ОРЗУ

Ерни бекалом суйган,
Чумоли-ла сирлашсам.
Ватан тупроғи-ла мен,
Ўлмасимдан бирлашсам!

© Наргиза Асад.


Nargiza Asadovaning ijodiy kanali
https://www.tgoop.com/Nargiza_Asad

📝 Омон Матжон шеъри
🎼 Бобомурод Ҳамдамов ижро этган

@Nargiza_Asad

Ижодкор ўзбек аёл-қизларининг телеграм ўзанларига марҳамат!

Алия Темурийзода - @umidimsendan
Аржумандбегим - @arjumandbegim
Бахтинисо Маҳмудова - @baxtiniso
Башорат Отажонова - @bashorat_otajonova
Гулжамол Асқарова - @guljamol_asqarova
Гули Нигор Авазова - @guliinigor
Гулноз Мўминова - @dil_siniqlari
Гулрух Худоёрова - @gulrux_xudoyorova_ijodi
Дилора Холиқова - @aytolmagan_dilim
Дилором Абдураҳмон - @Dilorom_ABDURAHMON
Дилором Эргашева - @diloromergashevaijodlari
Дурдона Бобомурода - @durdona_bobomurodova
Зулхумор Орифжонова - @zulxumor_orifjonova
Зебо Мирзо - @zebo_mirzo
Ирода Умарова - @garashalikungil
Ирода Холбекова - @gullayotganyurak
Кумуш Ўсарова - @oykumushingiz
Кумуш Абдусаломова - @kumush_abdusalomova
Лайло Собир қизи - @Tongqizi_11
Лобар Хайруллаева - @xayrliuz
Мадина Норчаева - @madina_norchayeva
Мажнуна - @majnuna_mirzayeva
Манзура Абдуллаева - @ichki_men
Маҳлиё Умурзоқова - @mahliyoxon_umurzoqova
Меҳриноз Аббосова - @mehrnoz_abbos
Моҳира Эшпўлатова - @altruistning_qizi
Наргиза Асадова - @nargiza_asad
Наргиза Одинаева - @nargiza_odinayeva_ijodi
Нафиса Омон - @nafisaomon
Нодира Назар - @nodiranazar
Нодирабегим Иброҳимова - @mittihaqiqatlar
Нозима Хабибуллаева - @nozima_habibullayeva
Нигора Ғаниева - @bir_finjon_qahva
Паризода Рўзибоева - @parizodaruziboyeva
Рахшона Аҳмедова  - @raxshonaahmedova
Райҳона Камолова - @ijodhona
Ситорабону Шомуродова - @sitorabonu_audiolar
Тилланисо - @tillanisoen
Феруза Хайруллаева  - @feruzaxayrullayeva
Хосият Рустамова - @xosiyat_rustamova
Ҳалима Худойбердиева - @halima_xudoyberdiyeva_ijodi
Шабнам Қувонч - @mavhumf
Шоҳсанам Нишонова - @shohsanam_nishonova
Эъзоза Обиджонова - @ezoza_obidjonova
Юлдуз Абдулҳакимова - @yulduzabdulhakimova

барчасига аъзо бўлиш: https://www.tgoop.com/addlist/uDD61qDEtSZhNTky

#Premyera


Nigohingda kuz ...

✍️ Nargiza Asadova
🎙️ Sitoraiakhror


@Nargiza_Asad
www.tgoop.com/qalb_javohiri

Истанбул

Саҳар сизиб кирди юракка нохос,
Нурли Мармара*нинг сокин мавжлари.
Учиб кирди тонгнинг этакларида,
Учқур чағалайлар навозишлари.

Ифорга тўлади кўча-мавзелар,
Ёшлар ўтганида кўримли, бўйдор.
Тиғиз ҳаёт ичра, нақадар вазмин,
“Sabah”*ни ўқийди кекса дўкондор.

Азим мақбаралар, қадим саройлар,
Тарих ва келажак кесишган бугун.
Дунё товланса-да, минг тусда ва лек,
Тили, иймонини қўйолган устун.

Мен ҳам бағрингдаги битта мусофир,
Юрагингдан беиз кетмасин сўзим.
Истанбул – беқиёс гўзалликсану,
Олис юртим томон тикилган кўзим...

Саҳар олиб кирди хонамга нохос,
Тонгги Истанбулнинг ўтлиғ нафасин...

