له علي سلامتك ياريم
جبتي ولد ويشبهم انتي وطه جنس شبه
ريم : طوالي بكيت
رانيه قرصت براءة في يدها...
رانيه : اها الولد حا تسميه منو
ريم : طه
...............................
احمد : طه ريم جابت ولد
طه : (بتعب) الحمدلله بتين ولدت؟
احمد، : هسي براءة رسلت لي رسالة
هاك شوفو ماشاءالله ربنا يحفظو ليكم..
طه : (بكي) الحمدلله
احمد : ريم عرفت وبعد عشرة ايام ان شاءالله حا تجي
طه: لي كلمتهم
احمد : لازم يكونو جمبك يا طه العامل النفسي الدكتور قال اهم من اي شي وقعاد ريم جمبك انا شايفه احسن..
....................................
عبير كانت خايفة وداسه موية النار
عمر جا داخل انا عايز انوم بعد اصحي القي الغدا جاهز وكرو قفل الباب دخل..
دي فرصتك يا عبير قعدت وكانت متوترة منتظراه ينوم بعد نص ساعة دخلت سحبت التلفون ورجعت اتصلت بصاحبتها قالت انا ما بقدر اعمل كدا..
- خلاص انا اتفقت ليك مع واحد بجي بتصرف هو نص الليل تفتحي الباب لكن حا يشيل قروش كتيرة..
عبير : موافقة العايزو بندي ليه
(الوقت مشي والساعة 12)
عملت روحها نايمة لما اطمنت انو عمر نايم قامت براحة شالت التلفون تاني واتصلت ب صاحبتها قالت ليها قربنا عليك افتحي الباب وارجعي ارقدي في محلك..
عبير طلعت فتحت الباب وجات ختت التلفون ورقدت تاني عملت روحها نايمة...
بعد شوية حست بي حركة جسمها كلو برد وبقت خايفة مووت..
شفته نور البطارية جا في وشي رمشته وحاولت اغمض عيوني واتقلبت بالجهة التانية..
مع قلبتي فجأة احس بي حركة عمر صحي وكورك ونطه من السرير انت منو؟
قمته سريع وبقيت اكورك عمر حرامي حرامي
بقي عمر يكورك وبحاول يجر منو الحاجة المغطي بيها راسو ويتشاكلو الاتنين جريت فتحت اللمبة لاني بقيت متوترة شديد ما قادرة استحمل..
عمر يضرب وهو يقاوي فيه داير يدفرو
وانا واقفة وراه بكورك عمر
شال الباقة وشو احس بي حاجة اتدفقت في وشي
حسيت النار قعدت اكورك واصرخ بطول حسي جريت علي الحمام من الوجع والالم وتاني ما شعرت بشي...

الجيران سمعو الكوراك والصريخ واحدين من الرجال جو دخلو البيت قدرو يمسكو الراجل وشالو عبير جرو بيها المستشفي..
اتصلو بالشرطة جات طوالي
عبير وشها اتحرق فقدت نظرها وعيونها اتشوهت وفقدت اذنيها ونص انفها وشعر راسها..
وشها اتشوه بالكامل
وصدرها ويديها كمان
حالتها كانت حرجة شديد ومنعو دخول اهلها ليها..
قررو الراجل الجا اتهجم علي عمر
انهار وحكي الاتفاق الكان بينهم وانو عبير وصاحبتها هم القالو ليه يكب موية النار علي عمر وبالغلط اتكشحت في عبير،...
صاحبة عبير حاولت تشرد لكن مسكوها ...

...........................
بي هنا زهراء بقت ما واعية بالحاصل حواليها وغرقانة في المعصية مع شهاب يودي فيها يمين وشمال..
قدر يمضيها علي تنازل البيت وهي في حالة تانية ما جايبة خبر بتعمل في شنو..
الجيران بدو يلاحظو حركة غريبة علي بيتهم بالذات بالليل رجال داخلين وطالعين...

ام زهراء استغربت ان ليها قريب العشرة ايام ما جاتها ولا اتصلت لبست توبها وجات تشوف بتها مالا..
(مسافة الشارع)
وصلت ودقت الباب
بعد شوية فتح ليها شهاب
ازيك يا شهاب زهرة قاعدة؟
-اي جوه
من دخلت لقت البيت جايط وريحة عفنة والشيشة مختوته وحاجات مدفقة وريحة تكتم النفس كمكمت روحها بالتوب ودخلت لي زهرة جوه لقتها في السرير..
زهرة
زهرة: امي اي كيفك
- دا شنو الدفيس الانتي وراجلك فيه دا قومي علي حيلك كدا.. ومن بتين راجلك بشرب شيشة..
زهراء: ياامي عليك الله انا مصدعة خليني انوم ورقدت تاني..
امها ما عجبها الموضوع طلعت لي شهاب برة
اسمع هنا نحن وقت اديناك بتنا ما عشان تجيب العواليق دا في البيت وتقلبو محل شيشة وكلام فاضي..
شهاب : عليك الله يا حاجة اختيني بلاي انتي مرا كبيرة وانا ما داير اسمعك فارغ..
- تحج وما تشوف الكعبة انا ما عندي معاك كلام،، يجي طه ويطردك بره ولد قليل ادب ما مربي... قوامك شيل عفنك دا واطلع من هنا سريع ولا بنتظر طه...
شهاب : ههههه لا والله ديل انتو البتطلعو هسي سوقي بتك ويلا بره دا بيتي...
زهراء جات وماسكة راسها انت بتقول في شنو وكيف ترفع صوتك يا شهاب وتقل ادبك علي امي انت دا البتطلع من البيت...
شهاب : دخل وجاب الورقة ومسك زهرة اقري اقري دا عقد البيت بإسم منو وبدون احترام كورك في زهرة وامها ودفرهم طلعهم من البيت....

....................................
عشرة ايام مرت علي كيف ما عارفة قدرت استحملتها قطعت التزكره وسافرت مصر وانا كل دقيقة وثانية بدعي في ربي يشفي لي طه ويحفظو لي...
ببكي واشيل واستغفر علي تقصيرنا وغلطنا العملناه زمان...
قبل اسافر حكيت لي رانيه الحصل وقت بدت المشاكل بيني وبين عمر ووقتها اتعرفت ب طه عن طريق الفيس بوك ..
خفته امكن ما نتلمه تاني ما معروف الحا يحصل شنو...
رانيه اتصدمت مني اني اختها اعمل كدا،...
ودعتني صاح بس الجواها حسيتو كتيييير.



