Bugun, 24-yanvar kuni Favqulodda vaziyatlar vazirligi Markaziy apparatida "Vatanparvarlik - yuksak qadriyat" mavzusida davra suhbati bo‘lib o‘tdi. Unda xalqaro iqtisodiy munosabatlar va tashqi investitsion faoliyat boʻyicha mutaxassis, taniqli notiq, iste’dodli jamoat arbobi, Yuksalish liderlar akademiyasi, Biznes kvadrat, Patronlar ligasi klubi asoschisi Muhammadali Eshonqulov ishtirok etdi.

Ochiq muloqot tarzida o‘tkazilgan tadbirda spiker oila, Vatan va uning taqdiriga befarq bo‘lmaslik, muvaffaqiyatga erishish sirlari, insonni kamolotga eltuvchi omillar xususida fikr yuritdi.

Uchrashuvda hududiy boshqarmalar va tarkibiy tuzilmalar xodimlari ham onlayn qatnashdi.

Yakunda xodimlarni qiziqtirgan savollarga atroflicha javob berilib, mavzuga doir dolzarb masalalar muhokama qilindi.

Boshqa yangiliklar
Fvv.uz | Facebook | Telegram | Youtube | instagram | X