـنه يطيب
شيفيد .. وحيدر علي اگبالي غريب
شيفيد .. من يمشي كل خطوه يطيح


اسمع ابوي ..ااهنــا حـجه
يـا فاطـمة .. صـاح وبجه

...............................

امــي اگــبـالي اشـوفـنـهـه
تغـطي بجفـهه جي محروگ
مـعـنـاهـا انـا هــم بـــاجــر
اضــم بجـفوفي فوگ النوگ

بـعدني بـخامـس اسنـينـي
وشفت السطره فوگ العين
گـلت ياروحي شيضل بيج
لـو صـار الـعــمر خمسين


لو صار .. يـا روحـي خـمسـين العمر
لو صار .. جدمي يدوس اعله الجمر
لو صار .. عـاشور جا شيضل عليــج

ياروح .. مـوتـي قـبل لا تـنسبـين
ياروح .. باجر تره يطيح الحُسين
ياروح .. ويلـتـف حبلهم فوگ اديج


بداري اهون .. او لااا بالفله
بـاجـر اضــيع .. ابــكـربــله

............................


ضليــت اعـلـه هـذا الـحــال
لـيـلـيه ابـجـي مـاضـل حـيل
كـبـرت بـدمعــتي وهــظـمي
وشفت ابن امي جوه الخيل

وكـبـرت دمـعــتي بـعيـنــي
وكـبر بـيه الهظم والنوح
الـربـيت اويـا وعشـت اويـا
شـفـتـه ابـكربـله مذبوح


مذبوح .. الجبت العمر ويا سوه
مذبوح .. من الگفه بطف نينوه
مذبوح .. بـصف النـهـر مـيت ضمه

ناديت .. يـا فاطمـه يــمـه اشبعد
ناديت .. لا ضل اخو ولا ضل ولد
ناديت ..لـحـگـيلـي يــمـه فـاطـمــه


شوفي اشعمل .. بينه الزمن
ضــيع بـنـات .. ام الحــسن




ابو حميدة الشويلي

اللهم عجل لوليك المنتقم الفرج

#الليالي_الفاطمية


اول ظلـم مـنـا بـده .. بس غمض اعيونه الرسول
التمو على بابه العده .. وحـرگـوه عله بنته البتول

اعليها احترگ باب الجذع
وخــلت اديـها اعله الضلع
والــزهره عالـعتبه انرمت
وطاحن سوه الدم والدمع


الباب المُـقــدس
من نذل تاليهه يـُرفـس
حـاقد وعالعتبه هـوس .. ااااه

اعظم جساره
ينركل باب الطهاره
والضلع دم ايتجاره .. اااه


كسـرو ضلعهه وانرمت فـوگ التراب
باب الله فاطم وانـدفع فوگـاهه باب


اللهم العن قاتلي فاطمة

.........................

اتلث مـيه مابيهم شهم .. هجمو عله بيت العفاف
بلنار واسياط وحطب .وگفو عله الباب استطفاف


هــدو عله الزهـره بحطب
لاغــيـره عدهم لاكــو رب
كسرو ضـلعهه بــالهجــوم
وخد فاطمه ويلي انضرب


حرگووه عليهه
الباب.. واتعاله بجيهه
وانجوت بالنار اديهه .. اااااه

اااه ياحزنهه
فـاطـمـه ذبـحـو ابـنهه
محسن الدمه بحضنهه .. ااااه


مذبوح ابنها وصارت اتگوم وتـطيح
رادت تشـيله بس ضلع عدهه جريح


اللهم العن قاتلي فاطمة

...................


كــســـرو ضـلـعـهــه والـورد .. ذب لونه يم باب الحجاب
اليرضه الله من ترضه صفت .. تبجي وتون فوگ التراب


من عصرة الثاني النذل
بحشاها ماضـل الحمل
وهيه المصيبه عالامير
من بيته ماخوذ بحبل

اااالله اكبر
ينجتف ياوسفه حيدر
الناصي عل عالي تكبر .. اااه

اااه يالصميده
شافت احبال اعله ايده
طلعـت وصاحت اريده ... ااااه


طلعت وراهم والگلب من حزنه شاط
اتـريـد الصـميده وردو اعليهه بسياط


اللهم العن قاتلي فاطمة

...................