يـتـبـ19ــع
✍ فاطمة قسم الله

#الخطيئة19

❥ الحلقة التاسعة عشر❥

وصلت مطار القاهرة لقيت احمد منتظرني قال نمشي الشقة اول مع اني اعترضته الا امشي المستشفي طوالي...
احمد : انتي جنيتي بي ولدك دا رضيع يادوب عايزة تمشي بيه كيف..
زينب قاعدة في الشقة منتظرانا خلي ليها الولد ونمشي..
(زينب كنت دايرة انفجر فيه لكن ما وقتو،، زينب دي منو هو و طه في سيرتها).
وصلنا الشقة ودخلنا..
السلام عليكم
وعليكم السلام اكيد انتي ريم حمدالله علي السلامة والف مبرووك البيبي.
ريم : الله يبارك فيك
(من شفتها غرت الصراحة منها)
دخلت ارضع ولدي وزهجانة من جواي عليك الله البت الما بتستحي دي هسي لابسة بجامة بدون طرحة ولا توب وحايمة قدام احمد كدا..
ما تكون قاعدة معاهم كمان في الشقة...
استغفر الله العظيم بس
(اتمليت فل)
نومتو وقمت استحميت ولبست عبايتي وجيت طالعة
لقيتهم قاعدين وبتونسو وبضحكو
(من جواي البت دي ما حبيتها قليصة كدا)
ريم: احمد انا جاهزة ارح
(طلعنا مسافة الشارع وصلنا المستشفي)
احمد : اقيفي هنا برجع ليك هسي
ودخل
بقيت منتظره مساااافة وبعاين للناس اتخلعت من الكمية العندهم كانسر ربنا يشفيهم يارب
صحي البشوف مصيبة غيرو بتهون عليه مصيبتو..
احمد : ريم تعالي ما بنقدر نقعد كتير معاه عندو جرعة كيماوي هسي..
كنت ماشة في الارض وحاسة بضربات قلبي خايفة اشوفو وهو راقد ما قادرة اتخيل منظرو بقي كيف.. بطمن في نفسي وبشجع فيها زي ما وصاني احمد ريم اوعي تبكي او تضعفي قدامو خليك قوية وشجعيه اكتر انتي فاهماني..
دخلنا
عيني جات فيه كان مغمض من حسه بينا فتح عيونو
اللحظة الشوية المغمض فيها انا شفت ملامحو الاتغيرت كلها ..
مسكت روحي وجيت عليه بي شوق حضنتو قووووي وسلمت عليه في راسو ويدو
قعدت اضحك حبيبي وحشتني والاولاد مشتاقين ليك شديد وبراءة وامي ورانيه وابوي كلهم بسلمو عليك وقالوا ليك سريع تعال لينا منتظرنك..
وطه كمان..
طه : (بتعب) حمدالله علي السلامة ياريم معليش ما قدرت اكون جمبك في الفترة الاخيرة اتحملتي تعب الحمل والولادة براك...
لي سميتيه طه..
ريم : ضحكته ليه عاجبني ياخ الاسم مش ولدي انت مالك.
طه : ضحك هسي عليك الله يبقي طه طه بالغتي فيه كان كبر بغير الاسم..
ريم : والله كان ادقو،، هو في احلا من اسم طه،،
ربنا يحفظك لي يارب ويقومك لينا بالسلامة..
طه : ميدو كيف كويس
ريم : كووويس ما تشيل هم باقية عليه عشرة ما بغيب من قدامي..
(مسك يدي شدييد )
ريم انا كان حصلت لي حاجة ارجعي كملي قرايتك وامي دي عليك الله ما تخليها براها مرا كبرت وما عندها زول واريج لسه صغيرة ،، وزهراء اي عارفها كعبة معاك وما بتريدك بس برضو حاولي اتقربي منها هي من جواها طيبة،، خليها تعفي لي عارفها شايلة في جواها مني كتيير..
اعفي لي ياريم انا غلطه عليك كمان وعزبتك ووجعتك لكن والله بحبك وما حبيت غيرك واحدة،، انتي البقيتي دنيتي حلوة ومليتيها لي وغيرتيني للأحسن بعد كنت ضايع،..
ادعي لي ربنا يغفر لي غلطي الزمان الله يعلم لي هسي وقت بتزكرو بتوجع وما قادر انساه بس امكن لي حكمة والحمدلله..
ومرضي ربنا قال ان الله اذا احب عبد ابتلاه عشان ينضفني من الزنوب العملتها في حياتي..
ادعي لي ياريم ما يجي يوم وتنسيني فيه اقري لي قران كتير..
اعفي لي وادعي لي كتير واعملي لي سبيل وما تنسيني يوم في صلاتك وطلعي لي صدقات قدر ما الله يديك..
كلام طه البقي يقولو تعبني شديد ما قدرت امسك روحي فقعدت ابكي
.. طه عليك الله ما تقول كدا انت حا تبقي كويس ونرجع كلنا ان شاءالله سوي...
طه : ان شاءالله
انا عايز احمد خلينا برانا شوية يا ريم..
ريم : حاضر
طلعته وخليت احمد معاه
قشيت دموعي طه شكلو اتغيير شعرو كلو بقي ماف ورموشو لونو بقي غريب وضعف شديد..
بس برضو في نظري كان احلا من اي حد تاني...
انتظرت زي نص ساعة بره حتي احمد جا طالع وكان مدنقر..
ريم : جيت عليه احمد مالك في شنو طه مالو..
احمد : ماف شي يا ريم
ريم : بتبكي ليي انا عايزة ادخل ليه اشوفو
احمد : ماف طريقة هسي طلعوني عندو جرعة كيماوي ادعي ليه بس ياريم..
(دموعي انا زاتي تاني نزلو لما شفته احمد ببكي قلبي عمل شحح ما مطمنة )
احمد : يلا ارجعك الشقة بجيبك بعدين
ريم : لالا مستحيل انا امشي من هنا هسي بنتظرو
احمد : رييم اسمعي الكلام هو زاتو قال لي كدا ارجعك وبعدين ولدك الرضيع دا زنبو شنو تجوعيه..
هسي بوديك وتاني بجيبك يلا..
جينا الشقة خلاني وزينب طلعت معاه..
اتغظت منها لشنو تمشي معاه علي اي اساس كانت مرتو ولا اختو بي كلامها ادتني احساس انها بتعرف طه اكتر مني...
بقيت منتظراهم يرجعو عشان احمد يوديني اشوف طه،، الساعة 12 جات وهم ما جو بديت اقلق وانا ما عارفة شي اعمل شنو لا عندي تلفون اتصل بيه ولا عارفة اتصرف كييف القلق عايز يقتلني...
مع انتظاري وتعبانة كنت نمته ما صحيت الا لما احمد صحاني ريم ريم اصحي..
ريم : بخلعة احمد في شنو، مالكم اتاخرتو كدا الساعة كم..
احمد : تلاته صباحا
لاحظت ليه عيونو وااارمة و