———————————————

*Мармар – шаҳардаги денгиз
*Sabah – Истанбулдаги тонгги газета номи

© Наргиза Асадова
https://www.tgoop.com/Nargiza_Asad

#Kun_hikmati

"Taʼlim olishini qimmat deb oʻylasangiz, unda jaholatning badalini hisoblab koʻring..."

Suqrot

«Eğitimin pahalı olduğunu düşünüyorsanız,
bir de cehaletin bedelini hesaplayın...»

Sokrat

@Nargiza_Asad

#Таржима

Азиз НЕСИН

ФРАНЦУЗЧА ГАПИРА ОЛАСИЗМИ?
ҳикоя

Французчадан таржима қилган романимни китоб сотувчисига ташлаб, пулини олдим-да, Боязид* томонга юра бошаладим. Қарасам, рўпарамдан соллона-соллона бир ҳурлиқо келяпти. Очиғи, киши атрофида ҳамма вақт гўзаллар бўлиши мумкин. Аммо сўз бераман, одам бундай офатижоннинг фарқига албатта боради. Ҳозир ким билан бўлса ҳам гаров ўйнайман, бу аёл француз! 

✍🏻 Давоми: https://telegra.ph/FRANCUZCHA-GAPIRASIZMI-09-11-3

ДАСТХАТ

Гўзаллик, покликдан уялиб,
қисилиб, қимтиниб турасан,
қоп-қора деворга суяниб,
ёп-ёруғ хаёллар сурасан.

Илоҳам, тонг каби юзингга
ҳирсланиб, ҳезланиб боқарлар,
кўзларин қоқарлар кўзингга,
қалбингни азоблаб ёқарлар.

Йиқилма, ўзингни ушлагин,
отсинлар жаҳолат тошини,
лабингни қаттиқроқ тишлагин,
кўрсатма кўзларинг ёшини.

✍ Шавкат Раҳмон
https://www.tgoop.com/Nargiza_Asad

Наргиза Асад (1984) учликлари музыка из канала Music
https://youtube.com/watch?v=16Wu2BYza4U&si=Aqydw9HL4RCCzDJe

#Тонгги чизгилар 🍂

•••
Ватан –
Сенинг ҳар бир буржинг,
Юрагимнинг сарҳадларидир.

•••
Қуёшнинг тикилиб қолганин кўриб,
Дув қизарди олчанинг юзи…

•••
Тун бўйи…
Ёмғир,
Деразам олдидан кетмади
Йиғлайверди исмингни айтиб…

@Nargiza_Asad

#Yaşayotgan tuyğular 🤍


@Nargiza_Asad

#Хотира

Одам одамга шу қадар ғанимат экан. Бу дунё беш кунлик эмас, уч кунликдир, балки кеча ва кундуз оралиғидир.

Бибисора опа билан гилос пишганда кўришиб турардик. Дўрмонга борганимда, яна “Гилослар пишганда келинг” дегандилар. “Унгача яна келаман опа”, десам, ортимдан жилмайиб қўйганди. Балки бошқа кўришмаслигимизни билганмикин…
Оҳиратингиз обод бўлсин опа. Машаққатли умр йўлингиз ибрати, бир уй, болаларингизга бошпана истаган орзуларингиз ортингиздагиларга эш бўлсин энди…


ЎЛСАМ ЖАНОЗАМНИ БУЛБУЛ ЎҚИСИН...

Ўлсам, жанозамни булбул ўқисин,
Куйиб ўтган умрим шарҳини айтсин.
Бардошим ҳақида ашъор тўқисин.
Мендан норозилар фикридан қайтсин.

Ўлсам, жанозамни булбул ўқисин,
Айтолмай қолганим десин Аллоҳга.
Саловатлар айтсин тўплаб бор кучин,“”
Билмаган билганим десин Аллоҳга.

Ўлсам, олов таним муз билан ювинг,
Токи, кафанларим кетмасин куйиб.
Ювгач, юрагимга парча муз қўйинг,
Борай ҳузурига озгина совиб.

Ўлсам кафанимни булутдан қилинг,
Ёмғирга айлансин ёнсам қабрда.
Қабримни қазсангиз сал кенгроқ олинг,
Гуноҳкор бандага тор гўр жабрда.

