لسان حال مولاتي ام البنين تخاطب ولدها الحسين عليهما السلام



يالغالي ،،، فراگك تره المنيه
يالغالي ،،، يل رايح امن اديه
اتمنه چنت ابدنياي ،،، انته التغمض عيناي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حل موتي ونته اتأخرت يل غيبتك مو سهله
والنعش والله ابعازتك بيديك كون اتحمله
انته الي تدفني ردت وجثماني انته اتنزله
يايمه وتراب الگبر بيدك اريد اتهله

بغيابك ،،، ميته وأحس ابعازه
بغيابك ،،، وحشه تره الجنازه
بس غربه تمشي وياي ،،، انته التغمض عيناي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ميته انه من ذاك الوكت لمن گضت انفاسك
من گالو براس الرمح يايمه كاعد راسك
من گالو بدرب السبي يحسين راحت ناسك
من مطرت الدنيه دمه وعل گاع فاض احساسك

مطشرينك ،،،، ياوسفه عل ترايب
مطشرينك ،،،، وانه انتضر وعاتب
ماادري مطبور اهواي ،،، انته التغمض عيناي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصابك ابد ماينسه يحسين عايش بيه
خيامك ابكلبي تشتعل يابو علي يوميه
اتخيل ابالي السبي وروحي احس مسبيه
وجفوف عباس الگمر يم النهر مرميه

وصيته ،،، يايمه كون اريدك
وصيته ،،، تلزم ظهر عضيدك
يايمه لا تشرب ماي ،،،، انته التغمض عيناي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اولادي فدوه اتروح الك كلمن يضحي عمره
ام وگلبهه من يحن يحسين بيك اتصبره
كتلهم اليرجع عدل منكم ابد ماعذره
منريد شي بس المهم ترضه علينه الزهره

خلوني ،،، راسي ارفعهه يمهه
خلوني ،،، بلكت يهيد المهه
ينادوني ام الوفاي ،،،، انته التغمض عيناي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
امنيتي چانت بل عمر لو رادو ايسئلوني
لمن اجاوبهم احس ينزل دمعهه اعيوني
امنيتي چانت لو متت يم گبرك ايدفنوني
اتمنه اموت ابكربله وبصفك ايخلوني

امنيتي ،،، يمك ضريح اليه
امنيتي ،،، وانت تصد عليه
وكلساع الي رايح جاي ،،، انته التغمض عيناي




تمت ،،، الشاعر سيد احمد الموسوي

مقدمه ام البنين عليها السلام


ويلي عله ام عباس ،،، واسوهه ياهل ناس

بيهه ابد لا مارحم ليش البين
ماتت اوراحت للگبر بدمع العين
يحضرهه رادت بالنعش كون حسين
وتسأل عله جفوف الكمر راحت وين
وبأخر الانفاس ،،، ويلي عله ام عباس

ننصب عزه ونجري الدمع كون الهه
ودموعنه بيهه دمه امن انهلهه
هاي المصيبه ابحسره نستقبلهه
ولو ننطي حته الروح تستاهلهه
بيهه اشكثر نوماس ،،، ويلي عله ام عباس

ابهذه العمر شافت تره بس لچمات
ام البنين اهوايه حملت اهات
جيرانهه تسمع بقت بس ونات
ماتت عله حسين اشكثر لمن مات
مات ومشه الاحساس ،،، ويلي عله ام عباس

الزينب تره وحرگ الخيم تبچي اهواي
اتگول الجره بطف كربله كون اوياي
تتمنه چانت وي ابنهه الوفاي
موجوده وبطف كربله اتوزع ماي
بيهه الوفه ينقاس ،،، ويلي عله ام عباس


ماتت يهل ناس اشكثر بيهه جروح
خلص عمرهه وتنتحب عل مذبوح
يوميه من عدهه تحس تطلع روح
الشال النعش من النعش يسمع نوح
حگه يشيب الراس ،،، ويلي عله ام عباس



تمت ،،، الشاعر سيد احمد الموسوي

https://youtu.be/SrkGaWV1fdc
قصيدة اول مره بالكره الارضيه
اداء المبدع ،، حسين جبار الهلالي
كلمات الشاعر ،، سيد احمد الموسوي
النجف الاشرف ، ،الحيدريه