ما علي بعضو
ريم : طه كيف بعد الجرعة
ما قدر يمسك روحو بكي
احمد الليلة واااي انا في شنو طه مالو حصل ليه شنو
احمد : ريم ادعي لي طه دخلو العناية جسمو ما قدر يستحمل الجرعة...
ريم : قعدت في محلي وحيلي برد احمد ارح وديني عايزة اشوف طه انا..
احمد : ما بخلوك ياريم ما بخلوك احسن ما تشوفيه وهو بحالتو دي..
ريم : قلت ليك وديني عايزة اشوفو (وببكي)
طلعنا جينا المستشفي بس شفتو من ورا قزاز الغرفة بره لونو كان شاحب وملامح وشو كمان كان راقد ما بتحرك صوت الاجهزة بس الشغال ما قدرت استحمل منظرو بالطريقة وقعت قبلي...
صحيت لقيت روحي في السرير طه بقي كيف قمته طوالي وجيت بره..
احمد وزينب ماسكين مصاحفهم وبقرو رجعته براحة دخلته اتوضيت وصليت ومسكته المصحف اقرا وادعي لي طه...
.....................................
بعد شوية
احمد؛: تقبل الله كيفك هسي
ريم : الحمدلله طه كيف بقي
احمد : الحمدلله بس لسه ماف تحسن
انا حجزته لي ناس امي طيارتهم بتتحرك من السودان عشرة حا امشي اجيبهم من المطار ونجي نمشي المستشفي كلنا
ريم : حاضر يصلو بالسلامة يارب..

ريم بقيتي كيف؟
ريم : الحمدلله
زينب : ما لحقنا اتعرفنا ربنا يشفي ليكم طه يارب
ريم : اللهم اميين يارب
الظروف جات غير عشان كدا
بس الايامات راقدة بنتعرف ان شاءالله
(من جواي عايزة اعرفها هي منو وصلتها ب طه شنو لكن تقلت دمي وما سألتها)
زينب : احمد حكي لي عنكم كتير
ريم : اها تمام انتي قريبتهم ولا شنو؟
زينب : لالا ما قريبتهم لكن كنا زمان جيرانهم وتاني بابا وماما اغتربو ومنها جو مصر دي شقتنا وهسي هم رجعو اخوي ممتحن تالته عشان كدا..
انا جيت هنا بحضر في ماجستير تخدير ...
ريم، : يعني كنتي متواصلة معاهم
زينب : اي طه واحمد اصحابي شديد بالذات احمد وخطوبتنا مفروض كانت تكون هسي بس ظروف اخوه لكن ان شاءالله بعد ربنا يكتب ليه السلامة ..
ريم : ايوااا تمام ربنا يتم ليكم علي خير
(حسيتها عايزة تسألني من حاجة لكن ما اتكلمت)
سكتنا تاني وقعدنا منتظرين ناس خالتي..
الوقت مشي كأنو سنيين ما عايز يتحرك كان وانا نفسي وروحي اطمن علي طه واشوفو..
زينب : ديل مالهم اتأخرو كدا مفروض قبيل يكونو وصلو
ريم : قلقتيني كدي اتصلي ب احمد
زينب : بتتصل بيه ماف رد،،
اكتر من مرة اتصلت وما برد حسيتها هي زاتها قلقت..
انا حا امشي المستشفي احتمال مشو بهناك طوالي..
ريم : انا حا امشي معاك ما بقدر انتظر كدا قلبي ماكلني زاتي
زينب : ماينفع ياريم مع ولدك دا توديه المستشفي،،
ما بتأخر طوالي بجي اطمنك..
ريم : لالا من هنا ما بتمشي كراعي بكراعك
المهم ما خليتها وطلعت معاها والشارع تشيل وتتصل واحمد ما برد اعصابنا باظت...
وصلنا المستشفي وطلعنا فوق ماشين في الصالة زي سمعت صوت خالتي..
زينب دي خالتي قمنا جاريين
طه مالو خالتي خالتي
احمد منتكل علي الحيطة وببكي وخاتي اصابعة في عيونو
زهراء قاعدة في الارض احيي انا يا اخوي احيي انا يا طه حرقته قلوبنا احييي انا يا اخوي يا اخوي..

اريج : ريم طه مات يا ريم طه مات...


يـتـبـ20ــع
✍ فاطمة قسم الله

#الخطيئة20

❥ الحلقة العشرون ❥

رجعنا السودان
الحمدلله علي كل حال..
كل زول فينا كان ساكت ودمعتو في عينو وبفكر وبتزكر في المواقف الحصلت ليه مع طه ربنا يرحمه..
عملو العزاء
ورجعنا مارسنا حياتنا الطبيعية تاني زي ما كانت بس بدون انسان عزيز علينا مجبورين نواصل بدونو غصبا عننا...

احمد : امي عايزك في كلام
امي : مالك يا احمد
احمد : المرحوم قبل يتوفي كان اتكلم معاي في موضوع..
زهراء جات عايزة تدخل البرندة سمعت احمد بتكلم مع امو فوقفت تسمع مالو..
امي : قشت دموعها ربنا يرحمه ويغفر ليه
احمد : طه وصاني اعرس ريم يا امي وامسك اولادها وحقهم (وسكت)
امي : عين العقل يا احمد انا زاتي امس كنت بشاور في روحي وعايزة اقول ليك كدا..
اولاد اخوك امسكهم انت وحقهم في رقبتك ما يضيع..

