tgoop.com/Oklahomat/11097
Last Update:
قصائد استشهاد رسول الله صلى الله عليه وآله وسلم
واول ابيات (تجي للاب)
خيمه جنت اعلينه == ورايح امن ايدينه
🏴•••••🏴•••••🏴•••••🏴•••••🏴1
انه ولادي يبويه دومك اتنادينــــــــــــــــه
لون تدري اخلاف عينك اشكثر ونــيـنــــه
من تگابلنه ولطمنه اعلى الصدر وبجينــه
ابيتنه انصبنه عزيه وفاتحه سوينــــــــــه
حگنه لو ونينه === رايح امن ايدينــــه
🏴•••••🏴•••••🏴•••••🏴•••••🏴2
بعد ماتنشف اخلافك بويه دمعة عيـــنـي
راح ابجي اعليك حته المعتني ايواسينـي
لوصخر ذاب وتفطر گلبي من ونينـــــــــي
حدبت ولزمت ظهري ابيسرتي وبيمينـــي
واليمدلي ايمينه == رايح امن ايدينه
🏴•••••🏴•••••🏴•••••🏴•••••🏴3
تنشد الوادم عليك وشنهي ارد اعليهـــــــا
جنت بفظالك يبويه تارس انته ايديهـــــا
التيهت درب الاه ابدربه ادليهــــــــــــــــــا
ابحيدر واولاد حيدر دومك اتوصيهـــــــا
واشگد اموصينه == ورايح امن ايدينه
🏴•••••🏴•••••🏴•••••🏴•••••🏴4
والله مالومه يبويه الينفجع بغيابــــــــــك
يلي ماسديت يوم ابوجه واحد بابــــــــك
ريتك اتشوف ابعيونك اهلك واحبابـــــك
راح وياك الدلال وغيرانه امصابـــــــــــك
نلطم امخلينه == ورايح امن ايدينه
🏴•••••🏴•••••🏴•••••🏴•••••🏴5
هذا ابوالحسيني هذا ينتحب وينـــــــادي
اليوم طاح احزام ظهري بعد اخوي الهادي
غسلاك وجفناك وطب عليـــــــــك اولادي
والطم اعلى الراس انه يل شلعت افــادي
جد حسن وحسينه = ورايح امن ايدينه
🏴•••••🏴•••••🏴•••••🏴•••••🏴6
فاطمه الزهراء انه وانه اعرف انـــــــــــــه
لحد ماتغمض عيوني راح اظل حزنانـــــه
بويه اصبر علي اخلافك لوحسن وخوانـه
يارسول الله ضلمه اصبحت دنيانــــــــــــه
والحزن عامينه == ورايح امن ايدينه
🏴•••••🏴•••••🏴•••••🏴•••••🏴
#الشكرلله خادم الزهراء ع ملا علي
#نسالكم_الدعاء67✍
🏴•••••🏴•••••🏴•••••🏴•••••🏴?
🕊💦🖤💦🕊
*
#نسالكم_الدعاء
جديد ان شاء الله
BY ديوان قصائد فاطمه وابيها وبعلها وبنيها ع الجزء الاول
Share with your friend now:
tgoop.com/Oklahomat/11097