وزينب تشوف اللي جره .. وتتحمل اهموم الزمن
وبـاجـر تـضيع ابـكربـله .. هيه وبنات ام الحسن


من هالمصيبه اللي جرت
زينب بـعـدهـا اتيـســرت
باب الزجيه امن احترگ
اخـيـام العقيـله وجــرت


من طاحت امهه
وابتـدت قـصة هـظمهه
وباجر اتماشي خصمهه .. اااااه

ايذبحون اخوهه
وبني هاشم مـــا يجوهه
وتنسبي برفجة عدوههه .. ااااه


مـن انـكسر بـالـعصره ضـلع امهه البتول
انكسرن ضُلوع احسين اخوهه بالخيول




ابو حميدة الشويلي

اللهم عجل لوليك المنتقم الفرج

السلام على عش آل محمد عليهم السلام
#فاطمة_المعصومة



معصومة .. اسمها تـارسـنـي فضل
معصومة .. لزمتـني ماخلــتني ازل
معصومة .. مشتـني بدروب العدل


ممنون الها كل عمري وحياتي
وممنون الفضلها
عاصي. واعرف ابحبها نجاتي
ومشكوره اگلها


حاشه اترد عبـد نادم
يـا قوتـة بني هـاشم
فضلها تـارس الوادم .. جنها امها الزجيه

مــاردت بـشـر خالي
حبها غـيـر احــوالي
قيمه ورفعه سوالي .. وانطاني هويه


بنت الكاظم اطلب بس رضاها
نـعمه وخـادم سوانــي هــواها

--------------------

معصومة .. كــريـمـة ال الـمـرتـضى
معصومة .. هيبه وجلاله امن الرضا
معصومة .. هنـيـالـه البـحبها حضه


هنياله الــذي طــاف بصحهنا
وبمرقدها گــاعـد
نـور الجنه كله انـصـاغ مـنها
وخير العدها زايد


هــنـيـالـه الــذي زارج
واصبح گلبه خـطارج
يـالماتـنطـفي انـوارج .. يــا عــش المحّنه

شوگج ماطفه بروحي
يمته اتزورج اجروحي
واگـعـد يـمـج ابنوحي .. والونه اعله ونه


بنت الكاظم مـاعندي سواها
نعمه وخـادم سـواني هواها

--------------------

معصومة .. عـش المـحـنه والـعطـف
معصومة .. رحـمتـها ابـد مـاتنوصف
معصومة .. ســرها صـعب ما ينعرف


شحجي ابمـنزلتهـا وهيه ايه
والسلطان اخوها
وگال الكاظم ابنص الروايه
يفداها ابوها


عـمـة تـاسـع الـعـتره
الـزارج زايــر الزهره
هيبه ومنزله وقدره .. مـولاتـي الـكـريمه

ليزورج اله الجنه
وينازح القهر عنه
القـم ليليه يتعنه .. گلبي ويحجي ضيمه


بنت الكاظم يمته اشتم ثراها
نـعمه وخـادم سـوانـي هواها

--------------------

معصومة .. اسـمــهـا لــلـخــادم مــدد
معصومة .. تقـضي الـحوائج والشدد
معصومة .. شحجي عن افضالج بعد


من جفها اشكثر صبت عليه
ماخلتني حاير
هـايـم گـلبي بيـها ومو بديه
غذتني مشاعر


جفج شـطلب انطـانـي
وعـطفج غـيـره غذاني
بعشگج يكـمل ايـمـاني .. وحاشه انسه وگفتج

يـا مــولاتــي اعــذريني
واذا انسه انتي ذكريني
عــنـج احـجـي خلـيني .. وخليني ابخدمتج


بنت الكاظم مولاتي بحماها
نعمه وخـادم سـواني هواها

--------------------


معصومة .. هيبه ومقام ومنزله
معصومة .. اسمـها گـلبي يـرتله
معصومة .. باب الدموع الكربله