(زهراء من سمعت الكلام طوالي دخلت.. )

دا كلام شنو البتقولو فيه دا احمد شنو الداير تعرس ريم كمان كفاية قتلت اخوك دي مرا نحس وبعدين تدفن نفسك بالحياة لشنو وانت لسه صغير وفي بداية عمرك،،
دي معرسة مرتين واكبر منك...
اولاد منو يا امي طه عندو ولدين ياهم ميدو وطه،، نحن اولادها ما ملزمين بيهم جنيه ما عندنا ليهم،، ابوهم هداك لي قاعد خلي يجي يعرسها ويلمها...
امي : استغفر الله العظيم زهرة الموضوع دا خلاص انتهي احمد يعرس ريم ويمسك اولاد اخوه..
زهراء: احمد ما حا يعرس ريم يا امي
ولو وافقت يا احمد تاني حرمان علي الكلام معاك...
احمد : زهرة احسن تسكتي دي وصية طه انتي جنيتي
زهراء: طه مات الله يرحمه ويغفر ليه انت ما ملزم تعرس ليك واحدة جربت العرس وروحها طلعت،،
لي الناقصك شنو الف واحدة تتمناك..
تقدر تقول لي زينب زنبها شنو حا تقول ليها شنو طيب وهي انتظرتك كم مرة وفي كل مرة كنت بتخزلها وبتشوف غيرها ..
دا حرام زاتو وما برضي ربنا
انا شايفة دا جهل منكم ما اكتر
احمد : امي عليك الله سكتي بتك دي انا ما ناقص نقتها.
(وطلع في بالو يجي يقابل ابو ريم)
(مسافة الشارع وصل بيت ناس ريم)
دق الباب فتحت ليه براءة
احمد : براءة كيفك عمي قاعد
براءة : اهلا احمد اي اتفضل انادي ليك
دخل الصالون
ابوي احمد دا جا بي هناك
ابوي : اعملو شاي وجيبو موية
اهلاااا احمد ان شاءالله طيبين كيف امك واخواتك واحوالكم..
احمد : الحمدلله يا عمي كلنا بخير
بس انا جاييك في موضوع كدا..
ابوي : اتفضل حبابك
احمد : يا عمي المرحوم وصيتو اني اعرس ريم وامسك الاولاد وحقهم وانا هسي جاييك في الموضوع دا..
ابوي : (سكت مسااافة) دا الكنت عامل حسابو لانو طه قبال يسافر مصر غشاني واتكلم معاي وجاب لي سيرة الموضوع دا وانا قلت ليه كل شي بيدالله وان شاءالله تجي سالم لي مرتك،،
بس زي ما بقولو سيد الموت بحس بي موتو ربنا يرحمه..
والله ياولدي انا ما عندي مانع وريم محتاجة البقيف معاها هسي ومسؤليتها كبرت ونحن كبرنا وما حمل مسئوليات وانا برضو عايز اطمن علي بناتي الموت بقي ما معروف في اي لحظة بشيلك..
خليني كدي بشاورها وبديك خبر..
احمد : انا يا عمي عشان وصية طه وهو قالا لي كم مرة ريم واولادي في رقبتك كان ما كدا ما كنت ختيتك في الموقف دا..
ابوي : انا بكلمها وكان وافقت خير وبركة بعد تتم عدتها تدخل عليها طوالي..
وربنا يقدم الفيه خير.

(احمد ما قعد وبعدها طلع طوالي)..

ابوي جا داخل لينا جوه وناداني
مشيت وراه دخل الاوضة وامي كانت قاعدة وقال لي الكلام..
لساني اتربط لما سمعت القالوا
سكته ودموعي جرو بس..
ابوي : ياريم الزمن ما معروف ونحن ما دايمين ليك واحمد اولي بتربية اولاد اخوه وهو الجا براه وطلب يدك مني..
ريم : 😞😞😞
ابوي : رايك شنو انتي موافقة ولا لا؟
امي : التوافق احمد ولد مهذب ونحن عارفنو وعاشرناهم ما بتلقي احسن منو ،،
بكرا يجيها واحد يبهدلا ويبهدل اولادا وما ببقي ليهم اب وريم ما عندها حظ في العرس بقولا ليها عديل قدامها...
جنن تعرفو...
ريم : 😢😢😢
ابوي : انا عارفك بعد طه ما عايزة تعرسي لكن قسمتك كدا يابتي معليش عشان خاطر اولادك ،،
كلنا بننسي روحنا عشان اولادنا..
كدي صلي الاستخارة وربنا يقدم الفيه خير..

قمته طلعته منهم وهمي زايد هم
قعدته ومهمومة
رانيه جات قعدت جمبي
ريم مالك وشك مخطوف كدا ناس ابوي دايرنك في شنو؟
ريم : ماف شي يا رانيه
رانيه : ماف شي كيف مشيتي بشكل ورجعتي بشكل قولي امكن اخفف عنك.
ريم : احمد يا رانيه اتقدم لي
رانيه : احمد اخو طه 😳
ريم : طه قبال يموت وصاه يعرسني ويمسك الاولاد
رانيه : 😐😐😐
ريم : انا ما بقدر يا رانيه وبراءة تقول علي شنو حا تكرهني ومستحيل تسامحني..
و احمد زنبو شنو يتبلي بمسئولية من هسي وهو يادوب في بداية حياتو،،
انا كان علي جربتها وكرهتها زاتي ...
وكلام الناس بكرا يقولو عرست تاني ما صدقت راجلا مات.. الفيني والما فيني يقولوه
دا غير انو اصغر مني اعرس لي راجل اصغر مني..
ما عارفة اسوي شنو يا رانيه..
رانيه : من رايي ترفضيه اعملي حساب ل اختك لانو لي هسي بتحبو وجرحها ما برا..
انتي عايزة تخسري اختك.

