🔴Bugun Ilon Maskning Neuralink kompaniyasi ilk bor inson miyasiga o'rnatilgan chip yordamida kompyuterni xayol orqali boshqarayotgan videosini e'lon qildi.

Ushbu videoda yangi texnologiyalar dunyoni qanday o'zgartirib yuborayotganini va kundalik hayotimizga yangi imkoniyatlar olib kirayotganini ko'rishimiz mumkin.

O'zbekiston yoshlari ham bu kabi innovatsiyalarni yaratish salohiyatiga ega va bunday iqtidorli yoshlar soni mamlakatimizda yetarlicha. Bizning vazifamiz ularni qo'llab-quvvatlash, ularga zarur bilim va ko'nikmalarni berish hamda yaratuvchanliklarini rag'batlantirishdir.

🟣 Buning uchun ularni zamonaviy texnologiyalarga yo'naltirish va ularga texnologiya sohasida o'z kashfiyotlarini ro'yobga chiqarishlari uchun zarur bo'lgan sharoitlar yaratib berishimiz kerak.

🌫 Stanford universitetining psixologi Kelly McGonigal "The Villpover Instinst" nomli kitobida inson xatti-harakatlarining ikki asosiy tamoyilga asoslanishini aytadi.

Birinchi tamoyil instinktlarga asoslanadi, yaʼni "shu yerda va hozir" tamoyili, bu esa odatda oqibatlarni hisobga olmasdan, shoshilinch va ko‘pincha noto‘g‘ri qarorlarni qabul qilishga olib keladi. Masalan, televizor, YouTube yoki ijtimoiy tarmoqlarni ko‘rish, mazali ammo zararli ovqatlanish va hokazo.

Ikkinchi tamoyil o‘z-o‘zini nazorat qilish yoki irodani anglatadi, bu "to‘xta va rejalashtir" tamoyili. Bunda inson ko‘proq ratsional harakat qiladi. Bu bizni istamasak ham, ko‘proq manfaatli amallarni bajarishga undaydi.

Irodani kuchaytirish uchun sport bilan shug‘ullanish, yetarlicha uxlash, foydali ovqatlanish, yaxshi kitoblar o‘qish, ruhiyat ustida ishlash, ko‘proq yaxshi narsalar haqida o‘ylash va pozitiv insonlar bilan suhbatlashish tavsiya etiladi.

Irodani susaytiruvchi baʼzi noto‘g‘ri harakatlar mavjud:

🎖 Men o‘zimni yaxshi tutdim va mukofotga loyiqman. Masalan, vazn yo‘qotishni xohlaydigan odam jismoniy mashg‘ulotdan keyin o‘ziga ozgina shirinlik yeyishni ravo ko‘rsa, bu foydadan ko‘ra zarar keltirishi aniq. Chunki asl maqsad sport zaliga borish emas, balki vazn yo‘qotishdir.

🌫 Zalga borishni dushanbadan boshlayman. Bunga misol qilib, sport zaliga borishni rejalashtirgan, lekin hali boshlamagan odam bugun shirinlik yeyishini aytsak bo‘ladi.

Shuning uchun, har bir harakatni boshqa o‘tgan yoki rejalashtirilgan harakatlar bilan oqlamasdan, oqibatini anglagan holda amalga oshirish lozim.

🎬 Movie Time

Bugun PDP School oʻquvchilari va ota-onalar uchun kinotaym boʻlib oʻtdi.

🎞 AQSh kinoijodkorlari tomonidan ishlangan, real voqealarga asoslangan “Oktabr osmoni” filmi barcha uchun birdek manzur keldi.

🤩 Film yakunida shaxsan Odilbek Mirzayev ishtirokida oʻtkazilgan oʻquvchilar bilan fikr almashish jarayonida eng yaxshi xulosa sohiblari maxsus sovgʻalarni qoʻlga kiritishdi.

Murojaat uchun:
📞 | +998787777474

1️⃣ PDP School - yorqin kelajakka ilk qadam shu yerdan boshlanadi!

1️⃣ Tanishing, “HR department of PDP Ecosystem”!

🎗️HR departament - professional va qadriyatli xodimlarni PDP Ecosystem’da jamlovchi mas’uliyatli jamoa!

🏆 Departamentimiz PDP University, PDP School, PDP Academy va PDP Junior loyihalariga oʻz sohasining professional xodimlarini jalb qilishadi va jamoaviy hamjihatlikni ta’minlashda muhim ahamiyat kasb etadi.

😎 @pdpuniversity

🔵 Internetda ushbu rasmni ko'rib, talabalik paytimdagi yorqin bir xotira esimga tushdi.

Talabalik davrida dasturlashning ma'lumotlar bazasi bilan bog'liq qismiga ancha vaqtgacha kira olmaganman. Chunki universitetning "Ma'lumotlar bazasi" fani darslarida ancha eski bo'lgan KARAT tizimi o'rgatilgan.

Paradigmamni SQL'ga o'zgartirishim qiyin bo'lgan va men SQL'ni tushunib yetishim amri mahol deb o'ylab ancha vaqt yo'qotganman. Lekin, va nihoyat o'rganishni boshlaganimda, hamma narsa o'ylaganimdek murakkab emasligini, aslida bu oddiy va qiziqarli mavzu ekanligini angladim.

Bunday hodisa Danning-Kruger effekti deb nomlanishini keyinchalik bildim. Bunda ba'zi odamlar o'z ko'nikmalarini past darajada, ba'zilari esa o'z qobiliyatlarini haddan tashqari yuqori baholashi mumkinligi aytiladi.

Bu holat menga juda yaxshi saboq bo'lgan va o'shandan boshlab, yangi mavzuni o'rganishni boshlasam, avvalam bor uni oddiyligiga o'zimni ishontirib olaman.

Yangi narsalarni o'rganishda bunday psixologik to'siqlar tez-tez uchrab turadi. Ular bizni zayif his qilishimizga va rivojlanishimizni to'xtatishga majbur qilishi mumkin.

Bunday to'siqlarni yengib o'tish uchun quyidagicha ish tutish lozim:

1. O'rganish jarayonini kichik-kichik qadamlarga bo'lib, eng asosiy tushunchalardan boshlab oldinga siljish.
2. O'qituvchilar yoki yoningizdagi ko'mak berishi mumkin bo'lgan insonlardan maslahatlar olish.
3. Amaliyot orqali yangi bilimlarni o'zingizning tajribangizda sinab ko'rish.
4. Xatolar – bu o'rganish jarayonining ajralmas va muhim qismi ekanligini esdan chiqarmaslik.

🔔 Mening bu tajribam talabalarimizga har qanday to'siqlarni ishonch va to'g'ri yondashuv orqali yengib o'tish mumkinligi haqida eslatma bo'lib turishini xohlardim.

PS: Rasmda 1937-yildagi Pragadagi ma'lumotlar bazasi.