كل دمعه التصب من خير اديها
ودمعة كل مواسي
بـالازغيره وبالاجبيره اعتنيها
وجفوفي اعله راسي


بزودج احجي مولاتي
ومـنــج اخـــذ اهـاتي
بسـمـج تجري دمعاتي .. لحسين ومصابه

وديني لشكـو اقرايه
خلي اعيوني همايه
على الراحن بلا رايه .. وباتن بالخرابه


بنت الكاظم حزن الطف گضاها
نـعمـه وخـادم سـوانـي هـواها


---------------------------------------


ابو حميدة الشويلي

اللهم عجل لوليك المنتقم الفرج

#الليالي_الفاطمية


والله غربه .. من تشوف ام بيـتك تفرفح ألم
والله غربه .. لاضـلعـهه ولا ابــنها اللــي سلم

شتصير مـن مـاكـو دوه .. ايــطيـب ضلــعهه المكسور
شتصير وانت المرتضى .. وتـسكت عـله الحگ مجبور
شتـصـير وبـعـينك شفت .. خـد الـزجـيـه المسـطـور

شتصـير امن اتشاهد بابك
دم بي من اضلوع احبابك
لا انـت المـيت ويـــاهــم
ولا همه امداوين اصوابك

حزنك ياخذك دمعك يرد بيك
مجروح ودفنت ادواك بيديك

دوه دافـــن بالـگــبــر
گاضي حيلك والصبر

.........................

هايه شده .. مــن تشيـيع روحـك وانــت عدل
هايه شده .. من تشوف الصبر من صبرك يمل

يالكلشي بيدك شو صرت ..هالساعه بالگوه اتگوم
يم ولـدك اتـكابر گمت .. بـس انـت حيلك مهدوم
لـو مـا عـيالك ياعلي .. جا ما عشت سـاعه بيوم

لو ماهمه اتموت اوي امهم
عايش ضلــيت الخاطرهم
لفـراگ الـزهـره اتـسليـهـم
وتـگعـد يـم الباب اتلمـهم

وتمشون الگبرها امگاود اجروح
مسـموم .وسبيه . ونحر مذبوح

وهامه بـاجــر تنطـبـر
گاضي حيلك والصبر

..........................

يا عذابك .. من تمر عل باب ويلسعك جمر
يا عذابك .. اهنانه تتـمنه انت مدفون بگبر

مـن تعـبر ابـابـك تحـس .. بعـده الحـرگ والــدخان
وتتلاوه وي حيلك تضل.. عـــن لا تبـــيـن حـزنــان
بس انت مشيك مختلف .. واتكض گمت بالحيطان

اتكابر تبقه ايام اسنينك
عن لا تنزل دمعة عينك
بس لمن تعبر من بابك
اتشوف الدم ويعله اونينك

هـنا دم ابنك اتـبده اعـله الاتـراب
وحليب ام منجفي يم عتبة الباب

بعتبتك لـسه الـجـمر
گاضي حيلك والصبر

.......................

هيه صعبه .. مـن تـريـد اتـسولفك همومك لمن؟
هيه صعبه .. ومـاكـو غير البير ضل يا بالحسن

يم بيرك اتسولف هظم .. گلبك وضل يبجي البير
باب وجنين وفـاطمه .. و ايـتام شـتريـد اتـصـير
ماحاير انــت يـاعلي .. مـجبور هـالـمـره اتـحـيـر

يم البير اتصــيح بحــسره
كسرو ضلع ام بيتي الزهره
وذبحو ابني المحسن ويلي
هظمك يابو الغيره اشكبره

وليهسه اعله بالك موقف وحال
مـن مـروك يـم الـزهـره بـحـبال

وشافتك مـن تــنـكسر
گاضي حيـلك والصبر



ابو حميدة الشويلي

اللهم عجل لوليك المنتقم الفرج

#الليالي_الفاطمية

نلطم عله البتول .. الكاسر ضلعها باب
وبينه الدمع يگول .. راحتنه بالعذاب

بالليالي الفاطمية .. فـاطـمـة عـاشـت نحيله
من وره استشهاد ابوها .. منعو المدمع تسيله
انوب اجوها وهددوها .. والـ وان جلمه ثجيله
فاطمة مقتولة ماتت .. استشهدت لا موعليله

برفسة مجرم طگ الضلع
واحنه الهايه نجري الدمع
نبجي المحسنها الي نذبح
( وماكملها اشهوره التسع)

مظلومة يازهراء

........................