.
ريم : ووصية طه يا رانيه انا بين نارين..
انتي ما شفتيه كان بوصي فيني كيف عيونو وكلامو علي اولادو وكل شي ،،
لا دنيا اريحو ولا اخرة كمان اريحو...
رانيه : كلامك دا يعني شنو حا توافقي؟
ريم : ما عارفة
رانيه : سوي البريحك يا ريم وانا قلت رايي ولو عايزة تخسري اخواتك عرسي احمد ...
لانو دي حا تعتبر انانية منك ما اكتر وانتي عارفة انو براءة كانت بتحب احمد كيف وعارفة الحصل بينهم .. تجي انتي هسي تعرسيه..
براءة جات داخلة
براءة : دي منو العايزة تعرس

سكتنا الاتنين ما جاوبناها

براءة : مالكم اها سكتو ما جاوبتو الموضوع مهم للدرجة دي داسينو مني؟؟
رانيه : اسألي اختك
براءة : مالا في شنو انتي المتقدم ليك العريس،، ههههه والله يا رانيه نحن حقو نلطم بعد كدا هم ما شايفننا ولا شنو...
رانيه : اختك احمد المتقدم ليها للعرس..
براءة : 😧😧😧 وانتي قلتي ليه شنو يا ريم وهو كيف يعمل حاجة زي دي بعد الكان بينا..
رانيه : شكلها رضيانة وحا توافق..
ريم : 😞😞😞
براءة : ريم ردي لي الكلام البتقول فيه رانيه دا صاح وانا يا ريم ما فكرتي فيني ما فكرتي في مشاعري والحا يحصل لي..
ياخ انتي طلعتي انانية شديد وما عندك احساس نهائي اول مرة اعرف انو همك نفسك وبس...
امي سمعت كوراكنا ونقاشنا وجات داخلة نهرت براءة
امي : براءة بطلي قلت ادب واوعي اسمعك تتكلمي مع اختك الكبيرة كدا ..
انتي قسمتك ما كانت مع احمد الله ما رايدكم تعرسو مرتين وما حصل نصيب ..
احمد قسمتو مع ريم.. وانا وابوك موافقين عليه وما عايزة اسمع واحدة فيكن تاني بتلوم في اختها الكبيرة بالطريقة دي...
براءة عاينت لي شديد وطلعت من الاوضة تبكي ورانيه طلعت وراها...

.........................................
زهراء تلفونها ضرب لقتو شهاب
زهراء : مرحب عايز شنو؟
شهاب : زهرة انا جمب باب بيتكم اطلعي لي عايزك..
(لبست توبها وطلعت ليه)
زهراء: نعم
(مدا ليها صندوق مغلف)
شهاب : اشتقت ليك شنو المقابلة الكعبة دي وصرت الوش
زهراء : دا شنو؟
شهاب : افتحيه بس
(فتحتو لقتو سلسل دهب وخاتم)
زهراء : فرحانة ديل لي
شهاب : اكيد ويلا ارح انا جيت اسوقك البيت والله ما بتقعد بدونك يا زهرة..
زهراء : قلبت وشها البيت بعد غشيتني فيه وطردتنا انا وامي وسجلتو بي اسمك يا شهاب انا تاني ما بثق فيك.. شرطي ترجعو لي اول..
شهاب : انتي متسبقة الاحداث مالك هاك اتفضلي شوفي دا عقد ملكية بيتك رجع ليك،، عشان تشوفي انا بحبك كيف واليوم داك انا كنت ما واعي وانتي عارفة السبب...
زهراء : فرحت خلاص خليني الم حاجاتي واطلع ليك ادخل ادخل جوه...
شهاب، : لالا انا بنتظر هنا انتي عارفة امك واحمد ما بريدوني وما عايز اسوي ليك مشكلة..
زهراء : عليك الله خلينا اكتر من المشاكل الحاصلة ادخل ساي كدي زول يقدر يسألك..

(زهراء دخلت تلم حاجاتها وشهاب خاف من احمد عارفو بتشاكل معاه وقف جمب الباب وعمل تلفون)
الووو الشباب ويين الليلة السهرة حا ترجع احلا تاني اها رجعتها ليكم وغشيتها قال ارجع ليها البيت ومشي عليها هههههه ...
دهب شنو البجيبو ليها انا هو كان عندي حق الدهب دا بعاين ليها كان عرست لي بت ناس حلوة ومؤدبة..
غايتو نرمي لي بعدين بعد اخوها دا مات عشمان لي في زيادة كدا بقالة شقة منهم...
- ههههههه بس ما تنسانا من الغنايم دي معاك
شهاب : معقولة بس يلا تمام لي بعدين المساء كترو الصنف...
(زهراء ما اتكلمت مع امها لملمت حاجاتها وطلعت وامها تعاين ليها بعيونها ساي).

الساعة 12بالليل جات والبيت رجال وريحة الدخان والضحك ماف زول واعي
زهرة زاتها بعد شهاب اداها الحبة بقت ما عارفة روحها بتعمل في شنو....
فجأة صوت كو كو كرو رو ضرب في الباب وصوت النجدة وناس كتار جوه البيت...
زهرة قعدت تكورك الليلة وااااي سجمي الشرطة
يا شهاب....

#خطيئة

أعلم أن البدايات صعبة وسيئة و النهايات لامفر من أن تكون هكذا إن لم تكن أكثر صعوبة وأشد سوءً ، وما بين البدايات والنهايات حياة مليئة بالأضراب والمعاناة و الأوهام و الأحلام التى أرُهقت على أثرها أرواحنا و كأن كل رجاء كان خطيئة يُجازى من أجلها الروح و الجسد ، ليس لأن أحداَ منا لم يبذل قصارى جهده لكن لأننا لسنا المختارون ، لسنا المختارون لترسم السعادة تلك البسمة التى طالما أفتقدناها على وجوهنا البائسة ، لسنا المختارون ليملىء الحب قلوبنا المضطربة بالأطمئننان والسكينة ، لسنا المختارون و لكن يا تُرى أى ذنب أقترفته نفوسنا دون أن يتحقق لها الإرداة والإختيار فتهاوى عليه السخط و الشقاء ! وأى أعمالاً تلك هى التى إرتقت بأخرين إلى منتهى الكمال فى تملك الأشياء كلها دون إجتهاد ، من أجل ذلك فأنه لا مفر من تلك اللحظة التى يُقاضى فيها السعى القدر ليدين ما تبقى منه من زيف و كذب.