مقدمه شهادة السيده زينب عليها السلام


ويلي على زينب ،،، ويلي على زينب

عاشت عمرهه اويه الدمع والاهات
وشحصلت من هل عمر بس لجمات
ايامهه المرت تره شكد صعبات
بدرب السبي والله گلب زينب مات
والشافهه اتعجب ،،، ويلي على زينب


كلمن سئل ام الخدر اندفنت وين
موجوده تلگاهه تره بگلب حسين
عاشو گلب واحد لچن همه اثنين
ومن مات اخوهه يعني اتعيش امنين
كل العمر تنحب ،،، ويلي على زينب


شيب رمشهه امن الحزن موش الراس
بيهه الوجع والله ابد ما ينقاس
ماشافت ابيوم الفرح ياهل ناس
ماتت قهر من فارگاهه العباس
وحته الگلب شيب ،،، ويلي على زينب


بطف كربله ماتت تره قبل البين
من شافت براس الرمح راس حسين
من شافت الكافل بقه ابلا چفين
رادت تشيل اچفوفه تلطم عل عين
حگهه اذا تتعب ،،، ويلي على زينب


ليش الدهر بس القهر جابلهه
وين المصيبه الزينه يختار الهه
بنص القصر رايد يزيد ايذلهه
ولمن حچت هل ناس سكتت كلهه
ويلي على زينب ،،، ويلي على زينب



تمت ،،، الشاعر سيد احمد الموسوي

شهادة مولاتي زينب عليها السلام


اعظم قصه بيهه الحزن عنوان ،،، زينب
ماتت بالغرب مايمهه خوان ،،،، زينب
مو زينب اسمهه ام الاحزان ،، زينب
زينب ياغريبه ،،،، الله شمصيبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

مهضومه گضت كل العمر وسفه
وبيهه اعله الحبايب بالگلب لهفه
ماتت بالغرب هايه وعلي كلفه
وبس وي زينب الدنيه شكثر صلفه

عاشت كل عمرهه وي الهموم ،،، زينب
ومن گد الحزن ماغمضت يوم ،،، زينب
وبالفرگه گلبهه باقي ملجوم ،،، زينب
مايهده نحيبه ،،،، الله شمصيبه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا خذهه الفكر للطف يوديهه
ويوميه تحس امچتفه ايديهه
نضرات الغرب ليهسه تاذيهه
وماتنسه الحجر من شمرو اعليهه

كل هاي المصايب تنسه امنين ،، زينب
شافت بالحجر من شمرو حسين ،،زينب
من شافت اخوهه ابلايه چفين ،، زينب
ماتت مو عجيبه ،،، الله شمصيبه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
النفس چانت اذا تتنفسه ابحسره
لأن كل ذكره بيهه النار مستعره
اذا عل باب مرت تذكر الزهره
وتتذكر اخوهه المات بالعصره

كل باب التشوفه اتصدله بعتاب ،، زينب
وتگله خذت من عندي الأحباب ،،، زينب
اول دمعه نزلت من وره الباب ،،، زينب
ياباب الحبيبه ،،، الله شمصيبه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ماتت بالغرب من ماتو اخوتهه
وغريبه ياوسف تالي جنازتهه
شكثر تتمنه چانت يوم دفنتهه
يمهه اتشوف كل اخوتهه حضرتهه

تتمنه تشوف ابزحمت الناس ،،، زينب
بچفوفه يشيل النعش عباس ،،، زينب
اتريد حسين حته لو بلا راس ،، زينب
وحسين شيجيبه ،،،، الله شمصيبه


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

العمر مامنحسب هذه لمن عاشت
ومن طف كربله زينب تره ماتت
دخيلك ياعلي بويه شكثر صاحت
تره زينب وحيده وبعدك احتارت

مهظومه وتون ابكل الايام ،،، زينب
من شافت اخوهه امترس اسهام ،، زينب
من نار الحقد شبت بالخيام ،،، زينب
ويچويهه لهيبه ،،، الله شمصيبه