درب الحزن طويل .. وماله سوه الدموع
وباب الجذع ثجيل .. ماتحمـله الـضلوع

ياموالي ابجي الحزنها .. لاتجامل عالقضيه
والعن الهدو عليها .. وسطرو الزهره الزجيه
اتبرﻯ مـن العذباها .. والجتف حامي الحميه
وعيش كل ايام عمرك .. بس ليالي الفاطمية

اللـطم و اصـرخ يــافاطمه
وعين بلطمك حامي الحمه
هاي امصـيبه تسوه اللطم
طاحت فـوگ الگاع السمه

مظلومة يازهراء
.......................

يا فاطمة اصيح .. ويسعر دليلي نار
ماعدها لاضريح .. لا قــبـه لا مـــزار

ابليل اظلم شيعوها .. وظل گبرها مخفي ذكره
مرت اسنين الفگدها .. لا ضريح ولاكو حضره
بكل شهاده من الائمه .. نعتني ونبجي اعله ڰبره
بس قبر امنه الزجيه .. انزوره ضلت بينه حسره

ضلت بيـنه الـحسره عُــمر
يـمته انــشوف الفاطم قبر
انـشم تـربـتها ونهـمل دمـع
ونبجي الخدها اللي منسطر

.................

زينب هظمها بان .. وعاشت قهر سنين
و باجر بلا امان .. مـــن يوگع الحُسين

من وره افراگ الزجــيه .. زيــنب امـبيـن هظمها
اشگد بجت عين العقيله .. وساهرت تـتنطر امها
وباجر ايسـاهــر جفنها .. وتگعد اتصبر حــرمها
واهدعش صبحه مصيبه .. لمن اتماشي خصمها


هسه ابيت الزهراء تحن
وبـاجــر فوگ الهزله تون
تدخل لارض الشام ابحبل
وهم ايگلها الشامت وااان




ابو حميدة الشويلي

اللهم عجل لوليك المنتقم الفرج

شهادة المولى القاسم ابن الامام الكاظم عليهم السلام



غربت هالعمر .. تـاخـذني الحـزن عمتي
ياضيم اليسر .. مـا فارگـني كـل وكـتي


دمـعـة عـيني تـتبده
تكتل عيشة الوحده

...................

كـل هـذا العـمـر عـشتـه بـغربـه وديـره مـاعــنـدي
وانـه ابـن الاطـيـاب اشلون تـالـيها عـشـت وحدي
صـرت سـگـاي بـالـديــره و سلـطـان الخلـگ جدي
عشت غربة خوات احسين ودمعي يسولف بخدي


غـريـبه صفنتي .. وغريبه الـگـاع مـو گـاعـي
جبـيره غربتـي .. ودموعي الوحشتي متاعي

غربتي مو حجي ومُده
تـكتل عـيشة الـوحــده

.......................

الـيسئـلونـه على اسـمـه يـگـوله وايـوگف ابطوله
بــس انـه الـذي عني يـسـئل اســمـي مــا گــوله
يـاهــو مـثلي عـايشها يـخفي اسـمه عـله الحوله
انـه مـن بـنـي هـاشـم و مـا احـجـيها مـعـقـوله


عشت ابلا اسم .. بس روحي التعرف اسمي
حيلي ينـهدم .. وجـووه الساده مـــو يمــي


الضايع اسمه شيرده
تكتل عيشة الوحده

....................