Ўлсам, чинор экинг қабрим бошига,
Токи, соясида тиловат ўқинг.
Чўмилиб яшадим кўзим ёшига,
Йиғламанг, сиз фақат тиловат ўқинг.

Кичкина ясатинг қабртошимни,
Қуръон оятларин ёздиринг ўйиб.
Ёзманг қабртошга умрим, ёшимни,
Мен сафарга кетдим, чориғим кийиб.

Ўлсам, оёқ томон, ўнг томонимга,
Тўрт киши сиғарлик курси ясатинг,
Соғиниб келсангиз Ихлосни ўқинг,
Қабримни гул эмас, Қуръон безасин.

Ўнг тарафдан келинг, оёқ тарафдан,
Токи, кўрсин сизни очиқ кўзларим.
Ўлим ҳақ эканин оласизда тан,
Қувонай, келди деб ўғил-қизларим.

Ўлсам йўқлаб туринг. Билинг, кутаман,
Чунки, сиз деб ўтдим ўзимдан кечиб,
Йўқламай қўйсангиз, зардоб ютаман,
Ётаман гўрда ҳам кўз ёшим ичиб.

Ўлсам, умрим шарҳин набираларга,
Яширмай, ўчирмай борини сўзланг.
Интиқ кутганими уларни ҳамда
Ёниб ўтган кўнглим зорини сўзланг.

Ўлсам, шеърларимни авайлаб асранг,
Имконини топиб топширинг элга.
Биламан, эл ўқир соғиниб, севиб,
Ўтар ёзганларим қўллардан қўлга.

Ўлсам, аҳил бўлинг, меҳрибон бўлинг,
Имконин топсангиз тўланг қарзимни,
Дуосини олинг мен севган элни,
Мерос қолдираман сизга сабримни.

Ўлсам, жанозамни булбул ўқисин...

©Бибисора Туробова

#Kunda_lik
🥀

Ba’zan qalbing ozor topadi.
Eng yomoni, bu anduhlar begonadan emas, oʻzingnikilardan keladi.
Shunda holingni bilmay, sen haqingdagi gaplarga ishonadigan yaqinlaringga sukut saqlaysan.
Toki, haqni sira nohaq qilmagan Robbim bor-ku deysan…

@Nargiza_Asad

#Тонгги чизгилар

°°°
Йўллар қадар узундир умр,
Йиллар каби қисқадир асли.
Қўлларимдан
Маҳкамроқ тутгин,
Кириб келди —
Ки хазон фасли!..

© Наргиза Асадова
https://www.tgoop.com/Nargiza_Asad

#Жума тонгги

Қадимда бир подшоҳ икки юртга ёғий юбориб, уларга буюрибди:
– Иккингиз икки юртга бориб, билингки, қай бирида аёлларга муносабат қандай экан. Кўринг, аниқланг ва икки йилдан кейин жўяли хулоса билан қайтинг, - дебди.

Икки ғаним буюрилган вазифани бажармоққа киришибди. Орадан айтилган муддат ўтиб, шоҳ уларни ҳузурига чорлабди. Биринчи ғаним шундай жавоб берибди.
– Мен борган юртда ҳамма ўз ҳолича, айниқса хотин-қизларига биров қарамас экан. Бировни уйига биров кириб, билганини қилиб юравераркан. Хотинлари тер тўкиб ишлаб, эрлари роҳатда, айш-ишрат авжида экан. Мен ҳам 2-3 марта уйланиб, давр суриб келдим,- дебди.
Иккинчи айғоқчи эса,
– Мен борган мамлакат эса аксинча, ўта интизомли, айниқса оналарига, рафиқа ва қизларига, қариндош қизларига жуда эҳтиром кўрсатишаркан. Бегона одам уларга яқинлашиш тугул, ботиниб қарай олмас экан. Камина уйланиш қаёқда, тайинли бошпана тополмай сарсон-саргардон қайтдим,- дебди.

Подшоҳ иккисини тинглаб туриб,
– Биринчи ўлкани биз бугуноқ маҳв эта оламиз. Зеро, бу юртнинг ор-номусли эр-йигити йўқ экан. Аммо иккинчи юртни биз ҳеч қачон ололмаймиз. Чунки хотин-қизини бировга бермайдиган ориятли йигитлар, Ватанини ҳам асло бермайди,- дебди.

@Nargiza_Asad