أمثلُ قلبي يُهمل !!

صدري مناجمُ فحمٍ في حرائقهِ
فكيفَ أكتُبُ نصًا يُثلجِ الصدرا

من ذا الذي يرتجي السلوان من قلمي
أيرّتجي بلسمًا من شوكة الصحرا ؟

بحزن جيرانكم چنت البس نگابين
وانتَ بدفن اهلنه وجايني معطر !!

اتونسو ع ذوقي ..

تريكت باگة صبر وگلاص هم
وتوكلت يارب عليك
غبشة .. نعسانة الشوارع
ومدري يا نثية بفجر دم تشتهيك

تذكرت تاجر اعرفه
گلي من تبيع روحك
مرلي بلكت اشتريك

تمت الصفقة اشتراني
وحصتي هم رد واخذها
فكّر بمشروع بي ادخل شريك

وصار يمليلي بشروطه
ما اريد.. ما اريد
وما اريد ايدك طويلة
گتله اگصرها واجيك

وابترتها من المتن ورجعت ابشره
وانذهل.. ها!! وين ايدك ؟
گتله عد عينك شلتها
گالي.. چا شلّي بيك؟

ومن هذاك اليوم ..
والتاجر نسه وسد القضية

وانه منسي معلگ على رفوف صبري
وحتى صار تراب بيه

راحت ايدي
تفلشت اقوى الدفاعات وخطوطي الاولية

ناس مقهورة اجت تبچي عليه

وناس بطرانة اجت تحچي عليه

شلون غلطة تسرعت گصيت اديه؟

هاي اديه..
هاي اديه

صار تفتيش بسنة من السنين
و عوّضت عن الهوية

هاي اديه
ياما لعبت ..
ياما گبل الريح هبّت
ياما بصدور الثلج نيران شبت

هاي اديه ..
وهي مگصوصة شعر للناس كتبت

واهلي زعلوا ..
طرّدوني من العشيرة
ومن فشلتي گمت اصيح
انه ما محتاج ادين .. انتو شعليكم بديّه

تبرعت بيهن لان ما اريد يوم
اتوازة .. واتنازل .. وامد للناس اديه

كاظم الكاطع

-

-

غزاني الشيب ..

من گد ما گلوبهم صافية من تسولفلهم على شغلة ماتصير 😅

بلغوها إذا أتيتم حماها
أنني متُ في الغرام فداها
واذكروني لها بكل جميل
فعساها تبكي علَّي عساها
واصحبوها لتربتي ، فعظامي
تشتهي أن تدوسها قدماها ..

فشلة من يوگفلك غريب بديرة متروسة عرف ..

محد مفتهمني ..
وهاي صار سنين أعاني
مثل قرآن المحقق كلها تحلف باسمي
بس ولا واحد قراني ..

مغربيه
وطاح بالدنيا برد
واليوجعن من كل كتر
هبن علينه

غفله ردينه الستاير
ع الروازين وفتحنه
بلا وعي
شچم باب للذكره الحزينة

وخمخمينه ببالنه
وفكينه صندوگ
المكاتيب الحنينة

وطلعينه اصوركم
وبالبال ننشددكم صفينه
يا چفوف
الحصدت المحصول ذاك البي شگينه

بيا چفوف
اتمدد ابريسمكم الرابي على ادينه

من بعد ما ريعت گيعانكم
چا ما فگدتوا
النهر ذاك
الچان يسگيكم بألذ دمعات عينه