الـغـربـه الاحـنـه عـشـناهـا مـامـرت عـلــى الوادم
جـنـها الـغـربـه مـكـتـوبـة بـس اعـلـه بني هاشم
صعبه انه ابسلف سگاي وابوي اعله الخلگ حاكم
وانـه ابـن الـسمـه والـگـاع وتـالـيـها اضــل هــايم


جـدي الــمـرتـضى .. وسگاي اصبحت كلفه
واخو گلبي الرضا .. بروحي اشگد اله لهفه

مشتاگ الـدفو زنده
تكتل عيشة الوحده

...................

امشـي بـصف نهر واحـجي وي ماي الشرب عتبه
مـايـك يـانـهـر عـالـگـاع كلـهـا اتـضوگ من عذبه
لـيـش احسين يـوم الـذاب مـن كـثر الضمه گلبه
مـارحـت وتـعـنـيتـه ومــن گـطـراتــك اتـشـــربه


لازم يـــانــهـر .. انت التمشي لخيامه
مسكور الظهر .. يـمك طـايح احزامه

ضامي ويحلف بجده
تكتل عيشة الوحده

..................

ابـنيـتي اتـرد الـي تـبـجـي كـل عـصريه مـهظومه
يسـمـوها الـخـلـگ بـنت الـ غريب الضايعه اعلومه
واذكر غربة اخت احسين الطلعت تبجي بالحومه
هـم صـاحـو عـليها اخت الـ غريب السلبو اهدومه


ويلي بكربله .. زيـنـب عـمـتـي بــجـوها
ابن امها عالفله .. حته اهدومه سلبوها

هاي الحيره والشده
تكتل عيشة الوحده





ابو حميدة الشويلي


اللهم عجل لوليك المنتقم الفرج

#الليالي_الفاطمية

ليلة وداع وغربه ومواجع .. ام و ابنها اتـوادعـــو
بين الونين وبين المدامع .. بحرگة وداع اتشابگو


ام و ابــنـها بــأخــر ودااااع
اتلاگو بواجي بلحظة ضياع
تگله يـيمـه بـحـضـانـي نـام
يابـو المـحنه وحـلـو الطباع


اتوليله .. حُسين
اتناغيله .. حُسين
وتشمه .. حُسين
وتبجيله ..


اتگله خل اجفوفك باديه
يمــه هــاي اخر ليله اليه
راح اودعك سالم واجيلك
امـــوذرينك بالغاضريه

ياحُسين يمه يايمه حُسين

.........................

يبني حبيبي اتقرب علـيه .. هـذا اخـر اوداع الـعمـر
هالليله نام بحضن الزجيه .. باجر تضل عاري الظهر

اغفه حبيبي بحضني تعال
اشـبـع يـيـمـه مــنـي دلال
خلـيني انـومك اخـر منام
بـاجـر تـنام بـحـر الـرمـال

ياغالي .. حُسين
وامالي .. حُسين
هنا يمه .. حُسين
ادنالي ..


يـبني نام وخليني اللولي
عـن ذبحتك ياما حجولي
جـدك وحيدر قرو مصابك
يمي وانه الدمعه اعل طولي


ياحُسين يمه يايمه حُسين

...................


ابجي المصابك باخر حياتي .. وبعيونك امغرب ضعن
بعينك اشوف مراكض بناتي .. وعاري انت يمه بلا جفن


ارد ابجي لاجلك قبل المصاب
ام حـگهـا مــن اتشـيب عذاب
يــومك يعذب گلبي حُسين
من راح اشوفك عاري الثياب


ياروحي .. حُسين
واجروحي .. حُسين
يوليدي .. حُسين
ومذبوحي..


يـاحبيبي البـاجر اجيله
وحده نـايم مابيه اشيله
حيره راح احتار بمصابك
اجــي يمك لــو للعقيله

ياحُسين يمه يايمه حُسين

................

من هسه گلبي يايمه حاير .. لني ادري باجر تنسحگ
وجسمك ينام بدرب الحوافر .. وخيمة خواتك تحترگ


هذا الوداع وبــاجـــر لقاء
ظهر المصيبه بطف كربلاء
من توگع انت بين الخيول
ومن يحترگ گدامك خباء


يذبحونك .. حُسين
يسلبونك .. حُسين
وبالحومه .. حُسين
يخلونك ..


