أنا ماهمني لا صار سيلي عارفٍ مجراه
‏أبفرش ضحكتي بعيون كل اللي يمروني

‏أنا لاني طريقٍ محدٍ صابر على ممشاه
‏ولاني دربٍ اخضر كل من جوني تمشوني

‏وأنا ماني بـ بحرٍ كل من جاني شرب من ماه
‏"أنا صفحه من التاريخ .. تذكرني ما تنساني

‏يا معزز ثبات أيوب أبي صبره
‏قامت ظروفي القشرا تطاولني

‏دون دبرتك مالي حيله و دبره
‏علّك بـ وافر أرزاقك .. تكللني

‏كم لي أخبي الأحزان والعبره
‏و أبدي العذر لأحبابٍ تزعّلني

‏صايرٍ هش قلبي لو أبي أختبره
‏ما يمثل نباي .. ولا يمثلني

‏وفوق حملٍ بمتني لو أحط ابره
‏طحت وأنا مطيحي ما يجملني.
ㅤㅤ

يا كم عار جابه لابس البشت و الدسمال
‏ويا كم نالت من المجد لباسة الشيله

لا قريت اسمك وبيّن قمت ارحب بك واهلّي
‏مرحبا في ذمتي عقب الجفيا و القطاعه

‏مرحبا واهلا هلا بالغايب اللي ما يدلّي
‏كون قلبي يوم قلبي ميّزه بأقصى ارتفاعه .

اعترف لـ الناس بان قلبي هوى
‏له هنوفٍ هي ععلاجه والدواء

‏ماخذه ععقلي مع حالي سوى
‏ليت ابي لك فالنسب يا زين عم .

غديرٍ عليه الناس صادر و ورادي
‏أعيفه لو إنه من زلال المطر يسقى

‏أنا غايتي و مناي و دواي و مرادي
‏مذاق ٍعلى غيري صعيبٍ ولا يلقى .

في بعض الاوقات ادور لي ما اعيّني
يا قطع قلبي علي ويا صبيّ عيني .
- عبدالرحمن ابن منير .

تذکر يوم أخليك تبّاهى كبریاء وغرور
‏يوم إني اتحدى بك وأخيّب هقوة الهاقي
‏
و‏تذكر يوم أعذرك وأنت لا صادق ولا معذور
‏أدوّر لك عذر وأصدّقه وأكذّب أحداقي

وتذكر يوم جيت من الحزن متضايق ومكسور
‏فرشت لك الضلوع وقلت لك يا سيد عشاقي

‏خذ ضلوعي وإبن فيها يسار الصدر بيت وسور
‏ترى مافيه قبلك من سكن صدري وخفّاقي .

أنا طموحي للثقال من الجواهر يالخفيف
‏مانيب أدوّر عملة ماينعرف صرّافها .

.

من خذاها باليمين وتحت حك الضروس / يفرق بعيني عن اللي خذاها من عدم🤍🤍.

عطيتك الين استحى مني العطا
‏ولا استحى وجهك ولا قدر عطاي .

الحمْدلله صرت متعوّد على كل الظروف
‏لو كان نفسي في بعض الاحيان تتبع غيّها

‏حتى الحياه اللي من اول كنت الحّقها حسوف
‏ماعاد افكّر لا فـ واجدها ولا فـ شويّها

‏سلمي مع ظروف الليالي مثل سلمي للضيوف
‏لا جاتني صكّات بقعا قلت يالله حيّها (:

حتى لو معكاز صبّري تكسر لحدٍ يمد لي كفه .

‏ودي اشكي مير مثلي مَ يجوز من التعالي
و التعالي علةٍ تاكل .. و سلال و مراره

‏خلني ضمن الأمااني وخلك لي قريب
‏لا توردني عدود المهالك . . وآهلك (؛

‏أنا ليا مني عطيـتك مقفاي
‏حتى الصدف تعجز تجيبك قبالي

عاد عيدك يالغنوج أم الحلايا
‏يامهاة الصيد عوق المترفاتي

‏امشي بزينك على كبود الصبايا
‏غيضي نفوس البنات الحاقداتي

‏في نهار العيد راحوا لك ضحايا
‏مابقى للغيد شي من الصفاتي

‏من جمالك تخجل وجيه المرايا
‏كيف عاد الناس يا الله الثباتي .