Аллоҳ саҳиҳ қудсий ҳадисда айтади: "Агар Мендан сўраса бераман. Агар дуо қилса ижобат этаман. Мендан паноҳ тиласа, паноҳимга оламан!".
Мўминнинг қалбига ғам-қайғу ярашмайди.

@MubashshirAhmad

Куч адолатдами ёки адолат кучдами?

Куни кеча Халқаро жиноят суди (ХЖС) Ғазо секторида инсон ҳуқуқларини қўпол равишда бузгани ва ҳарбий жиноятларни амалга оширгани учун Исроил бош вазири Бинямин Нетаньяху ҳамда собиқ мудофаа вазири Йоав Галлантни ҳибсга олиш ҳақида қарор чиқарди. Бу қарор халқаро жамоатчилик томонидан адолат йўлидаги муҳим қадам сифатида баҳоланди.

👉 Батафсил ўқиш

@MubashshirAhmad

Али ибн Абу Толиб каррамаллоҳу важҳаҳу дурларидан:

Дунёга берилган талоқ жаннатнинг маҳридир.

Аллоҳдан бошқа ҳар қандай мақсад зое бўлишдир.

Бир озгина шаҳват узоқ маҳзунлик келтиради.

Ақл камолотга етгани сари шаҳват камайиб боради.

Гуноҳни тарк этиш тавба сўрашдан осонроқдир.

@MubashshirAhmad

"Бўйнингизга арқон ташлашларига рози бўлибсизми, ким етаклашининг нима аҳамияти бор энди?!"

@MubashshirAhmad

Зумерлар авлоди: дунёни ўзгартираётган ёшларнинг ўзига хос хусусиятлари. (Видео)

Ушбу авлод вакиллари чексиз ахборот асрида ўзларини ёлғиз ҳис қилишмоқда ва табиийки, улар тушкунликка тушиб қоляпти. Сўнгги йилларда дунёдаги қатор ривожланган мамлакатлар ёшлари орасида ўз жонига қасд қилиш тенденциясининг юқорилиги бунга мисол бўла олади. Шунинг учун Ислом диёрларида мусулмон ёшлар қалбига Ислом орқали йўл топиш фойдали бўлади: бу уларнинг ташвишларини енгиллаштиришга ва руҳий азобларини камайтиришга ёрдам беради. Шу ўринда Қуръон ўқиш, зикр мажлислари ҳам инсонни тушкунликдан халос этиши кузатилган – Нажван Аҳмад, “Al Jazeera” журналисти.

Томоша қилинг 👉 https://youtu.be/yrHYb0L5Shs
Батафсил: https://azon.global/2336

©️Azon Global

1991 йилдаги Кўрфаз уруши давомида Саддам Ҳусайн раҳбарлигидаги Ироқ Исроилга 39 та баллистик ракета отган. Бу ҳужумлар Ироқнинг Қувайтни босиб олишига қарши АҚШ бошчилигидаги халқаро коалициянинг "Чўл бўрони операцияси" давомида содир бўлган.

Ироқ асосан Совет Иттифоқи томонидан ишлаб чиқилган ва кейин модернизация қилинган "Скад" баллистик ракеталаридан фойдаланган. Ракеталар асосан Тель-Авив ва Ҳайфа шаҳарларига йўналтирилган.

Ҳужум натижасида Исроилда 74 киши ҳалок бўлган: уларнинг аксарияти ўқ-дорилар сабаб эмас, балки юрак хуружлари ва саросимага тушиш оқибатида вафот этган. Минглаб уйлар ва инфратузилмага жиддий зарар етказилган бўлиб, молиявий йўқотишлар миллиардлаб долларга баҳоланган.

Саддам Ҳусайннинг бу ҳаракатлари Исроилни можарога жалб қилиш ва араб давлатларини халқаро коалициядан ажратишга қаратилган стратегик манёвр бўлган. Бунга қарамай, АҚШ босими остида Исроил жавоб ҳужуми қилмаган, бу эса араб давлатларининг коалиция таркибида қолишига ёрдам берган.

АҚШ Исроилга "Патриот" ракета ҳимоя тизимларини етказиб берган, уларнинг баъзилари Скад ракеталарини йўқ қилишга муваффақ бўлган.

Бу ҳужумлар нафақат ҳарбий, балки геосиёсий жиҳатдан ҳам муҳим аҳамиятга эга, балки Саддам Ҳусайннинг халқаро майдондаги ўрнр ва қудратига мисол бўлади.

© Тарих ва сиёсат

@MubashshirAhmad

ҚУЙИДАГИ САТРЛАР ЁЗИЛГАНИГА 109 ЙИЛ БЎЛИБДИ. ЎҚИБ КЎРИНГЧИ, ЯХШИ КЎРГАН НАРСАЛАРИМИЗДА ОЗГИНА ЎЗГАРИШ БЎЛДИМИКАН?!

