ياجرحي كافي    نوم العوافي
الخير ينشال برمح ياوجه الحسين
بذيج الخرايب    ماضل گرايب
محد بقه يباري ضعن شايل نساوين

ياوجه الحسين الحرم ضايع وليهن
عالنوگ چم عين الصبح شافت عبيهن
السوط سهلة ينشگف بچفوف اديهن
بس الحچي ما ينشگف لو مر عليهن
بابا بابا     بس عاين علية
بابا بابا     مجروحات ادية
بابا بابا    شو ضاعت رقية

واني طفلة وحملي مال
ويني  او   وين  الحبال
بكربله  مات   الدلال 
اوي الحسين
،،،،،،،،،،،،

حيرت ضعنه      الما بي محنه
شالو امان  الله برمح  اشباه الارجال
لو مال رمحة    يلجمله جرحه
انه ادري والدنا ترف مو هيج ينشال

يابوية التگابل رمح ما تگدر  اتنام 
والسوط ماخله متن بجتاف الايتام
اسنيني خمسة وشيّبت كبرني الشام 
ليل الخرايب ينحسب كل ليله ابعام
بابا بابا    بالترچية تدري
بابا بابا    باگو حتى عمري
بابا بابا    ويگلولي صبري

انه يم راسك بچيت
بعت ترچيتي واجيت
ردت محبس مالگيت   
لصبّعك
،،،،،،،،،،،

چا يمته نرتاح     ونعوف الارماح
تلگونه بحجار و طبل اشمالها الناس
اباب القصر ذاك    خلوهن اهناك 
سبعين راس وما عرف منهن فرد راس

معقوله ضيّعت العرف مدري النضر راح
كل واحد البيهم  گمر و تخربه  الرماح
الشام  مو  مالت  ستر  الوادم  اوكاح
من شاف زينب تنظرب من الرمح طاح
بابا بابا     لخدي لاتباوع
بابا بابا     اثر طبع الاصابع
بابا بابا     وتهيّج المواجع

هيه بس الليله هاي
وبالخرابة نحسه جاي
حسين لاتلزم  گفاي 
والجروح
،،،،،،،،،،،

ابذيج  الخيام      كلالي بالشام
راح اني اجيچ وما اجه چاوين الگاه
هلبت اشوفه     لا ما اعوفه
هيج ويسويها البخت وياخذني وياه

حلم الطفولة ما كمل ساعة رحيله
واني بطرگ عين وجفن ردت اشتكيله
چني احس عمري گصر عمه العقيلة
جيبولي راسه البطشت خلوني اشيله
بابا  بابا     مودع الله يغالي
بابا بابا.     يالمضيع دلالي
بابا بابا     حلال الله وحلالي

بالخرابة  من  افوت
صنطه كلها وماكو صوت
بوية لحگ راح اموت
واخذني
،،،،،،،،،،،
كريم الدراجي

يا جرحي كافي

يمشي بضعن بي هيبة الله وجماله
حسين الهجر تالي العمر شو حلاله

ضعنه يمشي وانه امشي
بس اخذني وخلي كلشي 
تدري طلفله   وأبقى ابجي وراك 

الما نسيته  و ما ناساني
البل محنة  ماله  ثاني
تدري گلبي  ما مل من هواك

اليفارك  روحه شمنتظر   
رسائل    تخلقله العذر         
  تهود      لجمات الگلب 
بقى الصوت   ماعاف الاذن 
وره الروح     اشما حنت يحن
والجروح        تعرفمن تحب

شد رحاله وما سألني
وهوه داير وجه عني
اني ابجي وهو يبجي
جرحي منه وجرحه مني
،،،،،،،،،،
راحو هلي وجرحي بعد ماله چارة
والكربله من هسه احن  للزيارة 

أخذوني اصيحاً    اخذوني
ويمه   اموتاً.          خلوني 
يبقى حلمي      مشتاگه واجيك
دمعت الحب   اعلى خدي
يبدي ليلي       وأنت تبدي
كلشي بيه   يسئلني عليك

اخذني   وأبقى وياك أحب
بلياك.      مكسورة كلب
ويخلص.     على ساعه العمر

وره جفاك   ضل كلشي عدم
أحن ليك.   ولهلي البلخيم
الحمل مال       يهلي وانتظر

ردت جلمه تذكره بيه 
أتوسل  بعمتي  ورقيه
طفله تبجي هناك ضلت
وبلكي گلبه يحن عليه
،،،،،،،،،،،