رايده ابجيلك قبل مماتك
هسه يبني اگبالي شحلاتك
باجر اتسومر يلب دليلي
وبالفله يطلعن ركض خواتك




ابو حميدة الشويلي

اللهم عجل لوليك المنتقم الفرج

شهادة مولاتنا ام البنين عليها السلام


الطول احسين اشگد مشتاگه
كـرهـني بهـالــدنيه افــراگــه
خـلاني جـن خـيمـه اخـلافه
وحرگـتـني نـيــران اشــواگه

جم ذكره التعرضلي ابداره
وضليت اتحـسر لـخــبــاره
ياضـعن ايفوت اسئل عنه
غير النشده اشضلت جاره

ماطالعه ابكل العمر بس طلـعاني فـگــده
وخلاني اوگف عالدرب ياهو اليمر انشده
وارجع غريبه المـنزلي بابـي ابهظم اسده


امنــيـن امنــيـن .. اجيب احسين الليله
ادمــوع ادمــوع .. جمر مو ماي ابجيله
اجفوف اجفوف .. گـضن گــد ماتوميله


يمه حُسين

........................

اهناك وصوت ايعم بالديــره
ايصيح رد ضعن اهل الغيره
واطلعـت اركض مـن ادياري
كلساع اعثـر وانه اجبـيــره

من عثراتي انجرحت گاعي
بهذا الصوت الـزاد اوجاعي
ضجه وماميزت اشيـحجي
گتله بهونك يا هــالــناعــي


گــتله اعله كيــفك يابشِر وبطور اهلنه احدي
گال انجتل جعفر صحت ما ناشده اعل ولدي
رد گلي عبــاس انــجتل واهــنا لطمتــه خدي

عـبـاس عـبـاس .. عـمود امـهـشم راسه
وبهذا الصــوت .. جرح گلبي واحساسه
معناها احسين .. وحـيــد وذبـحو ناسه


يمه حُسين

.......................

ضل يحجيلي وحمره اعيونه
گتله اخبرني ااحسين اشلونه
دنـگ راسه وصــاح ابعــبــره
ذبــحو نـحره اگبال اضعـونه

واهنا مدري اشمر اعليه
حسيــت انشلــن رجليه
هليت اتراب اعله الهامه
وماتت كــل امــال البيه

صاح الحُسين ابكربله مــحد فزع يشــيله
قبل الذبح ميت عطش حز الضمه بدليله
گتله يهالناعي خلــص .. لاتســمع العليله


رد گام يصيح .. عـــشر خــياله اتسحگه
وگلي اويه احسين .. بعد مايصلح ملگه
ويلاه ويلاه .. شــهــگ دلالـي بــشهـگــه

يمه حُسين

..........................

ضليت افتر بين اضـــعوني
دلــونــي بــزيــنب دلــوني
جاي انشد عنهه بدمــعاتي
ومرت حرمه اگبال اعيوني

گمت انشدهه وگلبي اتعذب
ياحرمه اشبي ظهرج حدب
حضنـتني وصــاحت يايمه
هاي انــه الگــدامج زيــنب


گـالــت انه زيــنــب يــمــن ضـيــعــتـي بالــملامح
غــيرني ظهــر النايبه وحــيل العـليــه رايح
حرمه وشفت كــل اخوتي فوگ الترب ذبايح

والخيل الخيل .. تدوس ابــن امي اگبالي
والنــار الــنــار .. تـجـوي اجـدام اطفــالي
والجيش الجيش .. يتاني ايشوف اخيالي


يمه حُسين
....................

ويلي بحالج يمه اشصـايـر
اشسوه بضعنج يوم العاشر
يــالرحتي و مهـيوبه برايه
رديتــي وضعنج مـو عامر

زيــنب ويـن الـدلـلــوتـهــا
شو رديتــو و ماجـبتــوها
بنت احسين الطفله رُقيه
يمن ..عدمن ..خـليتــوها

گالت رقيه مارضــت تــرجع عله المــدينه
بــذيج الخـرابه غمضت فوك النحر حزينه
وردينه بس غير الحبل ماجبنه شي بدينه


الشام الشام .. علينه ايرامي احجاره
واصياح اصياح ..شتم يشبع خطاره
طبيت واهناك .. يــزيد اعلنها ابشاره

.................