تمت ،،، الشاعر سيد احمد الموسوي

نعي مولاتي زينب عليها السلام
لسان حال الحجه عجل الله فرجه الشريف



انه المهدي انه والحزن بيه
عليج انحب يزينب كل مسيه
اون اعليج من الصبح لليل
وكل ذاك الهظم ياريته اليه
يزينب من بعد مامات الحسين
وابوفاظل عله الشاطي رميه
احتاريتي بزمانج وين تمشين
الله يعينچ ابذيچ المسيه
وسفه المثلچ انتي مگيده اتروح
ومابين الغرب تمشي سبيه
ابكثر ماكو درب فروچ بالشام
وكلهه اتصيح هاي الهاشميه
وبعد ذيچ السياط التوجع الگاع
حسافه دخلوچ القصر اميه
وراس حسين كدامچ تشوفين
بطشت وعله الطشت ماتت رقيه
واسمع صوتچ اتصيحين يحسين
بنتك خويه راحت من اديه
وبعد كلشي جره اتعودتي عالنوح
وأون اوياج يازينب سويه
هضيمه يصير موتج تالي بالشام
الدخلتيهه قبل ونتي سبيه

يزينب اقري مكتوبي ورد ليچ
وبعثلچ ابكل كلمه ورد ليچ
يجيني يوم وتحزم ورد ليج
واخذ ثار بت حامي الحميه

لسان حال مولاي أبا الفظل العباس

زينب ومشتاكَ اشوف اشلونهه
بعده نفسه لو تغير لونهه

من بعد طف كربله وكلشي جره
اليوم نعش اختي اجيت ارد احضره
والله لو حته چفوفي امبتره
الغربه ماخليهم يحملونهه


اليوم اجيت اسئل عله ام الخدر
جيت ادور عن نعشهه ابيا كتر
خايف امن اهل الظلم واهل الغدر
خاف بالتشييع هم يسبونهه

هواي صار وماسمعت الهه خبر
شلون تمشي وماكو وياهه الگمر
تمشي چانت واني بس امسح اثر
خاف اثرهه يبقه ويشوفونهه


ما عفتهه و لا اعوفنهه ابد
انه ابو فاضل ولا اخلف وعد
حته لو مطبور راسي بالعمد
هم اجيهه وما اخيب اضنونهه

حشمتني زينب ابدمع اليهل
خويه قبل الموت اريدنك تحل
والله مو صعبه اذا ارجع عدل
ابگلبي زينب خلهم ايدفنونهه


حگه جفن العين يجري مدمعه
هاي زينب هاي ام الفاجعه
امودعه بالله يخيتي امودعه
اهناك حيدر والنبي يحضرونهه

بالله يادفانهه وسع الگبر
خاف مايكفي مصايبهه اشكثر
ابهيده هيل اترابهه لا تنعصر
امورمه من السوط والله امتونهه



تمت. ،،، الشاعر سيد احمد الموسوي

شهادة مولاتي زينب عليها السلام


مو يومهه ولاهو قدرهه
ياناس ماتت من قهرهه
بدرب السبي خلص عمرهه
آيزينب،،،، آيزينب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الهه الاجل المن حان .... مو يدري ماعدهه اخوان
ياهو اليشيل الجثمان .... زينب وحيده
النعش رايدله امتون ،،، ولايمهه جعفر لا عون
وحسين اخوهه مطحون ،، وگطعو وريده

مو جبيره ،،، هواي زينب ،،، بس چبيره ألامهه
شافت اهواي .. المصايب ... ابهالعمر گدامهه

ماتت قهر والحسره بيهه
لمن مشت مچتوفه اديهه
احجار اشكثر شمرو عليهه
آيزينب .... آيزينب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بزينب ولا ضلت روح،،، من سمعت حسين ينوح
والخيل تسحگ وتروح ،،، بصدره وتطشره

ضلت تدگ اعله الراس ،، شافت اچفوف العباس
وتتفرج اعليهه الناس ،،، وحالتهه خطره

والله صعبه ،،، اتشوف شبت ،،، نار وسط اخيامهه
محد الهه ،،،، والكفلهه ،،،، اعله الارض گدامهه

صعبه تره الچانت اميره
لمن ينادوهه الاسيره
زينب تره حيرتهه حيره
آيزينب .... آيزينب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تتمنه چانت بحساس ... يدفنهه كون العباس
وسفه اخوهه ابلا راس ... وراسه تطبر

يمهه الگمر كون اتشوف ... لو حته ماعنده اچفوف
من الغرب بيهه خوف ،،، رايدته يحضر

والله حيره ،،، بيهه زينب ،،، من اليشيعونهه
الشيعوهه ،، غربه كلهم ،،، وخايفه ايسلبونهه

يدرون ما يمهه اخوهه
وخاف الجنازه ايسلبوهه
زينب تره وليه ولوهه
آيزينب .... آيزينب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وسفه النعش لمن راح ،،، سكته اورا ماكو اصياح
وماكو ادين اعله اصفاح ،،، ماحزنو الهه