===========================
АБДУЛЛА АВЛОНИЙ: КИМ НИМАНИ ЯХШИ КЎРАР (1913 йил)

Эҳтимол, бизнинг халқ илму маърифатни, тарбия ва таълимни, ҳунар ва саноатни яхши кўрар, деб ўйлайдурғондурсиз? Йўқ, бу фикрингиз ёнглиш.

Эшонларимиз тоат ва ибодат, панду насиҳат, зикру тасбеҳ ўрниға тўйлардан тўн киюб, кўб ошаб, кўп ухлашни яхши кўрурлар.

Уламоларимиз дарсу таълим ўрниға, бир-бирлари ила ўрун талашиб, мукаррир ва мударрис бўлишни, ўзлари бўлолмай қолсалар, эшикма-эшик юруб сайловни бузишни яхши кўрурлар.
Имомларимиз, халойиқға ваъз ва насиҳат ўрниға, тўй ва жанозаларда юруб, жома кийишни яхши кўрур

Бойларимиз орқа-ўнглариға қарамасдан, фойда ва зарарларини ойирмасдан бир-бирлариға рақобат қиламан деб, «бонка» ва «кридит»ларини кўпайтуруб, дўффилари тор келганда рус ва яҳудийларнинг молларини букуб-синишини яхши кўрурлар.

Мўйсафидларимиз намоз ва ниёз ўрниға, масжид эшигига йиғилуб ўтуруб, ҳар кимни ғийбат ва шикоят қилишни яхши кўрурлар.

Муаллимларимиз бир-бирларидан қизғонишуб, болаларни арзон ўқитаман деб, бир ўзларига юз, юздан ортуқ бола йиғуб, ўзлари тўй ва маъракаларда болаларнинг умрини бекор ўткаришни яхши кўрарлар.

Савдогарларимиз: «Тўйликни тўйи ўтар, тўйсизни куни ўтар» деган сўзга амал қилмай, қайси маҳаллада тўй бўлса, дастурхончилик қилишни яхши кўрурлар.

Дўкондорларимиз ишларини тартиб-ла солмай, замонаға мувофиқ иш юритмай, Маллахон замонидан қолғон эски дўкон, эски тос, эски тартибларини яхши кўрурлар.

Оналаримиз билим ва тарбия ўрниға эрлари ила урушуб-талашуб қизлариға мол қилмакни яхши кўрурлар.

Оталаримиз болалариға ўқутмак ва таълим бермак ўрниға «Ўғлум эмди каттакон йигит бўлдинг, шунча ўқуганинг етар, пул топ!» — деб «ташишка» — ҳаммоллик қилдиришни яхши кўрурлар.

Заргарларимиз йигирма тийинлик кумуш, ўн тийинлик тилло орасиға мум ва сақичлар жойлаб, исмини қиз ҳайрон, зебигардон қўюб, беш-ўн сўмга сотишни яхши кўрурлар.

Табибларимиз долчин, занжабил, ҳуббул малик, филфил каби бир неча атторни қутисида йўқ нарсалардан мураккаб дору ва маъжунлар ясаб, бечора нодон халқни пулини олишни яхши кўрурлар.

Машшоқ ва ҳофизларимиз тўй ва базмларга бир мардакни(нг) исмини бачча қўюб, ўзлари ила баробар олиб юруб, «миллий адабиёт» ўрниға «Хоним ялола, бегим ялола» деб баччага ташланаётган пулларни бўлуб олишни яхши кўрурлар.

Саводхонларимиз жарида ва журналлар, тарих ва рўмонлар ўрниға Дақёнус замонидан қолғон, хурофотлар ила тўлғон «Андоғ урдиларки, гард-гард бўлуб кетди», деб лофлар ёзилғон китобларни оғизларини қуфуртуруб ўқумоқни яхши кўрурлар.

Ёшларимиз илм ва маърифатли бўлишни, ҳунар, санъат ўргонишни ўрниға, ўзларига зеб беруб тор шим ила калта камзул, қотирма ёқаларга бино қўйишни яхши кўрурлар.

Ишчиларимиз илм ва ҳунардан маҳрумлиги сабабли бошқа миллатлар илму маърифатлари соясида кунига 4-5 сўм ишлаб турган бу замонда кунига уч тангаға мардикорликни, ойиға ўн беш сўмға қоровулликни, йигирма сўмға фанар ёқишни, ўн сўмға кўнка йўлини тозалашни ва шуларга ўхшаш энг паст ва оғир хизматларни яхши кўрурлар.