راح وگصر عمري شكثر في غيابة
دگيت باب الله وشفت انته بابه
من  ازورة    ويمي أحسه
قصة  الحب   تبدي هسه.
حتى حبنة   يكبر ما يموت

راح ابوي    وماكو  رده
بوجهي باب. الحب يسدة
واني أتاني  يادنيا حرام



وره جفاك   يگتلني البعُد
تره الموت    ياخذ مايرد 
 بلفراگ     كلشي اخضر يبس

يردون      لا ماضن صدگ
والغروب   لو أمر اختنگ
عليله           وبيه آخر نفس 

لهسه بأذني  باقي صوته
من جمع ولده واخوته
گلبي اهنانه علمني 
باجر اهلج كلها موته
،،،،،»»،،

راح بوگت مابي هلا بس ملامة
ماكو  الحمد لله بعد عالسلامة
كلبي عنك     لو  سالته
يريدك انته   وماكو انته
وبغيابك  ما يرضى يطيب

نسمة الحب  لو تمرنا
شما كبر  يزغر عمرنا
خل اشمك  وخل تالي اموت

يالحسين   تعبني السهر
الغياب     جرح لو كبر
ترى يطيب    لو ردو  هله

على الباب  عيني شما ترف
ياهل ناس     ماضلي عرف
ياهو الضل      يرد و استقبلة


هناك  و هنا  دوريته
عايش بروحي لگيته
لو تصير وداعت الله
ابيع روحي  وشتريته
,,,,,,,,
كريم الدراجي

ضعن المدينه

صبحكم الله بالخير جميعاََ عندي حاجه ومحتاج دعائكم يحفظكم الله ويطول بأعماركم جميعاََ لاتنسونه من خالص دعواكم في هذا اليوم المبارك.

استشهاد الزهراء  ع

محتاره بخدري ومحتاره ابأبني
اشما ادفع روحي والباب ايردني
       حاولت اشگد
     كل حيلي انهد    
     ++++++++++
قبل ما يلتقي المسمار بضلوعي
محسن والحجاب وستري موضوعي
ابذلت مجهودي كله ونزلت ادموعي
الوع ابسكته ما واحد سمع لوعي

اشد الايد//لچن شيفيد
عالباب ابرفسته ايزيد

تطلع اتمنه وما طلعت روحي
مو عيني وضلعي اكثرها جروحي
     ايسبني اتعمد
     كل حيلي انهد
      ++++++++++
بين العصره والدخانه والخنگه
ادور عالهوى وما تحصل الشهگه
بقت فتره عليه بابي والطبگه
امد ايدي اعله تچوه بصفي ما الگه

ولهيب النار //اعله وجهي وحار.
وين انطي الوجه احتار

بيتي ومحتاره وما اندل دربي
تطلع لحگوني من دگت گلبي
     ماجاني احد
     كل حيلي انهد
     ++++++++++
اكثر من وگعتي اتألم النهضه
بسطرته ادموعي عالجدران تتشضه
اصيح وصوتي من النشغه بي كضه
طلعت گوه بس لحگيني يافضه

تعالي بساع//كسيره اضلاع
  ضاع اوليدي محسن ضاع

مافكني بسوطه هم رد يضربني
انهض بالگوه وللگاع ايذبني
      صحته وما رد
      كل حيلي انهد
     +++++++++
سطرو عيني وبعيني الوكت ظلمه
الخنگه والهوى البالگوه اشتمه
صوت اسمعته وينچ فاطمه يمه
زينب والحسن وحسين اجه ابهمه

شبگ ليدين //عليه حسين
وين ايگلي جرحچ وين

گتله انته اكبرها جروحي وآلامي
يومك عن يومي يفرق يالضامي
      الزينب من صد
      كل حيلي انهد
     +++++++++
عليه التمو اولادي يحاموني
شگف السوط لا يوصل عله متوني
وهگ بيهم ضرب يايمه نادوني
من وگعوا عليه بضلعي لچموني

اون بهداي//جروحي اهواي
   اضمه وما طلبت الماي

اعطش واتحمل واتذكر  خيمه
محترگه وزينب تركض بالهميه
       وكلشي اتفرهد
       كل حيلي انهد

ثائر الربيعي

محتاره بخدري

""تساؤلات""