لمن مشت بالتابوت ،،، من الغرب سمعت صوت
اي عادي خليهه اتموت ،،،، تلحگ اهلهه

هيه زينب ،، اشسوت الهم ،،، خاطر ايكرهونهه
لو بديهم ،،، مثل اخوهه ،،،امن الگفه يذبحونهه

لو باقيه يم ذوله الاجناب
مثل امهه چا ماتت وره الباب
ويم بابهه تلتم الاحزاب
آيزينب .... آيزينب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من بعد ذيج الألام ،،، راحت ودارت ايام
وندفت بأرض الشام ،،، البيهه سبوهه

امن ونينهه الگاع اتميل ،،، ميته وشمر بيهه ايعيل اعليهه اكتبو خلي اتشيل ،،،، وتمشي لخوهه

همه ذوله ،،، التعبوهه ،،، وبالحجر شمروهه
والله وسفه ،، ناس صلفه ،،، ماتضل رادوهه

هل ناس ما يخلص حقدهم
ماتت وما خلصانه منهم
وي زينب الوادم اشعدهم
آيزينب .... آيزينب

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

تمت ،، الشاعر سيد احمد الموسوي

نزال للخدمه ،، شهادة مولاتي زينب عليها السلام


خدم خدم /// عندج يزينب
خدم خدم /// عندج يزينب


ابهل خدمه .. مو زلمه .. المايحييلج ذكر
اليتكتر .. مايحضر .. ينعد وي الشمر
وي زينب .. من تتعب .. ترتاح انته شكثر
والكافل .. تستاهل .. من تلطم عالصدر

فدوه التعب // لو الهه تعب
خدم خدم /// عندج يزينب


اتفهم ... وتعلم .. منهه اخذ الصبر
بالغربه .. شگد صعبه .. بس ما همهه اليسر
وافيهه .. وأنطيهه ... ضحيه الهه العمر
تشفعلك .. توگفلك .. باچر وسط الگبر

اخدمهه اضل // لو راسي شيب
خدم خدم /// عندج يزينب


استاذه .. اخت القاده .. من عدهه اتخرجت
لا اقره .. ولا اكتب .. بس خادمهم صرت
لا قوه ... ولا رشوه ... الهه لمن رحت
ابهل خدمه .. يانعمه .... رادود اتعينت

الهه الفضل // خلتني انحب
خدم خدم /// عندج يزينب


صب دمعك.. لم ربعك .. وبچي اعله اخت الگمر
ماعاشت .. ورتاحت .. دنياهه بس قهر
اسمعني .. وأفهمني .. انطيك المختصر
المايخدم .. مايلطم ... عمره قطره ابحر

ابهذه الدرب // الشافك تعجب
خدم خدم /// عندج يزينب


متعوفك ... وتشوفك .. هاي ام العايله
ناديهه .. حاچيهه .. لو عندك مشكله
گبتهه ... بحاجتهه ... هوه ونحتاج اله
نادينه .. اتمنينه ... مدفونه بكربله

هيه تضل // والباقي يذهب
خدم خدم /// عندج يزينب

تمت : الشاعر سيد احمد الموسوي

شهادة الامام موسى الكاظم عليه السلام



بالسجن مات ،،، ينحب اعله حسينه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عمره خلص بالحزن ،، ابين حيطان السجن
گْضه العمر
ايگول سهله امصيبتي ،، الصعبه ركضت عمتي
فوگ الجمر

وناتي ،، حسراتي ،، وياهه
اتذكر ،، ما اكدر ،، انساهه
للغريبات ،،،،،،،،، تبچي من دم عينه
بالسجن مات ،،، ينحب اعله حسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بالعطش گلبه يحس ،،، لحظه ماشاف الشمس
منهه انحرم
امصيبه والله امصيبته ،،، وسفه كلهه ضلمته
ليش انضلم

بطاموره ،، ابهل صوره ،،، مخلينه
ابلا رحمه ،، والهضمه ،،، مگيدينه
رغم الاهات ،،، ما تغير دينه
بالسجن مات ،، ينحب اعله حسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يصلي ويقره ويون ،،، جامع امسوي السجن
كله امان
اعز من كل دنيته ،،، التربه وصلايته
اوكت الاذان