يـتـبـ21ــع
(الاخيرة)
✍ فاطمة قسم الله

#الخطيئة21

❥ الحلقة الواحد وعشرون ❥

#الاخيرة

ناس الفريق بلغو عنهم بعد لاحظو حركة ما ياها في البيت دا بالذات كل يوم رجال داخلين وطالعين وش الصبح..
الشرطة رفعوهم كلهم وكانو في وضع ما تمام ولبس فاضح...
زهراء بقت تبكي وتشيل وتجر في هدومها تغطي في روحها وهي رافعنها في البوكس والناس دي كلها تشيل وتعاين ليها فضيحتها بقت بجلاجل...

...............................................
الصباح اصبح
براءة ورانيه مشو نامو في الصالون علي اساس ماخدين موقف من ريم...
براءة : جات داخلة الغرفة تشيل حاجة
ريم : براءة اسمعيني
براءة : عايزة تقولي شنو بسمعك في حالة واحدة اذا رفضتي احمد يا ريم..
ريم : عايني عشان ما تقولي انا وانا وما تحاسبيني ساي اصلا احمد انتي ما في بالو يا براءة عارفة ليي لانو كان حا يخطب واحدة تانية اسمها زينب بس طه وقتها مرض واتأجلت الخطوة دي عشان ما تكوني عايشة في وهم انو احمد لسه بحبك وخاتيك في بالو..
تقدري تقولي لي انتي رفضيته ولا رانيه هي الاثرت عليك بالكلام..
انتي اصلا قلتي ما عايزاه مش دا كلامك هسي مالك جاية تحاسبيني علي حاجة انا ما لي يد فيها،،
قدري كدا يا براءة اسوي شنو (قعدت تبكي)

براءة ما ردت عليها وطلعت علي طول منها..

يارب فوضت امري ليك..

زي العصر كدا الباب دقه الشفع جرو فتحو الباب وجو جاريين بكوركو لي ابوي انو في زول عايزو
ابوي طلع لقاه عمر..
شال معاه الفاتحة ودخلو الصالون
قعدو يتكلمو شوية وعمر دخل في الموضوع
عمر : عمي انا جايي ارجع ريم
ابوي : والله يا ولدي القرار تاني بقي طالع من يدي الا اشاور ريم اول..
عمر : 😐😐😐😐
ابوي : خليني لما اكلما وتاني هي ورايها انا ما بقدر اتدخل..
عمر طلع بعدها وابوي جاني قال لي الكلام..
ريم : ابدا يا ابوي عمر دا تاني كان بقي اخر راجل
ما برجع ليه وريه الكلام دا عديل..
ابوي : انا زاتي ما عايزو خلي انتي الله يكفينا شرو
ريم : بس ما تجيب ليه سيرة عن الموضوع التاني
ابوي : لالا ما بقول ليه
................................

احمد تلفونو ضرب لقاها زينب..
احمد : الوو زينب كيف احوالك؟
زينب : تمام كيف انت وخالتو واخواتك كلهم
برسل وبتصل بيك ما بترد علي لشنو؟
احمد : معليش ظروف بس
زينب : احمد انا عارفة ما وقتو لكن عشان اكون في الصورة اها مواعيد الخطوبة حتكون بتين لانو كلمت امي وامس سألتني منها!!!
احمد : زينب حا اكون معاك واضح يا بت الناس لو بترضي بالبقولو ليك عشان ما اكون ظلمتك..
انا حاليا حا اعرس ريم دي وصية طه لي..
وانتي لو بتوافقي بعدها اعرسك انتي عارفاني انا بحبك ومعزتك كيف بالنسبة لي..
(سكتت اول وجاني صوتها شكلها قعدت تبكي.. )
زينب : دا كلام شنو يا احمد البتقول فيه دا ،،
وانت زنبك شنو تعرس ريم،،
ريم دي زاتها ما مناسبة ليك واكبر منك
انت وعدتني نسيت كلامك لي اخر مرة..
احمد : زينب الله يرضي عليك افهميني انا ما بيدي حاجة انا اتفرض لي كل شي يا زينب ما تبقي انتي برضو علي،،
بدل تقيفي جمبي في محنتي دي اسمع منك الكلام دا..
زينب : عاوزني اقول شنو .. من الاخر احمد ،،
يا انا يا ريم،..
احمد : سكت
زينب : تمام عرفت الرد فرصة سعيدة وقفلت الخط.

.........................................
(اربعة شهور وعشرة ايام مشت في لمح البصر... )

عدتي تمت ولسه كل حاجة من طه ساكنة فيني...
ابوي واحمد ما مهلوني بعدها كتير طوالي كان العقد
واحمد ساقني من بيتنا..
لا رانيه لا ريم ما وقفو معاي ولا رحلو لي حاجاتي..
ناس خالتي رحلو بيت تاني بعد فضيحة زهرة...
اتسجنت زي شهرين واحمد وقف ليها محامي قدر طلعها..
كنت خايفة اتلم معاها تاني في بيت واحد وانها تفكر تسوي فيني حاجة انا واولادي...
.......................................
قاعدة في الاوضة احمد جا داخل
قعد بالجهة التانية وشكلو ما عارف يقول شنو..
ريم : احمد انا عاوزة اقول ليك حاجة عشان اخفف عنك الهم الشايفاه في عيونك دا..
انت ما ملزم تعمل حاجة ما عايزها..
انا كان علي رضيت بقسمتي وعادي بقعد والحمدلله خالتي قاعدة مونساني ما مقصرة معاي..
امشي لي زينب وعيش حياتك ما تضيعها بسببي وسبب واحدة ماف علاقة بتربطك بيها ولا بتحبها..
احمد : 😐😐😐
خير وبعدها طلع..
قعدت ابكي وما عارفة الايام حا تمشي معاي كيف واقدر اتعايش مع احمد،،
كل ما اشوفو بتزكر طه ما بقدر اعايين ليه بحس بروحي بخون في طه وبعمل في شي حرام لما اكون مع احمد في اوضة واحدة...
........................
بالمغرب كدا ناس خالتي عندهم قعدت الشاي بطلعو في الحوش بره برشو الارض وبطلعو السراير..
كنت برش في الحوش وارتب فيهم
جات زهرة قعدت تفرش في الملايات لكن ما اتكلمت معاي...
والله زهرة طيبانة لكن عندها جنية مرات بتقوم عليها ومشكلتها بتسمع كلام الغير من دون تفكر وبتتغشي بسهولة .. يعني عادي ممكن تحرشيها وهي تشيل وش القباحة وانتي تطلعي منها..
شفتها مكسورة بقت ما بتطلع من الباب بالاصح احمد مح

