بالسمه نادى المنادي صوت وي طرت الفجر
هشمو هاَمت عليآ بي فعال اهل الغدر

╌────═❁═────╌

بيا مصيبه نفجع گلبي وانجسم وكت الصلاه
من اسمعت جبريل ناده اتخضب الشيب بدماه
ياعلي ومن شفت هامك جف ابن ملجم شجاه
اصفكت راحات اديه وگلبي ضل يلهب جمر
╌────═❁═────╌


من شفت قالع الباب يشيل بالگوه الجدم
ويه ركن الله التهدم ياعلي حيلي انهدم
بآيدي من شديت جرحك بيها شديت العزم
للنوايب والهموم اعليه من بعدك تمر

╌────═❁═────╌

انت يا سر الوجود علي لدين الله عمد
جم نبي ومرسل تنخه باسمك بوكت الشدد
صعب والمثلك يحيدر على زينب ينفگد
بويه وتمنيت بعدك بيه ميطول العمر

╌────═❁═────╌

علي للخايف ملاذ وبيك كلها تستجير
بطيحتك كهف اليتامى انهدم يسراج المنير
لو يتيم اعليك ينشد لو يدگ بابك فقير
صعبه ياحيدر اگولن شخصه ضماه الگبر

╌────═❁═────╌

يا صراط المستقيم وانت باء البسمله
بلغدر ياسيف ياجف صاب راعي المرجله
ومنه مايلتام جرحك لأ علاج يصح اله
او سفه يا كرار ترحل او يطفى نورك يا بدر
╌────═❁═────╌




✍نور الولايه الفاطميه



https://www.tgoop.com/+63HK-Y3_SrQzZTEy

هامك ليش ابن ملجم ،،،،،،شجاها
وعليك ام عون ضل زايد شجاها
تنطر حيدر وحيدر،،، ،،،،،،،شجاها
راسه امصوب بسيف الدعيه

▣========▣◈▣========▣
زينب بعد ماضل ،،،،،،،دم عليها
من شافت جبهته،،،،،، دم عليها
اقسمت علراد يوسف ،،دم عليها
وبداله كون تلفيها المنيه
▣========▣◈▣========▣

✍نور الولايه الفاطميه

#لحن مايحاجيها

بين ارض وسمه ناعيها كبر
علي وكت الصلاه راسه تطبر
من سمعت تغير حالها ام عون
أجت بذيالها تمشي أو تعثر

(دنت وصواب ابوها ،،شافته بهامه)

╌────═❁═────╌

على فراش المنيه علي مطروح
اكعدت يم راسه زينب ضلت تنوح
تكله عني حيدر ناوي تشيل
تراها من المصايب ناحله الروح

(بس الي لايك ،،جنه الدمع والهم)

╌────═❁═────╌

تجر بالجدم كوه حيدره كوم
يليث الحرب مايحلالك النوم
يل اسمك علي امخوف الخوف
بسيف العده ليش الراس مجسوم

(الطبره على الهامه ،، موش الك هايه)

╌────═❁═────╌

النومه موش الك دنهض يبو تراب
يعز زينب وزينب بيك تنهاب
ياسور العليها وخيمة البيت
عسن طولك يحيدر عنها ماغاب

(المحن لو غبت حيدر ،، تلفي اعليها)

╌────═❁═────╌


بينه ويينها من حل الوداع
تهدم حيلها وكل العمر ضاع
بجت يم حيدر ام عون اتخت بي
تريده ابكربله يحضرها فزاع

(لو طاح الكفلها ،،وضلت بهيمه)

╌────═❁═────╌
✍نور الولايه الفاطميه


https://www.tgoop.com/+63HK-Y3_SrQzZTEy رابط قناة الشاعرة نور الولاية قصائد حسينية مكتوبة

حسين بجدمه يم حيدر ،،،يجراح
اانشدك عن حال والدنه ،،،،يجراح
بعد هيهات الج زينب ،،،،،،،،،يجراح
علي متوسد بحضن المنيه
✿────↻✿...✿↺────✿

روحي والدليل بنار ،،،،،،،،،،،وجان
وعليك أسأل صرت براح ،،وجان
البجفه يحارب انس ،،،،،،،،،وجان
ماطاب ونهض حيدر اليه
✿────↻✿...✿↺────✿

✍نور الولايه الفاطميه

اركضت والدرب ياحيدر ٠٠..عليتااه
وصوتي من شفت جرحك.. عليتااه
تدري جم يتيم يون ٠٠٠٠٠٠٠٠عليتاااه
وعليك انه صفكت بثنين اديه
╌────═❁═────╌

راح الجان الي خيمه ٠٠٠ولي لاي
يحيدر اضلم انهاري ٠٠٠٠ولي لاي
فرح ماضل الي بعدك ٠٠٠ولي لاي
فقط بس الهموم تمر عليه
╌────═❁═────╌

✍نور الولايه الفاطميه

هوت خيمتنه او وگع عامودها
من ابن ملجم تعده احدودها

✿────↻✿...✿↺────✿
يا امين الله وياروح الرسول
شلون ابن ملجم لعد هامك يطول
وانت قتال العرب فحل الفحول
علي يمخوف الزلم ياطودها