ابهل حيره ،، لو غيره ،، يتعقد
والكاظم ،، مانايم ،، يتعبد
يقره ايات ،،، خلصاهه اسنينه
بالسجن مات ،، ينحب اعله حسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليل كله وللصبح ،،، يبچي اعله المنذبح
من الگفه
عل بقه بحر الظهر ،،، وداسته الخيل اشكثر
امطشر صفه

بالحومه ،، بدمومه ،، ضل وحده
ليتامه ،، لخيامه ،، شيرده

عل ارض بات ،،، والولي امگطعينه
بالسجن مات ،، ينحب اعله حسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اجنازته فوگ الجسر ،،، يشوفه ويروح اليمر
يا حسرته
اوحيده ليش اجنازته ،،، وين راحت شيعته
ما حملته

شگد صعبه ،، اويه الغربه ،، تعوفونه
ماگمتو ،،، مارحتو ،،، اتشيعونه
هيه ساعات ،،، غسلته وتچفينه
بالسجن مات ،، ينحب اعله حسينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بحسره چانت ونته ،،، يبچي دوم العمته
ام الخدر
عمتي زينب ناحله ،،، يعينهه الله بكربله
ام الصبر

سلبوهه ،، شتموهه ،، اذوهه
لو صاحت ،، لو ناحت ،، ضربوهه
كلهه شمات ،،، والگلب شيعينه
بالسجن مات ،، ينحب اعله حسينه



تمت ،،، الشاعر سيد احمد الموسوي

مقدمه ،، شهادة الامام موسى الكاظم ع


ويلي على المسموم. ويلي على المضلوم

موسى ابن جعفر بالسجن كل عمره
حته النفس لمن يجره ابحسره
گلبه انكسر وكسر الگلب شيجبره
ومن السجن ياناس راح الگبره
من كل كتر مالوم ،،، ويلي على المضلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وسط السجن والوحده امخلينه
مثل السبيه عمته امگيدينه
اتفطرت حيطان السجن بونينه
ومن الصبح لليل دمعه ابعينه
مامر عليه النوم ،،، ويلي على المضلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الكاظم ابد ما تنتهي احزانه
نبچي عليه طول العمر خلانه
وشگد صبر وعله الصبر وصانه
باب الحوائج والله ماينسانه
انجدد عزاه اليوم ،،،، ويلي على المضلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمن يشوفه ينصدم بيمانه
وعليه يحن گلبه الصبح سجانه
يغيرون يوميه بقو بمچانه
هوه الكتاب امبين ابعنوانه
كل فهم وعلوم ،،، ويلي على المضلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

بوسط السجن بس رادو ايغيرونه
وحسبالهم ينحرف ويحرفونه
جابوله اجمل وحده يختبرونه
بس مادرو دين الله بين عيونه
صلت وراه چم يوم ،،، ويلي على المضلوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

ليش الجنازه اعله الجسر خلوهه
وسفه وحماميل اربعه حملوهه
اجنازه بغرب ضلت ولا حضروهه
فوگ الجسر ولاچنهم ايعرفوهه
من كلشي ضل محروم ،،، ويلي على المضلوم


تمت ،،الشاعر سيد احمد الموسوي

نزله ،، شهادة الامام موسى إبن جعفر




كلشي بالدنيه بمحبتك هايم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
سيدي تهواك مو بس البشر
انته صدك عاشگك حته الحجر
الطير يمك شاف احسن مستقر
عاف كلشي وراح يم گبرك حضر

راد بس لو ينحسبلك خادم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انته بحر الجود يل كلك علم
انت فوگ امن العقل فوگ الفهم
كاظم الغيض الأبد ما ينكتم
الماحزن لمصيبتك ما يفتهم

المايحبك باجر ايرد نادم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
خلصت معظم حياتك بالسجن
يعني ايامك گضت بس بالحزن
مانشف دمعه ولا لحظه الجفن
وحته حيطان السجن ضلت تون

وسفه والسجان اكبر ضالم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيوم لاينفع المال ولا ولد
اويانه اهل البيت تبقه للأبد
يا اسد بغداد بس انته الأسد
والله غيرك حته ماينعد فهد

اليطمئن رايد يحبك لازم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قصتك قصه عجيبه ومحزنه
ماكو مثلك ضل غريب ابموطنه
عل وعد تلگانه يمك كل سنه
يلمع المن ذهب صافي معدنه