رم عليها الطلعة..
اتقدم ليها واحد من الناس الشغالين مع طه عامل نضافة بسيط..
اتخيل لي احمد الاقترح عليه يزوجو زهرة حسيت انو ظلمها كمان لما وافق عليه بحجة عايز يلمها ويسترها...
بس يلا دي قسمتها ونصيبها كدا...
جاني صوتها عرفتي الحصل علي عبير!!!
اتلفت عليها ورفعت ليها اكتافي لالا
حكت لي بالموضوع
وقالت لي كل حاجة
ريم عليك الله ما تزعلي مني والله انا شايلة زنبك بقيت حتي النوم بقيت ما قادرة انومو..
كفاية طه مات زعلان مني وكنت مشاكلاه
والحصل لي تاني..
انا والله يا ريم ما كعبة (قعدت تبكي) بس ما عارفة الخلاني اعمل كدا شنو امكن الغيرة والحسد وقتها ما خلتني اشوف البعمل فيه..
بعد الحصل لي دا والله اتغيرت يا ريم ونفسي حاجة واحدة امشي اعمر ولا احج بس وعايزاك تكلمي لي احمد يوديني لانو ما بتكلم معاي..
ريم : الله يعين يا زهرة حاضر بقول ليه..
........................................
مرت الايام وزهرة عرست الزول الاختارو ليها احمد وهي وخالتي مشو العمرة..
بعدها
(احمد جاتو ملاريا ومرض شديد انا لما قلقت عليه لا ليل ولا نهار الحمي ما بتنزل منو)
ريم : احمد اسمع كلامي وخلينا نمشي الدكتور عاين انت تعبان كيف وعرقان من الحمي..
احمد : سوطي لي بس عصير وكتري السكري،،
انا بقوم استحمي هسي ببقي كويس..
(دخلت المطبخ اعمل ليه العصير ومعاه ساندوتش)
لما جيت راجعة لقيتو مكرفس وبرجف بقي يقول لي غطيني انا بردان ياريم،..
انا اتهبشت ما عرفت اعمل شنو
جريت توبي وغطيتو مسكت يدو نار مولعة كانت..
ريم : الكلام دا ما بنفع انت محموم شديد
دايرة اقوم من جمبو جراني من يدي قوي
ريم، ما تمشي مني،..
(حسيت انو بدي يهلوس لانو قعد يقول لي كلام ما ياهو)
احمد : انا بحبك يا ريم ما تبعدي مني،،
انتي والله حنيينة وقلبك طيب ،، انتي امي واختي وحبيبتي،، ما تبعدي مني.. وكان برجف..
ريم : خليني انادي اريج تجيب عربية نمشي الدكتور كدا بجيك تشنج انت محموم يا احمد..
(مشيت كلمت اريج وجيت غيرت ليه هدومو وطلعنا بيه الدكتور.. )
اداه حقن وكويس انو اريج بتعرف تطعن ..
الليل كلو ما نمته كنت راقدة جمب احمد..
واريج كتر خيرها مسكت لي الشفع ما جو عملو ازعاج..
الحمدلله تلاتة ايام واحمد شد حيلو شوية...

عملت ليه شوربة جداد وجبتها ليه
احمد قوم اكل الشوربة دي بتنفعك
احمد : ما عايز اكل بطني طامة ما عندي نفس
ريم : اكل شوية بس عشان تشد حيلك
احمد : كان اكلتيني من يدك باكل.. (معاها ابتسامة)

(كلمتو دي خجلتني وعملت روحي ما سامعة القالوا)

شلت المعلقة وقعدت أأكل فيه..
احمد : الله شوربة الجداد بقت حلوة كدا مالا
ريم : عشان من يدي اكيد
(قعدنا نضحك ونتونس)

ما بنكر اني بديت ارتاح لي احمد وقفتو جمبي وخفف لي الالم الكنت حاساه جواي كتييير وشال حملي وبقي اب لي اولادي وحبوه كتير..
بديت اتقبلو ك زوج وهو القدر يكسر الحاجز بينا..
صاح لسه ما حصلت بينا حاجة لاني ما كنت مستوعبة حتت ابدل طه ب اخوه..
فمرة جا برنامج ديني في الاذاعة مقابلة مع شيخ كان بتكلم في الدين واخر البرنامج قالوا لأي استفسار الاتصال بالرقم كذا..
انا كتبتو وطوالي اتصلت علي الرقم وحكيت اني راجلي اتوفي وبعد طلعت من بيت الحبس اخوه اتزوجني وانا هسي ما قادرة اديه حقو الشرعي عشان حاسة اني بخون راجلي الكلام دا حرام مني ولا كيف؟
المكالمة دي ريحتني شديد
لما قال لي بإعتبارو هو حاليا زوجك بقي والبتعملي فيه دا يعتبر حرام شرعا لانك حارماه من حقو الشرعي طالما هو ما مقصر منك وقايم بي واجباتو الزوجية كلها وانتي ممتنعة ومانعاه منك... والحي ابقي من الميت..
قعدت بعدها بيني وبين نفسي وراجعتها قررت انو ابدا حياة جديدة.. ما حاانسي طه اكيد هو جواي بس حا تكون في ريم كلها فرح وسعادة لانو كفاية حزن وتعاسة،، الدنيا علمتني كتير ومريت بتجارب غيرتني للأحسن.. ماف شي يستاهل نقتل نفسنا من أجلو لانو كل شي مقدر ومكتوب لينا وربنا ما بظلم زول..
بس هي دروس وابتلاءات ربنا عايز يشوفنا بنصبر عليها ولا لا .. وتكفير عن خطايانا وزنوبنا...
...............
الليلة المساء بخرت الاوضة ولبست احلا فستان عندي واتبخرته واتعطرته وقبلها اخدت لي بوخة دخان خفيفة واتدلكته.. وصليت العشاء وقريت شوية قران قررت التزم وما اضيع فرض تاني..
قعدت انتظرت احمد
جا داخل ريحة الغرفة تعجب ريحة سمحة
احمد : الله احيي انا الريحة يا سلاااام
ريم : طيب وست الريحة (بخجل)
احمد : ست الريحة دي حاجة تاني ملاك جنة جاني من السماء سلم علي في راسي وقعدنا
ريم انا كنت عايز اتكلم معاك عارف اني ما باخد محل طه بس كفانا عذاب وسكن في الماضي..
طه حا نسعدو بي دعانا وصدقتنا ليه وعمرنا ما حاننساه..
تجي نبدا حياة جديدة انا وانتي؟
ريم : بخجل موافقة
احمد : هو انتي لي هسي بتخجلي من شنو تاني ياريم قبلها متزوجة اتنين وبي اولادك مفروض انا اخجل منك..
(قعدنا نضحك)
ضربتو علي كتفو مش انت الراجل...