من يا باب وجاي لبابي   من قرآنك لو قرآني
                     
نفرض من باب المعروف     ليش النار ببيتي تطوف               

                       عندك تفسير

............................................................
قبل الموت ووصه بحيدر بعده يكون
بس العايش وي شيطانه طبعه يخون
خـنتو القسم زاده ويـاكم  هـذا يهون


مات وما متأمل منكم ...  إنصاف اليطلع من عدكم

تريد الشيطان الينصركم ... ما معقول

يعرفكم مو كد حجاية ... لا سلمكم سيف وراية

شلون ويحسبكم تجاية ... ما معقول


صحابه ولو ميزكم غير    ليش ومسعاكم مو خير

                          عندك تفسير
.........................................................
علل لو رايد ترضي الله أبدي بهاي
مراضاة الخالق ما سامع  من رضاي
يـم بابي وفتوتكم بيهه حجة ورأي

شتريد توصل من فكره ... لو قرآني انتَ تنكره 

بس الباب البين مكره ... دفعة موت

 يا فتوة الشعلت نيرانك ... يمكن مكتوبة بقرآنك

تدفع بابي ومو بيبانك ... دفعة موت  

نفرض نيتك تدفع باب      جا ليش المحسن ينصاب 

                          عندك تفسير
..........................................................
يا ضلع الــ من عنده تأذه أعظم أنسان
مات وسامع منه حجاية  مو للــ نكران
كـال الآذى الـفاطم يعني يآذيني وهان

مو هينه وضلعين بـيوم ... كاسرهن وببابي تحوم

باجر غصن من الزقوم ... تترجى تصير


ما متوازي من تأذينه ... منك ما ردنه وتنطينه

بالجنة نصير و تلفينه ... تترجى تصير 

دنيا وسولفلي بحاضرهه      ضلع ومو كلمة الكاسرهه
     
                          عندك تفسير 
..........................................................
أمـرك بيـن  أثنين أتخيـر  لا تحتـار
بس حقدك مو درب الجنة بعد الصار
الـفاطم أنه الـحبني تفطـم مـن النار

 جنة وتسمع بس طاريهه ... جنة وتحلم تدخل ليهه

 وجنة وحاكم انه البيهه ... بأمر الرحمن

نار تلوگ لمثل امثالك ... اختاريت وهذا ليحلالك

لا شفع الباجر يبرالك ... بأمر الرحمن
                  
 شنيتك وبحقدك شتريد   أتسائل لو ردت تهيد

                            عندك تفسير


محمد كاظم العقابي ✏️✨

تساؤلات

السيده زينب والزهراء عليها السلام


بيه الج حسره ...وكلمن وصبره
غربه صارت بالمدينه عيوني مخنوكات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
                             *

والله دارت... اي ييمه وجانت امالي اشكبرها
هسه صارت...الميته امه  يگضي عمره يم كبرها

جنت احسب يمه اشوفج فيء علينه
بسدج اكضي الليل كله يالحنينه
وينه حضنج يمه ذاكَ البي ربينه
والله مشتاكه لكعدتج وال حجينه

ضايع  ابعمره ...الفاكد الزهره
حزنج وفكدج ييمه بينه مرسومات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
____
شحجي يمه ... كلشي يكتل بينه صاير حتى فكدج
وكلشي ضلمه... منين اجيب الوان تشطب بينه حزنج

وحشه صارت كل محاچيها المضايف
الخنگة تفتر چنها واحد صوته خايف
ياهو مثلج من تعزبه تصب سوالف
حتى طير الله اليچهبج كلبه لاهف

بسمج السفره...حيرت فقره
ردت اضم اضلوعج النه تالي مكسورات
توها جانت عافيتنه وماتت الكلمات
ياهو بعدج يبقه النه  ذني هم حسرات   ذني هم حسرات
___
بنيه وحده ...وماتت امها تخيل بهاي المصيبه
ياهو انشده... يكلي اعضم يوم الج يوم الغريبه

يبدي دمعي ،بروحي اسافر كلبي شارد
بيمن التم شنهي اصيرن، وانه واحد
حيره من تكبر، صفنتي ،والمشاهد
ياهو بيكم شاف موته وهو كاعد

ينحفر كبره...المختنك صدره
الحيره تكبر بينه باجر وحنا علويات
توه جانت عافيتنه وماتت الكلمات
ياهو بعدج يبقه النه وذني هم حسرات.   ذني هم حسرات
___

يبدي فكري...من الحزن ياخذ مراحل انتصاره
منهو يدري...الواكف ابحيلين طالع من خساره

بهيبه توكف من يحصدوها السنابل
ماتنزل راس اذا شافت مناجل
زينب انه وهذا حالي بكل مراحل
من حزن امي وهضمها للمحامل