موج زوراك اجه متزاحم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
المايزورك عمره ماينعد عمر
باقي ابهل دنيه مدري اشينتضر
الله يشهد انه اهواك اشكثر
ولو جمر دربك ادوس اعله الجمر

ونسمع اتنادي هله وحياكم
وحگه لو يلتم حمام الكاظم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،



تمت ،، الشاعر سيد احمد الموسوي

شعبان ،،بل سنه اجمل شهر
شعبان ،، كل گلب شيعي انتضر
شعبان ،،، مولد اسياد البشر
شعبان

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبدي اول يوم بيه اهواي ننسر
وثاني يوم ايصير لون الگاع اخضر
عدنه ثالث يوم راح الفرحه تكبر
نور الدنيه يناس حسين نور

بحسين ،،، ياهله وميت هله
بحسين ،، بل ورد نستقبله
بحسين ،،، اله صارت منزله
شعبان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابهاي الايام العظيمه فرحه وحساس
ونسئل الله يديم هاي الفرحه عل ناس
هل شهر لا مستحيل ابشهر ينقاس
وبل اخص بل رابع امن ايصير عباس


عباس ،،، شافه حيدر وبتشر
عباس ،،، للسمه صار الگمر
عباس ،،، احله من طعم الثمر
شعبان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الفرحه كون بكل سنه خلوهه تنعاد
مو فقط بس الحزن والفرح ينراد
كون خامس يوم يصبح احله الاعياد
عمي افرحو والله يستاهل السجاد

السجاد ،،، ابگصته زينب باسته
السجاد ،،، المايفارك عمته
السجاد ،،، احله واحد شافته
شعبان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


عدنه يوم اهدعش فرحه العلي الاكبر
ومن جماله صاير الرمان الاحمر
كل ورد بل دنيه من عنده تعطر
وجهه من وجه النبي جده تصور

الاكبر ،،، شامه تضوي بوجنته
الاكبر ،،، زيزفون بضحكته
الاكبر ،،، امه لمن جابته
شع بان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اخمسطعش فرحه للگلوب الابيه
بمولد المهدي فرح گلب الزجيه
ونفرح اكثر راح بل طلعه البهيه
وأحله يوم اسبعطعش صارت رقيه

المهدي ،،، كلهه رادت شوفته
المهدي ،،، يمته تخلص غيبته
المهدي ،،، بجيته تضوي دنيته
شعبان




تمت ،،، الشاعر سيد احمد الموسوي

هوساات


ابميلادك يمهدي انهني الزهره
وبكل عام نبقه انجدد الذكره
الحد اخر نفس غايبنه ننتظره
ونظل للموت امتانينه


اخبرك يابوصالح عندي احجايه
تضل شيعتك طول العمر وفايه
يمته انشوفك احنه ونرفع الرايه
والحاقد يشرد كدامك


منتظرين جيتك وشوكت تظهر
وكلبنه اعليك مثل الطفل يتحسر
بقينه ابغيبتك كل جمعه نتنطر
والغايب يمته ايرد لينه



يسئلوني وأكلهم عاشك المهدي
وبس هوه احبه وغيره ماعندي
صرت بغيابه مثل الماي متبدي
ماگدرو والله ايلموني



يا اجمل اسم بل دنيه اسمعنه
ومايكدر ولا واحد يفرقنه
عن دربك ابد محد يبعدنه
انصارك نبقه وخدامك



الشاعر: سيد احمد المسوي

كل مسه نادينه ،،، يمته تظهر لينه
ياموعود ياموعود
ياسفينة نوحي ،،، يادوه لجروحي
ياموعود ياموعود

...............................................................
كل احنه منتضرين يومك يمته امره
مثل اليصوم وينتضر يشربله گطره
حلوه الحياة وغيبتك سوتهه مره
بس جيتك يا سيدي هاي احله بشره


لو ترد اويانه ،،،، عل وعد تلگانه
كلهه اجنود كلهه اجنود
من تهل اعلينه ،، بخدمتك خلينه
ياموعود ياموعود

..............................................................

هاليله ب اسم المهدي صارت احله فرحه
هاليله كل مجروح رايح يشفه جرحه
هاليله كل مذنب يرد يفتحله صفحه
وسجل الذنوب اتوسل المهدي يمسحه

لو جنت مو صالح ،، گله يابو صالح
بيك الزود بيك الزود
من جديد انته ابدي ،،، وأتجه للمهدي
ياموعود. ياموعود
.................................................................