ابو حميدة الشويلي

اللهم عجل لوليك المنتقم الفرج

شهادة مولاتنا ام البنين عليها السلام


ام الـبنـيـن اتـحـرك المـشــاعر
الحُب الـغريب الـمابقاله ناصر
تكــسر گلـبنه عالسبي وعذابه
ووقت الحوائج تجبر الخواطر


مـولاتـي
هيه بـجـتـنـه لــلـضـامـي وغـربـــتـه واولاده
هـيـه بـــاب الـحـاجـه خـالـي مـايـرد وفــاده
هيه ساس الخــدمه صارت والوفه وامجاده


هيه الـعـالـمـه
واعظم خادمه
هيه ام الگـمـر
معـناها السمه

ادخيل ام البنين

.....................


كــل الســوالـف ماتصل فضلهه
العـدنـه كـله مـن اديـها والــهــه
الشاعر الـمـلا الخادم المـواسي
كــل الاسـامـي اتـجـلب بحبلهه


مولاتي
انه عبدج وابن عبدج حاضـــري والمـاضي
بكــلشي التـقسمـينه اليـه قانع وبي راضي
انتي محـكمة الخـدامه و ابو فاضل قاضي


خـلـتـنــي احب
وللخدمه انجذب
عبــد ام البنـين
يـاريـت انحسب

ادخيل ام البنين

......................

ام البنين .. وتــوگــف الـسـوالـــف
شيـكتب قلمنه شتـنطق الشفايف
عـن مـره بـو فاضــل يـحب اديها
ســـيـدةُ الايــــثــار والـمـواقــف


مولاتي
عـدهــا ابــن بالغاضــريه عــجـزو يلاگونه
رضع من درتـها غيره وصار حامي اضعونه
هــوه ممنـون الحُـسين وهـيه اله مـمنونه


ماكو بـهالوفه
بس هيه وكفه
عباس الكفيل
ربــت مـوقفه

ادخيل ام البنين

........................

كلشي انتهى .. وباقي ذكرها خالد
وام الگـمـر خـيـر الـلي عـدها زايد
عــنـدي المهم ترضـى عـلـيه خادم
لو اعمري اخلصه ابابها ابقه ساجد


مولاتي
مـثل قـطمير ارد اصـير ابابج وماعوفه
عـبـد متـذلـل ورافـع لـلكريمـه اجفوفه
وانتي مارديتي واحد من قبل معروفه


رافع يمنــتـي
ويمج حاجتي
رايد عالحُسين
احرگ مهجتي


ادخيل ام البنين

......................

كل مجلس ايصير بفضلها هيه
والــراد يـوصـل گـلبه لـلزجيه
ينخه ام گمر عدنان تاخذ ايده
ويگـلها يـامـولاتي اخذي اديه

مولاتي
مــاكـو واحد گـدر يـخدم وحـّده وبـزوده
ابـزود مـولاتي خدمنه وجف ابنها وجوده
مستحيل يصير مجلس واهي ماموجوده


ابكل مجلس عزاء
تلــگه ام الــوفاء
تلطم عالـسليب
الضامي ابكربلاء


...........................


ابو حميدة الشويلي

اللهم عجل لوليك المنتقم الفرج

شهادة مولاتنا ام البنين عليها السلام

( عزاء الفواطم )

ياهي الجايه ومنتظره عالباب
اظن هاي الوفيه وام الاطياب
تعالي ياشـريجـتـنه بالامصاب
الج حگ البجي ولازم تنـوحين

تعالي وجابـليـني وخـل نـون حيل
انمـنعـت امن البواجي ابهدوة الليل
وشيسكت لاخـوها داسـته الــخـيل
گلبي امن الهظم مجسوم نصين

