北美流亡手足頻道 (非苦主) NA Handfoot

PETER：海外抗爭何去何從？
上星期練Sir喺一個電影分享會演講，其中一個topic係海外抗爭。港人離散各地，仲可以點？練Sir將抗爭分開咗三個類別：第一種係對內嘅活動，好似凝聚社群、服務港僑之類，絕大部分嘅人都做緊呢件事。第二個類別係國際線，即係遊說各地政府，希望佢地多多少少幫下香港人。呢一類少啲人做，而2019到而家已經五年，人地要幫嘅都幫咗，無理由日日夜夜要人地幫。第三個類別就係少數精英個別行動，做一啲令到土共覺得痛嘅行動。例如有啲中國人做大翻譯運動，將一啲中國嘅野翻譯做英文，俾外國知道呢啲臭史，呢類就直接令到中共覺得痛。
筆者認為，呢三類行為，放返喺以前香港社運界，都一直有人做類似嘅野。一味服務社群，即係區佬，呢一點民協做得最出色。喺政治上合縱連橫，希望做到啲野出嚟，唔計萬年議員，以前社民連、公民黨搞五區總辭變相公投，都係一啲喺政治上幫香港嘅事。至於第三類別，喺香港最主要嘅真係本土派喺度做。由唱紅打黑到佔領、光復運動等等，都係追住土共痛處打。而本土派不嬲都分裂無大台，各小隊想點就點。訂立自己嘅目標，由自己去衡量要點做。
以軍隊去講，第一類係後勤，第二類係舊式規模戰役，第三類係戰鬥群，唔需要陣法，自己會搵目標同將戰爭推向勝利。
喺加拿大社運界，最出名嘅，當然全部都係第一類。第二類嘅人係有，一直都有啲港人組織同國會議員有聯繫，甚至有啲國會議員係港人組織嘅成員。不過加拿大開到條hk pathway，真係仁至義盡，你仲想點？頭兩類嘅都係風光同企出嚟俾人知，而且如果做呢啲事，喺香港嘅親友都未必安全。
第三類就好唔同，靜靜雞秘密咁去做，唔出風頭，最好無人知。功勞俾人搶咗都無法，而且要承受孤獨。俾你將自己做過嘅事講咗出嚟，人地都當你吹水，你做幾多事幫幾多人，都無人課金俾你。之但係，呢類事情係最有用嘅，因為如果無用，無人願意忍受以上嘅野都去做。究竟實際上做咩，自己去諗，如果要人諗嘅，就唔係一小撮嘅精英。
香港咁多叻人，話唔定第三類嘅人其實唔少，但係無人喺水面，先至覺得嚟嚟去去都係第一類人啫。

www.tgoop.com/NAHandFoot/3192

154 viewsedited  May 10 at 03:16

PETER：海外抗爭何去何從？
上星期練Sir喺一個電影分享會演講，其中一個topic係海外抗爭。港人離散各地，仲可以點？練Sir將抗爭分開咗三個類別：第一種係對內嘅活動，好似凝聚社群、服務港僑之類，絕大部分嘅人都做緊呢件事。第二個類別係國際線，即係遊說各地政府，希望佢地多多少少幫下香港人。呢一類少啲人做，而2019到而家已經五年，人地要幫嘅都幫咗，無理由日日夜夜要人地幫。第三個類別就係少數精英個別行動，做一啲令到土共覺得痛嘅行動。例如有啲中國人做大翻譯運動，將一啲中國嘅野翻譯做英文，俾外國知道呢啲臭史，呢類就直接令到中共覺得痛。
筆者認為，呢三類行為，放返喺以前香港社運界，都一直有人做類似嘅野。一味服務社群，即係區佬，呢一點民協做得最出色。喺政治上合縱連橫，希望做到啲野出嚟，唔計萬年議員，以前社民連、公民黨搞五區總辭變相公投，都係一啲喺政治上幫香港嘅事。至於第三類別，喺香港最主要嘅真係本土派喺度做。由唱紅打黑到佔領、光復運動等等，都係追住土共痛處打。而本土派不嬲都分裂無大台，各小隊想點就點。訂立自己嘅目標，由自己去衡量要點做。
以軍隊去講，第一類係後勤，第二類係舊式規模戰役，第三類係戰鬥群，唔需要陣法，自己會搵目標同將戰爭推向勝利。
喺加拿大社運界，最出名嘅，當然全部都係第一類。第二類嘅人係有，一直都有啲港人組織同國會議員有聯繫，甚至有啲國會議員係港人組織嘅成員。不過加拿大開到條hk pathway，真係仁至義盡，你仲想點？頭兩類嘅都係風光同企出嚟俾人知，而且如果做呢啲事，喺香港嘅親友都未必安全。
第三類就好唔同，靜靜雞秘密咁去做，唔出風頭，最好無人知。功勞俾人搶咗都無法，而且要承受孤獨。俾你將自己做過嘅事講咗出嚟，人地都當你吹水，你做幾多事幫幾多人，都無人課金俾你。之但係，呢類事情係最有用嘅，因為如果無用，無人願意忍受以上嘅野都去做。究竟實際上做咩，自己去諗，如果要人諗嘅，就唔係一小撮嘅精英。
香港咁多叻人，話唔定第三類嘅人其實唔少，但係無人喺水面，先至覺得嚟嚟去去都係第一類人啫。

BY 北美流亡手足頻道 (非苦主) NA Handfoot