✿────↻✿...✿↺────✿

راعب الفرسان يمطوگ الحديد
ويا مطوع الجان ومسهل الشديد
وسفه بالمحراب طايح يالعميد

بلصلاه من ساجد المعبودها

✿────↻✿...✿↺────✿

لغير وجهه الباري حيدر ماسجد
خلص ابيت عمره حيدره وبيه نولد
النبا والذاريات وقل هو الله أحد
تنتحب وتنعى لاجلك هودها

✿────↻✿...✿↺────✿

ريت لاهل شهر لا طر الفجر
بطيحتك يا علي ودعت العمر
غير هم من اليالي شنتضر
شلها بالدنيا الي تفگد عودها
✿────↻✿...✿↺────✿

وياه ترحل كون لو شد عالرحيل
وادري من بعده الدهر بيه يميل
يوم افكد اخو يوم اركب هزيل
ويسر والعدوان بيدي اقيودها
✿────↻✿...✿↺────✿
✍نور الولايه الفاطميه



https://www.tgoop.com/+63HK-Y3_SrQzZTEy     رابط قناة الشاعرة نور الولاية قصائد حسينية مكتوبة

علي امنشال يمي النعش. ..... وحداااه

ضل الگلب بس للحزن............وحدااااه

يا فارس بدر وحنين.............. وحداااه

وسفه تشيل وضمك وطيه

✍ نور الولايه الفاطميه



https://www.tgoop.com/+63HK-Y3_SrQzZTEy     رابط قناة الشاعرة نور الولاية قصائد حسينية مكتوبة

اله توجهت مره..........مرجيته

علي وماخاب ضني....مرجيته

بحق صواب هامك.....مرجيته

بيه الكون خل عينك عليه


✍نور الولايه الفاطميه



https://www.tgoop.com/+63HK-Y3_SrQzZTEy

بحق الهامه  ياكرار والطبره
منك سيدي رايد انه نضره
╌────═❁═────╌
╌────═❁═────╌
اديرن  بس الك وجهي يحامي الجار
عليه الدنيا جارت ياعلي ومحتار
عليك اقسم بضلع الصوبه بسمار 
ومحسن والصدر والعين والسطره

╌────═❁═────╌
شخصك بالنوايب ياعلي موصوف
جم شده احضرتها وعنت جم ملهوف
احلفك بالكفيل الضل بلايه اجفوف
تكَضي الحاجه اليه وحالي اتسره

╌────═❁═────╌
احضرت  نجيت ذاك البلبحر ناداك
اريد  اقسم عليك بهامتك ودماك
تحلها شدتي يابالحسن يمناك
يمن اعليك يونس ماصعب امره

╌────═❁═────╌
لعد شخصك يحيدر ارد اوجهه اعتاب
واكَلك  يدي جرحي شو بعد ماطاب
احلفك بل مشت مجتوفه بين اجناب
وبالمكسور صدره   خاطري تجبره

╌────═❁═────╌

احير بوجهي بالشده اوجها المن
العلي يخلصها اليه مو بطبعه يمن
المساكين ويتامه عنده يلتمن
من عايش ابيته وهسه يم كَبره

╌────═❁═────╌

✍نور الولايه الفاطميه

#لسان السيده زينب ع

مانسمع اذانه اليوم ٠٠٠٠ودعاه
تراده حال ابونه كَوم ٠٠٠ودعاه
فتح جنته الباري ليه ٠٠٠ودعاه
وكَله ايسلمنه اعله الزجيه
╌────═❁═────╌

من صغري اعد اهموم ٠٠٠وعد ااه
وجن حاين علينه اليوم ٠٠وعدااه
ولايرحم زماني بعد ٠٠٠٠٠٠وعدااه
بس يشيل يردوني سبيه

╌────═❁═────╌

✍نور الولايه الفاطميه

بروحي انصب عزيه.     لفگد حامي الحميه
╌────═❁═────╌

╌────═❁═────╌
يضالم شل العملته....وجريته
بسيفك نار گلبي.........وجريته
لطبرته شاب رمشي....وجريته
مو دمعي دمه الحامي الحميه
╌────═❁═────╌

اعله عودي من وكت ياموت..هميت
وانه الفرگاه من انطبر............هميت
ترى الشخص اليودع ابو....هم ميت
وانه الروحي ماتت هل مسيه

╌────═❁═────╌
انطبر والكون كله......ماجه بينه
سالم من صلاته..... . ماجه بينه
وسفه بلا عمامه....  ما جه بينه
غداه نصين جف ابن الدعيه

╌────═❁═────╌
بسيفك علي چم ضال ال....هديته
وعمرك.كله للباري.................هديته
يمن حيلي وركن الله...........هديته
وگلبي والعرش ناصب عزيه

╌────═❁═────╌
يمن لام عون جنت انت....هواها
المنيه بغيبتك گلبي ........هواها
وكتها بفركتك زينب. ....  هواها
من سابع سمه الحد الوطيه
╌────═❁═────╌

✍نور الولايه الفاطميه



https://www.tgoop.com/+63HK-Y3_SrQzZTEy