و اجت ام البنين وحــسها مبحــوح
و خدها امن اللطم عالوالي مـجروح
صاحـت صـدگ عود احسين مذبوح
وضل مطروح جسمه بالميادين

ولـدي اهناك خوما قـصرو اوياج
انه مــربـيـتهـم يـمـوتون جــواج
من رحتي اعله هزله ياهو ماشاج
وياهو الصاح زينب وين ماوين

زينـب گالت الها . اهناك عــبــاس
وگف وگفه لخواته تــرفع الـراس
بس من طاح هدت عالخيم ناس
واخيالي انلمح يايمه بالعين

اجروح اتگابلن يبجن عله الصار
ثكله بثكله لطــمن واللـطم حـار
مــافـتّــر لطـمــهن بــالــگلب نار
لطم الفاجدات الفگدن ابنين

وام عــباس شـهگت رادت اتمـــوت
ولاجـت من وجعها وصاحت بصوت
صدگ جسمه بحصيره وماكو تابوت
صدگ مسلوب ضل بالهيمه لحسين



ابو حميدة الشويلي

اللهم عجل لوليك المنتقم الفرج

شهادة الامام علي الهادي عليه السلام


ابـعــث دمـعـي ..السـامـره وعـاشر معصوم
و اللطم ضلعي .. بسم ابن الزهره المسموم


لـلـهـادي اللـيله الـدمـعات
وتتعاله بگلبي الصرخات .. بسم ابن الزهره المسموم

------------------------------


الليله انعى .. وشكو دمعه
ابعيني ابجيها اله

ادگ گلبي .. وادعي ربي
بالدموع اتوسله

الليله نوحي .. وكل جروحي
على الهادي وكربله


انعين الزهره .. التفگد هاي الليله اوليد
ريت الحسره .. عالمسموم بگلبي اتزيد


كون اتهد حيلي الحـسرات
وتتـعاله بگلبي الصــرخــات .. بسم ابن الزهره المسموم

------------------------------


بخان وسفه .. والله كلفه
ايبات ابن سيد البشر

وسجن حفره .. كسر ظهره
وشبع شوغات وقهر

طلع منه .. وكثر حزنه
بغربه واحزان الدهر


ضـيگ سجنه .. واظلم مـايـوصــلـه الـنـور
اه ياحزنه. .. و اه اعله الـدنيه مــن اتــدور


تـخنگ وحشـه الـزنزانات
وتتعاله بگلبي الصرخات .. بسم ابن الزهره المسموم


------------------------------

ابن ساده .. وصار زاده
سم. من جفوف الغرب

ياعجيبه .. هالمصيبه
كون دم عيني تصب

الولي العاشر .. النسله طاهر
ضل طريح اعله الترب


خلص عمره .. مسجون الهادي ومطلوب
ابــن الــزهره .. لــو يتـسمم لـو مسلــوب


لازم كــون ابهظمه ايـبات
وتتعاله بگلبي الصـرخات .. بسم ابن الزهره المسموم


------------------------------

ويلي مامي .. مات ضامي
والسم بجبده گطع

انمرد جبده .. مثل جده
وهم اله محد فزع

بديره غربه .. ذاب گلبه
امن الهظم وامن الوجع

اتفت جبده .. شعنــده السم وي اهل البيت ؟
ومات الوحده .. وانا الهاي ابـجي اتعــنيــت


ضـل يـتلوه ويــم شمـات
وتتعاله بگلبي الصرخات .. بسم ابن الزهره المسموم


------------------------------


والله حيره .. ابلايه ديره
يبقه ابن سابع سمه

طبگ جفنه .. وعاش حزنه
وحيل لطمت فاطمه

العسكري انوب .. گام شگ ثوب
جزع واعليه انغمه


جــد المهـدي .. بگاع الغربه امـغمض العين
اللطم خدي .. الحزن الهادي وحزن احسين


كــون اليـوم اشبع لوعات
وتتعاله بگلبي الصرخات .. بسم ابن الزهره المسموم


----------------------------


ابو حميدة الشويلي

اللهم عجل لوليك المنتقم الفرج