Болаларимиз оталаримизнинг илм қадрин билмаган, илм учун пулни кўзлари қиймаганлик сабабли ўқумоқ ва ўрганмоқ ўрнига «Оҳ пул, жоним пул», деб «ташишка» — ҳаммолликни яхши кўрурлар.
Муҳаррирларимиз кўб-кўб оқча олиб, оз-оз ёзишни яхши кўрурлар.

Муштарийларимиз фойдали мақолалар ўрниға хабарларни яхши кўрурлар.

Шоирларимиз миллий шеър ва адабиёт ёзишни ўрниға мувашшаҳми ёки «қошингдан, кўзингдан», — деб, жавонларни мақтаб фасод ахлоқға сабаб бўладурғон шеърлар ёзишни яхши кўрурлар. Аммо мен бўлсам, ҳозирги замонда индамасдан туришни яхши кўрурман.

Муаллиф: Абдулла Авлоний

Нигора Умарова саҳифаларидан олинди.

@MubashshirAhmad

Гуноҳларни тараққиёт ва цивилизация сифатида кўрсатиш инсонни уларни ғурур билан бажаришга, уларни ишонч билан ҳимоя қилишга, мухолифига эса нафрат билан қарашга мажбур қилади, чунки фикрий мастлик, хамр (спиртли ичимликлар) туфайли мастликдан хавфлироқдир.

(C) Шайх Абдулазиз Торифий

Манба

@MubashshirAhmad

Диний фикрни янгилаш қуйидагиларни талаб қилади:

- Етук ақл.

- Покиза қалб.

- Тарих хатолари ва авлодлар тойилишларини кўра билиш.

- Оддий Қуръонхон эмас, Китоб олимларидан бўлиш.

- Шунчаки ровий эмас, ривоятлар мутахассисларидан бўлиш.

- Тақлидчи эмас, ислом фақиҳларидан бўлиш.

- Жорий урф-одатлар қули ва енгил (асл манбада сассиқ, дейилган) изланишлар эгаси эмас, балки тарбия ва таълимнинг усталари бўлиш.

Шайх Муҳаммад Ғаззолий

P. S. Кейинги пайтда диний масалаларга кўп бора бурун тиқаётганлар учун яхши қўлланма экан.

P.S.S. Бу ерда дин ислоҳи ҳақида эмас, диний фикрни янгилаш ҳақида сўз бормоқда. Ислом дини ҳеч қандай ислоҳотга муҳтож эмас. Мусулмонлар ва уларнинг фикрларини бошқаларнинг кирларидан тозаланса кифоя.

Мубашшир Аҳмад

@MubashshirAhmad

Фиръавн қачон ҳалок бўлган биласизми? Баҳрда, сувга ғарқ бўлганида, дейишингиз мумкин. Йўқ, унинг ҳалокати Мусо алайҳиссалом туғилган пайтларидаёқ бўлган. Аммо сувга ғарқ бўлиши билан у ниҳоясига етган.

Латиф исмли - Аллоҳ ишларни ўта дақиқ ҳисоб билан, бандаларининг кўзидан йироқда жорий қилиб қўяди. Биз эса натижани иш ниҳоясига етгандагина кўрамиз. Шунинг учун бесабр бўлиб, нусрат қани, дея инграймиз.

Ғазо қирғинида ҳам, иншааллоҳ шундай бўлади. Бегуноҳ тўкилган қонлар ва кўрсатилган матонату жасоратлар беҳуда кетмайди. Зулм машинасининг ичи тўкилиб боряпти. Худо хохласа исроил бошлиқ сионизм тарафкашлари қандай қулашини кўзимиз билан кўрамиз.

Илоҳий бу қонуниятдан ҳеч бир золим четда қолмайди. Зулми сабабли улар ўз ҳалокатини ўзи яқинлаштиради ва ўзини ўзи чоҳга итаради.

"Золим кимсалар эса яқинда қандай оқибатга қараб кетаётганларини билиб олурлар". ("Шуаро" сураси, 227-оят).

@MubashshirAhmad

Вақф бу “абадий двигател”

@MubashshirAhmad

Яҳё Синварнинг васияти: “Душман қуролларимиздан эмас, ҳақда собитлигимиздан қўрқади”

Томоша қилинг 👉 https://youtu.be/5FJv-zmoAPg

@MubashshirAhmad

Севгичалик ҳақиқат кўринадиган, аслида хаёл бўлган ва ўлимчалик хаёл кўринадиган, аслида эса ҳақиқат бўлган нарса йўқ.

Мустафо Маҳмуд

@MubashshirAhmad

"Хато жуда катта кўриниб кетади... агар уни бошқалар қилган бўлса".

@MubashshirAhmad