ልክ የህክምናውን አገልግሎት ጨርሼ ስወጣ ''እግዚአብሔር ይማርህ''
ነበረ ያለቺኝ!

አሜን! ''አሁን ተሽሎኛል''።

ሚኪያስ ልየው/Mikiyas Liyew
አዲስ አበባ,ኢትዮጵያ
፳ ፡ ፬ ፡ ፳፻፲፬ዓ.ም

ወደ መንገደኞች |To Travlers
#Peoplesofaddis #ወደመንገደኞች #Totravlers #Selfproject
@Mykeyonthestreet

ከመንገዱ ምስሎች መካከል አንዱ ይኽ ነው።

አመሻሹ ላይ ይኽ ቦታ ቅልጥ ያለ ገበያ ነው። አትክልት የተባለ ከጥቂቶቹ በስተቀር እዚህ ይሸጣል። መንገደኛው ኹሉ ያማረውና ያሻውን በቻለው መጠን ይገዛል።

ይኽ የዕለት ተዕለት የመንገዱ ግብር ነው። ቀልቤን የገዛኝ ግን ይኽ ኹናቴ ነው ፤ ነጋዴዎቹ ጋሪ ላይ ዘርግተው ከሚሸጡት አትክልቶች መካከል አንዱ ''ሙዝ'' ነው። ደጋግሜ እንደተመለከትኩት አብዛኛው ወደ ቤቱ የሚገባ መንገደኛ የሚገዛው ይኽንኑ ሙዝ ነው። ነጋዴዎቹ የሚሸጡትን ሙዝ ጥራትና ጣዕም ለማሳየት እና ለማስቀመስ ወደ አጠገባቸው ጠጋ ላለው መንገደኛ ፈቃዱን እንኳን ሳይጠይቁ አገዳ የሚያክለውን ሙዝ ''ላጥ ላጥ'' አድርገው ( ይኸው ቅመሱት) ሲሉም ተመልክቻለሁ።

ይቺ የተላጠች አንድ ፍሬ ሙዝ ናት በአፅንኦት ቀልቤን የገዛችው። የብዙኀኑ ግብር ነውና ለውክልና የሚበቃው ፥ መንገደኛው ኹሉ የቀመሳትን የአንድ ፍሬ ሙዝ ልጣጭ ለሙዝ ሻጩ ነጋዴ መልሶ ይሰጠዋል። ይመስለኛል ነጋዴዎቹ  ከጋሪዎቻቸው ግርጌ ላይ ልጣጭ የሚያስቀምጡበትን ጥቁር ፌስታል ተመልክተው ኖሯል ፤ እሱ ውስጥ እንዲከቱት ነው የሚሰጧቸው ብዬ ነው የገመትኩት። ይኽን ልምድ በዛ ያለ መንገደኛ ጋር አስተውዬዋለሁ። የማታው የተለመደ ዑደት ይኽ ነው።

ጠዋት ላይ ላይ እኔ ማታ ለማሳያነት ሲላጡ ካየኻቸው ጣፋጭ ሙዞች (መጣፈጡን በመገመት ነው) ገሚሱ በፌስታል ግማሹ ደግሞ መሐል አስፓልት ላይ ተከምሮ አየዋለኹ።


ይህን ስመለከት ታድያ የእኔ አዕምሮ የጠየቀው ጥያቄ ይኽ ነው ፥
''ማታ ሙዝ ከገዙት መንገደኞች መካከል ምን ያኽሉ ጣዕሙን ለመለየት ከቀመሱት አንድ ፍሬ ሙዝ ልጣጭ ጋር ጠዋት ላይ ተገናኝተው ይኾን?''
ሌላ ጥያቄ ፤ ''ወደ ሥራ ለመሄድ ሲጣደፉ ካጣጣሙት ሙዝ ልጣጭ ጋር ፊት ለፊት ተገናኝተው የወደቁና ጉዳት የደረሰባቸው መንገደኞችስ ይኖሩ ይኾን?''

ይኽን የሚመልስልኝ እና ምስክርም ለመኾን የሚበቃው ትላንትና መንገደኞቹ ጣዕም ሲለኩበት የነበረው ዛሬ ደግሞ አስተውሎታቸው ሲለካ የነበረበት ራሱ ''መንገዱ'' ብቻ ነው።

የመንገዱ ምስል ይገርመኛል ፤ ይደንቀኛል።

ሚኪያስ ልየው/Mikiyas Liyew
አዲስ አበባ,ኢትዮጵያ
፳፮፡ ፬ ፡ ፳፻፲፬ዓ.ም

#Ethiopia #Addisabeba #Totravlers #ወደመንገደኞች #Selfproject

PHOTO EXHIBITION AND EVENT ዘና•ነቃ•ስራ
PHOTO EXHIBITION
January 13-15/2022
EVENT
January 15/2022
ቅዳሜ 8:00 Local time
@Mykeyonthestreet
@Mykeyliyew
https://www.tgoop.com/tolobuna