إثنان وعشرون عامًا..❤️‍🔥✨

ــ كِتاب "أدب الصلاة"

مو شرط نصلي صلاة بذرف الدموع والخشوع التام حته نعتبرها صلاة جيدة لان هيج راح نصاب بالاحباط لان الي يوصل لهل منزلة فقط الاولياء واحنه حاليا رتبتنة بسيطة وممكن نتقدم ويه الوقت.

لحظة إدراك ،چنت هوايَ أأجل الصلاة بحجة اني حاليا تعبانة وماعندي قدرة اصليها بخشوع وبلذة وبعشق لله 🤦🏻‍♀.

حته من ناحية الكتب او الشغل انو الواحد مثلا يختارله رواية يستمتع بيها وتخلص بسرعة فدشي سهل بس التحدي اليوم و احس بالانجاز اذا خلصت فد كتاب مُعين مُفيد وجاف وگوه يخلص واخلصه بلا تكاسل او اسوي الشغلة الي تتطلب مجهود هيج اكون صدك دابني اساس وعادة قوية بشخصيتي بحيث كُلشي مَيصعب عليه.

شباب يجنن يجنن انصحكم بي
بغض النضر عن الشيخ شيعي او سني ف هو سرد قصص الانبياء من دون زايد او ناقص الطرفين يتفقون عليها وسردها بطريقة حيل سلسة لا ومُمتعة وتگدرون تسوون تسريع بـ ١٠ دقايق تخلص الحلقة واني اشوف عيب هل قصص يطلع واحد بينه مَيعرفها ،وسلامتكم ..💛

لا شباب طلعت اكو شوي فروقات بس معلش 😔😂

ضروري الشخص الي ترتبطون ويا تعرفون اذا يصلي او لا واذا باول وقتها او لا ، لان اذا مملتزم ومانطي الموضوع جدية واحترام وهيبة للرب الي خلقة وناطي طن نِعم شلون انت الانسان البسيط تتوقع منه حياخذك بجدية ..؟

وحته اوقات الصلاة من كُل كم ساعة نروح نصلي احيانًا نحس ماعدنه إقبال على صلاة بس هيه هنا الفكرة انو تجاهد نفسك والصلاة مو مجرد والله عندي حُب لله وحلتقي بحبيبي لا لازم نتدرب بكل وقت نترك كلشي ونصلي + هَل شي حيعلم الانسان على الانضباط وقت العصبية او غيرها ويتحمل الشخص الي دايزعجه لان هو سابقا متدرب على انو يقدم على فعل يحس بي ممكن يسلب راحته الي هيه الصلاة من نحس كسولين والا هيه الصلاة اكيد مو هيج بس احيانا هيج نحس بسبب تكرارها، وسلامتكم 🧡.

🧡ـ تمت القِراءة ،من البداية چنت متأملة بالكتاب من شفت الكاتب الشيخ بناهيان ومَخيب ضني.

الكتاب من ناحية المعلومات المهمة
الاختصار وحجمة الصغير
والمصادر كُله ١٠ / ١٠ 🩶🪴
وحرامات أي إنسان يفوته.

قريته من كم شهر وچان من اكثر الكتب الي أثرت بيه 🩶.

دا أجاهد حته اخلص من إدمان الريلز 😃.

My vission board .. 💕

أو "لوحة الإلهام ✨"

شباب CHAT GPT إنقاااذ كُلش حابته
سابقًا عانيت من ادرس ويخطر ببالي سؤال وياخذ طن وقت لما الگي اجابته باليوتيوب او بموقع واني ماجوز الا افهم هسه يجي الجواب مثل ماريد وبسرعة ف أي تگدرون تستفادون منه بأي سؤال مو بس دراسة حرفيا بكُلشي حته گتله اني احبك 😂😂🤦🏻‍♀.