الينكطع عطره...روحه متأسره
باجر التاريخه يكتب ،هيبه، متأسرات
توهه جانت عافيتنه وماتت الكلمات
ياهو بعدج يبقه النه ذني هم حسرات.  ذني هم حسرات



ليث كريم جحالي

ماتت الكلمات

شمس الحسين بكربلة غابت معانيها
واول شمس بالطف شفت الكاع تجويها
سولفو عنك عزيز الله شكثر
تجبر الخاطر رغم ما منكسر
ياحسين  يا حسين
،،،،،،،،،،،،،
ياشمسنه الغابت وحل الضلام
والكمر مذبوح يم  باب الخيام
انته صاحي و الخلگ كلها نيام
شكد حنين ونايمة بصدرة السهام
نام وخلي جروحك تكبر
اكبالك كل الوادم تزغر
تسكت كلها ويحجي المنحر
عاش الحسين
شيريد يحجي يا زمن الحاير بروحه
وحسين بعدة لهل وكت ما نشفت جروحه
يسكت العالم لجرحج نينوى
بعدة عطشان الحسين وماروى
ياحسين يا حسين
،،،،،،،،.

يا شمسنة الغابت بذاك الزمان
راح الحسين وبعد راح الامان
كان ياما كان اكو بالطف حنان
ورتفع راسه على عالي السنان
انته الاول وانته التالي
الكل تنصى وانته العالي
يحسين ويرخص كل غالي
لجل الخيام
طايح وعينك عالحرم تزحف على جفوفك
وتشوف  علوية  علي  اتحشم  بمعروفك
بين حرك خيامها وستر الهدم
هنانة شيرد الزلم يابو الزلم
ياحسين يا حسين
،،،،،،،،،،،
حسين مات وبعد بالطف كلشي مات
وضلت الزينب جروح الذكريات
جيت اشكي العطش يا ماي الحياة
المثل  زينب  بالخرايب  ما تبات
ما تغفه عيون العايفتك
ضلت ما ماتت سالفتك
لا تسأل عن خيمة اختك
محترگه بنار
يحسين تسأل عالخيم واهل الخيم موته
من عگب عباس الشمر هسه طلع صوته
يوم جان الكمر واكف عالفرس
صنطة جانت ينسمع حتى النفس
يا حسين  يا حسين
،،،،،،،،،،،،
نايم ونومك كسر كلب الرباب
ويلسع بجرحك شفت ذاري التراب
حسين باب الله وفتح للخدمة باب
حسين اصل الماي و الباقي سراب
العافك  لا ماضن يتهنه
الما شافك ما شاف الجنة
جروحك جا يمته يلچمنه
تاليته وين
بالعاشر الما يلچم  لا يبچي ما لازم
الما يخدم بنية الجرح ما ينحسب خادم
حسين رايد خادمة ابيض گلب
وكون بالخدمة ابد ما ينغُلب
يا حسين يا حسين
،،،،،،،،،،،،،،،

حسين كل الدنيا جانت بين اديه
خيّر و ما يرد  كلمن  يعتنيه
الخيل ما عدها عقل داست عليه
والحوافر گلي جا شمسويه بيه
كلها تموت ويبقى العاشر
عايش عدنا ليوم. وباجر
شيجبرك ياكسر الحافر
بضلع الحسين
الخيل عشرة الداسته تروح وترد عشرة
نص الحوافر باگته ونص لمته  الحرة
ضاع بالطف من كثر ماداسته
يعينها الله الگامت اعليه لمته
يا حسين يا حسين
،،،،،،،،،،،،،،
كريم الدراجي

شمس الحسين
الحبيب والقريب كريم الدراجي

.......

غريبه زينب.... 💔

كل شي راح

حبيب القلوب
سيد الجنوب
نصر المقاومة
شهيداً 💔

لاحول ولا قوة الا بالله
انا الله وانا اليه راجعون
ياصاحب الزمان 💔

ينعصر القلب لفقدانك والعين لك ياسيدي تدمع
انت الذي ارعبت اليهود وليس لهم بل لله تركع

الشخصيه اللي جميع العالم يحبها 💔

ملازم جاهزة للمدرسين والمعلمين لكافة المراحل ادخل للقناة واخذ الي اعجبك

https://www.tgoop.com/+ta8JrNDdU6UzMGJi