يمته ترفرف رايتك فوگ البريه
رد لينه يالمهدي نحلفك بالزچيه
متلهف اني الجيتك والشوك بيه
خلص عمرنه ننطر الجيه البهيه

يمته يبدي دورك ،،، خاطر ايشع نورك
ترد اردود ترد اردود
يمته تشهر سيفك ،،، يمته تاخذ حيفك
ياموعود ياموعود
...................................................................

غايب ولاكن تارس الدنيه محنه
وكل احنه مفترقين بس حبك جمعنه
يمته ترد اعلينه وتصفي وضعنه
والله الوطن بجفاك صاير مو وطنه

عشنه بعدك غربه ،،، الدنيه صارت صبعه
الضيم يزود الضيم يزود
ضايع انه بدونك ،،، اي وحق اعيونك
ياموعود ياموعود

.................................................................
يالمهدي مثل الشمعه اشعل روحي يمك
وتوسلك يالمهدي خليني اخدمك
روحي وحياتي ودنيتي بأيدك اسلمك
كلشي صعب بالدنيه بس انته افهمك

اي عشگ ماعندي ،، عاشك انه المهدي
يمته يعود ،، يمته يعود
فدوه اروح اللونك ،،، يمته اشوف اعيونك
ياموعود ياموعود


تمت .. الشاعر سيد احمد الموسوي

انته يمي وبعد مادور عليك
بكل وكت وياي احس وتنفسك
تلزم ايدك كلهه هل وادم تريد
وانه لو كضيت گلبي اتلمسك
الناس من تشتاگلك تبچي عليك
وانه لو اشتاگ اروح المجلسك
مثل عابس ميت ابحب الحسين
كون تسمحلي اصيرن عابسك
انه ماحبك تره !!! ميت عليك
وگلبي الهل عشگ مايكفي ابد
انته يوميه احس حبك يزيد
وعندي اتمنه گلب ثاني بعد

يدنيه الحال بحسن حال گلبي
لأن هل شهر گلبي الحزن گلبي
وقف للمهدي ياهل ناس گلبي
وكل دگه يمهدي اتصيح بيه

شهادة مولاي الامام علي عليه السلام

لسان حال مولاتي زينب عليها السلام



ياعلي ايتامك تكول اوداعة الله
والجنازه اعليهه جبرائيل صله
بويه طبرة راسك ... منهه فاض احساسك




ياعلي بس الالم يبقه برحيلك
انه بنتك لاتفاركني دخيلك
اذكر ايامك جنت من اعتنيلك
تمسح براسي وسولف وشتكيلك

كلبي مايحمل يبوبه نار الغياب
شكثر هاي الكاع مني ماخذه احباب
بيهه عطر انفاسك  .. منهه فاض احساسك



لازم الدفان اشوفه وعندي اعتاب
شلون ابو تراب ويدفنك جوه التراب
شكثر سيفك بلمعارك كطع اركاب
وتالي باب الكبر فوك القالع الباب

انته ياحامي الدخيل وحامي جارك
مابرد وسط المعارك ذو الفقارك
ماخطه مقياسك ... منهه فاض احساسك


والله تهضمني يبويه جية العيد
شلون اعيد ونته رايح عني ابعيد
والجروح اهواي بعدك ضلت اتزيد
انه بس ردتك يبويه وكلشي ماريد

لورحت عدمن بعد تبقه اليتامه
بويه والمحراب ضل ابلا امامه
ماتعوفك ناسك ... منهه فاض احساسك



ياعلي بعدك تمر بيه المصايب
وانه من هذه الزمن شفت العجايب
ابلا نحر باجر اخوي اعله الترايب
ونظر اجفوف الكمر وندب يغايب

امشي وحدي بالغرب يسبوني باجر
باجر اتطيح الخيم تصبح مكابر
وينذبخ عباسك ... منهه فاض احساسك



بويه شحجيلك عله الليل وضلامه
يجرح ابكلبي اولا اكدر انامه
محد ايعرفه تره احساس اليتامه
والحزن وي اليتم يترك علامه

المن اخلافك يبويه اشكي الحال
مرت اعليه مصايب تهدم اجبال
جنة الله انفاسك ... منهه فاض احساسك