وبدينا شهر عسل كلو صدق

حب وحنان احترام استقرار وتفاهم بدون خيانة غيرة وشك...
والحياة مستمرة ما بتقيف...
احمد بقي لي سند وحبي كان بذيد ليه كل يوم بقيت احبو حب ما طبيعي شجعني امتحنته تاني ونجحت صاح ما نجاح كبير لكن نسبتي دخلتني زراعة وهسي حاليا مواصلة بقرا في الجامعة بعد السنيين دي كلها ما اشتغلت بي زول كبيرة كبيرة التعليم ما عندو عمر..
وحاليا برضو شغالة متطوعة مع مجموعة مرضي السرطان والبقدر عليه بعملو معاهم...

ﺍﻟﺤﻜﻤﻪ ﻣﻦ ﺍﻟﻘﺼﻪ :

ما ﺗﺨﻠﻲ ﺯﻭﺟﺘﻚ ﺍﻭ ﺍﺧﺘﻚ ﺍﻭ ﺑﻨﺘﻚ تمشي ﺗﺴﺪ ﺍﻟﻨﻘﺺ ﺑﺸﺨﺺ تاني ﺍﻭ ﺗﻔﻀﻔﺾ ﻟﻌﺎﺑﺮ ﺳﺒﻴﻞ ﻻﻥ ﻣﺎ حا نعرف شنو الحا يحصل ويشغل بالها وتميل للشخص البتدردش معاه يومي دا ويبقي جزء من حياتها .
ابقي ليها انت الصاحب..
في القصة طه طلع شهم وراجل وما خذل ريم لكن ما بنعرف باقي الاشخاص حايكونو كيف.. في اشخاص ورا الشاشة شياطين...

ﺍﺧﺘﻲ ﺍلحبيبة ﺍﻟﺘﻮﺍﺻﻞ ﺣﻠﻮ،، لكن ما توقعي نفسك في متاهات ما تقدري تتخلصي منها طول حياتك تبقي وصمة عار جواك ما تقدري تتناسيها..
ما تلجأي الا لي ربك هو الوحيد البسمع الداعي اذا دعاه..
ﻧﺼﻴﺤﻪ ﺍﻻنترنت ﻳﺎﻣﺎ ﻫﺠﻢ ودمر ﺑﻴﻮﺕ ﺑﺴﺒﺐ ﺍﻟﻤﺮﺍﺳﻼﺕ فما في واحد يصدق اي شي يجيه من دون ما يتأكد لان كترت الفبركات والفتوشوب ..عشان ما يخسر الاول التاني...

أسأل ﺍﻟﻠﻪ ﺍﻟﺒﺎﺭﻱ ﺍﻥ يحفظنا ويحفظكم ﻣﻊ ﻣﻦ ﺗﺤﺒﻮﻥ

لما تزعل ﻣﻨﻚ : أحضنها ......
لما ﺗﻜﻮﻥ ساكته : أﺳﺄﻟﻬﺎ ﻣﺎلك؟
لما ﺗﺘﺠﺎﻫﻠﻚ : ﺃديها ﺍﻹﻫﺘﻤﺎﻡ .....
لما تكون دايرة تبعد منك : ما ﺗﻮﺍﻓﻘﻬﺎ ﺍﻟﺮﺃﻱ ...
لما تشوفها في أسوأ حالاتها : قول ليها إنتي حلوة..
لما تشوفها بتبكي : بوس راسها وقول ليها انك بتحبها كتير
لما تغير عليك : معناها بتحبك شديد اكتر مما تتصور

ﻓﺎﻟﻤﺮﺃﺓ ﻟﻮ ﺧﻠﻘﺖ ﻃﺎﺋﺮﺍً ﻟﻜﺎﻧﺖ ﻃﺎؤوسا
ﻭ ﻟﻮ ﺧُﻠﻘﺖ ﺣﻴﻮﺍﻧﺎً ﻟﻜﺎﻧﺖ ﻏﺰﺍﻟﺔ
ﻭ ﻟﻮ ﺧُﻠﻘﺖ ﺣﺸﺮﺓ ﻟﻜﺎﻧﺖ ﻓﺮﺍﺷﺔ
ﻭ ﻟﻜﻨﻬﺎ ﺧﻠﻘﺖ ﺑﺸﺮﺍ
ﻓﺄﺻﺒﺤﺖ ﺣﺒﻴﺒﺔ ﻭ ﺯﻭﺟﺔ ﻭﺃﻣﺎً ﺭﺍﺋﻌﺔ ﻭ ﺃﺟﻤﻞ ﻧﻌﻤﺔ ﻟﻠﺮﺟﻞ ﻋﻠﻰ ﻭﺟﻪ ﺍﻻﺭﺽ.

#النهاية

كل الحب والود
في إنتظار ارائكم علي القصة

✍ فاطمة قسم الله

للمشاركة بالتعليقات في قصة #الخطيئة
الارسال علي المعرف
@fatmagasmalla

أعتقد أنك ستحب هذه القصة: " دعـم الـكُـتـاب الـسـودانـيين بقلم reema_albodiry على واتباد https://my.w.tt/kOkgfVkTcW

غلطتي .. pdf ..
حيث تجدني ف ايقظ فيك غوايتي
فلا آخر ينتمي الي جسدي ك اناملك
وان تشبعت بي عتمة ..فابتئس !
فكن لذة تنفي وجودي من بين الضجيج ...

بقلم سحر سمير و فاطمة قسم الله

غلطتي كاملة pdf