تمت: الشاعر سيد احمد الموسوي

ذكرى شهاده الامام علي ابن ابي طالب عليه السلام




ياعلي ياعلي.... ياعلي ياعلي
ياعلي ياعلي.... ياعلي ياعلي

انته اول خبزه امن الزهره .... تاخذهه الچف الايتام
بس انته ولا واحد مثلك .... وي الفقره يصير اولام
كلهه اتنام اعيون الوادم .... وعيونك ماترضه اتنام
يل ما باخل حته بروحك ... للفقره امسويهه اخيام

انت شمس الصبح ... ونورك المعتلي
ياعلي ياعلي. ياعلي ياعلي


انته اول مو انته الرابع ... وكلهم ياحيدر يدرون
بس عادوك وصارو ضدك ... رادو بل گوه يصعدون
واحدهم ريشه وتتمايل ..... گدامك هيج يرجفون
تگعد وياهم ما رادو ..... من تگعد راح يضيعون

بيهم انته شكثر ... ياعلي مبتلي
ياعلي ياعلي. ياعلي ياعلي


يل ضحيت بكل ماتملك ... اولادك هم امضحين
ضحيت المحسن والزهره .... والكافل ضحه الچفين
وزينب يازينب گتلهه ......... رايه العباس اتصيرين
زينب بنتي الخاطر دينچ .... باجر مسبيه تروحين

ولا يهمچ بشر ... للقصر ادخلي
ياعلي ياعلي. ياعلي ياعلي


ياهو المثلك من يتصدق .... اتضم وجهك وتحط الثام
وأيد اليسره اتضمهه بخلفك ....ماتعرف بل يمنه اشضام
منهو المثلك يابو اليمه ......... بسيفك مشيت الاسلام
وسفه اتموت وغيرك يبقه ... البل منصب كلهم ضلام

وسفه لمن رحت ..يحكم الجاهلي
ياعلي ياعلي.... ياعلي ياعلي


المقصود بطبرك ياحيدر .... مو راسك مقصود الدين
رادو دين الله وأسلامه .... مو واحد ينشق اثنين
واحد منهم دينك انته ..... واضح مارايد تبيين
والدين الثاني وتفكيره ..... دين يحلل ذبح حسين

وگالو اعله الرمح .. راسه خل يعتلي
ياعلي ياعلي. ياعلي ياعلي


تمت .. الشاعر سيد احمد الموسوي

يا محلى الوداع ابهالمسيه .. وعلوم المنيه
زينب ودعت حامي الحميه
..............................................................
نادت ها يبويه لا تفارگني.. ياشمعة حياتي
بغيابك يبويه ماردت عمري . اتمنه مماتي
يبويه ولو رحت اتحضر الكلشي .. بعدك نايباتي

بعدك عمري يذبل ... ويصبح ظهري منجل
رزيه تخلص وتبدي رزيه
زينب ودعت حامي الحميه
..................................................................
گعدت يم ابوهه ويجري مدمعهه .. تگله لو عفتني
بعد منهو اليصبحني ويمسيني ... ها يل ودعتني
يبويه وراح اضل ابكربله الوحدي .. وريتك ماشفتني

المهيوبه الاميره .. تاليهه اسيره
ومشي بل يسر مچتوفه اديه
زينب ودعت حامي الحميه
...................................................................
باچر بالغرب امشي يبو الحسنين .. وكلهه اتصد عليه
انه وروس اخوتي والايتام وياي .. وحبال البديه
آ يل شام / آ يل شام /آ يل شام ... جمره وتجوي بيه

الله شمصيبه ... زينب ياغريبه
وصاحو بل قصر هاي السبيه
زينب ودعت حامي الحميه
...................................................................

تره صعبه يبويه ايروح راعي البيت... ياهو يسد مكانه
الابو لو راح مايتعوض ابلكشي ... وشيعوض حنانه
وسفه الموت مني ياخذك ويروح .. تمنيته خذانه

ها يا اغله الاحباب... رايح جوه التراب
حسافه تاخذك مني المنيه
زينب ودعت حامي الحميه
...................................................................

شسولف لليتامه لو ينشدوني ... يابويه وشگلهم
چنت گرصت خبز يم الفقير اتصير.. وبعدك ياهو الهم
وذا شفت الشمس فوگ اليتامه اتفوت...افياي اتصير الهم

يل كلك محنه ... صدگ ماترجع النه
بس ابقه انتضر يابويه جيه
زينب ودعت حامي الحميه




تمت ... الشاعر سيد احمد الموسوي